رواية سيدة القصر الفصل السابع والعشرون 27 - بقلم منال عباس

بعد مرور الوقت ينام جميع أبطالنا. يأتي شخص غريب وملثم إلى حجرة ريم ويمشي على أطراف أصابعه. ثم يقترب من السرير ليرفع الغطاء عنها، فهو يريد أن يقتلها خنقًا. ولكن فجأة يضاء النور عليه. يحاول ذلك الشخص أن يهرب ولكن لؤي يمسك به. ويوسعه ضربًا بلكمات متتالية. يصرخ ذلك الشخص من الألم. الغريب: خلاص يا باشا، حرمت يا باشا، أرجوك سيبني. يستيقظ من في الفيلا ويذهبون إلى مصدر الصوت. أشرقت بخضة: لؤي مين دا؟ إيه اللي بيحصل؟

باسم: فيه إيه يا لؤي؟ وفين ريم؟ تأتي ريم من حجرة لؤي. ريم بخوف: لؤي إنت كويس؟ لؤي: اتصل يا باسم بالشرطة. وفاء بارتباك: فيه إيه بس يا لؤي؟ تلاقيه راجل غلبان جاي يسرق ولا حاجة. حسام: إنتي بتدافعي عن واحد زي دا؟ سالم: لازم نسلمه للشرطة. باسم: أيوا صح. وفاء وهي تنظر لريم بغل: طب نشوف يمكن يكون محتاج. ولسوء حظها، يرفع لؤي الماسك عن وجهه. لِتصرخ ريم: عصام! وفاء تنظر لها بذهول، فهي لا تدري أنها تعرف عصام.

عصام بخوف: أنقذيني يا ريم. وفاء: قول بقي إنك إنت وريم عصابة وجايين هنا علشان تسرقونا. عصام وهو ينظر إليها باستغراب، لتشير إليه وفاء بأن يصمت. لؤي بضحك: والمفروض إننا نصدق مش كدا؟ يا ترى ريم وهي صاحبة القصر، هتسرق نفسها؟ سندس : ريم .. دا عصام اللي حكيتِ عنه؟ ريم : أيوه يا سندس. حسام : إحنا لسه هنتكلم. اتصل يا باسم بالشرطة. أشرقت : قبل ما تتصل يا باسم عايزة أعرف مين عصام دا. وإزاي دخل القصر؟ وإيه اللي جابه حجرة ريم؟

لؤي : أنا أحكيلك يا نانو. وقص عليها قصة الفتاة اللي ادعت عليه إنه عايز يغتصبها. وإنه لما استرجع كاميرات المراقبة شاهد ذلك الشخص. لؤي : هتقول مين وراك؟ من غير كذب وإلا أسلمك للشرطة. عصام : أبوس إيدك يا باشا. أنا غلطان. ما تقطعش عيشي. لؤي : يبقى تتكلم. عصام : أنا هقول كل حاجة. وقص عليهم كل شيء من اتصال تلقاه بتدبير لفكرة تلك الفتاة للؤي. وانتقالًا إلى حجرة ريم. بهدف إخافتها كي تترك المكان.

أشرقت بقلق : مين اللي بيطلب منك كده؟ عصام : الست وفاء. وفاء : أنت مجنون؟ إيه الكلام دا؟ أنت إزاي تتهمني اتهام زي دا؟ أكيد أنتم مش مصدقينه. لؤي : لأ هو مش كذاب يا طنط وفاء. وأنا عندي الدليل. لما طلعت أوضتي عشان أنام. حبيت أجيلك عشان موضوع الإسورة. وكنت هطلب منك تعتذري لـ طنط سعاد وأسرتها. عشان نرجع زي الأول. ولكن للأسف قبل ما أخبط على الباب سمعتك بتتكلمي مع حد في الفون.

وفاء : أيوه كلها ساعة وكله يروح في النوم. أنا هفتح لك باب الفيلا وأول ما تطلعي السلم أول حجرة أمام السلم دي حجرة ريم. عايزاك تخلصي عليها بأي طريقة. ولك مليون جنيه هيكون في حسابك من بكرة. وقتها عرفت إنك عمرك ما هتتغيري. دا غير إني شفتك وإنتي بتسّلمي شنطة فلوس لنفس الشخص دا قبل كده. وفاء : كذب كذب. ما حصلش. يستكمل لؤي : وقتها اتصلت على ريم وطلبت منها نبدل الحجرات. وخليتها راحت أوضتي.

وأنا جيت هنا مكانها. ووضعت المخدة وغطيتها ووقفت ورا الباب. وفاء : أنتم السبب. أنتم اللي خليتوني أعمل كدا. آينور : ما خلفتش. آينور ماتت. أنتم بتكذبوا. القصر دا ملكي أنا وأولادي. باسم بحسرة : يا خسارة بجد يا خسارة. وصلتينا لإيه. حسام : لولا إنك بنت عمنا. كنا أول ناس نسلمك للشرطة. أنت مستحيل تكوني إنسانة. أشرقت : هنلوم على عصام دا إزاي. وإنتي اللي طلعتي وراه. حسام : سيبه يا لؤي. لؤي : إزاي أسيبه بعد كل اللي عمله دا.

أخرج لؤي ورقة وقلم. وجعله يكتب إقرارًا على نفسه بكل ما فعله. لؤي : لو فكرت تمس حد من عائلتي تاني. اعرف إني أول واحد هوصلك لحبل المشنقة. بعد أن كتب عصام اعترافًا على نفسه. خرج من القصر بسرعة لينفد بجلده. أشرقت : أظن بعد اللي حصل دا. مالكيش وجود بينا. من الصبح تمشي من هنا. وفاء : مش هتحرك من هنا. القصر دا ملكي أنا. ملكي أنا. باسم : كفاية بقي. حرام عليكي. يأخذها باسم إلى حجرتها ويغلق الباب. باسم : ممكن أفهم كل حاجة.

وفاء : أنا بعمل كل دا عشان أحافظ على حقوقك أنت وأختك. باسم : مين فينا ابنك؟ أنا ولا لوسيا؟ وفاء : أنت شكلك اتجننت. باسم : لا أنا فوقت. فوقت من الوهم اللي عيشتيه لينا. وفاء بتمثيل : بقيت أنت يا باسم تشك فيا وتقع في الأرض. باسم بخوف : ماما. ماما فوقي. وفاء : بكرة الأيام تثبت لك كل حاجة. وإني أكتر حد بيخاف عليكم وعلى مصلحتكم. باسم : خلاص يا ماما. أهدي وتعالي استريحي. والصبح نشوف هنعمل إيه. يتركها باسم ويدخل إلى حجرتها.

عند أشرقت. أشرقت : إيه العمل يا ولاد؟ مراد في ظروف وحشة. مش عارفة هيلاقيها منين ولا منين. مش كفاية موضوع لوسيا. حسام : فعلاً يا ماما. ارجوكي حاولي تسامحيها. على ما نطمن على لوسيا. لؤي : بس دي كانت عايزة تقتل ريم. ريم : خلاص يا لؤي. والحمد لله جات سليمة. عشان خاطر أونكل مراد. وكمان باسم ولوسيا مالهمش ذنب. عشان نبعدهم عن أهلهم. أنا عشت طول عمري من غير عيلة. وعارفة قد إيه الإحساس دا صعب.

حسام : نفس إحساس ومشاعر آينور. كانت ديما طيبة وتحب تقربنا من بعضنا. مش عارفة إزاي. اختفت فجأة. ومين اللي دفنها. سالم : كل دي تساؤلات. لازم نعرف إجاباتها. أشرقت : دلوقتي كل واحد يروح يستريح في أوضته. والنهار له عينين. وأنا هنام هنا مع ريم. ريم بفرحة : تنوريني يا نانو. يغادر كل فرد إلى حجرتهم وكل فرد يفكر فيما حدث. عند وفاء. وفاء : ليه كل دا بيحصل معايا؟ أنا رتبت لكل حاجة. إزاي آينور ليها بنت؟

أنا تابعتها لحد ما ولدت. وأنا اللي عملت المستحيل. وأخدت البنت. مراد : أنت عديمة الدم. كل اللي يهمك القصر وبس. أنا بجد بقيت مش طايق العيشة معاكي. بعد اللي عرفته دا. إنك ورا وفاة آينور. يبقى لازم أطلقك. مش هقدر أعيش مع واحدة خططت لقتل أختي. وفاء بتمثيل : أنا. أنا ما عملتش حاجة. هي اللي هربت. عشان تروح تتجوزه. وهي اللي عملت الحادثة. مراد : أنا سمعتك بوداني وإنتي بتحكي لحد في الفون إنك إنتي اللي قطعتي الفرامل.

وفاء : أكيد سمعت غلط. ثم مش هينفع نطلق دلوقتي. مراد : ليه إن شاء الله؟ وفاء : عشان أنا حامل. مراد باستغراب : حاااامل؟ وفاء : أيوه يا مراد. حامل. مراد : الدكتور قال إن صعب تخلفي تاني. وفاء : ربنا فوق الكل. مراد بفرحة : الحمد لله. وفاء : أنت ظلمتني يا مراد. مراد : خلاص يا وفاء حقك عليا. عايزك تستريحي. وفاء : أنا رتبت لكل دا. وانتظرت لما آينور خلفت. ودفعت كتير وأخدت بنتها. مين ريم دي؟ لازم أعرف الحقيقة.

يمر الوقت على أبطالنا ليأتي الصباح. يتصل مراد على باسم. باسم : الو. مراد : تعالى يا باسم بسرعة. لوسيا تعبانة جدا. والطبيب بيقول لازم العملية بسرعة. باسم : اطمن يا بابا. أنا جاي حالا. يطرق الباب لؤي. باسم : ادخل. لؤي : صباح الخير يا باسم. باسم بحرج مما فعلته والدته : صباح الخير. لؤي : أنا عارف إنك مضايق من اللي حصل إمبارح. بس عايز أقولك إننا إخوات واتربينا مع بعض. واللي حصل مش هيضيع السنين دي كلها. يحتضنه باسم.

باسم : وده عشمي فيك. والدتي فعلاً غلطانة. بس هي تعبانة وأنت عارف هي مرتبطة بالقصر إزاي. ادينا فرصة. تخلص عملية لوسيا وهنمشي كلنا. لؤي : ده بيتكم. وده رأي ريم. باسم : مش عارف ريم هترضي تتبرع لـ لوسيا ولا لأ بعد اللي حصل. لؤي : ريم دي مفيش أطيب منها. تعالي نروح لها. ذهبوا إلى حجرة ريم. حيث كانت ريم تستعد للذهاب إلى لوسيا. طرق لؤي الباب. أشرقت : ادخل. القوا تحية الصباح عليهم.

باسم : لوسيا تعبانة أوي ولازم العملية في أسرع وقت. ريم : وأنا مستعدة. يلا بينا. أشرقت بخوف : أنا خايفة عليكي يا ريم. ريم : ادعي لينا يا نانو. لؤي : يلا بينا والباقي يبقى يحصلنا. سندس : أنا خلاص جاهزة خدوني معاكم مش هقدر أترك ريم لوحدها. ذهبوا جميعًا إلى المستشفى. سامح : الحمد لله إنكم وصلتوا. لوسيا تعبت أوي. باسم : اطمن. إن شاء الله هتكون بخير. وطلب من الجميع تجهيز حجرة العمليات. مراد : أنا خايف عليهم أوي.

باسم : دي عملية فرصة نجاحها كبيرة جدا. وده بسبب التطابق الشديد بينهم. وهنا عندنا أكبر الأطباء لعمل العملية. لؤي وهو ينظر إلى ريم : ريم أنا ما صدقت لقيتك. لو مش عايزة تعملي العملية وتتبرعي قولي. ريم : لا يا لؤي. لوسيا بحسها أختي. وأنا عندي ثقة في ربنا. اطمن. احتضن لؤي ريم. لؤي : في حفظ الله ورعايته. ريم : في حفظ الله. سندس ببكاء : خلي بالك من نفسك. وارجعي عشانّي. إنتي أختي يا ريم. ريم : اطمني حبيبتي. ادعي لي بقي.

وقف كلاً من مراد وسامح بالخارج. حيث وصلت بقية الأسرة. ومعهم وفاء التي تتظاهر بالتعب. أشرقت : طمنوني لوسيا وريم عاملين إيه. مراد : ادعي لهم يا ماما. يمر أكثر من ساعتين في حجرة العمليات. كان الجميع ينتظر في حالة من التوتر والقلق. سواء وفاء التي كانت تنتظر أن تفشل تلك العملية. خرج الطبيب من حجرة العمليات ليخبرهم.