رواية سيدة القصر الفصل التاسع والعشرون 29 - بقلم منال عباس

وقبل مغادرة المأذون .. حسام: عايز أقول حاجة ... انتبه له الجميع ... حسام: فرصة إن المأذون هنا ... ممكن لو تسمحيلي بالموافقة. اقترب من منى وأخرج من جيبه علبة بها خاتم. حسام: تقبلي تتزوجيني؟ وقفت منى تنظر إليه في ذهول. حسام: عارف إن طلبي ليكي مفاجأة ... بس أتمنى توافقي. أشرقت: ونعم الاختيار. وفاء: هي المشرحة ناقصة قتلة ... ما ده اللي ناقص. شكل رجالة عائلة السيوفي اتجننوا وبقي ذوقهم بلدي أوووي. نظرت منى إلى سعاد ...

فهي لا تدري ماذا تفعل من المفاجئة. اقتربت منها سعاد بفرحة. سعاد: يلا وافقي خلينا نتجمع تاني في مكان واحد. منى بخجل: مواااافقة. صفق الشباب بفرحة. حسام: ربنا يبارك ليا فيكي يا منى. لؤي وهو يحتضن والده: أخيراً اطمنت عليك يا حوس. حسام بضحك: مين يطمن على مين. لؤي: كلنا في بعضينا. بارك الجميع لهم وتم عقد القران. بعد أن غادر المأذون. أحضرت أشرقت صندوقًا وطلبت من الجميع أن يجتمعوا. أشرقت: بما إننا اتجمعنا أخيرًا ...

آن الأوان ... كل واحد يعرف حقه. كان نفسي تكون آينور معانا. بس الحمد لله ... ربنا عوضني بحتة منها. حسام: قبل ما تكملي كلامك يا ماما ... في حاجة عايز أقولها ... علشان كل الأمور تبقى واضحة. أشرقت: في إيه يا حسام؟ أنت أكتر واحد عارف ومتأكد إن ريم تبقي بنت آينور. حسام: أيوه يا ماما. مراد: أومال في إيه يا حسام؟ حسام: الحقيقة مع إنها هتكون صدمة ... بس لازم الكل يعرف. سالم: اتكلم يا حسام في إيه؟

حسام: ريم مش بنت آينور لوحدها. نظر الجميع إليه بتعجب. وفاء بخوف: تقصد إيه؟ حسام: أنتِ أكتر واحدة عارفة معنى كلامي. وفاء: أنت إزاي تكلمني كده ... ولا أنت خلاص اطمنت علشان ابنك اتجوز ريم وعايز تكوش على القصر؟ مراد: ما يصحش كلامك ده يا وفاء. باسم بقلق فهو بداخله شكوك عديدة. باسم: كمل كلامك يا أونكل حسام. حسام: ريم ليها أخت توأم اتولدوا في نفس اليوم. أشرقت: وهي فين يا حسام؟ وليه ما قولتليش؟

حسام: كان لازم أروح المستشفى وأتأكد بنفسي من السجلات ... وبالفعل اتأكدت إن آينور ... ولدت توأم. وفي نفس اليوم واحدة تانية ولدت طفلة ميتة. بس ولاد الحرام ... فهموا آينور إن اللي ماتت تبقى بنتها. أشرقت: وبعدين كمل ... راحت فين حفيدتي؟ اقترب حسام من لوسيا. حسام: اطمني يا ماما ... حفيدتك ... اتربت معاكي. أشرقت: إزاي؟ وهي فين؟ حسام: حفيدتك وتوأم ريم ... تبقي لوسيا. وقف الجميع في صدمة. لؤي: إيه يا بابا الكلام ده؟

لوسيا تبقي أونكل مراد وطنط وفاء؟ حسام: ده اللي كلنا كنا عارفينه ... لكن وفاء هانم اللي الحقد ملا قلبها كانت عارفة إن آينور عايشة. وتركتنا السنين دي كلها فاهمين إنها ماتت. مراد: مستحيل كلامك ... لوسيا تبقي بنتي. حسام: للأسف يا مراد ... لوسيا تبقي بنت آينور وأخت ريم ... والست وفاء هي اللي خطفتها. مراد بجنون: طب إزاي ووفاء كانت حامل؟ وبطنها كبيرة ... وكنت بوصلها ديما للطبيب.