رواية سيف اصيب به قلبي الفصل الرابع 4 - بقلم سلمى عماد

هايدي..يعني انت مبتحبهاش؟ سيف..لا. هايدي..طب اتجوزتها لي، و تتجوزها عليا أنا؟ سيف..هايدي بطلي دراما، انتي مكنش عندك مانع و كنتي قولتيلي كده، مش كان كل همك إني أجيب طفل عشان الورث و الأملاك، حتى لو اتجوزت عليكي مكنش عندك مانع. هايدي وهي تتذكر... ✨فلاش باك✨ هايدي..سيف مينفعش كده، انت عمامك مش سايبينك في حالك و كل يوم مشاكل و بيحاولوا يوقعوك. سيف..طب أعمل إيه يا هايدي، أكيد هيهدوا و هيعرفوا الحقيقة.

هايدي..حبيبي ما هما عارفينها بس مش مصدقينها، و كمان انت لو جرالك حاجة كل حاجة هتروح لهم و هيرمونا أنا و طنط و لا هيبصوا لينا حتى، إحنا لازم نجيب بيبي و نتصرف بسرعة. سيف..و إزاي ده يا هايدي؟ ما إحنا روحنا لدكاترة كتير و يا ما قالوا لنا إن مستحيل أنا و انتي نخلف. هايدي..نتبنى بيبي من أي ملجأ عادي. سيف..و أنا استحالة أعمل كده يا هايدي. هايدي..ليه يا بيبي؟ ما الملاجئ مليانة أطفال كتير و برضه تاخد ثواب.

سيف..لا، أنا لو بتمنى عيل يبقى من صلبي، لكن مش بالتبني، ثم أنا مش فارق معايا موضوع الأطفال ده. هايدي..طب يرضيك أنا و والدتك نتمرمط في الآخر؟ سيف..انتي حستساني بموت فيه. هايدي..حبيبي بعد الشر، بس عمامك مش ساكتين و متنساش قبل كده حاولوا يخلصوا منك. سيف باقتناع..بس برضه مش هتبنى. هايدي بملل..خلاص اتجوز. سيف بانصعاق..اتجوز! انتي هتقبلي بكده إني اتجوز؟ هايدي بتوتر..آه، لا يعني ده حقك و كده كده انت بتحبني، عادي يعني.

سيف بمقاطعة..خلاص يا هايدي كفاية كلام، يلا عشان تنامي. باك. هايدي بحقد..أيوا قولتيلي كده، بس ده بقاله كتير الكلام ده، و كمان متروحش تتجوز واحدة زي دي. سيف بملل..هايدي انتي عارفة إنها مستحيل تأثر عليا و لا أحبها، بس الموضوع دخل في دماغي و طلع عندك حق، تعبي و تعب بابا مش هخليه يروح على الفاضي، فيلا عشان نرجعها. هايدي..برضه لا، مش همشي غير بشرط. سيف بعصبية..أنا مش بيتشرط عليا.

والدها..اهدي يا سيف، هي أكيد متقصدش تتشرط عليك، اسمعها و خلاص، اتكلمي يا هايدي. هايدي..تعملي ضمان أو أي حاجة إن البيبي اللي هيجي هيتسجل باسمي و هتطلقها بعدها من غير ما تديها أي حاجة. سيف... والدة سيف وهي تتحدث مع جويرية.. اسمعيني في الكلام اللي هقوله ده كويس أوي. جويرية باستماع..قولي يا ماما. والدة سيف.. الأول قوليلي انتوا اتجوزتوا إزاي؟

جويرية بطيبة..أنا مش عارفة، لقيت بابا قالي إني لازم اتجوزه عشان أديله فلوس و كده، بس مش عارفة ليه، و بعدها جيت و اتجوزنا، بس والله أنا مكنتش عارفة إنه متجوز والله. والدته بغموض..طيب لما يجي أنا هستفسر منه، المهم يا بنتي سيف يبان من برا قاسي، بس هو طيب أوي و عانى كتير أوي أوي يا جويرية، لكن أكتر حاجة يكرهها الكذب و العناد، أنا قولت أقولك كده عشان متقفيش قصاده، هو وقت الغضب بيبقى وحش أوي و مش بيشوف قدامه.

جويرية..أنا أصلاً ماليش دعوة بيه و عاوزة أطلق منه. سيف ببرود وهو يدخل الغرفة... مفيش طلاق، قولتلك 100 مرة، أبوكي باع و أنا اشتريت، و اللي بشتريه مش بسيبه. والدته بحزم..سيف أي الكلام اللي بتقوله ده، مينفعش مهما كان دي مراتك و شايلة اسمك. سيف باحترام لوالدته..حاضر يا ماما، ممكن تحضري لينا الغداء عقبال ما أكلم جويرية؟ والدته بطيبة..ماشي يا ابني، بس متتأخروش، أنا نازلة. سيف وهو يغلق الباب بعد خروجها..

قوليلي بقى بتحكي مع ماما ليه؟ هو أنا قولتلك تحكيلها حاجة؟ جويرية بدموع..هو انت بتعاملني وحش كده ليه؟ هو أنا عملتلك حاجة؟ سيف..بطلي جو العياط و الشغل ده مش بياكل معايا. جويرية بعياط..حرام بقى كده، أنا مش رخيصة، لي شايفني وحشة كده؟ سيف..امال انتي إيه؟ لما توافقي إنك تتجوزي بالطريقة دي يبقى إيه؟ جويرية بتحدي..طب بدل ما أنا كده طلقني، إيه اللي مخليك متجوز واحدة رخيصة، مش عيب حتى على شكلك و مكانتك قدام الناس.

سيف بهدوء..انتي عندك كام سنة يا جويري؟ جويرية براءة..20 سنة. سيف..اممم، يعني لسه صغيرة و مش فاهمة الدنيا حواليكي أوي، و لسه متعرفيش عصبي، المرة دي سكتلك، المرة الجاية لأااا، فبعد كده فكري في الكلام 100 مرة قبل ما تقوليه، و متفتكريش إني بموت عليكي، انتي هنا عشان حاجة معينة هتعمليها و تغوري، لإن سبق و قولتلك مببصش لحد رخيص. جويرية بجمود..تمام، و إيه هي الحاجة؟ سيف بغموض..هقولك.

يخرج من المطار بكل غرور وهو يرتدي نظارته السوداء و ممسك بجاكيت بدلته و يردف بمرح... اااه يا مصر يا أم الدنيا، وحشتيني، و وحشتني شوارعك.