رواية سيطرت علي الفصل العاشر 10 - بقلم اية ماهر

محسن: عندي ليك طلب بس ياريت ما ترفضوش. عمار: اطلب يا جدي، أنت تؤمر. محسن: أمك. عمار: أمي؟ محسن: ما تفهمش غلط، أنا هطلب إيد أمك عشان تعيش معايا بعد ما تتجوز أنت وهدي. ولا عايزني أقعد لوحدي؟ سعاد: (بكسوف ووشها بقي أحمر) ما تكسفنيش يا محسن بيه، بقا. عمار: والله أنا مش عارف أقول إيه، بس أنا لاحظت كده من بدري. محسن: بصراحة، أمك ست أصيلة وشفت منها حنية كبيرة أوي وإحنا في المستشفى، وحاسس إني بحبها. ولا إيه يا مدام سعاد؟

سعاد: إممم، الرأي رأي عمار. ولا إيه؟ عمار: دلوقتي الرأي رأيي، ماشي يا ست الكل. وأنا موافق. محسن: إحنا هأجل الموضوع ده بعدين، لما هدي تخف هنكتب الكتاب على طول إن شاء الله. عمار: إن شاء الله. أهم من ده كله، ماتنسوش اللي قلته. محسن: وسعاد؟ إيه هو؟ عمار: (بيضرب على راسه) إنتوا لحقتوا تنسوا؟ يا دي النيلة! أنا مش فهمتكم إحنا هنعمل إيه، إن هدي لسه بتدرس وأي حاجة هتقول عليها هنعملها عشان تفتكر كل حاجة بسرعة.

محسن: آآه تمام، أنا فاكر، بس الفرحة نستني. عمار: فرحي ولا فرحكم؟ محسن: الاتنين يا لمض. عمار وسعاد ومحسن بيضحكوا على تصرفات ابنها. تليفون عمار بيرن. عمار: عن إذنكم، مكالمة مهمة. محسن: خد وقتك، سيبني مع عروستي شوية بقا. سعاد: بس الولد قاعد. عمار: (بيضحك) ماشي يا عريس. سابهم ومشي. محسن: أنا شوفت فيكي نظرة الحنية من أول مرة شوفتك فيها في المستشفى. أنا بفهم في النظرات برضوا. سعاد: لا والله، كويس إنك لمحت.

محسن: عيب عليكي. أنا أعجبك أوي. سعاد: (بتضحك) والله أنت دمك خفيف يا محسن بيه. محسن: بلاش محسن بيه دي، قوللي يا حسونة. سعاد: (بيضحك) حسونة، دلع محسن. محسن: آه، حسونة. سعاد مبسوطة وهتموت على نفسها من الضحك من دلع محسن. عمار: ها يا متر، عملت إيه؟ فيه أي جديد؟ ممدوح: آه يا عمار بيه، ينفع ننقل حضانة الأولاد من الأم للأب، بس تعمل اللي اتفقنا عليه. عمار: تمام، ونبدأ من بكرة. ولما يحصل المراد، نعمل النقل على طول.

ممدوح: تمام يا عمار بيه. سلام. عمار: سلام. وبيسمت بخبث. عمار: حسابك كبر معايا أوي يا غزل. أنا هوريكي الوش التاني لعمار الحسيني. ورايح يشوف العرسان. في مكان تاني في الشاليه على البحر. محمود: (بيروح وبييجي في الأوضة بكل عصبية) أنا عمار يعمل معايا كده؟ أنا محمود البدري، واحد زي ده يعمل معايا كده؟ وطلع تليفونه وبيتصل على غزل. محمود: الو، انتي فين دلوقتي؟ أنا مستنيكي في الشاليه. غزل: أنا جايه أهو، نص ساعة بس. فلاش باك.

محمود: أول ما طلعت من مكتب عمار اتصلت على غزل. محمود: الو، انتي فين؟ أنا روحت في داهية، سببك عمار عرف كل حاجة وناوي على الشر. غزل: إزاي ده حصل؟ محمود: من كاميرات المراقبة اللي قدام الشركة. غزل: إزاي، إزاي؟ أنت مش ظاهر في الكاميرا، أنا متأكدة. أنا جايه وتشرحيلي كل حاجة بالتفصيل. سلام. محمود: تمام، مستنيكي. باك. وصلت غزل على الشاليه خايفة جداً. يكون عمار هو اللي متفق مع محمود وبتخبط على الباب بتردد. محمود: (فتح الباب)

اتأخرتي ليه؟ غزل: عمار هنا ولا لأ؟ أنا مش مطمنة وخايفة، ده مش هيسكت. محمود: لأ، مش هنا. هو ما يعرفش مكان الشاليه ده. يلا ادخلي. غزل: تمام، ريحت قلبي. دخلت وقفلت الباب. ممكن تفهمني إيه اللي حصل بالتفصيل؟ محمود: هو عرف نمرة العربية من الكاميرات اللي قدام الشركة وعرف إني أنا اللي عملت كده. غزل: أنا كنت في غرفة المراقبة ساعة الحادثة، وأنت مش ظاهر. أنت عملت إيه بالظبط؟

محمود: هو هددني إنه هيحبسني لو ماقولتش مش اللي اتقف معايا أعمل كده. وأنا خوفت وقولتله إنك إنتي اللي خططتي وأنا نفذت. غزل: (بصوت عالي) الله يخربيتك! أنت إزاي تقول كده؟ أنت كده ودّيتي في داهية! عمار مش هيسكت، ليه كده يا محمود؟ محمود: أنا ماليش فيه، ده كان من تخطيطك من الأول. طلعيني من الموضوع ده. إنتي ناوية تلبسيني وتخلعي ولا إيه؟

غزل: أنا لازم أشوف حل في اللي هببته ده. ما كنتش أعرف إنك جبان أوي كده. أنت بوظت كل حاجة بخوفك ده. محمود: عمار خصم مني شهرين بسببك من ورايا عملتك. غزل: أهم حاجة عندك الفلوس؟ المشكلة إني اعتمدت عليك في الموضوع ده، وأنت نيلة الدنيا كلها. أنا همشي بقا. محمود: انتي رايحة فين؟ قوليلي إيه اللي في بالك بالظبط. غزل: سيبني دلوقتي، أنا لازم أشوف حل في الموضع اللي حطيتنا فيه ده. وباقي فلوسك توصلك على حسابك. سيبني بقى.

محمود: حالي بقى ما. محمود: إحنا بينا اتفاق، انتي نسيتي ولا إيه؟ غزل: لا مانستيش، بس بعد اللي حصل ده، انسي يا محمود. محمود: يعني إيه؟ أنا مش فاهم. إنتي مش وهتنفذي اللي قولتي عليه ولا إيه؟ وبيقرب عليها. غزل: محمود، ما تقربش مني، أنت فاهم؟ أنا في مصيبة دلوقتي ومش فاوقة للي في دماغك ده. محمود: لا، ماليش فيه. إحنا بينا اتفاق. غزل: محمود، أنت شارب حاجة ولا إيه؟ محمود، ابعد بقا، أنا لازم أمشي. محمود: لا، مش همشي.

وبيقرب منها أكتر. غزل: (ضربته بالقلم) بقولك ابعد عني، وانسي إننا نكون مع بعض. أنت فاهم؟ عمار بس اللي في قلبي، ومستحيل إنسانة زي دي أسيبها تاخده مني. محمود: (حاطط إيده على خده) بقا كده، تمام. أنتي اللي هتندمي. غزل: هتعمل إيه يعني؟ ولا تقدر تعمل حاجة؟ محمود: أنا هوريكي محمود البدري هيعمل إيه. غزل: تمام، لما تعرف إنت هتعمل إيه، ابقي كلمني. سلام يا جبان. وسابته ومشت.

محمود: بقا كده يا غزل. أما أوريكي أنا ما يضحكش عليا بسهولة. هنبدأ الشغل اللي بجد بقا. وبيبتسم بخبث وعيونه بتطلع شرار من كتر الغيظ.