رواية سيطرت علي الفصل الثاني عشر 12 - بقلم اية ماهر

سعاد: ممكن تفهمني إيه اللي بيحصل هنا؟ عمار: أنا رفعت قضية على غزل وخدت منها حضانة الأولاد، لأنها خلاص هتقضي حياتها في السجن من هنا ورايح. سعاد: سجن إزاي؟ إيه اللي حصل لكل ده؟ عمار: أنا قدمت فيها شكوى إنها هي اللي حاولت تقتل هدى. تعرفي مين اللي كان بيساعدها؟ مش هتصدقي. سعاد: مين يا عمار؟ عمار: محمود صاحبي. كان بيحبها وعايز يتجوزها، عشان كده ساعدها. شفتي محمود بيعمل إيه؟

حتى صاحب عمري يتقف مع طليقتي من ورايا على قتل واحدة بريئة مالهاش أي ذنب. وكل ده بيحصل بسبب غيرة غزل اللي مش من حقها تغير أصلاً، بس كله عشان الفلوس. سعاد: كل ده يحصل من غزل ومحمود؟ أكتر اتنين كنت بثق فيهم واعتبرتهم زي أولادي. عمار: يلا الحمد لله خلصنا من شرهم. وأهم من ده كله الأولاد يا ماما، هما كده في أمان معايا ومطمن عليهم كمان.

سعاد: والله فيك الخير يا ابني. هما كانوا وحشوني أوي وهيملوا عليا البيت بدل القعدة لوحدي، وأنت طول النهار في الشركة. بس هنعمل إيه مع هدى؟ هنقولها إيه؟ عمار: هدى، سيبها عليا. أنا هقوم أعمل عشاء حلو كده لينا بمناسبة رجوع الأولاد في حضني ونتعشى سوا. وأنا واعدتهم إني هاخدهم الملاهي بكرة، وأنتي هتيجي معانا. سعاد: طيب وهدى هنعمل معاها إيه؟ عمار: مش عارف، هشوف. هحاول أقنعها بأي حجة. إيه رأيك لو أقنعها إنها تيجي معانا؟

سعاد: بس إزاي؟ أكيد مش هتقتنع بالسرعة دي. عمار: أنا هتصرف، ما تقلقيش. سعاد: طيب يا ابني، اللي تشوفه. تاني يوم الصبح. عمار نايم مع الأولاد، وسعاد بتحضر الفطار وبتنادي على عمار والأولاد يجوا يفطروا. سعاد: عمار، اصحى وصحي الأولاد وتعالى افطر يلا. عمار: حاضر يا ماما. الساعة كام؟ سعاد: الساعة ١٠ يا حبيبي. عمار: جدي محسن اتصل ولا لسه؟ سعاد: لا يا حبيبي، لسه. شكلهم لسه نايمين لحد دلوقتي. أنا هنزل الفطار وهاجي بسرعة.

عمار: قام بسرعة من على السرير وطلع بسرعة من الأوضة. انتي رايحة فين بالظبط؟ سعاد: رايحة أنزل الفطار لمحسن. عمار: وإيه الشياكة دي كلها؟ انتي رايحة تنزلي الفطار ولا رايحة مشوار؟ أنا مش فاهم خالص. سعاد: بس يا واد، مش هو هيبقي جوزي خلاص؟ ولا نسيت؟ عمار: انتي اللي نسيتي. هيبقي يعني لسه؟ الجيران تقول إيه بس يا ماما؟ سعاد: هتقول إيه يعني؟ واحدة نازلة الفطار لجوزها، فيها إيه يعني؟ عمار: ضرب على جبينه. فيها إيه ماما؟

ما بلاش بقا الكلام اللي يجنن ده. أنا هنزل الفطار بنفسي عنك يا ست الكل. سعاد: انت مالك انهارده مش طبيعي خالص. عمار: انتي اللي مش طبيعية يا ماما. إحنا دلوقتي بنحاول نظبط الدنيا مش نبوظها. بالله عليكي اهدي شوية، مش كده. سعاد: سابت الصينية على السفرة. إيه اهدي دي؟ انتي شايفاني بقطع في نفسي ولا إيه؟ ما تحسن كلامك معايا، أنا أمك. انت نسيت نفسك ولا إيه؟

عمار: وقف قدامها ومسك إيديها وباسها. أنا آسف يا ماما، بس والله أنا عليا ضغط جامد أوي اليومين دول. الشركة، والأولاد، وهدى، والمعهد اللي هقدم لها فيه عشان ترجع تدرس من تاني. والدنيا بايظة خالص والله. أنا آسف، حقك عليا، ما تزعليش مني. سعاد: خلاص، ولا يهمك. أنا مقدرة اللي انت فيه. أهم حاجة عندي انت تكون كويس. ما تزعلش بقا، ماشي؟ إن شاء الله كل حاجة هتبقي تمام. بس أنا عندي فكرة كويسة.

عمار: إن شاء الله يا ماما. إيه هي بقا؟ سعاد: ننزل نفطر كلنا سوا أنا وانتي والأولاد ومحسن وهدى. إيه رأيك؟ عمار: فكرة كويسة. بس هدى هتقول إيه لما تشوف الأولاد؟ سعاد: هنقولها إنهم أولاد اختك وجايين يقضوا معاك كام يوم. إيه رأيك؟ عمار: فكرة كويسة. تعجبيني يا ست الكل. سعاد: عيب عليك. يلا بقا، اتأخرنا على عريسي. وبتكتم ضحكتها. عمار: عريسك؟ هنبدأ تاني طيب؟ والله أنا أماشي خالص.

ريتاج وعمر: الكل جهزوا ونزلوا معاهم الفطار والأولاد. ريتاج: إحنا رايحين فين يا بابا؟ مش هنروح الملاهي ولا إيه؟ عمار: لا، هنروح يا قلب بابا. بس هناخد ناس معانا تاني في الرحلة دي. إيه رأيك؟ عمر: ناس مين دي؟ عمار: هتعرف دلوقتي. يلا بقا بلاش أسئلة كتير. وبيخبط على الباب. محسن: فتح الباب. أهلاً. إيه العسل ده كله؟ اتفضلوا. عمار: هدى صحيت ولا لسه؟ محسن: على طول كده. مش قادر تستنى. أه صحيت، كنت لسه هرن عليك.

سعاد: القلوب عند بعضها. شيل مني يا حسونة، أقصد يا محسن. محسن: بيكتم ضحكته. هاتي، إيه ده؟ انتي جايبة الفطار بنفسك؟ سعاد: عمايل إيديه وحياة عينيا. الكل بيضحك على مشاكسة محسن لسعاد. محسن: مين دول بقا؟ عمار: دول أولادي. هقولك كل حاجة بعدين. بس قدام هدى، هما أولاد اختي وجايين يقضوا معايا كام يوم. تمام؟ محسن: تمام. ونزل في مستوي عمر وريتاج. انتوا اسمكم إيه بقا؟ ريتاج: أنا ريتاج. عمر: وأنا عمر. ريتاج: انتوا تؤم؟

عمر: اااه، صح يا جدي. محسن: ما شاء الله. عمر شبهك بالظبط يا عمار. ربنا يحفظهم يا رب. عمار: يا رب يا جدي. عمر: وانت بقا اسمك إيه؟ وتبقي مين؟ محسن: أنا اسمي محسن، وأبقي جدكم. جوز تيته اللي واقفة دي. ريتاج وعمر: ها ها ها. تيته اتجوزك؟ تيته اتجوزك؟ سعاد: بس يا ولاد، الجيران تقول علينا إيه؟ محسن: بيضحك. سيبيهم، دول أولاد وفرحانين بستهم. عمار: طيب، بعد إذنك يا جدي. هدخل أشوف هدى.

محسن: من حقك. بس خلي باب الأوضة مفتوح دي الأصول. وماحدش بيزعل من الأصول، ولا إيه يا عمار بيه؟ سعاد: عندك حق، ماحدش بيزعل من الأصول. عمار: مين يشهد للعريس؟ حاضر يا ماما، حاضر يا جدي. والله أنا وقعت في جنينة حب مش عصافير حب. سعاد: عيب يا والد جدك. بقي في مقام أبوك دلوقتي. عمار: تماماً. امممم. طيب، أنا رايح أشوف هدى. أحسن تحصل حاجة. محسن: بيكتم ضحكته. خفي شوية على الولد يا سعاد، مش كده. ريتاج وعمر: جدي، جدي.

محسن: نعم يا حبايب جدكم. ريتاج: وعمر. ممكن تشيلنا؟ محسن: أشيلكم حاضر. بس انتوا تقال كده ليه؟ سعاد: عيب يا عمر. انزل انت وأختك. ماتضايقوش جدكم. محسن: لا، سيبيهم. أنا بلعب جم ليه؟ عشان كده. وأنا أقدر أعمل أي حاجة انتي عايزاها كمان. سعاد: دم اللي عجبني فيك يا حسونة. محسن: أحلى حسونة سمعتها في حياتي. عند هدى، قاعدة على السرير وبتحاول تفتكر أي حاجة. وفي اللحظة دي، عمار بيخبط على باب أوضتها. هدي: اتفضل.

عمار: صباح الخير. عاملة إيه دلوقتي؟ هدي: الحمد لله. عمار، حاسة بوجع في راسي جامد ومش فاكرة أنا قعدت إزاي. عمار: معلش، ده من أثر الوقعة. أنا معاكي، مش هسيبك غير لما تخفي إن شاء الله وتبقي زي الفل. هدي: انت روحت الكلية النهاردة؟ عمار: اتوتر ومش عارف يقول إيه. لا. هدي: ليه كده؟ هتضيع علينا محاضرات كتير كده. عمار: انهاردة إجازة. انتي ناسيه ولا إيه؟ هدي: إجازة إيه؟ أنا مش فاهمة. عمار: ساكت ومش عارف يقول إيه.

هدي: انت بتخبي عني حاجة؟ عمار: ساكت وبيفكر هيقول إيه.