رواية تائهه في بحور الذكريات الفصل السابع والعشرون 27 - بقلم دودو محمد

فى الفندق فى اوضة وليد وصل وليد ومعاه البنات وفتح الباب ودخلوا. نيره: اول ما شافت البنات فتحت ايديها ليهم. حبايب ماما وحشتوني. البنات: جريوا على نيره واترموا فى حضنها. ماما ماما وحشتينا اوي. نيره: قعدت تبوس فى وشهم وتقولهم حقكم عليا وضمتهم جامد لحضنها. وليد: يلا يا بنات قولوا لماما تلبس هدومها. نيره: البس ليه رايحين فين. جيرمين: عمو هياخدنا. وليد: ايه ده يا جوجو مش احنا قولنا ده سر وهنعمل لماما مفاجأة.

جيرمين: سوري يا عمو نسيت. نيره: ايه ده بقى ان شاء الله انتو هتتفقوا عليه ولا ايه. وليد: ها يا بنات مع ماما ولا عمو وليد. البنتين: فى صوت واحد قالوا مع بابا وجريوا على وليد. وليد: اتفاجئ بكلمة بابا من البنات. نيره: اتصدمت لما سمعت كده بس محستش ان هي مضايقة بل بالعكس اول مره تحس ان هي مبسوطة ان البنات بيحبوا وليد. وليد: بص لنيره وقال احم ا.ا.انا مقولتش ليهم حاجة هما اللي قالوا كده من نفسهم.

نيره: مفيش مشكلة ما انت في مقام ابوهم. وليد: اتفاجئ برد نيره وهو كان مفكرها هتتعصب عليهم زي كل مرة بس اول مرة يشوفها هادية من غير ما تتعصب. نيره: ع.ع.عن اذنك هخش اغير. وليد: ماشي براحتك. ودخلت نيره الحمام وقعد وليد مع البنات يلعب ويجري ويهزر. وبعد شويه طلعت نيره وشافت وليد نايم على الارض والبنات نايمين فوقيه وبيضربوه وعاملين يضحكوا.

نيره: وقفت من غير ما تعمل صوت وقعدت تتفرج على البنات ووليد وهما بيلعبوا وتضحك على ضحكهم. وليد: كده طاااايب انا مش هسيبكم. البنات: طلعوا يستخبوا ورا نيره ويضحكوا. وليد: حاول يمسك البنات من ورا نيره ويضحك ومكنش ملاحظ ان هو مقرب من نيره لدرجة كبيرة. نيره: سرحت في وليد وضحكته ومحستش بقرب وليد ليها قوي. البنات: طلعوا يجرو من ورا نيره مرة واحدة ووليد قرب جدا من نيره ونفسه كان قريب من وش نيره.

نيره: حست بشعور غريب وهو قريب منها وحاسة بنفسه. وليد: بص في عين نيره ومحسش بالرفض منها المرادي وكانت مستسلمه في حضنه ومش بتتحرك. نيره: حست براحة كبيرة اوي في حضن وليد واستسلمت لحضنه. وليد: بص على شفايفها ولسه هيبوسها. البنات: احنا اهووووو هههههههه. نيره: بعدت عن وليد واتوترت واتكسفت. وليد: فاق على صوت البنات وقال احم خ.خ.خلاص جهزتي. نيره: ا.ا.ايوه. وليد: يلا بينا. البنات: هيبييييييا رايحين الملاهي.

وليد: ده انتوا اللي يقول ليكم سر يروح في داهية الواضح كده ان غطا البير عندكم مفتوح. نيره: هههههههههه. ونزلو كلهم وعزمهم وليد على الغدا وبعد كده راحو الملاهي. في مكتب نادر كان قاعد على مكتبه ولفت نظره ظرف مقفول على مكتبه مسكه ولاقي مكتوب عليه خاص بنادر محمد ابراهيم. استغرب وفتحه ولاقي صور لشهد ومع ورقه مسك الورقه وقراها اللي فيه واتصدم وكان مضمون الرساله

(اذيك يا ندورتي واحشتيني موووووووت عندك يا قلبي صور لحبيبت القلب شهد هي البت حلوة مفيش كلام بس انا احلى منها طبعاً ولو كنت خايف عليها ومش عايزها تتكل وتموت ابعد عنها وياريت تيجي ليا انا مستنياك على نار يروحي واه اعمل حسابك انا بعرف كل اللي بيحصل يعني متحاولش تلعب بديلك ماشي حبيبتك المجنونة فريدة) نادر: اتعصب ومسك الجواب قطعه حتة صغيرة جدا ورماهم في الارض وقام روح البيت. في بيت محمد ابراهيم

وصلت نرمين البيت ودخلت وسمعت كلام في الصالون فتحت الباب فتحة صغيرة وبصت منها واتصدمت. نرمين: يا ابني ال وكمان جاي تاكل بعقل الحاج الشكولاته ده انا هسيحكو. خبطت على الباب ودخلت. محمد: تعالي يا حبيبتي سلمي على ادم. نرمين: ازيك يا دكتور. ادم: الحمد الله يا انسة نرمين الاخت عاملة ايه. نرمين: الاخت اللي هي مين بقى. ادم: وهو باصص على الارض انتي طبعاً يا انسة اخت عزيزة على القلب ايوه والله. نرمين: ازاي بقى.

منيرة: من المطبخ يا محمد تعالي ثواني. محمد: عن اذنك يا ابني هشوف الجماعة وجاي ليك. ادم: وهو باصص على الارض براحتك يا عمي. وطلع محمد وقام ادم جري ومسك وكتف نيره ايديها الاتنين ورا ضهرها وقرب منها وقال. بقى انتي تهربي مني الصبح مفكراني مش هعرف اوصلك اهو انا وصلتلك وفي بيتك كمان. نرمين: وهي بتحاول تفك ايديها من ايد ادم. انت ايه يا ابني بايع دمك مفيش خالص وبعدين ايه حكاية التقوى والايمان اللي كان نازلين عليك قدام بابا.

ادم: ايه رايك عجبتك. نرمين: وهي لسه بتحاول تفك ايديها. هقول ايه ما انت ممثل قدير الصراحة. ادم: يابت اثبتي حركاتك دي بتجنن. نرمين: انت مجنون لوحدك. ادم: مدام انا مجنون طيب وقرب من شفايفها وخطف بوسة. نرمين: زقته جامد وضربته بالقلم وقالت. الواضح كده اخد على الضرب مني كل شوية. ادم: شدها ليه واخد بوسة منها طويلة. نرمين: حاولت تبعد عنه مقدرتش. ادم: سمع صوت رجل جاية رجع مكانه بسرعة وقعد.

محمد: لامؤاخذة يا ابني انت عارف الحريم قصيرة وتحط الحاجة في الدولاب العالي وتقرفنا احنا كل شوية ينادو وهات ده وهات ده. ادم: ربنا يخليك ليهم يا عمي انت الخير والبركة. محمد: مالك يا بنتي واقفة كده ليه ما تقعدي. نرمين: واقفة ومصدومة من اللي حصل وقالت. ها. ادم: بص عليها من تحت لتحت وكتم ضحكته على منظرها. محمد: مالك يا بنتي واقفة ومسهما كده ليه بقولك اقعدي. نرمين: ل.ل.لا ع.ع.عن اذنك.

وسابتهم ودخلت اوضتها وبصت في المرايا ومشت صوابعها على شفايفها وضحكت. في اوضة الصالون وقف ادم. محمد: ما تخليك يا ابني اتغدا معانا. ادم: شكراً يا عمي وهستنا من حضرتك الرد. محمد: في اقرب وقت ان شاء الله. ادم: سلام عليكم. محمد: وعليكم السلام. ووصله لحد الباب ونزل ادم ركب عربيته وروح. عند وليد ونيره راحوا الملاهي وكانت البنات مبسوطة وكانت نيره فرحانة على فرحة بناتها. وليد: تعالي اركبي معانا الالعاب.

نيره: لالالا انا هتفرج عليكم. وليد: ليه يا نيره احنا مش بنلعب العاب صعبة علشان البنات. نيره: لا انا بخاف من اي حاجة مش ثابتة. البنات: يلا معانا والنبي ده احنا لعبنا كذا لعبة مفهاش حاجة يلا بقى يا ماما. وقعدت البنات تشد امها. وليد: مد ايديه وقالها يلا. نيره: بصت على ايد وليد ومدت ايديها ليه وهي متوترة. وليد: مسكها من ايديها وشدها وركبو اللعبة. البنات: هيييا هيييييي.

نيره: قعدت جمب وليد والبنات من الجنب التاني وبدءت اللعبة تتحرك. وليد: كان مبسوط من قرب نيره ليه. نيره: اول ما اللعبة اتحركت خافت ومسكت في دراع وليد وغمضت عنيها. وليد: اتفاجئ من حركتها وبص على ايديها وهي ماسكه فيه. نيره: كل ما اللعبة تتحرك اكتر كل ما تخاف وتمسك في وليد اكتر وبدءت تتحرك بسرعة خافت واترمت في حضن وليد.

وليد: بص لنيره اللي في حضنه بقى مش عارف يعمل ايه بس حس بيها بتمسك فيه اكتر مد ايده وضمها لحضنه اكتر ومسك من الجانب التاني البنات وكان حاسس بسعادة كبيرة وهو ضامهم في حضنه وبعد وقت انتهت اللعبة والكل نزل وكانت نيره لسه في حضن وليد. وليد: احم نيره اللعبة وقفت خلاص والكل نزل. نيره: بعدت عن حضنه واتكسفت ووشها احمر وقالت. ا.ا.اسفة بس كنت خايفة. ونزلت من غير ما تسمع رد وليد. وليد: لنفسه ياريت علطول كده تخافي وتترمى في حضني.

ونزل هو والبنات من اللعبة واشترى وليد للبنات شوكولاتة وحاجات حلوة كتير وبص لنيره واشترى ليها شوكولاتة وراح ادهلها. نيره: ش.ش.شكرآ. وليد: على ايه يا ستي من بدري وانا بسألك عايزة حاجة وانتي تقولي. نيره: شكراً يا وليد اليوم انهارده كان جميل جداً والبنات كانت مبسوطة اوي. وليد: ربنا يقدرني واقدر ابسطكم علطول. جيسي: بابا باب. وليد: فرح اوي بكلمة دي وقال نعم يا حبيبتي. جيسي: عايزة ايس كريم. نيره: لا علشان متتعبوش.

جيسي: عاااا مليش دعوة انا عايزة ايس كريم. نيره: بنت اسمعي الكلام. وليد: اهدى يا نيره عيلة ومتفهمش حاجة. وبص لجيسي اللي كانت بتعيط وقال. البنات الشاطرة تقول حاضر وتسمع كلمة ماما. جيسي: طب انا عايزة ايس كريم. وليد: طب ايه رأيك اجيب ليكي لعبة تلعبي بيها احسن من الايس كريم. جيسي: هييييييييا ماشى موافقة. وليد: عن اذنك يا نيره هاخد البنات وشوية وهج. نيره: هتروحو فين. وليد: لالالا ده سر انا وبنوتاتي صح. جيسي وجيرمين: صح.

ومشي وليد مع البنات وقعدت نيره تفكر في السعادة اللي وليد بيدهلهم من غير مقابل بيحاول يسعد كل اللي حاوليه وقد ايه هو راجل وقد كلمته. وبعد شوية جه وليد مع البنات وكانوا مبسوطين ومعاهم العاب كتير. البنات: شوفتي يا ماما بابا جاب لينا ايه. نيره: ايه ده كل يا وليد. وليد: يا ستي دي حاجة بسيطة بس المهم يكونوا مبسوطين كده تملي. نيره: بجد مش عارفة اقولك ايه على اللي انت بتعملو معانا.

وليد: انا طول ما ربنا مديني عمر هعيشه ليكم علشان اسعدكم كده تملي. نيره: احم طب يلا بينا الوقت اتأخر ومفروض البنات كانت نامت من بدري. وليد: يلا. ومشي كلهم ركبو العربية وراحوا عند بيت محمد وكانت البنات نامت في العربية نيره شالت واحدة ووليد شال واحدة وطلعوا بيهم فوق عند الشقة وخبطوا الباب وفتحت ليهم نرمين.

نرمين: اول ما شفتهم فرحت وسلمت على نيره وباستها واخدت منها البنت ودخلتها الاوضة ونيره اخدت من وليد التانية ودخلتها هي كمان. والكل سلم عليهم. محمد: ما تقعدوا يا ابني اتعشوا معانا. وليد: معلش يا عمي علشان نلحق نروح وننام علشان رايحين شرم الصبح. نرمين: اوووووبا ايوه بقى. نيره: ما تيجي معانا يا نونه. نرمين: لالا احسن وليد يضايق ولا حاجة انتو رايحين تقضو شهر العسل. نيره: لالا خالص صح يا وليد. وليد: بغيظ تيجي وتنور.

نيره: اهو موافق مقلش حاجة تعالي بقى وياريت تقولي للبت توتا. وليد: اه ياريت وياريت تيجي معاها انت كمان يا عمي ومعاك طنط منيرة. وقال لنفسه ما هي خربانة خربانة. محمد: لا يا ابني روحوا انتو اتبسطوا احنا خلاص بقينا عظمة كبيرة يا ابني. وليد: ربنا يعطيكم الصحة يا رب عن اذنكم. منيرة: ربنا معاكم يا رب. نيره: امال فين نادر. محمد: جه من بدري ودخل اوضة ومن ساعتها ما خرجش منه. نيره: ابقوا سلمولي عليه.

وبصت لنرمين وقالت هنعدي عليكي الصبح. نرمين: لا روحي انتي وجوزك وانا هركب مع تقى. نيره: ماشي يلا سلام عليكم. ونزلت نيره مع وليد وراحوا الفندق ودخلوا الاوضة وكل واحد غير هدومه ونام وليد على الكنبة ونامت نيره على السرير. نيره: وليد. وليد: اممم. نيره: انت نمت. وليد: ل. نيره: انت زعلت مني. وليد: قام قعد وقال ليه بتقولي كده. نيره: علشان حسيت انك زعلت لما قولت لنرمين تيجي معانا.

وليد: لا طبعاً بس يعني اختك دي مش بتنزل من زور علشان لسانها الطويل ده بس مدام وجودها هيسعدك مفيش مشكلة خالص. نيره: والله نرمين كويسة جدا هي اه عصبية اوي ولسانها طويل شوية بس قلبها ابيض وجدعة اوي ولو تعاشريها تحبيها علطول. وليد: لا اعاشر مين لا ربنا يخليكم لبعض بس بعيد عني. نيره: هههههههههههههه. وليد: سرح في ضحكتها وقال تصدقي ضحكتك حلوة اوي. نيره: ش.ش.شكرآ تصبح على خير. وليد: وانتي من اهله.

اشرقت شمس يوم جديد بنورها الساطع في سماء العاصمة وبدأت نيره تحرك عينيها وفتحتها شوية شوية لحد ما اتعودت على نور النهار بصت على وليد لاقته الملاية واقعة من عليه وراسه مش معدولة قامت من على السرير وعدلت ليه راسه وحطت عليه الملاية. وليد: حس بنيره فتح عينيه ومسك ايد نيره وباسها. نيره: شدت ايديها وقالت احم ك.ك.كان واقع من عليك. وليد: شكراً ربنا ميحرمنيش منكم. نيره: احم ا.ا.انا اسفة لو صحيتك.

وليد: لا انا بصحى في الوقت ده علطول وكويس ان انا صحيت علشان نلحق نمشي بدري. وقام دخل الحمام وجهز نفسه وخرج ادا فرضه ونفس الحكاية نيره وجهزوا الاتنين ونزلوا الاتنين وركبوا العربية وراحوا على شرم. في بيت محمد ابراهيم صحت نرمين من نومها قامت دخلت حمامها واتوضت وخرجت ادت فرضها ولبست هدومها ومسكت تليفونها اتصلت على تقى. نرمين: صباح الخير يا توتا. تقى: صباح النور يا نونه. نرمين: اوعي تتأخري علي.

تقى: احم مش هينفع انا طلعت بالعربيه وفي طريقي لشرم. نرمين: نععععععععععععععم يا روح النونه انتي فين يا اختي. تقى: اهدى يا نونه يا حبيبتي اصل روحت اخد عمرو هوصله على فندق وبعد كده هروح الشاليه. نرمين: تصدقي انك عيلة ولا بلاش انتي عارفة لو قدامي كنت عملت معاكي احلى جلاشة غورى ابت. وقفلت السكة. تقى: نونه نونه قفلت السكة. عمرو: ده لو كنتي قدامها دلوقتي كانت فقعت ليكي عيونك وكان زمانا احنا الاتنين عاملين مش بنشوف.

تقى: دي هتولع فيا. عمرو: بقولك ايه ما تيجي افقعلك عين ونعيش عوار احنا الاتنين. تقى: ههههههههههههههه. عمرو: احبك يا ابيض. عند نرمين قعدت تسب وتلعن في تقى وخرجت من اوضتها. نرمين: صباح الخير. محمد: صباح النور. منيرة: يا ساتر يارب مالك قلبه وشك على الصبح كده ليه. نرمين: تقى الكلب مشيت بالعربيه وسابتني. محمد: لا حول ولا قوة الا بالله طب هتعملي ايه. نرمين: هاخدها قطاعي. محمد: يا بنتي تعب عليكي.

نرمين: طب اعمل ايه ده انا هولع في تقى بجاز وسخ لما اشوفها. وقفت وقالت هنزل علشان الحق. سلام عليكم. ونزلت نرمين وهي متعصبة وشافت عربية ادم واقفة قدام البيت. نرمين: اصبحنا واصبح الملك لله. ومشيت. ادم: مشي وراها بالعربيه وقعد يضرب ليها كلاكسات. نرمين: اللهم طولك ياروح ووقفت وقالت نعم عايز ايه. ادم: عايز انول الرضا يا جميل. نرمين: متلاقيش يا حليوه. وسابته ومشيت. ادم: مشي وراها تاني بالعربيه وقعد يضرب ليها كلاكسات تاني.

نرمين: مش هينفع كده الناس بتتفرج علينا. ادم: طب تعالي اركبي معايا وانا اسكت. نرمين: اركب مع مين يا حبيبي ده على جثتي. ادم: ما هو لو انتي مركبتيش هنزل واشيلك قدام الناس دي كلها وتبقى فضحتك بجلاجل. نرمين: عاااا امته بقى اخلص منك وارتاح. ادم: على قلبك يا حبيبتي قاعد. نرمين: هووووف بقى. ادم: ها هتركبي. ولانرمين: فتحت الباب وركبت جمبه وقعدت مكشرة ومضيقة من ادم. وبعد شوية في عربية ادم. ادم: ضحك على منظر نرمين. هههههههههه.

نرمين: تعرف تمشي وانت ساكت متخلنيش اندم ان ركبت معاك. ادم: وهو بيكتم ضحكته. خلاص خلاص ماشي. ومشي بعربيته على شرم. في الشاليه وصل وليد ونيره وكان خالد ورقيه في استقبالهم. خالد: ليدو حبيب قلبي واحشتني. وليد: خالود والله واحشتني اوي. نيره: سلمت على رقيه وقالت عاملة ايه. رقيه: انت واحشت اللي انا نيره. وليد: تعالوا نخش جوه. خالد: لا يا ابا انا هاخد المزة بتاعتي وهننزل الميه. وغمز لوليد. عيش حياتك انت.

ومشي هو ورقيه ودخل وليد ونيره الشاليه ودخل وليد الشنط اوضة النوم ودخلت وراه نيره واتفاجئو من منظر الاوضة وكانت متزينة كلها بلالين حمرا وورد على السرير مرسوم قلب واكل على طرابيزة ومحطوط شموع عليها. وليد: لنفسه نهارك اسود ومنيل ده ايه اللي انت مهببه ده. نيره: ايه ده. وليد: مش عارف. نيره: مش عارف ولا خطة رسمها مع صاحبك علشان توصل للي انت عايزه. وليد: لا والله انا معرفش ان هو هيعمل كده.

نيره: ما الحكاية واضحة اوي انت عايز توصل لحاجة معينة وده مستحيل فاهم مستحيل. وسابته وطلعت من الاوضة. وليد: انا قولت انك هتسوحني ما لازم تفهم كده ليها حق والله. و طفى الشمع بأيديه.