رواية تائهه في بحور الذكريات الفصل السادس والعشرون 26 - بقلم دودو محمد

في المعرض كان ادم قاعد على ركبه قصاد نرمين وفتح علبه قطيفه وفيها خاتم وقال ادم: أنا آسف يا نرمين، تقبلي تتجوزيني؟ نرمين: ………………… ادم: نرمين أنا بحبك ومقدرش أعيش من غيرك. نرمين: وأنا بكرهك ومش موافقة. وسابته ومشيت. ادم اتصدم من رد نرمين وبص على آثارها لحد ما اختفت وقام وطلع يجري وراها وقال: نرمين استني اسمعيني بس. ووقف قصادها. نرمين: ابعد عني ملكش دعوة بيا. ادم:

أنا عارف من حقك تعملي أكتر من كده بس عايزك تسمعيني الأول. نرمين: انت إيه ما بتفهمش؟ قولتلك بكرهك مش عايزة أشوف وشك تاني علشان لما بشوفه بيركبني مية عفريت. ادم: تعالي بس اركبي وأنا هفهمك كل حاجة. نرمين: لا مش هركب. ادم: اركبي أحسنلك. نرمين: هتعمل إيه يعني؟ ادم: شالها وقال: هعمل كده. نرمين: قعدت ترفس برجليها وتضربه في كتفه وتقول: نزلني يا بارد! عاااااااااا نزلني بقى! ادم:

ركبها العربية وقفل الباب بالقفل الإلكتروني وركب وساق العربية. نرمين: انت يا بارد ياللي معندكش دم! كل شوية تشلني وتخطفني! انت إيه جبله يا أخي؟ بقولك بكرهك بكرههههههههههههك! إيه أطرش مش بتسمع؟ ادم اكتفى بابتسامة بس ومردش عليه. نرمين: عااااااااااا انت عايز تشلني ولا إيه؟ ادم: بعد الشر عليكي يا حبيبتي من الشلل، حتى لو اتشليتي هتجوزك برضه. نرمين: هقول إيه، بني آدم معدوم الإحساس. ادم:

ههههههههههه بتكوني عسل وانتي متعصبة كده. وفي الوقت ده وصل مكان مقطوع. ادم: انزلي. نرمين: لا. ادم: يا بنتي ضهري اتكسر من كل شوية أشيل! نرمين: برضه مش نازلة. ادم: شدها من العربية نزلها وشالها تاني ودخل في مكان بعيد عن الشارع ونزلها. نرمين: عااااااااااا انت جايبني هنا ليه؟ ادم: علشان نعرف نتكلم بهدوء. نرمين: يا دين النبي على الفهم! ما قلت لك مش عايزة أتكلم معاك. ادم:

نرمين افهميني الأول، مفيش أي حاجة بيني وبين نهى، دي كانت مجرد خطة علشان أكسر لكِ تمردك وكبريائك مش أكتر. نرمين اتصدمت من الكلام اللي سمعته وسكتت شوية وقالت: برضه لا، أنا بكرهك. ادم نزل على ركبه في الأرض ومسك إيد نرمين وقال: والله العظيم بحبك، ولا عمري حبيت غيرك ولا هحب غيرك، علشان أنتي بالنسبة لي مش مجرد واحدة وخلاص، أنتي عمري كله، أنتي النفس اللي بتنفسه، أنتي الحاضر والمستقبل. لو بعدتي عني أنا هموت.

نرمين سكتت شوية وبعدين شدت إيديها من إيد ادم وقالت بدموع: طب ما تموت إيه المشكلة؟ طب ما أنا قلبي بينزف من جوه من جرحك ليا وعايشة وسط الناس ميتة جسد من غير روح ولا حياة. انت عملت كده علشان تكسر ليا تمردي وكبريائي. صقفت وقالت:

برافو عليك برافو، فعلاً كسرت ليا كبريائي وكسرت كل حاجة حلوة فيا. انت تعرف أنا بحاول أوهم الناس إن أنا سعيدة ومبسوطة وإني زي ما أنا البنت اللي بمية راجل اللي محدش يقدر يكسرها، بس في الحقيقة بقى أنا أضعف إنسانة على الأرض وقدرت انت بكل سهولة تكسرني وقدرت تذلني. انت بني آدم أناني مش بتفكر غير بس في نفسك، عايز تبقى سي السيد تأمر وكلمتك تتنفذ حتى لو على حساب غيرك. أنا بجد بشكرك علشان عرفتني قيمة نفسي. ادم شدها

ليه وأخدها في حضنه وقال: أنا آسف بجد، مكنتش أقصد كل ده، كان هدفي بس إن أخليكي تتنزلي عن جزء من كبريائك، مكنتش أقصد أعمل فيكي كل ده. نرمين زقته وقالت: وأهو قدرت، مش تكسر جزء من كبريائي، لا كسرتيني كلي. أحيك يا ادم، شابوه ليك. وسابته ومشيت. ادم جرى وراها وقال: استني يا نرمين. نرمين: إيه؟ افتكرت حاجة لسه معملتهاش؟ ادم قرب منها ومسح دموعها بصوبع إيديه وقال:

ممكن نحاول ننسى اللي فات ونبدأ من جديد، وأنا أوعدك عمري ما هزعلك. نرمين: يا ريت ينفع. ادم: ليه يا نرمين؟ نرمين: علشان أنا هتخطب لزميلي. ادم بصدمة: اييييييييييه يا أختي على جثتي يا نرمين تكوني لحد تاني! نرمين: ليه بقى إن شاء الله؟ أنا مرتاحة ليه وهو بيحبني. ادم: ومين ده بقى إن شاء الله؟ نرمين: عمرو. ادم: الولا الني ده، ده مأخدش في إيدي غلوة وكان ميت في الأرض ومش قادر يتحرك. نرمين: بس عجبني وعاجبني. ادم:

طب اعملي حسابك يا حلوة، جواز من حد غيري مفيش، ومش هتكوني غير ليا حتى لو قتلت ليكي العيل النتي ده. نرمين: ليه مفكر نفسك مين؟ ده البلد فيها حكومة ومن الصبح يروح يقدم فيك شكوى ويمضيك على إقرار بعدم التعرض ليه. ادم: هههههههههههههههههه ضحكتيني والله، ولا حد يقدر يعمل ليا حاجة. واتفضلي أوصلك للبيت علشان أفضي للي هعمله. نرمين: ها ه.ه.هتعمل إيه؟ ادم: ههههه متخافيش ياقطة. ومشى ادم ووراه نرمين. نرمين لنفسها:

سامحني يا عمرو، شكلك هتطحن انهارده. وركبت مع ادم ووصلها للبيت ومشى. *** في الفندق. في أوضة وليد. كان وليد قاعد على الكنبة ونيرة قاعدة على السرير. نيرة: احم، وليد هو إحنا هنروح شرم إمتى؟ وليد: يا بكرة يا بكتير أوي بعده، ليه؟ نيرة: اصل يعني... وليد: قولي يا نيرة، عايزة إيه؟ نيرة: اصل البنات واحشيني. وليد: طب تصدقي إن هما واحشيني أنا كمان. نيرة بفرحة: بجد يا وليد؟ وليد:

أنا بفكر لو مش هنمشي بكرة أروح واجبهم يقضوا معانا اليوم، وإن شاء الله لما هنرجع الفيلا هناخدوهم يعيشوا معانا على طول. نيرة بفرحة: بجد يا وليد؟ مش عارفة أقولك إيه، شكرًا ليك. ده أنا هتجنن عليه. وليد: بتشكريني ليه؟ ده أنا بموت في جيسي وجيرمين وبحب أتكلم معاهم وبحب ألعب معاهم بجد، بسم الله ما شاء الله كلامهم سابق سنهم، ربنا يخليهم يا رب. نيرة: يارب. انت عارف هما كمان بيحبوك وبالذات البت جيرمين بتموت فيك بطريقة رهيبة.

وليد: ربنا يخليكم ليا وميحرمنيش منكم. نيرة: احم، ش.ش.شكرًا. وليد: هتعملي إيه دلوقتي؟ نيرة: هنام. وليد: وأنت؟ نيرة: هصلي ركعتين وهقعد أقرأ في المصحف. وليد: خلاص صلي بيا ونقعد نقرأه مع بعض في المصحف. نيرة: ماشي، خشي اتوضي واجهزي. ودخلت نيرة اتوضت ولبست اسدال الصلاة ودخل وليد اتوضى وفرش سجادة الصلاة وصلى بنيرة وقعدوا الاتنين يقرأوا في المصحف. *** في بيت محمد إبراهيم. كانت نرمين بتكلم تقى في التليفون. تقى:

نهار أسود ومنيل، ضيعتي الراجل مني! ده أكيد دلوقتي بقى المرحوم عمرو. نرمين: أعمل إيه؟ كنت عايزة أشقيه من نفس الكاس اللي شقيتني منه وأنا معرفش حد تاني غير عمرو. قلت ليه اسمه طول الوقت. تقى: يا سلاااااام! وأنا ذنبي إيه؟ أروح في الرجلين؟ هتجوز مين أنا دلوقتي؟ أكيد عمرو انتقل للرفيق الأعلى. أشوف فيكي يوم يا بعيدة. نرمين: ههههه ده زمانه أخد علقة بعمره. تقى: بتضحكي؟ حسي على دمك بقى يا شيخة. نرمين:

طب والله صعبان عليا من اللي هيحصل فيه. تقى: كان زين الشباب، الله يرحمه بقى 😁😁😁. نرمين: هههههههههههههه. تقى: لا بجد، ناويه تعملي إيه مع ادم؟ نرمين بضحكة شر: كل خير إن شاء الله. تقى: الحمد لله، ضمنت هيبقى في دمار شامل اليومين الجايين. نرمين: هههههه بس متتقطعيش 😂😂. تقى: طب يا أختي اقفلي، خليني أتصل بعمرو أشوفه عايش ولا بيخدوا عزاه. نرمين: هههههههه ربنا معاكي، تصبحي على خير. تقى: وإنتي من أهله. وقفلت نرمين مع تقى وقالت:

نرمين: استني عليا يا ادم، إن مكنتش آخد بتاري منك مبقاش أنا نرمين. ونامت على السرير وراحت في نوم عميق. *** في فيلا وحيد الدمنهوري. في أوضة تقى. كانت عماله تتصل على تليفون عمرو ورايحة جاية في الأوضة وبتاكل في ضوافرها وتقول: تقى: يبقى قتله؟ لالالا يارب استر منك لله يا نرمين الكلب! سلمتي الراجل تسليم أهالي! أعمل إيه دلوقتي؟ وهو مش بيرد! أعمل إيه يارب! آه، أتصل على تليفون البيت. واتصلت على تليفون البيت. تقى: السلام عليكم.

أم عمرو: وعليكم السلام. تقى: لو سمحتي يا طنط ممكن أكلم عمرو. أم عمرو: نزل من شوية مع صاحبه. تقى: نهار أسود ومنيل! صاحبه ده طويل وعريض وعنده لحية صغيرة كده؟ أم عمرو: آه هو. تقى: يا خبر أسود! البقاء لله يا حاجة. أم عمرو: في مين يا بنتي؟ تقى: ههههه لا متستعجليش، شوية وهتعرفي. أسيبك أنا بقى علشان تلحقي تعملي الشادر. أم عمرو: شادر إيه؟ وإيه الكلام اللي بتقوليه ده؟ انتي فاضية وبتصلي تهزري؟ وقفت السكة في وشه. تقى:

حسبي الله ونعم الوكيل فيكي يا نرمين! يا ترى حصل فيك إيه يا عمرو؟ *** أشرق نهار يوم جديد بنوره الساطع لتنير البيوت وتبدأ العصافير بالتغريد. بدأت نيرة بفتح عينيها وقفلها كذا مرة حتى اتعودت على الضوء. قامت قعدت على السرير وبصت على وليد وهو نايم وسرحت فيه وفي كلامه معاها امبارح وقد إيه هو حنين أوي عليها وضحكته ودمه الخفيف. وليد:

فتح عينه وبص على نيرة لقاها قاعدة على السرير وسرحانة وبتضحك. فكر إنها سرحانة في ذكريتها مع رامي. وليد: احم، صباح الخير. نيرة: فاقت على صوته واتوترت وقالت: احم، ص.ص.صباح النور. وليد: صاحية من بدري؟ نيرة: لا لسه صاحية. وليد: ماشي، أنا هقوم اتوضى وأصلي وألبس وأروح أجيب البنات يقضوا معانا اليوم. نيرة: شكرًا يا وليد. وليد ابتسم وقال: العفو يا ستي، بس عدى الجمايل. نيرة: متشكرين يا سيدي على كرمك. وليد:

ههههههه بهزار، ده انتي تأمري. نيرة اكتفت بابتسامة. وقام وليد دخل الحمام واتوضأ وغير هدومه وطلع أدى فرضه ونزل يجيب البنات. *** عند نرمين. صحيت من نومها، أخدت شاور واتوضت وخرجت لبست هدومها وأدت فرضها وخرجت من أوضتها. نرمين: صباحووووو. منيرة: اتكلمي شبه الناس يا بنتي. نرمين: ولا تزعلي نفسك يا ست الكل، صباح الورد والفل والياسمين عليك يا قمر انت يا لوز اللوز. محمد: هههههه يخربيت عقلك يا شيخة. نرمين:

وربنا انتو ناس زي الفل 😂😂. منيرة: شايف بنتك هتشلني إزاي وهي بتتكلم بطريقة المتشردين أزاى. نرمين: أوووبا، هنبدأ في أسطوانة كل يوم. أنا هخلع بقى. نادر: طب ما تصبري لما ناكل وننزل مع بعض. نرمين: لا يا بابا أنا هخلع علشان الحق سلام عليكم. وفتحت الباب وقالت: عاااااااااااااااااا! نادر: في إيه يا بنتي؟ نرمين: ها و.و.ولا حاجة، ق.ق.قطة بس كانت طالعة وأنا اتخضيت منها. وخرجت وقفلت الباب وقالت بصوت واطي: إيه جابك هنا وبتعمل إيه؟

ادم: جاي علشانك وجايب ليكي ده. نرمين: ههه إيه ده؟ ورد؟ لا ده حطه لامؤاخذة في... وسكتت شوية وقالت: في الزبالة، عن إذنك. ادم: نرمين خلصنا بقى، أنا عملت موضوع نهى علشان أغيظك، وانتي عملتي موضوع عمرو علشان تغظيني، واحدة بواحدة، خلصنا، تعالي بقى نبدأ صفحة جديدة. نرمين: ومين قالك إن موضوع عمرو هزار؟ لا ده بجد. ادم: ههههههه لا، ما هو من أول لكميه قال إن مفيش حاجة ما بينكم غير الصداقة وبس. نرمين لنفسها: آه يا عمرو الكلب.

وبعدين قالت: حتى لو كده، أنا مستحيل أوافق عليك. وسمعوا الباب بيتفتح. ادم: حط إيده على بقها وشدها ورا سور السلم واستخبوا. ونزل نادر. نرمين: عطت إيد ادم وقامت تجري. ادم: آه يا بنت العضاضة! وطلع يجرى وراها لحد ما وصلوا لداخل البيت ومسكها وسندها على الحيطة وحط إيده الاتنين على الحيطة قرب منها جامد وقال: ادم: بقة تعضيني يا مسعورة؟ نرمين: أحسن! وابعد بقى كده ميصحش حد يخش علينا بالمنظر ده. ادم:

أحسن علشان تبقى فضيحتك بجلاجل وغصب عنك تتجوزيني. نرمين: يابارد يا غلس، مش عايزك، مش عايزاااااااااااااااك، افهم بقى! ادم مسمعش ولا كلمة من اللي قالتها وكان سرحان في حركة شفايفها وقرب منها ولسه هيبوسها دخل عليهم وليد. وليد: هو فيه إيه؟ وانت يا ادم بتعمل إيه هنا؟ ادم: ها و.و.ولا حاجة. نرمين: اتكسفت وضربت ادم في كتفه وزقته ومشيت. ادم: حبكت يا أخي تيجي في الوقت ده؟ سايب مراتك ليه انت؟ وليد: أنا عايز أفهم، في إيه بالظبط؟

وإيه اللي أنا شفته ده؟ ادم: زعلانة مني وبحاول أصلحها بس مخها جزمة. وليد: وانت مالك بيها أصلاً؟ مش انت خطبت واحدة تانية؟ ادم: لا، أنا بحب نرمين ومقدرش أعيش مع حد غيرها. وليد: أمال إيه اللي حصل يوم كتب كتابي؟ ادم: لا، ده كان فيلم علشان أكسر بي تمرد نرمين ده وأقدر أتجوزها. وليد: والله العظيم مجنون ودماغك طقة. تصدق انتو الاتنين لايقين على بعضيكم أوي! هتظلموا البشرية بخلفتكم اللي هتيجي، ربنا يستر يا أخي. وسابه وطلع. ادم:

منك لله يا شيخ، زي ما طيرت منى البت ده أنا خلاص كنت هقدر أثر عليها. *** عند نرمين. وصلت الجامعة وكانت تقى واقفة راحت عندها. نرمين: السلام عليكم. تقى: وعليكم السلام. نرمين: مالك؟ تقى: عمرو لسه مجاش لحد دلوقتي وخايفة عليه. نرمين: احم، متخافيش، إن شاء الله خير. تقى: منك لله يا نرمين، انتي السبب. نرمين: هو حظه كده بقى، أعمل إيه؟ معرفش حد غيره. تقى: معرفة سودة بعيد عنك. نرمين:

ما هو واطي برضه، مع أول قلم قال إن مفيش حاجة ما بينا غير الصداقة. تقى: وانتي عرفتي منين؟ نرمين: ها، ع.ع.عرفت وخلاص. تقى: نرمين، انتي شفتي ادم؟ نرمين: ها؟ تقى: نرمين ردي عليا، متستعبطيش. نرمين: آه، جه عند البيت بتاعنا. تقى: ومقالش حاجة عن عمرو؟ نرمين: احم، لا. تقى: يا ترى عمل فيك إيه يا مورّي؟ نرمين: تعالي نروح نبص عليه. تقى: يلا يا أختي، يلا. ومشت نرمين وتقى لعمرو. *** في بيت محمد إبراهيم. استقبلوا وليد بترحاب شديد.

محمد: منورنا يا ابني. وليد: بنورك يا عمي. محمد: نيرة عاملة معاك إيه؟ وليد: كويسة جدًا معايا ومطيعة وقايمة بحقوقي كلها ومش منقصاني حاجة. محمد: ربنا يهنيكم يا رب. وفي الوقت ده جم البنات بعد ما منيرة جهزتهم. جيسي وجيرمين: عمو عمو عمو! وطلعوا يجرو عليه وحضنوه. وليد: حبايب عمو، واحشتوني أوي أوي. جيسي: بس أنا زعلانة منك يا عمو. وليد: ليه؟ جيسي: علشان أخد ماما مني. وليد:

لا متزعليش، مقدرش على زعل الجميل. طب إيه رأيكم تروحوا عند ماما، وكمان وهوديكم الملاهي بليل، ها؟ لسه زعلانة مني يا ستي؟ جيسي وجيرمين: حضنوه وقالوا: انت أحلى عمو في الدنيا. وليد: وقف ومسك كل واحدة في إيد وقال: يلا بينا. جيسي: يلا. ومشى وليد مع البنات وراح على الفندق. *** عند عمرو. وصلت نرمين وتقى وطالعوا ليه وخبطوا على الباب وفتحت لهم أم. أم عمرو: إزيكم يا حبايبي. نرمين: إزيك يا طنط، عمرو موجود؟ أم عمرو:

آه يا حبيبتي في أوضة. تقى: طب ممكن تنادي عليه. أم عمرو: لا، خشي انتي ليه، هو مش هيقدر يجي. تقى ونرمين بصوا لبعض ودخلوا ليه الأوضة. عمرو: أول ما سمع صوت الباب بيتفتح قال: مين مين؟ نرمين وتقى: ههههههههههههههههههههههه. عمرو: أنا الضحكة دي عارفها كويس، تقى ونرمين. نرمين: تعيش وتاخد غيرها يا أبو طالع. عمرو: انتي منك لله، الله يشلّك ويحطك عليكي يا بعيدة، أشوف فيكي يوم يا ظالمة. نرمين: ليه كده يا مورّي؟ عمرو:

بقى أنا يا مفترية، هخطبك ليه؟ اتجننتي علشان أعدي على أملاك ادم باشا؟ تقى: ادم باشا؟ عمرو: تقى حبيبتي، هو انتي موجودة؟ تقى: ليه؟ هو انت مش شايفني؟ عمرو: العتب على النظر يا حبيبتي، وأخوكي بسم الله ما شاء الله كان مركز عليهم لكميات إيه، مقولكيش يا بنتي عليه. تقى: أوه، حبيبي، ألف سلامة عليك. عمرو: هي اللي تنشك في قلبها لسه موجودة في الأوضة؟ نرمين: شورت لتقى تقوله لأ. تقى: ها، ل.ل.لا. عمرو:

طب ما تحني عليا وهاتي بوسة، خليني أنسى المرار اللي شايفه من أخوكي. نرمين: ههههههههههههههههههههه. عمرو: هو انتي هنا يا مختفية؟ نرمين: ههههههههه آه. شكلك تحفة وانت عينك مقفولين كده، طب هتسبل للبت إزاي؟ عمرو: ما هو انتي السبب. نرمين: ههههههههههه أحسن، علشان تبطل جبن وتجري أول ما تشوف ادم. عمرو: مين ده؟ ده أنا مش هعدي من الشارع اللي هو فيه أصلاً. أشوف فيكي وفيه يوم يا بعده. وبعدين انتي واقفة ليه معانا في الأوضة؟

ما تروحي تشوفي حالك. نرمين: لالالا، ماهو انت حالي أنا، زعلانة منك يا عمورة، بقى في واحد يقول كده لخطيبته. عمرو: خطيب مين؟ خبطة في دماغك يا بعيدة، تنسيكي اسمي وعنواني يا شيخة. تقى ونرمين: هههههههههههههههههههه. نرمين: يلا بينا يا بنتي، ما هو زي القرد أهو. تقى: حرام عليكي، ده متخرشم خالص عن المرة اللي فاتت. عمرو:

لالا، أنا الحمد لله قدرت أحافظ على السنة، وده بقى كل همي، بس شهادة لله، أخوكي بيحب التنوع في العنف، المرة اللي فاتت كان في جسمي، المرادي ركز على عيوني، قال إيه علشان ما أبصش بيها على نرمين، الله يحرقك هو ونرمين، وأنا أصلاً معرفش الاخت فيها كام عين أصلًا. نرمين: ههههههههه معلش بقى يا مورّي، تعيش وتاخد غيرها. عمرو: أنا متهيألي كده على إيديكم مش هعيش لحد ما أتزوج البت الغلبانة دي. تقى: بعد الشر عليك يا مورّي. عمرو:

يقطع مورّي وسنين مورّي اللي انتو بهدلتوه معاكم ده. نرمين وتقى: هههههههههههههههههه.