رواية طفلة العاصم الفصل الرابع 4 - بقلم ندى احمد

احمد: بقى كده تبلغي عني يا بت؟ شوفي صورك اللي ملت النت خلاص عشان تعرفي تبلغي عني. هخرج منها والله، ما حد هيرحمك مني. حور بصت لعاصم بصدمة ودموع. حور: هعمل إيه؟ هعمل إيه؟ قولتلك بلاش، هتتفضح! أنت السبب، أنت السبب! بلغت ليه؟ حرام عليك. عاصم: قولتلك متقلقيش، أنا هتصرف.

عاصم نزل وراح القسم واتصرف في موضوع الصور ده وقدر يمسحها. وطلع أن أحمد ده مش أول مرة، بس المشكلة دلوقتي أنا عاصم مش عارف يثبت على أحمد إن له علاقة بالصور، وخرج بضمان محل إقامته منها. عاصم رجع بليل وحور كانت بتعيط بهستيرية. عاصم جرى على حور حضنها وبدأ يهديها. عاصم: اهدّي خلاص يا حور، مفيش حاجة. أنا مسحت كل الصور، والواد ده أنا مش هسيبه غير لما أسجنه.

حور: أبيه، أنا والله ما كنت أعرف إنه هناك ولا إن البنت اللي روحتلها دي ليها علاقة بيه. أنا غلطانة، أنا اللي روحت بس كنت فاكرة إني بساعدها، معرفش إنه هو وهي متفقين عليا. عاصم: اهدّي، مفيش حاجة هتحصل طول ما أنا معاكي. فجأة الباب خبط وكانت ثريا والدة عاصم. ثريا: حور حبيبتي، عاملة إيه دلوقتي؟ عاصم: ماما، أنتي عرفتي منين؟ ثريا: هقولك بعدين. وثريا أخدت حور خليتها تاخد شاور وتغير وعشتها، وحور نامت من كتر التعب والعياط.

عاصم: ماما، عرفتي منين اللي حصل لحور؟ ثريا: أخوكي وراني صور حور اللي انتشرت. عاصم: بس أنا مسحتها، إزاي رجعت تنتشر تاني؟ ثريا: معرفش. هو إيه اللي حصل يا ابني لحور؟ إيه الصور دي؟ عاصم حكلها اللي حصل. ثريا: يا حبيبتي يا حور، عيني عليكي يا بنتي. قطعتي قلبي. وهتعمل إيه في موضوع الصور ده؟ عاصم: أنا كلمت حد في الشغل ومسحهم خلاص، ملهمش أثر. ثريا: عاصم، عايزة أفتحك في موضوع. عاصم: خير يا أمي.

ثريا: عاصم، أنت لازم تطلق حور بعد اللي حصل ده. سيرتك يا ابني هتبقى على كل لسان، وكمان أنا ما أرضاش إن تكون أم أحفادي يكون لها صور على النت. مفكرتش ولادك لما يكبروا ويعرفوا هيرفعوا رأسهم إزاي وسط الناس؟ بلاش يا ابني، طلقها أحسن، وأنا هخليها تعيش معايا. عاصم: ....... حور كانت صحيت وبتسمعهم وهي منهارة.