رواية طفلة الآرام الفصل السابع عشر 17 - بقلم غنوة حبيب

جاك بهمس: زوجتك جميلة جدا. آرام بص لآدم الذي ظهرت ملامح الخوف عليه، وبعدين بص لجاك ببرود. آدم بمقاطعة: آرام اهدا شو... آرام لجاك: هل أستطيع التكلم معك بمفردنا في الخارج؟ جاك ابتسم بخبث: طبعاً. آدم مسك آرام: ارجوك ما تخرجش مش... آرام زق آدم: حسابي معاك لما أرجع عشان تتعرف على ناس زي كده، وديني لو تطلع ورايا هقتلك بداله. وخرج آرام وجاك للحديقة. شغف بهبل: آدم في إيه؟ مش فاهمة بتتكلموا إيه؟ آدم: حافظة سورة الفاتحة؟

شغف باستغراب: أهبل انت؟ أكيد حافظاها بس ليه السؤال ده؟ آدم: اقريها على روح المرحوم. شغف برقت بصدمة: إيه؟ آدم: الحمار جاك كان بيقول عنك حلوة. شغف بغضب: إزاي تسيب آرام يخرج كده؟ افرض قتله ودخل آرام السجن و.... قاطع كلامهم دخول آرام لوحده. آرام بابتسامة: مالك متعصبة يا أوزعة؟ شغف وآدم برقوا فيه بصدمة: حصل إيه؟ آرام ببرود: حصل إيه؟ آدم بحدة: بقولك إيه روحت فين؟ آرام: ما فيش. أثبتله إن زوجتي جميلة جدا. آدم حط إيده على

راسه وهز راسه بفقدان أمل: البقاء لله. شغف: آرام ان.... قطع كلامها أحد الحراس الشخصيين. الحارس بصراخ: اتصلوا بالإسعاف بسرعة. السيد جاك تعرض للضرب وهو في حالة إغماء. آدم خرج تلفونه عشان يتصل بالإسعاف. آرام ببرود: اتصلت أنا. آدم باستهزاء: شكراً ليك يا سيد الرجالة بجد إنك شهم أوي يعني. قتلته وطلبتله الإسعاف؟ ربنا يخليك بجد مافيش زيك قلبك الطيب. آرام ضحك بصوته كله باستهزاء. شغف بصدمة وخوف: آرام ارجوك تعال نرجع البيت.

آرام: خايفة؟ وأنا معاكي. شغف: لا أنا خايفة عليك. آرام: مش هيحصل غير اللي ربنا كاتبه. أنا مش بقرون عشان أسيبه يبصلك يعني. دي فرقة ودن صغيرة. دخل أمير ونسمة اللي فاهمين كل القصة. أمير: أهدا شوية. والله كسرته. آدم بضحك: إيه وصلك الخبر بسرعة؟ أمير بضحك: لو تعرف إيه اللي حصل 😂. فلاش باك. آرام وجاك خرجوا للحديقة. وآرام بص شاف أمير ونسمة قاعدين على المقعد.

آرام سحب جاك ورا الأشجار وابتدا يخبط فيه، وطالع المسدس اللي في جيبه وضربه على راسه براس المسدس. وجاك ابتدا يصرخ. أمير ونسمة جروا للصوت وشافوا المنظر والدم اللي على الأرض. أمير بصراخ: يا مجنوووون عملت إيييييه! وقرب يحوشه عن جاك. آرام بعد عنه بغضب: وديني مش هيخرج غير للمشفى. سيبني بقولك ابعد. نسمة قربت وسحبت آرام مع أمير. وآرام حكالهم اللي حصل. نسمة كونها بتدرس كلية

طب قربت ومسكت إيد جاك: النبض موجود. اتصل بالاسعاف بسرعة. باك. آدم: مش هنرجع جد. أنا تعبت أوي. رجع الكل للبيت وعدى أيام على الحادثة ومافيش أخبار. لحد ما جا يوم سفر آرام وشغف وآدم في المطار. آدم: طب كنت سيبني هنا. والله كنت فرحان أوي. آرام بمياعة وهو بيقلد آدم: طب سيبني هنا كنت فرحان أوي. شغف ضحكت وهي بتضحك وقعت القهوة على الفستان. آرام بلهفة قرب واداها فوطة. شغف: أنا هروح الحمام. آرام: هاجي معاكي.

شغف بكسوف: هروح وحدي. بعدين ستات ماينفعش تيجي. آرام بحرج: أوك. شغف دخلت الحمام وهي بتمسح الفستان وشافت بالمراية جاك. شغف بخوف كانت خارجة بس جاك استغل إيدها المكسورة وسحبها من الإيد التانية. شغف مش عارفة تتكلم إنجليزي، مش قادرة غير تزقه وكانت هتصرخ بس هو سكر تمها وبص للشخص اللي جنبه اللي ماسك كاميرا بإيده وشغف مش واخدة بالها منه. جاك غمزه بخبث. جاك زق شغف للحيطة ومسك إيدها السليمة وحاوط بيها رقبته وقرب با*سها.

وشغف بتعيط وبتزقه. جاك بعد عنها بخبث وخرج هو الشخص من الحمام. شغف خافت وغسلت وشها وهدومها ومسحت دموعها وخرجت بسرعة. آرام شاف وشها متغير: مالك؟ شغف بتوتر: ما فيش. إحنا مطولين؟ آرام: لا ده نداء طيارتنا. تعالوا. شغف بسرعة: الحمد لله يارب. عدى وقت ووصل الجميع للقاهرة. نيفين بفرحة: وحشتوني أووووي. قاسم: مش هسمحلكم تبعدوا مرة تانية. كل ده الوقت... وعشان كانت الدنيا ليل كل حد دخل أوضته عشان ينام. آرام بتعب: تعباااان اوي.

شغف حضنته: سلامتك. هحضرلك الحمام. آرام هز راسه بابتسامة. بس قبل ما تخرج شغف من الحمام وصل مسج على تلفون آرام. آرام مسك التلفون وفتح الصورة واتصدم من اللي شافه. آرام بغضب وصراخ: ......