رواية طفلة الأسد الفصل الخامس عشر 15 - بقلم مروة مرزوق

طلع فؤاد من القصر وهو في كامل غضبه، بس لقى نسمه موقفاه. فؤاد بغضب: نسمه سبيني. نسمه بهدوء: لا يا فؤاد أنا خسرت بابا مره بسبب الشخص دا ومش عايزه أخسرك. ثم أكملت بدموع: أنا ما صدقت لقيتك، متسيبنيش. فؤاد هدأ وأخذ نفس عميق، هو دلوقتي مش لوحده، نسمه وأمه معاه ولازم يحافظ على سعادتهم. فؤاد أخذ نسمه في حضنه وقعد يهديها. فؤاد بحب: خلاص اهدي يا روحي أنا مش هعمل حاجة خلاص. نسمه بدموع: اوعدني يا فؤاد إنك متسيبنيش، اوعدني.

فؤاد بحب: بوعدك يا روحي. أسد كان شايف اللي بيحصل وكانت نار الغيرة بتاكل فيه، وكان عايز يجيب فؤاد ويعلمه الأدب علشان قرب من نسمه. أسد بغيرة: ما خلاص يا نحنوح أنت مش ظيطه هي، ابعد عنها. فؤاد ضحك بشده فغيرة أسد باينه أوي. فؤاد بضحك وخبث: الله، أختي أحضنها براحتي وأدخلها في قلبي لو الأمر تطلب كدا، دي الحب الأول ليا. وباس دماغها. أسد خلاص بدأت عيونه تحمر من الغضب وعروقه بدأت تظهر وبدأ يصب عرق.

فرح بخوف: راح راح فؤاد راح، الله يرحمك يا أبو طويلة أنت أسد هيعلقه. أسد بغضب: ابعد عنها يا فؤاد. فؤاد بخبث وضحك: أحط عمري قصاد حياتها، دي أختي أبعد عنها إزاي، دي نبض القلب يا عم، مش كدا يا روح أخوكي. نسمه ابتسمت وهزت رأسها بمعنى أيوه. فرح بخوف: يا بنت الغبية، أهو أخوكي هيروح. شكريه بضحك: شكرًا يا فرح. فرح بمرح: اهدي يا شكري على ما نشوف المصارعة الحرة دي. أسد بدأ يقرب من فؤاد. فرح بخوف: سلم على الشهدا اللي معاك.

مراد بضحك: الواد راح فيها. معتز بضحك: هو اللي أنا بفكر فيه دا صح؟ فرح بمرح: صح يا أبو رحاب صح يا خويا. معتز بخبث: طب ما نخليه يقول وخلاص. فرح بضحك: حاولنا يا خويا بس أخوك دا حجر قلبه حجر، محتاج شاكوش ومسامير وكوباية شاي وقلم وفنن بقى في الحجر دااااااااا. المصارعة بدأت، أدي له يا أسد وأنت يا فؤاد أوعى تسكت ليه هنفخك لو سكت. أسد راح وضرب فؤاد في بطنه. فؤاد بعد عن نسمه، هو محسش بآلام بس مثل إنه اتألم.

فؤاد بألم: اااااااااه. نسمه جرت عليه وبدأت تسنده. هنا أسد العفاريت اتنطت قدامه. نسمه بدموع وغضب: إيه اللي أنت عملته دا؟ فؤاد حبيبي أنت كويس؟ فرح بضحك: أوبا حبيبي شكلها هتولع يا بنت يا فرح، هاتوا الفشار هاتوا الشاي. أسد بغضب: متقوليش ليه حبيبي، متجيبيش سيرة أي راجل على لسانك فاهمة. نسمه بغضب: ليه بقى؟ أسد بغضب: كدا. نسمه بغضب: إيه السبب وليه تضرب أخويا كدا هو عملك إيه؟ أسد بغضب: علشان حضنك ولمسك.

نسمه بغضب: طب وفيها إيه؟ أسد بغضب: فيها إني حبيتك وبغير عليكي من الهوا حتى. لحظة سكوت عمت المكان. أسد كان في حالة غضب كبيرة ونسمه في حالة صدمة من اللي سمعته، وفؤاد والباقي كانوا مبسوطين لأنهم وصلوا لهدفهم وخطتهم نجحت. فرح الفشار وقع منها من كتر الصدمة. فرح بصدمة: واد يا معتز هو اللي أنا سمعته دا صح؟ معتز بضحك: صح ثم إيه واد دي احترمي نفسك. فرح بغضب مصطنع: نعم يا خويا قصدك إيه؟

والله أبو وردة عايز يشتغل، تحب أرجعه لشغله؟ معتز بضحك: لا على إيه أنا لسه طالع من حادثة، آسفين يا عم. أسد فاق على نفسه و وعي للي قاله وإزاي قال كدا. أسد بندم: نسمه أنا... نسمه طلعت تجري من قدامه وهو طلع يجري وراها. دخلت نسمه الأوضة وكان وشها كله أحمر، قلعت الخمار والنقاب. دخل عليها أسد. أسد بندم: نسمه أنا... لتقاطعه نسمه. نسمه ووشها أحمر بشده وخدودها حمر: بحبك. أسد بندم: أنا آسف! قلتي إيه أنا سمعت إيه؟ عيدي تاني.

نسمه طلعت تجري على الحمام بس أسد لحق ومسك إيدها. أسد بفرحة: بجد يا نسمه؟ نسمه كان وشها كله أحمر من شدة الخجل الشديد. أسد لف وشها ليه وكان أحمر. أسد بحب: نسمه بصي ليا. كانت عيون نسمه في الأرض بس رفعتهم لأسد. أسد بفرحة: أنتِ بجد بتحبيني؟ نسمه وشها أحمر أكتر وهزت رأسها بمعنى أيوه. أسد بحب: عايز أسمعها منك يا قلبي. دقات قلب نسمه بدأت تزيد بسبب الكلمة دي. نسمه بخجل: أسد أنا أنا بحبك.

أسد هنا حضنها بشدة، حضن شمل كل معاني الاشتياق، كل معاني الحب والعشق. أسد بدموع: وأنا بعشقك يا قلبي. وبعد عنها فضل باصص ليها لمدة. نسمه حست بالخجل أكتر. نسمه بتوتر: أنت بتبص كدا ليه؟ أسد بفرحة: مش مصدق اللي بيحصل يا نسمه. نسمه: أسد أنت بجد بتحبني؟ أسد بضحك: بحبك إيه أنا عديت المرحلة دي من زمان أنا دلوقتي في مرحلة العشق يا نسمتي. نسمه بفرحة: بجد يا أسد؟ أسد بحب: بجد يا روح أسد. ثم أكمل بخبث: بقولك إيه. نسمه: إيه؟

أسد: أنتِ عايزة تنزلي تحت؟ نسمه مش فاهمة قصده. نسمه: لا ليه؟ أسد شالها وكرد فعل نسمه اتعلقت في رقبته. أسد بخبث: طب أنا عايز أثبتلك حبي تسمحي؟ نسمه خدودها احمروا أكتر. أسد بضحك: يالهوي على الخدود دي اللي عايزة تتاكل دي، تسمحي ليا يا نسمه؟ نسمه هزت رأسها بمعنى أيوه وكانت متعلقة في رقبته وخجلها زاد. أسد قرب. الشرقاوي بضحك: مالك يا بنتي روشتيني؟

فرح بضحك: أصل أنا مش سامعة لا خبط ولا أي تكسير ولا حتى صوت عالي، هو الواد أسد دا قتلتها ولا إيه؟ ثم أنا عايزة أعمل الدور بتاعي، ثم أنت يا أبو طويلة (فؤاد) مش كنا متفقين إنه لما يعترف بحبه بتفضل تزعق فيه وتقول مستحيل أختي بحب واحد زيك والجو دا وأنا كنت أخش وأدافع وأهدي الموضوع، أنت جاسوس ياض مش كدا؟ أتكلم دافع عن نفسك بدل ما أعلقك. مراد بضحك: أيوه يا باشا. مراد راح وشال فرح.

مراد بضحك: عن إذنكوا بقى يا جماعة ورانا كلام كتير. وطلع مراد ومعاه فرح. فؤاد بغيظ: مين البنت دي ماشي. وطلع على أوضته. معتز: طب وأنا مفيش أي حاجة كدا ولا كدا؟ معتز بضحك: لا شكرًا دا أنتِ هتمرمطي أمي، لا يا أختي شوفيلي واحدة من الفانز بتوعك تكون قمر كدا ماشي. معتز بضحك: أعوذ بالله من الخبث والخبائث.