رواية طفلة الأسد الفصل الثالث 3 - بقلم مروة مرزوق

أسد.... وأنا مش موافق على الطلاق ده. نسمة بهدوء: رأيك خليه لنفسك، لأن بعد تلت شهور هتكون موجود وهتوقع على الأوراق. ولو موقعتش في حل تاني إني أخــ... ــلعك. وساعتها اسم أسد الشرقاوي اللي الكل بيخاف يجيب سيرته هيبقى على كل لسان. تم رفع قضية خـ...... ـلع على أسد الشرقاوي. فما هو السبب؟ وعندك الكلام ده هيتصدر العناوين كلها. فتجنبًا لكل ده، بعد تلت شهور وقع، وخلي كل واحد يروح لحاله. أنا خلصت كلامي، عن إذنكم. وتركتهم ومشت.

أسد كان بيطلع دخان من كلامها ومن هدوئها اللي زاد غضبه ونرفزته أكتر. فطلع من البيت وراح الشركة. زين كان واقف مصدوم من اللي حصل. زين: هو إيه اللي حصل دلوقتي؟ الشرقاوي: جات اللي هتربيه وهترجعه للطريق الصح. زين: دي متخافش ولا أي حاجة، بس أسد دا كان هينفجر. يضحك الشرقاوي بشدة. زين باستغراب: في إيه يا جدي؟ الشرقاوي: أسد لأول مرة مش عارف يصد ويرد الكلام اللي اتوجه ليه. عارف ليه؟ زين: ليه؟

الشرقاوي: لأنه عارف إنه غلطان، ومفيش أي مبرر للي بيعمله ده. ونسمة بتصارحه بكل حاجة، وهو مضطر يسمعها لأن دي الحقيقة. بس مش عارف يصدها لأنه عارف إنه مذنب. زين: هو الجواز بيعمل كده؟ دا أنا كده ملك زماني. أنا مش عايز أتـ... ــجوز. أنا رايح ورا البركان اللي طلع بدل ما ينفجر في حد، وتيجي نسمة وتسمعه كلام وأنا أروح فيها بقى. الشرقاوي: خليك معاه يا زين.

زين: الأخ سند لأخوه مش بالسن لا بالرابط. وأسد أخويا الكبير، بس ده مش مشكلة. فرق عندي لأن من واجبي أساعده زي ما هو بيساعدني. لأننا سند لبعض ودروع لبعض. يلا سلام عليكم. الشرقاوي: عليكم السلام. وذهب زين. الشرقاوي: إمتى هيجي الوقت اللي أقولك يا نسمة الحقيقة فيه؟ ويا ترى هتقبليها ولا لأ؟ آه يا رب. *** وصل الشركة وكان مش شايف أي حد قدامه خالص. كل اللي في باله نظرات

نسمة اللي كانت بتقول له: إنك شخص مقرف. كلامها اللي معرفش يرد عليه ولا يدافع عن نفسه، وكمان معرفش يحط حد لكلامها خالص. وإن إزاي واحدة زي دي ترفضه؟ بقى أسد الشرقاوي اللي أي بنت تتمنى نظرة منه، تيجي بنت وتتمنى ميقربش منها؟ لا وكمان في قربه منها حاسة بالقرف؟ كل ده كان في باله. طلع على المكتب بتاعه ودخل. فكر إنه يشغل باله في الشغل، يمكن ينسى كلام ونظرة نسمة ليه. "مستر أسد ممكن أخش؟ أسد رجع لبروده تاني. أسد: اتفضل.

دخلت بنت كان لبسها ملـ..ــزق وكمية الميك اب اللي على وشها أوفر. أسد: خير يا انجي. انجي بمياعة: في ورق مطلوب التوقيع عليه يا مستر. أسد: تمام. في الورق ده. انجي: اتفضل. وبدأت تقرب من أسد، وأسد لاحظ كده. أصله اتعود دي الطريقة اللي الكل بيتبعها. أسد: انجي تقدري تقعدي. أنا عارف إني هوقع فيه. انجي قعدت بعد ما حست بالإحراج، بس افتكرت إنه اتجوز. انجي: أنا سمعت إن حضرتك اتجوزت. ألف مبروك. أسد ببرود: الله يبارك فيكي.

انجي مسكت إيد أسد. انجي: أنا عارفة إنك مجـ..ـبور على الجوازة دي لأنك بتحب جدك، بس أنا معاك وهفضل معاك دايماً يا مستر. أسد في اللحظة دي افتكر كلام نسمة لما قالت إنهم مقرفين زيك، مش مراعين إن ربنا مطلع على كل شيء وعلى اللي بيعملوه، وإن اللي بيعملوه ده بيتسجل. وافتكر لما قرب منها وشاف نظرة الحقـ..ـارة في عيونه تجاهه. شد إيده من إيد انجي. أسد ببرود: مش أسد الشرقاوي اللي حد يجـ..ـبره على حاجة.

انجي بخبث: أفهم من كده إنك بتحبها. أسد: أظن إن ده شيء ميخصكيش خالص. ومتنسيش نفسك. ولو حابة تحافظي على شغلك، الزمي حدودك. اتفضلي الورق اتوقع عليه، ومش عايز أي حد يدخل عليا، مفهوم؟ انجي بخوف: مفهوم. وأنا آسفة. عن إذن حضرتك. وطلعت وهي غاضبة. عند أسد. أسد رجع ضهره لورا. أسد: بسأل نفسي للمرة المليون أنا بيحصلي إيه؟ أنا سمعت الكلام ده كتير من ناس كتير، بس ولا مرة أثر معايا. إشمعنى جاي معاكي؟

وافتكر جده لما قال اسمها. إشمعنى جاي معاكي يا نسمة؟ إشمعنى إنتي؟ واحدة مفيش أي حاجة مميزة فيكي. إشمعنى؟ آآآه يا دماغي. بس جاله اتصال، وأول ما رد عليه عروقه من شدة الغضب ظهرت ووضحت. وقام بسرعة من على المكتب وطلع بالعربية لمكان ما. *** وصلت نسمة للجامعة لتجد صديقتها فرح واقفة مستنياها. نسمة راحت ليها. فرح بغضب مزيف: لسه بادري مش كده؟ نسمة بابتسامة: آسفة، حقك عليا. يلا ندخل. فرح: بعد المحاضرة الزفت دي تعزميني اعتذار.

نسمة بضحك: بس كده، غالي والطلب رخيص. بس خلينا ندخل بدل ما هننطرد من الجامعة. لا هنحضر المحاضرة ولا هعزمك. يلا. فرح بضحك: واقعية إنتي. يلا يا أختي منشوف الدكتور الـ... ـخم ده آخره إيه. ده بيخش قالب وشه في وش أمي مع الكل. سمنة على عسل يجي عندي كأنه شاف إبليس قدامه. دا أنا حتى قمر وكيوت، إنما هو جعفر مجعفر جعفور. نسمة بضحك: جعفر إيه؟ فرح بضحك: مجعفر جعفور. نسمة بضحك: هتمو*تيني ناقصة عمر بسبب هزارك ده. يلا خلينا نخلص.

فرح بتصنع البراءة: أنا أخص عليكي يا نسومتي بجد، أخص عليكي. هو أنا أقدر؟ ثم حتى لو مو*تى، مين اللي هيعزمني؟ مين اللي هيدفع تمن الأكل اللي باكله في المطعم بعد ما أجرى؟ مين؟ لا لا والله ما بقدر على بعادك يا فوزي يا الفوازيزن. نسمة بضحك: بمو*ت. فرح: سلامتو يا أم العيال. نسمة بضحك: فصلت. ارحميني. كل ما أشوفك مقدرش أمسك نفسي من الضحك. فرح بضحك: نحن نختلف عن الآخرون يا بيبي. طب بزمتك مين الأحسن؟ أنا ولا جعفر مجعفر جعفور؟

نسمة بصت بصدمة ومردتش. لتكمل فرح. فرح: الآنسة اللي عمالة تأكل في المحاضرة دي. مش مطعم أهلك هو. اتفضلي قوليلي أنا كنت بقول إيه بقى؟ بزمتك دا دكتور دا؟ دا حـ... ـماااااااار. نسمة بصدمة: دا إنتي اللي حـ... ـمارة. فرح: تشكري يا قلبي. المهم أنا مش عارف إزاي سمحوا لواحد حـ... ـمار زيه يدرس لطلاب كيوت ومحترمين زيي كدا. إزاي؟ أين العدل أيها القوم؟ أين العدل؟ "أجيبهولك أنا."

فرح أول ما سمعت الصوت من هنا هزت بإيديها في ودنها من هنا. فرح بخوف: قولي مش هون. نسمة بصدمة: لا. فرح بخوف: تعرفي تجري؟ نسمة بصدمة: نعم؟ فرح: اجري. وطلعت تجري. نسمة كانت واقفة مصدومة ومش عارفة تعمل إيه. "قولي لصاحبتك إنها شايلة المادة، وأحسن لها إني مشوفهاش." نسمة هزت راسها بمعنى حاضر. ومشت. "مش مراد الألفي اللي يتقاله كدا." ومشي. *** "شايف البنت المنقبة دي؟ "أيوه، مالها؟ "عايزها." "بس دا مش ذوقك." "وماله؟

نجرب نوع جديد ولا إيه رأيك؟ "نجرب. إحنا هنخسر إيه؟ بس دي باين إنها مش هتيجي معاك بالساهل." "مش معتز الدمنهوري اللي يحط عينه على حاجة وميخدهاش. لو مجتش معانا بالاحترام تيجي معانا بالطرق التانية. جمع أنت الشباب بس، وروح على القاعة." "من عيوني." وراح معتز لبنت وطلب منها حاجة وأدالها فلوس. البنت بطمع: من عيوني يا معتز باشا. بس دا مش من نوعكم. معتز بخبث: انتي اللي من نوعي يا جامدة. بس خلينا نتسلى شوية بيها.

البنت بضحك: ههههه، اوكي. عايزها الساعة كام؟ معتز: بعد المحاضرة. البنت: اوكي. سلام دلوقتي. ومشت. معتز: شكلنا هنلعب، واللعب هيحلو أوي. عند نسمة. بعد ما خلصت محاضرة لقت بنت تايهة. نسمة بابتسامة: خير، إنتي كويسة؟ البنت: أنا مش لاقية القاعة بتاعتي. نسمة: إنتي سنة كام؟ البنت: سنة أولى. نسمة: طب تعالي ورايا، هوديكي القاعة. بالمناسبة، أنا نسمة. وانتي؟ البنت: سوزي. نسمة: أهلاً. وفضلوا يمشوا لحد ما نسمة وصلتها القاعة ودخلت.

سوزي: أنا عملت اللي عليا يا معتز باشا. امشي بقى. ليظهر معتز هو وأصحابه. نسمة بخوف: مين دول؟ وفيه إيه؟ معتز بخبث: على رزقك. بس. ووجه كلامه لسوزي: "هقابلك بالليل. امشي دلوقتي." سوزي بمياعة: اوكي يا بيبي. ووجهت كلامها لنسمة: سلام يا قطة. ههههه. ومشت. وقفلت الباب من برا. معتز بدأ يقرب من نسمة، ونسمة بتبعد. بس فجأة وقعوا. معتز بخبث: هتروحي من فين يا قطة؟ وصلتي لآخر الطريق. وبدأ يقرب.

نسمة دموعها بدأت تنزل ورجلها مبقتش عارفة تشلها. معتز قرب وووووو.