رواية طفلة البلال الفصل العاشر 10 - بقلم وحيدة كالقمر

كرم كان لسه هيتكلم بس وقفة صوت فاطمة. فاطمة بزعيق وهي بتضربه بالقلم: "وليك عين تيجي لهنا بعد اللي عملته في بنتي؟ وقلعت الشبشب وبقت تضربه وبلال بعدها عنه بالعافية. بلال بزعيق: "غور دلوقتي." كرم خرج وفاطمة بقت تعيط وبلال باس راسها وقال: بلال: "متعيطيش يا امي. وبعدين مش مبسوطة اني هتجوز بنتك؟ وبص لفتون. فتون كانت لسه هتتكلم وسيف دخل البيت لأن الباب كان مفتوح. بلال بصله وقال: "الطلعة دي عليا يا خالتي."

بلال قام وقال: "بص خد بعضك وامشي. فتون بقت خطيبتي وقريب مراتي. اخلع من هنا بدل ما اخلعك بطريقتي." سيف كان لسه هيتكلم بس بلال ضربه بوكس وقال: "بصراحة انا بتلكك لأني عايز أضرب." سيف مشي وبلال بص لفتون اللي دخلت اوضتها بغضب وفاطمة قالت: فاطمة: "هتحبك يا بلال بس مسألة وقت." في صباح يوم جديد فتون صحيت ولبست تيشرت أبيض على بنطلون أبيض ورّبطت شعرها ديل حصان ونزلت. قبل ما امها تصحى بس لقيت بلال واقف وهو بيشرب سجاير.

فتون بضيق: "ايه اللي جابك على الصبح؟ وقربت منه واخدت منه السيجارة ورمتها وقالت: فتون: "على الصبح كده؟ بلال بابتسامة وهو بيحط ايديه على كتفها: "خايفة عليا؟ فتون: "لأ. بقولك ايه انت ايه اللي جابك على الصبح؟ بلال بابتسامة: "لما ابقى عارف ان طفلتي عنيدة وهتروح لكرم يبقى لازم اجيلها. اركبي يا طفلة." فتون بصتله بضيق وركبت. في بيت كرم. كرم قعد جنب سمرا وقال: "عارف إنك كرهاني دلوقتي."

سمرا بصتله بدموع وقالت: "لو مكنتش خدرتني وصورتني مكنتش وافقت أبداً اتجوزك وأجرح اختي." كرم شدها لحضنه وهي بتزقه وبتعيط ولحد ما استسلمتله. فتون كانت واقفة شايفه كرم وهو حاضن سمرا وبلال بصّلها بحزن وهي خرجت وكرم شافهم. كرم قام خرج وبلال معاه. في الجنينة. بلال بغضب: "خلص وقول، ولو إن ده مش هيغفرلك اللي عملته." كرم اتنهد بحزن وقال: "لأن ببساطة مفيش أخ بيتجوز أخته، وسمرا مش أخت فتون."