رواية طفلة البلال الفصل التاسع 9 - بقلم وحيدة كالقمر

بلال بص لفتون بصدمة وحزن وقال بوجع: مبروك. سيف: الله يبارك فيك، عقبالك. بلال بص لفتون بحزن ورجع ابتسم. فتون خرجت وقالت: فيه إيه؟ هو إخويا أنا مش بحبه. سيف خرج ووقف جنبها وقال: هاجي لمامتك النهارده. فتون هزت راسها وهو مشي يشوف شغله. في بيت كرم. سمرا بعدت عن كرم وقالت: أنا عمري ما هحبك يا كرم، وخصوصًا بعد اللي عملته في فتون أختي. سمرا طلعت من البسين

وهو اتنهد بضيق وقال: وقت المواجهة قرب وهتعرف السبب اللي خلاني أعمل كده. في المستشفى. فتون كانت واقفة بعيد عن بلال وهو بيبصلها وقال لعائشة أمه: بلال: أمي ممكن تسيبينا شوية. عائشة بصت لفتون بغضب وطلعت. بلال حاول يقعد فاتألم وفتون جريت عليه تساعده. فتون: بالراحة عشان جرحك. بلال: الجرح ده عمره ما هيبقي زي ده. وحط إيده على قلبه. فتون: بلال، أنت ابن عمي وأنا بحبك زي أخويا، مينفعش. بلال بضيق: بس أنا مش أخوكي. فتون مسكت

إيده وهو بصلها وهي قالت: هتلاقي اللي أحسن مني ويحبك. بلال بحزن: بس أنا قلبي مش لغيرك. فتون سابت إيده وجت تمشي، مسك إيدها وقال: بلال: صدقيني مش هزهق، هفضل مستني يا طفلتي. فتون بضيق: بلال. بلال: قلب بلال، ممكن تشوفيلي دكتور الغبرة عشان عايز أخرج. فتون بضيق: بلال اسمه سيف. بلال طرقع صوابعه وقال: دكتور الجراحة بتاعك ده هشرّحه، روحي. فتون خرجت وقابلت عائشة أم بلال.

عائشة: بصي يا فتون، أنا مش هقبل في يوم إنك تكوني مرات ابني بلال، عشان كده ابعدي عنه. أنا ما لتش غيره هو وأخته ومش هسمح لحاجة تقرب منهم. في الليل. بلال دخل أوضته ونام على السرير وطلع تليفونه وبص لصورة فتون وقال: أنا عنيد ومش هسيبك تاني، حتى لو جرحتيني مية مرة يا فتون. وقام وقف بوجع وهو بيبتسم. في بيت فتون. كانت بتضبط فستانها الأسود وقالت: ماما لو سمحتي أنا مش عايزة مشاكل.

فاطمة: لسه امبارح كنتي مكسورة، والنهاردة جايه تقوليلي فيه واحد هيتجوزني. فتون: لازم أنسى اللي حصل يا أمي. فاطمة قربت منها وقالت: ربنا يسعدك يا بنتي. الباب خبط وفتون قالت: هروح أفتح. فاطمة: ماشي. فتون راحت فتحت ولقيت بلال في وشها وهو لابس بنطلون أسود على تيشرت أسود وقال: مش هتقوليلي اتفضل. فتون: لا طبعًا، اتفضل. بلال: زي القمر على فكرة، مش واخده بالك إننا مطقمين. فتون: بلال لو سمحت كفاية وامشي عشان سيف جاي.

فاطمة من وراها: بلال اتفضل يا ابني. بلال: أمي، باختصار كده أنا جايلك أطلب إيد بنتك فتون. فتون برقت وبلال بصلها بابتسامة وهمس: انتي مش لغيري يا طفلتي. فتون كانت لسه هتتكلم قاطعتها فاطمة. فاطمة بابتسامة: اتفضل يا ابني. بلال قعد وفاطمة راحت تجيب عصير. فتون بضيق: بلال قوم امشي يلا وبلاش هبل. بلال: الهبل إنّي أسيب طفلتي لغيري. فتون كانت لسه هتتكلم سمعوا صوت خبط على الباب. فتون بصت لبلال بغضب وهو ابتسم وقال: افتحي.

فتون فتحت وقالت: أنت. كرم: لازم أتكلم معاكي. بلال شد فتون وقال: وهي مش هتتكلم معاك. كرم لفون: لو سمحتي أنا عايز أبرر اللي حصل. فتون بصت لبلال وهي بتحاول ما تعيطش وقالت بصوت مخنوق: وأنا مش عايزة. كرم مسك إيدها وبلال شده وضربه. فتون وقفت قدام بلال وقالت بدموع: كفاية يا بلال، وأنت امشي يا كرم. كرم: اسمعيني لمرة واحدة، اسمعيني، أنا تعبان أكتر من أي حد. فتون بصت لبلال وقالت بصوت مخنوق: قول. كرم...