رواية طفلة البلال الفصل الحادي عشر 11 - بقلم وحيدة كالقمر

بلال بصدمة: ايه اللي انت بتقوله ده كرم بتعب: هي ديه الحقيقة. بابا كان رافض جوازي منها، وأنا مكنتش فاهم ليه لحد قبل الفرح بيوم. فلاش باك عزيز: يا كرم افهم، انت مينفعش تتجوز فتون. كرم: ليه يا بابا؟ عزيز: من الآخر، فتون اختك، ومفيش أخ بيتجوز أخته. كرم: ايه اللي انت بتقوله ده؟ عزيز: هي ديه الحقيقة يا ابني. كرم: ازاي يعني؟ هي مش بنت عمي منير؟ عزيز: لأ، سمرا هي اللي مش بنت عمك منير، لكن فتون بنته. كرم

قعد على الكرسي بصدمة وقال: يعني أنا كمان مش ابنك؟ عزيز قعد جنبه وقال بحزن:

زمان امك فاطمة كانت حامل، وفريدة كمان كانت حامل. وللصدفة، الاتنين كانوا بيولدوا في نفس اليوم. بس فريدة بنتها ماتت وهي بتولدها، وشالولها الرحم. أما فاطمة خلفت ولد. أنا مكنتش عارف هقول إيه وقتها لفريدة، وخصوصاً إنها اتحرمت من إنها تكون أم طول عمرها. عشان كده منير يومها عطالي ابنه، وفهم فاطمة إنها خلفت بنت وهتفضل في الحضانه لفترة. ومنير اتصرف وجاب بنت لسه مولوده، وفهم فاطمة إنها بنتها. كرم:

وبكده محدش يعرف السر ده غير أنا وانت. عزيز بسخرية: وابويا منير. بلال: فتون مش لازم تعرف، انت فاهم؟ كرم بصله. بلال قال: فتون مش هتستحمل أكتر من كده. بلال خرج ولقي فتون قاعدة في العربية وبتعيط. بلال ركب وبصلها بحزن، وهي اترمت في حضنه وهي بتعيط، وهو ضمها بقوة. بلال بحب وهو بيطبطب عليها: هتنسي وهينتهي الوجع. وبعد عنها وقال بحب: وهتحبيني يا فتون. فتون مسحت دموعها وكشرت وقالت: مش هحبك. بلال ابتسم وقال:

هنروح لخالتي عشان نجيب خواتم الخطوبة. في بيت كرم، كرم كان قاعد وسمرا جت وقفت جنبه وقالت: انت كويس؟ كرم رفع راسه وقال: مظنش. سمرا قعدت جنبه وقالت: احكيلي. كرم: مش هينفع. في عربية بلال، كان سايق وبيبص لفتون كل شوية. بلال: فتون. فتون بصت لبلال اللي بيسوق وقالت: نعم. بلال: بحبك. فتون اخدت نفس وقالت بهدوء: بس أنا لأ. ليه أنا، وأنا مش بادلك نفس المشاعر؟ بلال وقف العربية وقال: مش بايدي، قلبي مش بيحب غيرك يا فتون.

فتون ابتسمت وهو قال: هنشوف فستان الفرح. فتون هزت راسها وهو ابتسم وساق. في الأتيليه، فتون بصت لفستان أبيض رقيق وهادي وقالت: حلو ده. بلال بصلها وقال: وهيبقي حلو أكتر لما تلبسيه. فتون: بلال. بلال بحب: قلب بلال. فتون للبنت: عايزة أشوف ده لو سمحتي. واحد بيتكلم في التليفون: البنت مع بلال اهي قدامي. الطرف الآخر: تجيب البنت ديه، لأنها الوحيدة اللي هتخلي بلال ينفذ اللي إحنا عايزينه. وهو: ماشي يا بيه. فتون خرجت وبلال

صفر باعجاب وقرب منها وقال: متجيبي بوسة. فتون بغضب: اتلم. بلال شدها لحضنه وباسها بحب وهي مصدومة وقال: هانت قوي. فتون مشيت من قدامه وهي متوترة ووقفت وقالت: أنا مش هحبك. وفجأة، حد حط منديل على وشها، وهي حاولت تصرخ، بس من غير فايدة لحد ما فقدت وعيها.