رواية طفلة البلال الفصل الثاني عشر 12 - بقلم وحيدة كالقمر

بلال كان واقف مستني فتون تخرج بس هي اتاخرت. بلال: فتون انتي كويسة؟ بلال قلق ودخل جوه وملقيش حد. بلال بزعيق وخوف: فتون انتي فين؟ بعد ست ساعات. كرم رجع البيت وهو شارب. سمرا شافته كده. سمرا قربت منه وقالت: ايه اللي بتعمله في نفسك ده؟ كرم بدون وعي: انا تعبان قوي يا سمرا. سمرا بصتله وقالت: احكيلي يا كرم. قول. كرم بصلها وقال: انتي وفتون مش... في بيت فاطمة. فاطمة مسكت هدومه وقالت بزعيق: بنتي فين يا بلال؟

بنتي كانت معاك راحت فين؟ بلال: مش عارف مش عارف. فاطمة بقت تعيط وبلال قال: اهدي يا امي وهتصرف. في مكان آخر. فتون كانت مربوطة في الكرسي وعيونها متغمية وهي بتزعق. فتون بصريخ: انتوا مين؟ فكوني. واحد قرب منها وضربها كف وهي وقعت بالكرسي. وهو قال: اخرسي بقي صدعتينا. فتون بقت تعيط بخوف وهو خرج. فتون حاولت تقرب راسها من عيونه لحد ما عرفت وشدت القماشة. ولقيت نفسها في اوضة مكركبة والباب مقفول.

فتون حاولت تقطع الحبل او تشده بسنانها لحد ما بقي يتشد. فتون فعلا عرفت تفك نفسها وقامت وقفت وقربت من الباب وفتحته بالراحة. لقيت اتنين قاعدين بره بياكلوا. بس لمحت تليفون علي الكرتونة. فتون طلعت بالراحة واخدت التليفون ورجعت الاوضة بسرعة. فتون كانت ماسكه التليفون بخوف واتصلت علي رقم بلال. فتون سمعت صوت بلال ودموعها نزلت. بلال بخوف: فتون. فتون عيطت وقالت: الحقني يا بلال. بلال بخوف: فتون انتي فين؟

فتون كانت لسه هتتكلم بس وقعت علي الارض لما واحد فيهم ضربها على راسها. واحد من الاتنين: اتصل بالبية بسرعة. عند بلال. كان بيحاول يتصل بفتون اللي مبتردش. وفجاه جاله لوكيشن من نفس الرقم. عند فتون. قرب منها ومسك شعرها وهي صرخت بالم وعيطت. عيسي: انا كنت هتجوزك ولا يمكن كنت اذيكي بس دلوقتي انا هموتك وحبيب القلب هيلحقك. فتون حاولت تبعده بس هو ضربها بالسكينة. وقال عيسي: متقلقيش بلال هيحصلك او هيتسجن.

فتون عيونها دمعت وغمضت عيونها بتعب.