رواية طفلة البلال الفصل الثالث عشر 13 - بقلم وحيدة كالقمر

بلال وصل المكان ودخل لجوه وهو بينادي على فتون. وفجأة قلبه دق بخوف لما لقي فتون على الأرض وبتنزف. بلال قرب منها بخوف ودموعه نزلت وقال: فتون.. فتون حبيبتي اصحي. فتون فتحت عيونها براحة ووجع وقالت بصوت متقطع: عيسي. بلال قام ولسه هيِلف، عيسي جه من وراه وضربه بالسكينة في جنبه. فتون دموعها نزلت وقالت بوجع: بلال. بلال بص لعيسي وعيسي شد السكينة وقال: نسيت أعرفك إني هربت. عيسي ابتسم وقال: موتوا سوا. عيسي خرج بسرعة. بلال

قرب من فتون بوجع وهي قالت: كل ده بسببي. بلال بص لها بحب وقال: بحبك يا فتون ومش هسمح لحاجة تفرقني عنك. فتون غمضت عيونها وهو حاول يشيلها. في بيت كريم. كريم: أنتي وفتون شبه بعض بالرغم من إنكم... كريم سكت وسمرا قالت: إننا إيه؟ كريم وقع في حضنها وقال بدون وعي: متزعليش مني، ماكنش قصدي أذيكي إنتي وفتون. سمرا: اللي حصل حصل ومشي الحال يا كريم. سمرا ساندته لحد الحمام ووقفته تحت الدش وفتحت عليه الماية.

وهو شدها لحضنه وبص لوشها اللي نازل عليه الماية وقرب منها وهي غمضت عيونها. وهو باسها وبعد عنها وبصلها وقال: سمرا متبعديش عني. عند بلال وفتون. بلال كان شايل فتون وهو تعبان وقعد على الأرض من كتر التعب وسند على الشجرة وضم فتون وقال بتعب: حقك عليا. بلال غمض عيونه بتعب. في صباح يوم جديد. فاطمة بدموع: ياتري هما فينه؟ عائشة بزعيق وخوف: ابني كل مرة تحصل مصيبة ورا التانية بسبب بنتك، كله بسببها.

عز والد بلال بزعيق: اهدوا بقي وبدل كل ده خلونا نفكر نلقيهم إزاي. في بيت قديم. بلال فتح عيونه بوجع وبص حواليه وقام بوجع. والشاب قال: محمد حمدلله على السلامة. بلال بخوف وهو بيقف: فتون فين؟ هي كويسة؟ محمد وهو بيحط إيده على كتفه: أهدي، هي كويسة بس غايبة عن الوعي لأنها نزفت كتير ومراتي معاها. بلال بخوف: عايز أروح لها. محمد: حاضر تعالي معايا. بلال قام وقف بتعب ومشي معاه. بلال دخل مع محمد ووقف مصدوم لما شاف.