رواية طفلة الفهد الفصل الخامس 5 - بقلم دعاء حجاج

جمال وصل وكان فرحان أوي باللي بيحصل وقال: واقفين ليه هدوا يلا!! كانوا رايحين يهدوا البيت ولكن صوت قاطعهم. ليلتفت جمال إلى مصدر الصوت وكان في حالة صدمة: زينب بتعملي إيه هنا؟ وفجأة ضربته حتة قلم وقالت: ليه؟ أنا عملت لك إيه مش مكسوف من نفسك وانت روحت اتجوزت بنت صغيرة انت عارف لو أولادك عرفوا ممكن يعملوا إيه بالاخص فهد؟ زينب انتي بتقولي إيه؟ تعالى يا زينة هنااا!! زينة جرت عليها على طول وزينب قالت:

انت شكلك كبرت وخرفت يا جمال انت ناسي إن البنت صغيرة والتوقيع ده باااطل انت مفكر إيه أنا محامية وعارفة الحاجات دي كويس يعني البيت مش من حقك تهدوا. الشرطة وصلت وقالت: فعلا مش من حقك تهد البيت لأن التوقيع ده باطل لأن البنت لسه صغيرة وبعدين انت مطالب... انتوا عارفين بتكلموا مين؟ أنا جمال الكيلاني. هو أنا مقلتلكش إني عطيت الشرطة شوية ورق فيا نصب وشوية أحكام كده!! زينب انتي بتقولي إيه؟ لو سمحت اتفضل معانا!!

ده عقابك عشان تعرف تضحك على طفلة وعلى أهلها. زينب لا... ماشي يا زينب هرجع وهتندمي على اللي عملتي!! أنا آسفة أوي نيابة عن زوجي وعارفة إن حياة بنتكم اتدمرت بسببه. زينب مسكت إيد زينة وقالت: ممكن أطلب إيد بنتكم لابني. وده كبير بردو ولا إيه؟ لا يا فندم ابني عنده ٢٦ سنة!! وهيرضى يتجوز بنتي؟ إن شاء الله أهم حاجة أحصل على الموافقة منكم وهبلغكم بليل القرار. والد زينة كان رايح يرفض ولكن أم زينة مسكت إيده وقالت: موافقين!!

زينة ووالدها كانوا في حالة صدمة. هرد عليكم بالليل إن شاء الله والفرح هيكون بعد ثلاث أيام عن إذنكم. زينب ركبت العربية ومشيت. زينب بتفتكر إزاي عرفت إن زوجها اتجوز زينة وكان عايز يهد البيت. $$فلاش باك$$ بعد ما زينة طلعت من القصر طبعاً جمال طلع وراها ساعتها زينب كانت واقفة وسمعت كل حاجة وكانت في حالة صدمة. ينهار أسود بقا يا جمال تتجوز طفلة. زينب طلعت على الأوضة على طول وبدأت تدور على ورقة الجواز العرفي ده.

وفجأة ورقة وقعت على الأرض. زينب مسكت الورقة وكانت في حالة صدمة. ينهار أسود مضيت البت على ورقة بيع وهي لسه قاصر. زينب خدت الورقة على طول وطلعت برا وسمعت جمال وهو بيتكلم مع راجل. إيه البيت هيتهد ولا إيه؟ بس ده قاصر يا أستاذ والتوقيع باطل. بقولك إيه نفذ وفكك من موضوع باطل ومش باطل ده. زينب بقا عايز يهد بيت الناس: أنا لازم أتصرف في أسرع وقت. زينب دخلت الأوضة تاني وغيرت هدومها وقالت:

شكلي عائلة البت دي غلابة أوي وجمال ممكن يضحك عليهم بما إني محامية وبفهم في شغل الورق لازم أنقذ الناس. $عودة إلى الأحداث$ زينة: انتي إزاي وافقتي؟ وانتي إزاي ليكي عين تتكلمي معايا مش مكسوفة!! لا مش مكسوفة يا ماما. انتي واعية بتقولي إيه؟ انتي حامل يا بت يعني سمعتك هتكون في الأرض لو متجوزتيش في أسرع وقت. وانتي فكراك ممكن ابن الست ده يوافق؟ الست عطت وعد ومستحيل تخلف!! زينة دخلت أوضتها وقفلت الباب وقعدت تعيط. مالك يا حج؟

مالي ده أنا بتقطع من جوا يا أم زينة بقا بنتنا الوحيدة كانت عايزة تدمرنا وتدمر نفسها عشان الفلوس!! والواحد حاسس إنه أب فاشل ومعرفتش أربي بنتي كويس. قلت لك ده فاشلة ولا نافعة في المدرسة ولا نيلة قلت لك زوجها بس انت لا كنت مصر إنها تكمل تعليمها. كنت مفكر هطلع حاجة يا أم زينة هي متعرفش أنا بتعذب قد إيه عشان أجيب ليها فلوس الدروس الخصوصية. عارفة يا حج ربنا يديك الصحة!!

خلاص يا أم زينة الصحة راحت قوليلي هطلع إزاي قدام الناس؟ بعد ما طلعت حامل ومن مين من عجوز!! إن شاء الله خير!! خير وهيجي منين الخير طول ما هي موجودة. زينة سمعت كل حاجة والدموع نزلت من عينها ودخلت أوضتها وقفلت الباب وقالت: أنا طالعة لمين وحشة كده بابا عمره ما أكلنا من مال حرام وماما كذلك كانت عايزة تسترني وكان عندها حق أنا فاشلة فعلاً!! إيه اللي حصل ده مع صاحبتك يا سمر؟ هو إيه اللي حصل يا ماما؟

قال إيه طالعة متجوزة رجل أعمال مشهور وعارفة طلع مين جمال الكيلاني وقال حامل قال. عااارفة!! عارفة منين يا بت أوعك تقولي إنك عاملة كده بردو!! ماما انتي بتهزري!! ماما اطلعى برا عشان مش ناقصة!! طب اسمعي بقا مستحيل أشوفك عند البنت دي تاني!! ماما انتي بتقولي إيه؟ زينة صاحبتي من أيام الطفولة!! انتي مجنونة ده متجوزة عرفي وقال حامل قال وعايزة أخلينا أسيبك تمشي معاها انتي عارفة الناس كلها بتقول عليها إيه؟

بعصبية: مش عايزة أعرف اللي أعرفه إن زينة أختي ومستحيل أتخلى عنها سامعة!! وفجأة ضربتها حتة قلم وقالت: أوعك تقولي على البت دي أختك دي رخيصة. ماما كفااااية حتى لو كنتي أمي مسمحلكيش أبداً تقولي كده على زينة!! وخدت بعضها وطلعت!! $$في المساء$$ $$في قصر الكيلاني$$ زينب كانت قاعدة ومش عارفة تفتح الموضوع إزاي مع ابنها!! مالك يا ماما انتي كويسة؟ أيوه يا مالك كويسة امال فين أخوك اصلا عايزاه في موضوع مهم أوي!! موضوع إيه يا ماما؟

هو فين بس؟ فهد في الشغل ليه في حاجة؟ زينب قربت من مالك ابنها وقالت: عارف يا مالك طول عمري بقول عليك راجل وواد شهم. من إمتى يا ماما بتقولي عليا كده؟ من زمان يا ولد بس انت مكنتش واخد بالك!! ماما ادخلي في الموضوع ومن غير لف ولا دوران. بس يا حبيبي أنا قربت أموت!! بعد الشر عليكي يا ماما ليه بتقولي كده؟ كلنا هنموت يا ابني المهم أنا عايزة أفرح بيك قبل ما أموت!! وفجأة فاق من الصدمة وقعد يضحك!! هو أنا قولت نكتة ولا إيه!

آسف آسف بس انتي عارفة إني شاب طايش وبسهر كتير ومينفعش أشيل مسؤولية خالص!! وانت بقا لحد إمتى هتفضل كده!! ماما أنا لسه صغير أنا عندي ٢٠ سنة يعني موضوع الجواز ده تروحي تقولي لفهد مش ليا!! انت عارف فهد عصبي أوي وأنا بخاف منه. وانا مبتخافيش مني؟ ما تنعدل يا ولد!! ومين ده اللي عايزني اتجوزها؟ بنت زي القمر اسمها زينة؟ وعمرها كام أكيد عندها ١٠ سنين!! لا ١٥ سنة وكمان أسبوع هيكون عندها ١٦ قولت إيه!!

آه أنا عرفت مين البت دي اللي بابا اتجوزها عرفي صح؟ آه يا مالك!! ينهار أسود يا ماما عايزة تجوزي ابنك بنت حامل اتولى طفلين أناا. مين قال طفلين؟ انتي مش بتقولي البت عندها ١٥ وحامل يعني هتولها ما هي طفلة بردو. امشي من قدامي امشي مفيش إلا أخوك فهد اللي هيرضى. بتريقة: في الأحلام عارفة لو قولتي لفهد كده ممكن القصر يقع علينا. امشي من قدامي امشي. حاضررر. بتول: بتعملوا إيه؟ تعالي يا بتول شوفي أمك بتقول إيه؟

صحيح يا ماما اللي سمعتوا ده بابا دخل السجن؟ آه يا بتول ومش عايزة أسمع اسمه هنا تاني ولا للنقاش. تمام أنا رايحة عند واحدة صحبتي سلام!! أوصلك!! يعم اتنيل أنا عارفة عايز توصلني ليه عشان تكراش على البنات هناااك وقولتلك مليون مرة دول بتوع تعليم مش بتوع ديسكو وسهر. مالك حط إيده على فمها وقال: بتهزر يا ماما أصلها مجنونة أوي. مالك همس في ودنها وقال: هخليكي تروحي بالعربية بتاعتي بس تسكتي!! بجد. مالك زقها وقال:

أمشي يا بت من قدامي امشي!! ماشي ماشي يلا عايزة حاجة يا ماما؟ خدي بالك من نفسك!! عايز حاجة يا رزل؟ عايز موزة من عندك!! جاتك القرف في شكلك ومنظرك أما وسخ بشكل!! ماشي ماشي حسابك معايا بعدين!! زينب بتفكير: مالك مستحيل يحافظ على زينة وأنا خايفة أوي من فهد ده ممكن يوقع القصر فعلاً لو سمع موضوع الزواج بالاخص من واحدة صغيرة وحامل. بعد مرور ربع ساعة تقريبا. $$في السجن$$

جمال كان قاعد وبيقول: بقا كده يا زينب ماشي وربنا لخليكي تندمي على اليوم ده. بابااااا. بتول!! صحيح يا بابا اللي سمعتوا ده إنك اتجوزت طفلة وضحكت عليها؟ لا يا حبيبتي مش صحيح انتي تصدقي كده على باباكي؟ لا. ومستحيل أصدق!! بتول أنا لازم أطلع من هنا بأي طريقة!! متخافش يا بابا أنا جبت عمي حسن المحامي. بنتى حبيبتي اللي صدقتني!! أما الشباب طالعين لامهم؟ مالك عرف وصدق ماما بس فهد لسه ميعرفش حاجة لأنه في الشغل!!

أكيد هيصدق أمه انتي عارفة أنا وفهد بنتخانق عالطول وبينا خلاف دايما. مش مهم يا بابا المهم انت أي أخبارك؟ مش كويس يا بتول زعلان أوي من أمك أنها صدقت بت الشوارع دي!! معلش يا بابا إن شاء الله الحقيقة هتبان وكل حاجة هتتحل. إن شاء الله. بتول مشت والمحامي قعد مع جمال وقال: انت فعلاً قربت من البنت وحامل منك. ده كلها لعبة البت عذراء ومش حامل ده اتفاق مع الدكتورة عشان أقدر أدمرها. ده خبر هايل كده هقدر أطلعك بسهولة.

جمال بيفتكر إزاي اتفق مع الدكتورة وإزاي ضحك على زينة وقال إنو دخل عليها. فهد رجع البيت وزينب طلعت تجري عليه على طول. إيه اللي سمعتوا ده يا ماما؟ سمعت إيه يا ابني؟ بابا اتجوز طفلة وحامل منه؟ انت عرفت إزاي؟ الأخبار كلها بتتكلم يا ماما كل القنوات بتتكلم هنعمل إيه في المصيبة ده دلوقتي؟ لازم نسكت الناس ده يا ابني!! وده إزاي بقا؟ اتجوز البت يا فهد.