رواية طفلة الفهد الفصل الرابع 4 - بقلم دعاء حجاج

الدكتوره خرجت وملامح الغضب على وشها وقالت: ازاي تعملوا في بنتكم كده وهي لسه صغيرة؟ انتِ تقصدي إيه يا دكتورة؟ قولي إن بنتي بخير! الدكتورة: ازاي تجوزوا بنتكم في السن ده؟ البنت لسه صغيرة على البهدلة دي! والد زينة فاق من الصدمة وقال: بس بنتي مش متجوزة يا دكتورة. الدكتورة: ٠٠٠٠٠٠ امال ازاي حامل يا أستاذ؟ الكل كان في حالة صدمة. الدكتورة:

بس أعتقد البنت مش متعرضة للاغتصاب، عشان لو البنت متعرضة للاغتصاب كان هيظهر علامات بدل على أنها اتعرضت للاغتصاب بالعنف. أخيراً والد زينة فاق من الصدمة ودخل ليها. أنا كويسة يا بابا متقلقش عليا. وفجأة نزل قلم عليها خلى أنفها وفمها ينزفوا دم. اعااااا غلطتي مع مين انطقي؟ ٠٠٠٠٠٠ أنا مش فاهمة حاجة، انت بتقول إيه يا بابا؟ مبروك. الدكتورة قالت إنك حامل. ٠٠٠٠٠ إيه؟ وربنا ما هرحمك. يا خسارة التربية، يا خسارة. قومي يلا!

لا والنبي يا بابا بلاش تضربني، والنبي. مسكها من شعرها وبدأ يجرها على الأرض. سمر ووالدة زينة دخلوا على طول. إيه اللي بتعملوا ده؟ بعمل إيه؟ وربنا لتموت النهارده. زينة طلعت تجري على سمر وحضنتها. والدها بص ليها نظرة تخوف وخد بعضه ومشي وقال: حسابك في البيت. زينة قعدت تعيط. مين اللي عمل معاكي كده يا زينة؟ ماما أنا متجوزة. ٠٠٠٠٠ متجوزة؟ اه يا ماما بقالي ٣ شهور كده. متجوزة مين يا بت؟ متجوزة رجل الأعمال المشهور جمال الكيلاني.

مين جمال ده يا سمر؟ سمر بارتباك: جمال... جمال ده بيكون زوجي يا ماما وعنده ٦٠ سنة. ٠٠٠٠٠ ينهار أسود! ٦٠ سنة؟ ده غني أوي يا ماما، انتي عارفة. ده كتب قصر باسمي. هاخدك انتي وبابا ونعيش فيه. وفجأة ضربتها بالقلم. اعااااا سمر: خالتي انتي بتعملي إيه؟ مش عايزة أسمع صوتك يا سمر عشان انتي السبب في كل ده. ٠٠٠٠٠ أنا يا خالتي! أيوه انتي يا سمر. طب احلفي بالله إنك ما كنتيش تعرفي بالموضوع ده. بارتباك: أصلاً يا خالتي... مش قولتلك...

انتي عارفة. إيه أكبر غلطة عملتها إني خليت بنتي تصاحبك وتعتبرك أختها. الدموع نزلت من عين سمر وقالت: انتي ظلماني يا خالتي، والله نصحتها كتير. وانتي حسابك مع أبوكي في البيت، ومستحيل أدافع عنك، فاهمة. وخدت بعضها ومشت. زينة مسكت إيد سمر وقالت: أنا بعتذر نيابة عن أمي. خالتي معاها حق يا زينة، من يوم ما عرفتيني وانتي حياتك باظت. بس والله عمري ما تمنيت لكِ الشر، وطول عمري بحبك وبخاف عليكي. زينة حضنت سمر وقالت:

عارفة يا سمورة إنك أحلى وأجدع صديقة. سمر مسحت دموعها وقالت: هتعملي إيه؟ مش عارفة، بس مستحيل بابا يسكت، خصوصاً أنه عنده ٦٠ سنة. أنا خايفة أوي عليكي يا زينة. عشان قولتلك بلاش، بس انتي لا، كل همك الفلوس. عارفة يا سمر، أنا اكتشفت إن الفلوس ولا حاجة قدام الحياة. الدكتورة دخلت وقالت: بصي يا بنتي، أنا هكلمك زي بنتي، انتي فعلاً غلطانة، مكنش لازم تتجوزي من ورا أهلك مهما كان.

عندك حق يا دكتورة، بس مش عارفة هعمل إيه. انتي ممكن تنزلي الطفل ده صح؟ الدكتورة: صعب أوي يا بنتي لأن جسمك ضعيف أوي والرحم كذلك، انتي ممكن تموتي فيها. زينة حطت إيدها على وشها وقعدت تقول: مش عارفة ليه عملت كده؟ كنت عمياء، مكنتش ببص إلا للفلوس، والنتيجة حياتي ادمرت. الدكتورة: بصي، أنا جيت عشان أقولك حاجة، أنا لو مكانك أروح للشخص اللي اتجوزته وأقوله عشان ده ابنه برضه. بس أنا متجوزة على الورق يا دكتورة.

عارفة، لأن سنك صغير على كتب الكتاب، بس ده الحل، امال عايزة حياتك تدمر. وانا كمان يا زينة بقول كده. حااااضر. زينة وصلت قصر الكيلاني وكانت خايفة أوي. اتفضلي. فين جمال؟ مين ده يا حنان؟ ده واحدة بتسأل على البيه يا خانم؟ مين حضرتك وعايزة إيه؟ أنا مرات البيه. ٠٠٠٠٠ انتي بتقولي إيه؟ أيوه يا خانم، أنا اتجوزته من ٣ شهور كده. انتي بتهزري صح؟ ده زوجي على فكرة. ٠٠٠٠٠ انتي بتقولي إيه؟ جمال مش متجوز.

انتي شكلك عايزة فلوس عشان كده جيتي هنا. لا يا خانم، حضرتك فاهمة غلط، أنا وجمال اتجوزنا وأنا حامل دلوقتي. هو فين؟ واسألي. في إيه يا زينب؟ تعالي يا جمال، البنت دي جاية تقول إنك متجوزها وقال إيه حامل منك. جمال، قولها إنك اتجوزتني. انتي مين؟ ٠٠٠٠٠ انت بتقول إيه؟ أنا زينة. زينة مين؟ معرفش حد بالاسم ده. كانت في حالة صدمة ومكنتش عارفة تقول إيه وحاسة إن الدنيا بتلف بيها. لو عايزة فلوس قولي بدل الشو ده، ماشي. صدقيني يا مدام.

مسكت إيدها وطردتها برا والدموع نزلت من عينيها. زينة وقعت على الأرض وقالت: ينهار أسود، أنا كده حياتي ادمرت. الورقة معه، هثبت إزاي إنه زوجي؟ بس يا رب. وفجأة عربية جات وكانت هتخبط فيها، داس فرامل على طول. نزلت فتاة جميلة جداً. انتي مش بتشوفي ولا إيه؟ أنا آسفة. انتي كويسة؟ مش عارفة إذا كنت كويسة ولا لأ. انتي كنتي بتعملي إيه عندنا؟ هو ده القصر بتاعك؟ أيوه، ليه؟ يعني انتي بنت جمال الكيلاني صح؟ أيوه، ليه برضو؟ جمال:

تعالي يا بتول هنا. راحت عند والدها وباسته من خدّه. وحشني أوي يا بابا. أنا أكتر يا روحي، ادخلي جوه عشان عايز أتكلم مع البنت دي شوية. ماشي يا بابا، عن إذنك. بالفعل دخلت وزينة راحت عند جمال وبكل عصبية: ليه عملت كده؟ عايزة أفهم. بصي يا حلوة، زواجي منك باطل. ده كان على الورق، يعني الورقة راحت، مفيش أي دليل يثبت إنك مراتي. بس انت قلت إنك بتحبني. ده لعبة. أنا بحب مراتي وعيالي. طب ليه عملت كده؟

مش حرام عليك تعمل فيا كده وأنا زي بنتك؟ قعد يضحك ويقول: زي بنتي؟ طالما زي بنتي وافقتي تتجوزيني ليه؟ عشان بحبك. قعد يضحك تاني ويقول: بلاش كدب، أنا عارف انتي اتجوزتيني ليه؟ عشان الفلوس صح؟ لا مش صح، انت فاهم غلط. بقولك، اللعب بقا على المكشوف. بلاش الوش البريء ده، يلا اطلعِ برا بيتي وممنوع أشوفك هنا. انت بتقول إيه؟ أنا حامل منك. فين الإثبات؟ اثبات إيه؟ إنك حامل مني. وقعت على الأرض وقالت: ينهار أسود، حياتي دمرتها.

قامت على طول قالت: والقصر اللي كتبته باسمي؟ الورقة اللي وقعتي عليها مش ورقة بيع القصر ليكي، دي ورقة هتصدمك أوي. ٠٠٠٠٠ تقصد إيه؟ روحي البيت بتاعكم وهتعرفي كل حاجة. انت عملت إيه؟ مش هينفع أقولك هنا عشان ممكن تموتي فيها. روحي البيت وهتعرفي. زينة طلعت تجري على طول. زينة وصلت وكانت في حالة صدمة. انتوا هتعملوا إيه؟ ده بيتي. مش حضرتك كاتب البيت ده باسم بنتك؟ أيوه، ليه؟ بنتك وقعت على إزالة البيت لجمال الكيلاني. ٠٠٠٠٠

انتوا بتقولوا إيه؟ الورقة أهي، لو حضرتك مش مصدق روح لأي محامي وهيقولك الورقة سليمة، وخلاص البيت ده مش من حقك تقعد فيه، لأنه بقى بيت جمال الكيلاني، أوبس، أقصد مصنع جمال الكيلاني. انتوا هتعملوا إيه؟ هنهد البيت ونبني مصنع مكانه. زينة كانت واقفة بعيد وكانت في حالة صدمة وفجأة التليفون رن. الوووو... إيه رأيك في المفاجأة دي بقى؟ انت إزاي عملت كده وليه عملت كده؟

عشان عايز أبني المصنع يا حلوة. الأهالي اللي جنبكم خدوا مبلغ حلو كده ووافقوا يبيعوا بيوتهم، بس انتوا اللي رفضتوا تبيعوا البيت. ساعتها قولت مستحيل استسلام ولازم آخد البيت عشان أعرف أبني المصنع، وخليت واحد من رجالي يجيبوا كل المعلومات عنكم، واتفاجأت إن والدك كاتب البيت ده باسمك، قولت دي فرصتي أغريكِ بشوية فلوس وأوافق تتجوزيني. إيه رأيك بقى في الخطة دي بقى؟ ٠٠٠٠٠ يا ترى زينة هتعمل إيه في المأزقين دول؟

الأول الحمل والتاني هدم البيت.