رواية طفلة الفهد الفصل الثالث 3 - بقلم دعاء حجاج

زينه دخلت وقالت: السلام عليكم. العريس وأبو كانوا في حالة صدمه: زينه: بنتي الوحيدة وهي ده العروسة!! والد زينه شافها وكان في حالة صدمه أيضاً. زينه: إيه الأخبار؟ عاملين إيه؟ أتمنى أكون عجبتكم!! أم زينه: تعالي شوفي البت عاملة في نفسها إيه؟ إيه ده يا زينه؟ إنتي عاملة في نفسك كده ليه؟ كل ده مكياج؟ إنتي حلوة من غير حاجة، ليه المكياج ده كله؟ زينه: مش حلوة ولا إيه؟ أمال سمر قالت لي إني حلوة أوي. سمر (في سرها) : أنا قلت كده؟

الله يخربيتك يا خالتي هتزعل مني كده!! أم زينه: إنتي يا سمر!! سمر (بارتباك) : أنا... أنا والله يا خالتي... زينه: في إيه يا سمر؟ مش انتي قولتي إني طالعة حلوة أوي؟ سمر: آه يا خالتي، والله طالعة حلوة أوي، بسم الله ما شاء الله. والد العريس: في إيه يا محسن؟ هو ده هزار بقا؟ نيجي عشان نطلب بنتك تبقى بالشكل ده؟ يا عم هي لو مش موافقة تقولوا وخلاص بدل الإحراج ده، يلا يا ابني!!

والد زينه: استنى يا جابر، معلش، ده طفلة متعرفش حاجة. والد العريس: طالما طفلة، قلت لي تعالى ليه؟ والد زينه: طب اقعد نتكلم شوية عشان خاطري. العريس: لا يا بابا، خليهم يمشوا، بلاش يتأخروا على مواعيدهم. والد العريس: يلا يا ابني، كفاية إهانة أكتر من كده!! والد زينه: جابر استنى!! وبالفعل العريس ووالده مشوا، وأبو زينه بص لها بصة ترعب. زينه: بابا، أنا صغيرة ومستحيل أتجوز دلوقتي، ماشي!! وفجأة ضربها بالقلم وقال: ليه عملتي كده؟

مقولتيش ليه مش عايزة تتجوزي دلوقتي بدل الإهانة دي!! زينه (بعياط) : والله قولت لماما، بس كانت مصرة إني أتجاوز زي سلوى بنت ماجدة. أم زينه: جاتكم الغم، ابعدوا عني، والله لتموتوني!! فرحانة باللي عملتي؟ خليتي وش أبوكي وحش أوي قدام الناس. زينه: أنا قولتلك مش عايزة أتجاوز، بس انتي أصرتي، استحملي بقا. أم زينه: والله لسانك طول وعايز يتقص. زينه دخلت الأوضة من غير ما ترد على أمها وقفلت الباب. أم زينه: كده يا سمر؟

بقا أنا بقول عليكي عاقلة تطلعي انتي اللي مساعداها؟ سمر: والله يا خالتي، هي اللي طلبت مني أحط لها المكياج كده، أعمل إيه بس. أم زينه: طب قولولي يا بنتي، في حد في حياة زينه؟ وأرجوكي متكدبيش عليا؟ سمر (بارتباك) : حد... حد... لا، مفيش حد في حياتها، ليه؟ أم زينه: عشان كل ما عريس ييجي يترفض، وماسكة في حجة التعليم، وهي ولا عارفة أي حاجة!! سمر: مش كده يا خالتي، بس زينه لسه صغيرة وكده. أم زينه: صغيرة إيه؟

فاضل على عيد ميلادها أسبوع وتتم الـ 15 وتدخل في 16، وتقولي صغيرة. سمر: عارفة يا خالتي، هو ده عيب الفلاحين (الأرياف) ، معندهمش تحضر ولا في أي حاجة. أم زينه: ماشي يا سمر، ماشي. هروح أعمل الأكل، ادخلي اتكلمي معاها شوية وعقليها. أم زينه: زينه، افتحي الباب، زينه!! زينه: بقولك إيه يا سمر، أنا تعبانة ومش قادرة أتكلم، ماشي. سمر: ماشي، هدخل ومش هتكلم. إيه رأيك؟ زينه قامت وفتحت الباب وقالت: لازم تبعدي عن الراجل ده يا زينه.

سمر: أبعد إزاي يا سمر؟ ده كتب القصر باسمي. زينه: 😳😳 سمر: مش قولتلك؟ إنتي بصة للفلوس، والله لتندمي. زينه: بقولك إيه، أنا تعبانة أوي ومش قادرة. سمر: ماشي يا زينه، والله لتندمي وهتقولي يا ريت سمعت كلام سمر ساعتها. زينه: يا ستي اقعدي. سمر طلعت وقفلت الباب وراها. زينه قعدت على السرير وكانت تعبانة أوي ومكنتش قادرة. زينه طلعت وعملت كوباية ليمون عشان الدوخة دي تروح. أم زينه: مالك؟

زينه: مش عارفة يا ماما، حاسة إني قرفانة ودايخة أوي، مش عارفة من إيه. أم زينه: أكلتي ولا لأ؟ زينه: آه، أكلت مع صحابي برا. أم زينه: مش قولتلك بلاش أكل برا ده. زينه: ماما، الحقيني!! وفجأة زينه وقعت على الأرض وأمها جرت عليها عالطول. أم زينه: يا حج، زينه، يا حج!! والد زينه: قام عالطول وطلع يجري. والد زينه: اطلع وقف عربية عالطول، هناخدها المستشفى.

أم زينه: ثانية، هروح أجيب عربية وانتي حاولي تفوقيها. قومي يا زينه، قومي يا حبيبتي!!! بعد مرور خمس دقائق كده، أبو زينه جاب عربية وخدوها المستشفى. أم زينه: سمر، سمر!! سمر: نعم يا ماما. أم زينه: زينه مالها يا بنتي؟ سمر (بخضة) : ليه؟ أم زينه: بسأل، أم زينه قالت لي إن البنت دوخت واغمى عليها فجأة. سمر قامت عالطول وكانت طالعة وأمها وقفتها. أم زينه: استني يا سمر، هما مش هنا. سمر: أمال فين يا ماما؟

أم زينه: خدوه وراحوا المستشفى. سمر: من بدري الكلام ده؟ أم زينه: من خمس دقائق كده. سمر خدت التليفون والشنطة وقالت: أنا هروح المستشفى، لازم أكون جنب زينه، ماشي. أم سمر: خدي بالك من نفسك. سمر: حاضر!! بعد مرور ربع ساعة ✨ في المستشفى ✨ والد زينه: يا ترى البت عندها إيه؟ والد العريس: متخافيش يا أم زينه، إن شاء الله هتكون كويسة، يمكن شوية ضعف عملوا فيها كده. أم زينه: يا رب يا حج. سمر جرت عالطول وقالت:

خالتي، الدكتورة قالت لكم إيه؟ أم زينه: لسه يا بنتي بتفحصها. سمر: طب إيه اللي حصل؟ ما كانت كويسة من شوية. أم زينه: والله ما عارفة يا بنتي، فجأة لقيتها في المطبخ بتعمل كوباية ليمون، بسأل مالك قالت لي إنها دايخة وتعبانة أوي وفجأة اغمى عليها. سمر: إن شاء الله خير. أم زينه: يا رب يا بنتي. الدكتورة خرجت وقالت: حرام عليكم، إنتوا إزاي تعملوا كده؟ الكل كان مستغرب من كلام الدكتورة. أم زينه: إنتي قصدك إيه يا دكتورة؟

بنتي كويسة صح؟ الدكتورة: أقصد يا مدام، إزاي تجوزوا بنتكم في العمر ده؟ أم زينه: 😳😳 والد زينه يخرج عن صمته ويقول: بنتي مش متجوزة يا دكتورة. الدكتورة (بصدمة) : 😳😳 حضرتك بتقول إيه؟ أمال إزاي حامل!! الكل: 😳😳