رواية طفلة الفهد الفصل السابع 7 - بقلم دعاء حجاج

زينة قامت من النوم وكانت متغطية وبتبص على نفسها من تحت البطانية ووجدت نفسها عريانة. "ينهار أسود! إيه اللي حصل؟ زينة قامت عالطول ومكنتش لاقية هدوم خالص. طلعت هدوم فهد كلها وفجأة لقت هدوم كانت زينب جايباهم ليها. دخلت الحمام ولبست هدومها وطلعت. "يا ترى إيه اللي حصل؟ معقول يكون... زينة نزلت عالطول تحت ولقيتهم كلهم بيفطروا. "تعالي يا زينة افطري! زينة نزلت وكانت بتبص على فهد وكانت عايزة تقوله: "انت عملت إيه؟ "مالك؟

"هاه، مفيش! "تعالي يا قلبي اقعدي." زينة قعدت وعينها كانت على فهد من ساعة ما نزلت. فهد لاحظ عليها وقال: "مالك يا زينة؟ في حاجة؟ زينة وقعت الكوباية منها عالطول لتنكسر والكل بخضة. "انتي كويسة؟ زينة هزت راسها وقالت: "آه، أنا بخير! فهد قام وقال: "ماما، أنا اتأخرت على الشغل أوي. عن إذنكم." زينة قامت عالطول والكل كان مستغرب. "قومتي ليه يا زينة! "هااا... وفجأة لقت تليفون فهد على الكرسي وقالت:

"فهد، انسى التليفون. هروح أديله التليفون وأيجي! زينة طلعت عالطول وخدت نفس وقالت: "أنا لازم أعرف إيه اللي حصل امبارح! فهد ركب العربية وكان طالع ولكن زينة أوقفته. فهد نزل من العربية وقال: "خير، عايزة إيه؟ زينة بلعت ريقها وقالت: "تليفونك." فهد خد التليفون وقال: "امشي من قدامي بقى! "إيه اللي حصل امبارح؟ فهد وقف واتعصب أوي وقال: "إيه اللي حصل؟ زينة كانت خايفة أوي وبارتباك: "أنا...

"رتبي كلامك الأول قبل ما تيجي تتكلمي معايا! "أنا ليه كنت نايمة على سريرك وكنت عريانة؟ فهد ركب العربية ومشي من غير ما يرد عليها. زينة كانت متعصبة أوي وقالت: "هو ليه مرداش يرد عليا! "زينة، انتي واقفة برا ليه؟ "كنت... "كنت بدئ... فهد التليفون. "طب تعالي عشان عايزكِ! زينة دخلت وكانت متنرفزة أوي. "تعالي يا زينة... زينة دخلت المطبخ وقالت: "في إيه يا خالتي؟

"بصي يا بنتي، إحنا هنا متعودين نعمل كيكة يوم السبت عشان الكل بيتجمع، خصوصاً اليوم ده. فعايزة الكل ياكل من إيدك الكيكة بليل." "😳😳" "أنا... "آه يا بنتي، في حاجة؟ زينة بارتباك: "لا، مفيش، بس استغربت مش أكتر! "بصي، كل المكونات اللي ممكن تحتاجيها موجودة أهيه، والدقيق فوق عندك. أنا طالعة أنا وهناء، مش هنتأخر. خدي بالك من نفسك! زينة هزت راسها وقالت: "حاضر." زينب طلعت بالفعل وزينة حطت إيدها على وشها وقالت: "انتهيت!

أنا بسلق البيض بالعافية، أروح أعمل كيك؟ && في الطريق && تليفون فهد رن. "الوو... "إيه يا فهد، كل ده تأخير؟ فينك؟ "أنا على الطريق، مسافة السكة وهكون عندك." "بقولك، الشركاء وصلوا النهارده، والملف بتاع الصفقة لازم يكون موجود معاك! فهد اتعصب ووقف العربية وقال: "وجاي تقول لي دلوقتي! "بخوف: أنا آسف يا بيه! فهد قفل المكالمة ورن على جاسر. "إيوه يا بيه! "فينك؟

"أنا في البيت يا بيه، اضطريت أطلع عشان بنتي تعبانة أوي، وأخدت موافقة المدام." فهد قفل التليفون وكان متعصب أوي. زينة كانت قاعدة ومش عارفة هتعمل إيه. "وفجأة التليفون الأرضي رن." "هو ده وقته... زينة نضفت هدومها وطلعت وفتحت التليفون وكانت رايحة تقول: "الو... "الو... زينة قفلت التليفون عالطول وقالت بارتباك: "ده المخيف! فهد دير العربية متجهاً إلى القصر. زينة خدت نفس عميق وقالت: "أهدي خالص، هو ميعرفش مين اللي قفل في وشه."

زينة دخلت المطبخ وطلعت التليفون ورنت على سمر. "زينة، أخيراً سألتي عليا؟ من حقك، إنتي إزاي تسافري؟ إنتي مش عارفة الناس قالت عليكي إيه بعد ما سافرتي؟ "مش مهم يا سمر، بقولك الكيكة بتتعمل إزاي؟ "ينهار أسود، مش عارفة الكيكة بتتعمل إزاي؟ "زينة بتريقة: لا، مش عارفة! "تصدقي بالله، ولا أنا! زينة بعصبية: "اسكتي يا سمر، اسكتي خالص." "صحيح، إنتي في ورطة وعايزة تعملي كيكة؟ زينة قفلت التليفون وكانت متعصبة أوي وفتحت النت وبحثت.

"المكونات بيض وسكر وفانيليا... وفجأة حد مسك منها التليفون ورميه على الأرض. "😳😳" فهد مسك زينة جامد أوي من إيدها ودخلها في الحيطة. "إنتي عارفة إنتي عملتي إيه؟ زينة بخوف: "عملت إيه؟ "إزاي تقفلي في وش فهد الكيلاني؟ "بارتباك: أنا، أنا إمتى؟ فهد ضغط على إيدها جامد لحد ما الدموع نزلت من عينها وفجأة زقها وطلع على الأوضة. زينة كانت خايفة أوي وبترتعش. فهد طلع على الأوضة لقي الأوضة زبالة والهدوم كلها على الأرض.

فهد بصوت هز القصر: "زينة!! زينة اتخضت من شدة الصوت والطبق وقع منها على الأرض. "عملتي إيه تاني يا موكوسة؟ فهد نزل وقال: "إيه اللي عملتيه في الأوضة دي؟ "عملت إيه؟ وفجأة لدغت لسانها وقالت: "ينهاري، الهدوم... "أنا بحب النظام أوي، فاهمة ولا لأ؟ زينة رجعت لورا وقالت: "فاهمة، فاهمة." "من النهارده أوضتك في أوضة الضيوف وممنوع تقربي لأوضتي تاني! "بخوف: حااااضر! "اطلعي نظفي الأوضة فوراً وعايز الأوضة زي ما كانت!

زينة طلعت تجري عالطول. زينة طلعت فوق وفتحت الباب ودخلت عالطول وبدأت تلم الهدوم. فهد دخل وقال بعصبية: "إنتي لقيتي الهدوم كده في الدولاب؟ "بارتباك: كانت متطبقة! "تبقى زي ما هي! زينة قعدت على الأرض وبدأت تطبق الهدوم. فهد قعد يدور على الملف وكان متعصب أوي. "فينك يا خالتي؟ أنا خايفة أوي." فهد شاف الملف على الأرض وقرب من زينة اللي لاحظت خطواته اتجاهها. "هيعمل إيه ده؟

فهد قرب منها أوي ونزل عندها وقرب أكتر منها وزينة دقات قلبها كانت سريعة أوي. فهد قرب وشه من وشها وبقت عينهم في عين بعض وزينة كانت بترتعش. وفجأة مد إيده وخد الملف. زينة التفتت لورا عالطول واطمأنت. فهد خد الملف وقام وقبل ما يمشي قال: "ارجعي ألقي الأوضة زي الأول، فاهمة! "حاااضر." زينة: "أعمل إيه دلوقتي؟ لو منظفتش الأوضة المخيف ممكن يقتلني، ولو الكيكة معملتهاش خالتي هتسأل إيه السبب وهتدخل في س وج."

زينة قامت عالطول وبدأت تنظف الأوضة وخلصت. وهي طالعة من الأوضة كوباية كانت موجودة وبالغلط زينة وقعتها من غير ما تاخد بالها على ملف من ملفات فهد. ونزلت عالطول تحت وخدت التليفون من على الأرض وانصدمت. "😳😳" "الشاشة راحت في داهية... "اعااااا... زينة فتحت التليفون وفتح معاها بالفعل: "الحمد لله، أنا كنت خايفة أوي، ألا يكون باظ! زينة بحثت تاني وبدأت تقرا المكونات وطريقة التحضير وبدأت تنفذ زي الطريقة بالظبط. زينة: "فين الدقيق؟

زينة بصت لقت الدقيق محطوط فوق وهي قصيرة أوي. "أعمل إيه دلوقتي؟ زينة جابت كرسي ووقفت عليها ومكنتش طايلة الدقيق وفجأة... "اعاااااا...