رواية طفلة الفهد الفصل الستون 60 - بقلم دعاء حجاج

حمزه بص على الباب وشاف خيال. مسك زينه من ايدها وشدها ليا وقبلها من فمها بعن"ف وخدها ونزل بيها على السرير. وقت ما فهد دخل وكان في حاله صدمه. زينه زقت حمزه وخدت الملايه وحطتها على جسمها وقالت: انت بتعمل اي يا حيو"ان. حمزه بص لفهد وقال: في اي يا زينه ما كنتى حلوه والا لما شوفتى فهد عملتى كده. زينه ألتفت وقالت بصدمه: فهد. فهد بص لزينه بنظرات مقرفه وهز رأسه وقال بصدمه: انتى يا زينه.

زينه راحت عند فهد وقالت: فهد صدقنى انا معرفش جات هنا ازاى انا صحيت ولقيت نفسي على السرير والحيو"ان ده جنبي. فهد حط ايدو على فم زينه اللى كان بينزف د"م نتيجه القبله العني"فه. زينه مسكت ايد فهد وقالت: انت مصدقنى صح اتكلم والنبي متفضلش ساكت كده. حمزه مسك تليفون زينه وعمل نفسه بيمسح حاجه وبدا يرتعش بيمثل قصد. فهد سحب ايدو وراح عند حمزه وشد منه التليفون وشاف المحادثه اللى عملها حمزه وجمال.

حمزه بابتسامه: حلوه اوى اعتقد ان الخطه نجحت 100%. فهد شاف المحادثه وكان في حاله صدمه. زينه راحت عند فهد ومسكت التليفون منه وقالت بصدمه: اي ده والله ما اعرف الكلام ده. فهد يخرج عن صمته ويضر"ب زينه بالقلم ومن قوه القلم فم زينه نزف للمره التانيه. زينه حطت أيدها على خدها وقالت بصدمه: فهد. حمزه حط ايدو على شعرو وقال بفرحه: برافو يا جمال ده الشيطا"ن نفسه يتعلم منك. فهد بص لزينه بقرف ورزع الباب ورااا.

زينه لبست هدومها عالطول ونزلت ورا فهد وقالت: فهد عشان خاطري متعملش كده. ركب العربيه والدموع نزلت من عينا ومكنش مصدق أن البنت اللى عطها قلبه عملت كده. زينه ركبت العربيه وقالت: اسمعنى والنبي. فهد شغل العربيه وزود السرعه وكان متعصب اوى. في الطريق. فهد: عشان خاطري اسمعنى. فهد بصوت جهوري: مش عايز اسمع صوتك اسكتى. الدموع نزلت من عين زينه وقالت: انا زعلانه عارف ليه عشان مش بتوثق فياااا. فهد داس فرامل وزينه خافت اوى.

نزل من العربيه وفتح الباب لزينه وقال بغضب شديد: انزلى. زينه: انت بتعمل اي. فهد مسك ايد زينه وزقها على الأرض. زينه قامت عالطول ومسكت في دراع فهد وقالت بتوسل: ارجوك متعملش كده انا ماليش غيرك في الدنيا والنبي يا فهد انا مقدرش اعيش من غيرك. فهد: ابعدي عنى. زينه حضنت فهد جامد اوى وقالت: عشان خاطري يا حبيبي. فهد بالم: اديتك قلبي وكنت مستعد اضحي بنفسي عشانك. ثم كمل بصوت جهوري: وفي الاخر روحتى للكل"ب ده.

زينه بعدت عن فهد وقالت: والله ابدااا انا صحيت ولقيت نفسي على السرير والزفت ده جنبي. فهد قعد يضحك بسخريه وقال: الزفت ولا حبيب القل. الدموع نزلت من عين زينه وقالت: انت حبيب قلبي. فهد: اسمعى بقاااا فاكره لما قولتلك انى هطلقك لما تكملى ال ١٨ سنه انا قررت هطلقك لما تتمى ال ١٨. ثم قال: اكيدا بتسالى ليه مطلقنيش دلوقتى عارفه ليه. فهد مسك ايد زينه جامد أوى وقال بصوت جهوري: هعذ"بك الاول هدفعك التمن غالى.

زينه بدأت ترتعش وقالت: والله مظلومه. فهد زقها وقال بغضب: محدش قدر يجرح فهد الكيلانى لحد دلوقتى وجيتى انتى وعملتى كده. ثم كمل بعصبية: ومن النهارده فهد الحنين ده ما"ت انتى دلوقتى في جح"يم الفهد. زينه بصت لفهد بخوف وفهد ركب العربيه ومشي. زينه طلعت تجري وقالت بعياااط: فهد فهد. وقعت على الأرض وقالت باعلى صوت: والله مظلومه ومش عارفه ازاى حصل كده. بعد مرور ربع ساعه تقريبا وخصوصاً في شركه الكيلانى. (نور الدين المنصوري)

وصل الشركه وكان متعصب جداا والكل لاحظ غضبه. فهد بصوت جهوري: من النهارده الوضع اتغير اللى هيتاخر ثانيه واحده مطرود فوراً. الكل بصوا لبعض وكانوا في حاله صدمه كيف نصف ساعه تغيروا كده. فهد: وانتى الملفات كلها تترجم. قامت وقالت برهبه: ازاى يا بيه دول كتير اوى اقل حاجه يومين عشان اترجمهم. فهد بصوت كفحيح الافعي: انا قولت اي معاكى نص ساعه بس والملفات تكون على مكتبي. زينه: بس. فهد بص في الساعه وقال:

الساعه دلوقتى ١:٣٠ على الساعه ٢ الملفات تكون عندي والا. اعتقد فهمتى. بصت لتحت وهزت راسها وقالت: حاضر يا بيه. دخل ورزع الباب وراء والكل انخض وقال أحدهم: اعتقد فهد بيه رجع زي زمااان وأسوأ كمان. شخص آخر: ما كان حلو من شويه اي اللى حصل. الشخص الأول: معرش اشتغلوا والا هنكون برااا. كان قاعد وحاطط ايدو على دماغه ليدخل حسام وقال: اي الكلام اللى بينقال برا ده. فهد بص لي وقال: حسام اطلع براا.

حسام شد الكرسي وقال: اطلع ازاى يا جدع الموظفين في رعب براا وبيقولوا أن فهد بتاع زمان رجع. فهد بص لتحت وقال بحزن: لازم تتعودوا على كده من النهارده. حسام قرب من فهد وقال: انا مش صاحبك ؟ فهد: حسام عشان خاطري اطلع برااا. حسام: مش هطلع الا لما اعرف اي اللى حصل مش معقول تتغير في نصف ساعه. فهد قام وقال: حسام اطلع برا مش هقولها تانى. حسام قام وخد نفس عميق وقال: هطلع يا فهد بس أوعك تفكر انى هسيبك. فهد:

_حسام بص لتحت وفتح الباب وطلع فعلاااا. فهد بحزن: النهارده الثقه انهزت خالص يا زينه خصوصاً كدبك علياا. الدموع نزلت من عين فهد وقال: انا مكنتش هصدق اللى شافتوا في الفندق بس المحادثات ورايحه المول وراكبه مع عمو جاسر خليتك تنزلى من نظر. رجعت القصر وكانت شبه ميته. زينب: زينه كنتى في. زينه طلعت من غير ما ترد على زينب. زينب الاستغراب: يا تري في اي. زينه طلعت اوضتها وقفلت الباب ووقعت على الأرض وفي ثانيه الدموع نزلت من عينها.

زينب: زينه زينه انتى بخير يا بنتى. زينه مسحت دموعها وقالت: انا بخير يا ماما متخافيش عليا. زينب بشك: متاكده. زينه: اه يا ماما شويه صداع مش اكتر هنام وان شاء الله هيخف. زينب: انتى مفطرتيش اكيدا ده اللى عملك صداع. زينه: لا يا ماما انا مش جعانه. زينب باستسلام: طيب. نزلت تحت ولقت سمر في وشها جرت عليها عالطول وقالت: سمر. سمر مسكت ايد زينب وقالت: في اي يا ماما. زينب: حاسه أن زينه مخبيه حاجه.

سمر ضمت حواجبها وقالت: مخبيه حاجه. زينب هزت راسها وقالت: روحى اتكلمى معاها يا بنتى ممكن تسمع منك وتقولك اي اللى حصل. سمر هزت راسها وقالت: حاضر. زينب: استنى هجبلك فطارها خدي معاكى بالمره. سمر: ماشي. بعد شويه سمر طلعت لزينه اللى كانت قافله الباب. سمر: زينه زينه. زينه بفرحه: سمر. زينه قامت من على الأرض وفتحت الباب وقالت: سمر. سمر دخلت وحطت الاكل على السرير وقالت: ماما قلقانه عليكى اوى.

زينه بصت لتحت وقالت: مفيش كلوا تمام. سمر بصت لزينه بشك وقالت: مش واضح كده ليه قدامى. زينه بارتباك: مش فاهمه. سمر: اقصد أن في حاجه حصلت وانتى مخبيه. زينه قعدت على السرير وقالت: مفيش حاجه حصلت صدقيني. سمر قعدت جنب زينه وقالت: انا عارفه انك عناديه اوى ومهما حصل مش هتقولى حاجه بس انا اعند منك ومش همشي ولا هتحرك لما اعرف اي اللى حصل. زينه: صدقينى يا سمر مفيش حاجه. سمر مسكت ايد زينه وقالت: اتخانقتي مع فهد.

زينه هزت راسها والابتسامه اترسمت على وجهها وقالت: اطمنى مفيش حاجه. سمر: اممم طيب ماما قالت انك مفطرتيش. زينه: مش جعانه. سمر مسكت المعلقه وقالت: مش بكيفك افتحى بوقك يلاا. زينه ابتسمت وسمر كانت متاكده أن في حاجه زينه مش عايزه تقولها. بعد شويه. سمر: كفايه. سمر خدت الاكل وقالت: اقدر اسيبك كده بس هرجعلك تانى عارفه ليه عشان اعرف اي اللى مخبيه حضرت. زينه بلعت ريقها وقالت: انا قولتلك مفيش حاجه ليه مصممه أن في حاجه حصلت.

سمر: اصلاا عارفه صديقتى واختى زينه واحنا اطفال. زينه: بس المره ده غلطانه مفيش حاجه. سمر: امممم طب انا نازله. زينه هزت راسها وسمر طلعت وقالت بشك: مليون في المية في حاجه زينه مخبيها. قعدت على السرير وكل ما تتذكر اللى عملوا حمزه يزداد كر"ها اتجاه اكتر واكتر. في مكان ماكانوا قاعدين فرحانين أن زينه وفهد انتهوا. شيري: بس حقيقي شابو يا جمال. جمال مسك الكاسه وقال: قولتلك الخطه هتنجح مصدقتيش.

شيري: نجحت بشويه تفصيل يا جمال زي المحادثه. جمال: والمحادثه ده من تخطيطى بردو. كان واقف على جنب وكان بيتخيل نظرات زينه المحتقره ليا. شيري غمزت لجمال وقالت بهمس: مالو العاشق ندمان ولا اي. جمال قام وراح عند حمزه وقال: مش عايز تحتفل معانا ولا اي. حمزه مسك الكاسه من جمال ورمها على الأرض لتنكسر عالطول. شيري قامت وقالت بعصبية: اي اللى عملتوا ده. جمال رفع ايدو في وش شيري بمعنى اسكتى خالص. شيري اتعصبت اوى وجمال

حط ايدو على كتف حمزه وقال: مالك زعلان كده ليه أوعك تقولى انك ندمان. حمزه بص لجمال وقال: مش عارف ازاى عملت كده ازاى اتجرات وعملت في البنت اللى بحبها كده. جمال قعد يضحك وقال: ما اللى حصل ده في مصلحتك يا عبيط. الدموع نزلت من عين حمزه وقال: لا يا جمال انا شوفت في عين زينه حب لفهد مشفتهوش قبل كده في حياتى ولا عمري هشوفه. جمال مسك حمزه من لياجته وقال: امال ازاى اتجرأت وقبلتها من فمها.

حمزه زق جمال وقال بغضب: مش عارف ازاى عملت كده يمكن كانت لحظه شيطا"ن مش اكتر. جمال قعد يضحك للمره التانيه وقال: لحظه شيطا"ن يعنى اي يا روح امك. حمزه: يعنى لازم اصلح اللى عملتوا زينه بتحب فهد وانا عايزها تكون فرحانه لأن سعادتها من سعادتى. جمال قعد يسقف وقال: الله يا راميو. ثم كمل بغضب: انت عارف لو روحت واعترفت بالحقيقه اترحم على روحك يا حلو. حمزه: يعنى اي. جمال طلع المسدس وحطوا على دماغ حمزه وقال: كده يا روح امك.

حمزه بصدمه: انت بتعمل اي. جمال: جمال الكيلانى مبيتهددش فااااهم. شيري بصت ليا وقالت: لو روحت وقولت الحقيقة ساعتها جمال هيقت"لك انت متعرفش جمال الكيلانى ولا اي. حمزه: انتوا مش بنى ادمين مستحيل تكونوا بنى ادمين انتوا شيا"طين. جمال وشيري قعدوا يضحكوا وجمال قال: مش لوحدنا يا حلو انت كمااان معانا. ثم كمل: حاول تروح لفهد كده والطلقه ده هتكون في نافوخك. حمزه خد الجاكيت وطلع. شيري قامت

وراحت عند جمال وقالت بخوف: تفتكر هيروح لفهد فعلاا. جمال هز رأسه وقال: ده ذكى وميعملهاش. شيري: ولو عملها. جمال رفع المسدس وقال: يبقا كتب على نفسه المو"ت بدري بدري. شيري ابتسمت ابتسامه تحمل الشر وقالت: الشيطا"ن يتعلم منك يا جمال. جمال ابتسم وقال: مش لوحدي يا شيري وانتى كمااان. شيري: مش زيك بردو. طلع وركب العربيه وساق باقصي سرعه وكان متعصب جدااا.

حمزه: اللى عملتوا غلط يا حمزه ايوه غلط البنت اعتبرتك صديقها وفي الاخر خنت الصداقه ده. قعد يضر"ب بايدو على الدركسون وقال: ازاى قدرت اعمل كده ازاى قدرت اقبلها ازاى. ثم كمل: اللى عمل كده مش انت يا حمزه ده الشيطا"ن اللى جواك ده مش حب ده ضعف وشهو"ه مش اكتر. نزل من العربيه وضر"ب الأرض برجله وقال: مش عارف اعمل اي حقيقي قرفان من نفسي اوى. في المساء تحديدا في قصر الكيلاني "قصر نور الدين المنصوري". نزل من العربيه

بكل عصبيه وقال بصوت جهوري: جاسر جاسر. جاسر طلع عالطول وقال: نعم يا بيه. رمى المفاتيح على الأرض من زمان اوى معملش كده. جاسر: العربيه تدخل الجراش ومش عايز ولا خدش فيها. جاسر هز رأسه وقال: حاضر يا بيه. فهد دخل القصر وجاسر كان مستغرب جدا وقال: مين ده اكيدا ده مش فهد بيه. زينب: فهد انت رجعت يا ابنى. وقف بكل جبروت وقال: اي يا ماما. قامت وقالت باستغراب: في اي مالك. فهد بجمود: مفيش.

زينب مسكت ايد فهد وقالت: مفيش ازاى انا اول مره اشوفك كده من زمان اوى مشوفتش الوش ده. فهد: _انا عايز انااام تصبحي على خير. زينب: مش هتااكل. فهد: خلى سناء تطلعلى فنجان قهوه. زينب: طب والاكل. وقف وقال بعصبية: انا قولت فنجان قهوه مقولتش اكله. هزت راسها وقالت: حاضر بس اهداا كده. فهد بغضب: انا هادئ يا ماما. زينب بارتباك: سنااااء. سناء: نعم يا خانم. زينب: فنجان قهوه لفهد ويا ريت يكون مظبوط شكله متعصب اوى.

زق الباب ودخل قلع الجاكيت ورمى على الأرض وقتها زينه طلعت من الحمام وقالت: اتاخرت ليه. فهد قعد على الكنبه وطلع سيجاره وده كانت بمثابة صدمه لزينه. زينه: فهد انت بتعمل اي. ولع السيجاره وبدأ يشربها وزينه مسكت منه السيجارة ورمتها على الأرض وقالت بعصبية: انت ازاى تشرب القرف ده. فهد اتحول الى شيطا"ن وقال بصوت جهوري: انتى ازاى تتجرأي وتعملى كده. زينه بخوف: السجاير غلط على صحتك.

فهد قام وقرب من زينه وقال: ويا تري صحيتى بتفرق معاكى. زينه بصت في عيون فهد وقالت: اه طبعاا. فهد بابتسامه تحمل التريقه: اول مره اعرف أن صحيتى بتفرق معاكى. زينه مسكت ايد فهد وفهد بص على ايدها وقال بجمود: ايدك الو"سخه ده تشليها فوراً. الدموع نزلت من عين زينه وسحبت أيدها عالطول. فهد: فهد بيه. فهد بص لزينه وقال: ادخلى يا سناء. دخلت وقالت: القهوه يا بيه. مسك منها الفنجان ورمى على الأرض لتنخض

زينه وقال بصوت جهوري: انزلى اعمليلى فنجان قهوه. زينه هزت راسها وقالت: حاضر. سناء نزلت عند الارض وكانت رايحه تلم الازاز ولكن فهد قال: أمشي يا سناء هي اللى هتلمهم. زينه بصت لفهد بصدمه وسناء قالت: مينفعش يا بيه ده مهما كان مرات حضرتك. الجمله ده عصبت فهد اوى وقال: اطلعى برااا. سناء: بس. فهد بغضب شديد: قولتلك اطلعى براا مش عايز اقول الكلمه تانى. سناء طلعت عالطول وفهد

اترمى على السرير وقال: الازاز ده يتلم وفنجان القهوه يجى فوراا. زينه بدأت تلم الازاز فعلا والدموع على خدها. فهد: استعجلى شويه. من غير ما تاخد بالها أيدها انفتحت. زينه بالم: اعاااااا. فهد قام عالطول ومسك أيدها وقال: اي اللى عملتى ده مش تاخدي بالك. فهد راح جاب شاش وقطن وبدأ يعقم الجرح لزينه وزينه حطت ايدها على خد فهد وقالت: بحبك اوى وانت كده وبخاف اوى من فهد اللى كان بيتكلم من شويه. فهد لف

الشاش حوالين أيدها وقال: دقيقه واحده بس وفنجان القهوه يكون هنااا. زينه نزلت فعلاا. صحيح زينه اللى انجرحت بس فهد اللى كان بيتالم. بعد مرور دقيقتين تقريبا زينه دخلت وقالت: القهوه. فهد بص ليها وقال: اشربيها انتى. زينه باستغراب: ليه. فهد بصوت جهوري: انا قولت دقيقة واحده وحضرتك قعدتي دقيقتين. زينه حطت فنجان القهوة جنب فهد وكانت رايحه تنام جنبه ولكن فهد قال بابتسامه: برااا. زينه بصدمه: اي.

فهد شاور لزينه وقال: فاكره اول يوم جيتى فياا نمتى فين اهوا من النهارده بقاا هتنامى. كده. زينه: بس الجو بارد اوى. فهد: مش ذ"نبي. زينه: طب هنام على الكنبه. فهد: بردو لا برااا. زينه بصت لتحت وطلعت فعلا. (غرفه فهد عباره عن قسمين قسم فيا الدولاب والسرير والحمام زي اي اوضه وقسم فيا حمام سباحه ممتلئ بالورد) قعدت على الأرض وضمت رجلها من شده البرد وهو مكنش قادر يشوفها كده. حاول يبقا اقوي من كده لكن مش قادر.

مسك فنجان القهوه وفتح الاب توب وكل شويه يبص على زينه. زينه بخوف: ينهااار اسو"د حطيت ملح بدل السك. بدأ يشرب فنجان القهوه ولاكن عليا ملح وزينه كانت مستغربه ازاى متكلمش. زينه مكنتش مستوعبه ازاى شرب فنجان القهوه خصوصاً أن عليا ملح مش سكر. فهد بدا يسخن خصوصاً أن عندو حساسيه من المياه المالحه وده تعتبر مياه مالحه. زينه لاحظت على وجهه اللى بقاا احمر جداا فتحت الباب وحطت أيدها على خد فهد وقالت: اي ده وشك سخن اوى.

فهد زق زينه وقال: للدرجه ده بتكر"هينى حطيتى ملح بدل السكر طب كنتى حطى سم احسن بس احب اقولك أن أي حاجه منك سكر. زينه ابتسمت وفهد قال بغضب: مين قالك تطلعى. زينه: لا لازم تاخد دوا الحساسية. فهد: اطلعى برااا. زينه مسكت ايد فهد وقالت: هطلع بس والنبي تاخد الدوا. فهد بص لتحت وقال: الوجع اللى جوايا مش زي الوجع ده. ثم كمل: الوجع اللى جوايا اقوي بكتير. زينه بصت لتحت أيضا وقالت: والله مظلومه يا فهد انت ليه مش عايز تصدق.

فهد: اطلعى برااا. زينه طلعت فعلا وفهد خد دوا الحساسيه بناءا على رغبه زينه لان فهد ميقدرش يقصر ليها كلمه. بعد مرور ربع ساعه. نامت زينه وفهد كان لسه صاحي وكان بيضحك على غباءو وقال: واحده زي ده قدرت تضحك عليكمكنش عارف ينام لانه اتعود ياخد طفلته في حضنه. فهد حط المخده على دماغه وقال: ضعفك ده مش هينفعك وهتستغلك اكتر لازم تدفعها التمن غالى اوى. في صباح اليوم التالى. سمر: مالك يلاا اتاخرنا على الامتحان.

مالك بنوم: امتحان اي. سمر: عندنا امتحان يا حبيبى. مالك ضم حواجبه وقال: احنا عندنا امتحان. سمر هزت راسها وقالت: اه والله. مالك: اخر السنه ده ولا نص السنه ولا اي. سمر بابتسامه: اختبار. مالك رمى المخده في وشها وقال: خضتينى. سمر شدت البطانيه وقالت: يلا قوم بلاش كسل بقالى يومين مروحتش المدرس. مالك بنوم: ربعيه. سمر: ربعية اي بس قوم وصلنى والنبي. مالك: حاضر. سمر شدت مالك وقالت: حاضر اي وانت لسه نايم.

مالك قام وقال بغضب: يخربيتك عايز انااام. سمر: طب وصلنى وبعدها نام. مالك زقها وقال: ابعدي عن وشي. مالك قام وقال: ما جاسر تحت لازم تقرفينى في عيشتي. سمر: ليه انت مش رايح المدرسه. مالك: لا مش رايح وهاخد الشهاده وانا في البيت. سمر: اممم ازاى. مالك طلع قميص وبنطلون وقال: ده شي ميخصش حضرتك. سمر باست مالك من خده وقالت: هستناك تحت. مالك: بلاش تلعبي معايا. سمر ابتسمت وقالت: بنتعلم منك. مالك: اممم يبقا هتاخدي السنه ده بسنتين.

سمر: يا ساتر يا رب هستناك تحت أوعك تتاخر. مالك: لو فضلتى تتكلمى معايا كده مش هنمشي. سمر: طب يا عم اهدا عن اذنك. قامت على صوت المنبه المزعج. زينه: اعاااا عايزه انام. سمر: الساعه ٧ وحضرتك لسه نايمه. زينه: بس انا بصحي ١٠. سمر: زمان دلوقتى لاء في قوانين كده فاكرهم والا تحبي اقولهم. زينه بحزن: فاكرهم. سمر: من بكره تصحي على الساعه ٦ والقهوه تيجى قبل ٦:٣٠. زينه: حاضر. سمر: روحى اعملى فنجان قهوه ويا ريت تحطى سكر.

زينه بابتسامه: حاضر. فهد ضم حواجبه وقال: اي اللى بيضحك. زينه: ولا حاجه. فهد: ثانيه تختفي من قدامى فورااا. زينه طلعت تجري عالطول من غضب فهد. دخل الحمام وخد شاور وطلع من الحمام ووقف قدام المرايا وقال: انا لحد دلوقتى معاكى عادي جداا بس وربنا لاخليكى تبكى بدل الدموع د"م يا زينه. فهد: احم. فهد التفت اليها وقال: حطيها هنااا. زينه حطتها وقالت: فهد والله حمزه السبب في اللى حصل. فهد بغضب: متحوليش عشان نزلتى من نظري خلاص.

زينه حضنت فهد وقالت: بس انا بحبك ومش عايزاك تعاملنى كده. فهد زق زينه وقال بتهديد: أوعك تقربي منى تانى صحيح لحد دلوقتى هادئ معاكى بس من النهارده هتشوفي ايام سو"ده وهخليكى تندمى على اللى عملتى. زينه: مش مهم المهم اكون قريبه منك كنت همو"ت لو بعدتنى عنك. فهد بلامبالاه: وانا مقدرش أعيش من غيرك. الابتسامه اترسمت على وجهه زينه وفهد فاق لنفسو وقال: عايز اغير هدومى ممكن تطلعى. زينه: حاضر. زينه طلعت وفهد مسك فنجان القهوه

الساخن وكسروا بايدوا وقال: للدرجه ده غبي مش قادر تسيطر على نفسك ليه. فهد قعد على السرير وقال: فعلا انتى نقطه ضعفي يا زينه. الكل كان قاعد بيفطر وفهد نزل اخيراا ولكن المره ده بكل جبروت وغرور. زينه بصت ليا وشيري وجمال بصوا لبعض. زينب بابتسامه: صباح الخير. فهد بجمود: صباح الخير. شيري بهمس: في اي جمال زينه وفهد عاديين خالص. جمال هز رأسه وقال بهمس أيضا: لا يا شيري ده تمثيل مش اكتر. شيري: وان كنت مفكره أن فهد وزينه هيطلقوا.

جمال: هيحصل بس اهدي. فهد قعد ولكن مش جنب زينه والكل استغرب ده اول مره فهد يقعد بعيد عن زينه. شيري ابتسمت وقالت في سرها: انا كده اتاكدت ان العلاقه انهزت خالص. زينه انحرجت اوى من اللى عملوا فهد وقالت: بالهنا والشفا على قلوبكم انا شبعت. فهد بص في طبق زينه وقال: ازاى والأكل زي ما هو. زينه مردتش على فهد وكانت طالعه ولكن وقفت من شده الصوت. فهد رمي الكوبايه على الأرض وقال بصوت جهوري: لما اكون بكلمك تردي علياا.

زينه وقفت وكانت في حاله صدمه ليس زينه فقط بل الجميع كان في حاله صدمه.