رواية طفلة الفهد الفصل التاسع 9 - بقلم دعاء حجاج

فهد بيبص وراء مالقاش زينة وكان في حالة صدمة وقال: راحت فين؟ فهد طلع التليفون على طول ورن على أمه. فهد: أنا في الصيدلية دقيقة وراجعة. فهد: خلاص يا ماما أنا هروح أنا وزينة. أمه: خلاص ماشي يا حبيبي خد بالك من زينة!! فهد قفل التليفون وقال: يعني زينة مش مع ماما؟ يا رب أنا عملت إيه في حياتي عشان يحصل فيا كده!! فهد ركب العربية على طول ومشي. وفجأة تليفونه رن. فهد: الو؟

صوت: أخيراً رديت بقولك الشركاء مشوا ونهوا الصفقة والله حاولت كتير أوقفهم ولكن أصروا يمشوا. فهد قفل التليفون وقال: البت دي أول ما دخلت حياتي وأنا مش عارف أعيش في راحة. ✨في الطريق ✨ كانت ماشية زينة والدموع نازلة من عينها وبتقول: لو يرجع بيا الزمن مكنتش عملت اللي عملته ولا فكرت للحظة في الفلوس وكنت فكرت في مذاكرتي بس بعد إيه الندم لا يفيد بعد فوات الأوان.

زينة حست بإرهاق وقعدت عشان ترتاح شوية وبتفتكر كل لحظة حلوة عاشتها وكل لحظة مرة عاشتها برضو. وفجأة صوت: أوبا! مين القمر اللي قاعد هناك ده؟ وبتعيطي يا حرام لازم أروح أواسيها. زينة قامت ولقيت الشاب واقف في وشها. الشاب: مالك يا حلوة مين اللي مزعلك؟ زينة رجعت لورا وقالت: انت عايز إيه؟ قرب منها وقال: مش عايز حاجة جيت بس أسأل بتعيطي ليه؟ زينة زقته وقالت: امشي من قدامي عشان أنا مجنونة أوي!! قعد يضحك عليها وقال:

بحب المجانين بردوا. زينة بصت له بقرف وكانت ماشية ولكن الشاب مسك إيدها. الشاب: انت شكلك عايز تتربي! زينة: أنا مكنتش عارف إنك جريئة أوي كده! كنت مفكر إنك ضعيفة من ملامحك! الشاب: الدنيا خدت مني كتير أوي وخلتني أقوى من أي حد على وجه الأرض! قعد يضحك وكان رايح يحط إيده على كتفها ولكن.. زينة: فهد! فهد خد زينة ورا ضهره وقال: خير عايز إيه؟ الشاب: لا مش عايز حاجة! فهد: بس أنا عايز يا روح أمك!! زينة اركبي العربية فوراً.

زينة راحت وركبت العربية على طول وفهد قرب من الشاب اللي كان خايف أوي من هيبة فهد. الشاب: أنا آسف يا أستاذ غلط ومش هكرره. وفجأة فهد ضربه في وشه لينزف دم على طول. الشاب: آآآآه! الشاب طلع يجري على طول وزينة نزلت من العربية وفجأة فهد ضربها بالقلم. ✨في قصر الكيلاني ✨ زينب وصلت بالفعل وبتول بتمثيل: زينة فين يا ماما وأخبارها إيه دلوقتي؟ زينب: زينة هي مش في البيت؟ بتول: لا يا ماما ولا هي ولا فهد! زينب: طالما مع فهد خلاص!!

بتول في سرها: ماما مش زعلانة وده بيدل على إن زينة بخير بس مش مهم لسه الأيام كتير!! مالك: ماما.. ماما.. زينب: كام واخلص! مالك: أحبك وأنت فاهمني يا جميل!! زينب: ضر*بته بالقلم على وشه بس براحة جداً وقالت: أنا مش أمك يا قليل الأدب. مالك: وأحلى أم كمان 💖. زينب: كُل بعقلي حلوة كُل. مالك: هو أنا أقدر يا ست الكل. زينب: طب اثبتلي! مالك: إزاي؟

زينب: من هنا ورايح تروح الشغل مع أخوك وتساعده أخوك شايل حمل كبير أوي وأنت ولا على بالك كل همك الفلوس! مالك: ماما شغل إيه بس أنا في الجامعة وبكمل تعليمي. زينب: جامعة إيه يا ف*اشل أنت بتاخد السنة بسنتين. مالك: خلاص يا ستي خلاص مش عايز حاجة بدل الفضا*يح دي قدام الفانز. مالك: مش مهم أخد فلوس بس أنا هكر*ش على موزة من اللي بتتفاعل على الرواية. زينب: بنات إلا البنات أقولك عايز كام لأن اللي هتتجوزك أمها داعيا عليها.

مالك: قصدك دعيلها 😎. زينب: دعيلها على إيه على ا*لهم والقر*ف والفشل ولا الهبل. مالك: كل ده عشان قولت عايز فلوس وربنا لو باخد محاضرة مش هتكون كده. زينب: والله ما فيك إلا لسان! مالك: خلاص بقى يا ست الكل هاتلي 5 آلاف وبوعدك هذاكر من النهارده. زينب: اسطوانة كل يوم!! مالك: خلاص بقى عايزة ملاكي يزعل؟ زينب: المفتاح أهو يا خفيف روح خد المبلغ اللي عايزه بس بشرط هتبدأ تهتم بحياتك ومذاكرتك! مالك: أشطاا!! $$عند زينة وفهد $$

زينة حطت إيدها على وشها وكانت في حالة صدمة. فهد مسكها من إيدها جامد أوي وقال: انتي ليه بتعملي كده بجد الواحد قر*ف منك. الدموع نزلت من عين زينة لأن القلم كان جامد أوي وبصت في الأرض وقالت: ما أنا طلبت منك تفتح باب العربية وأنت عملت نفسك مش سامع. فهد: تروحي تمشي أنتِ عارفة لو مكنتش جيت كان ممكن الشاب يعمل إيه. زينة رفعت عينها في عين فهد وقالت: أنا مش ضعيفة وكان ممكن أواجه لوحدي. فهد شدها ليه وقال:

بجد مش شايفة دموعك نزلت على طول إزاي؟ زينة زقت فهد وقالت: أنت الوحيد اللي على وجه الأرض بخاف منك وبحس إن قلبك قا*سي أوي. فهد: اركبي العربية!! زينة: أنا مستحيل أركب معاك فاهم!! فهد مسك إيدها غصب عنها وزينة كانت بتحاول تفلت إيدها بس مكنتش عارفة. فهد زقها على العربية وقال: اركبي!! زينة: وأنا قولتلك مش راكبة. فهد ركب العربية وكان متعصب أوي ومنتظرها تركب. زينة كانت واقفة وفهد كان منتظر إنها تركب.

بعد مرور خمس دقائق كل ده وفهد منتظر إنها تركب وأخيراً مسحت دموعها وركبت بس ورا. فهد شغل العربية ومشي على طول. زينة كانت بتبص عليه بقرف أوي. فهد: ممنوع تعملي كده تاني. زينة: أنا حرة. فهد بعصبية: قولتلك ممنوع!! زينة بخوف: حاضر حاضر. &&في قصر الكيلاني && بعد مرور ربع ساعة فهد وزينة وصلوا. زينب: أخيراً! أنتي كويسة يا بنتي؟ زينة حضنت زينب وقالت: آه كويسة وكانت بتبص على فهد والدموع نازلة من عينها!!! زينب: فهد وأنت..

مكملتش كلامها ولقت فهد طلع على طول. زينة: إيه اللي حصل؟ زينب: مفيش يا خالتي هو المخيف طول عمره كده!! زينة: مخيف؟ زينب: انسى يا خالتي أنا تعبانة أوي وعايزة أرتاح! أمال فين أوضة الضيوف؟ زينة باستغراب: أوضة الضيوف! أنتِ مش هتروحي أوضة فهد؟ زينب: مستحيل وبعدين أنا مش مراته يا خالتي؟ زينب: معلش يا زينة والله الأوضة فيها غبار ومفيش أوض إلا أوضتي وأوضة فهد وبتول ومالك.

زينة: أنا أقدر أنام في الأوضة يا خالتي وسط الغبار ومكنش قريبة من المخيف ده؟ زينب: النهاردة بس عشان خاطري!! زينة: طب ممكن أنام معاكي؟ زينب: أنا آسفة يا بنتي بس أنا بحب أنام لوحدي! وبتول كده برضو مش هتروحي تنامي مع مالك يعني؟ زينة: خالتي أنتِ ليه بتعملي كده؟ زينب: هتعرفي كل حاجة يا زينة بس مش دلوقتي!! زينة: خلاص يا خالتي طالما هعرف أنتِ ليه بتعملي كده هنام في أوضة المخيف!! زينب: طالما طالعة خدي الأكل ده لفهد وكلوا سوا.

زينة خدت الأكل وقالت: أنا والمخيف ده في سابع المستحيلات وطلعت. زينب: أنا نفسي إنكم تحبوا بعض. زينة طلعت ودخلت لقت فهد نايم على السرير. وقربت منه وكانت خايفة أوي. زينة: فهد.. كانت بتقول اسمه مع دقات قلب سريعة. وفجأة زينة وقعت على فهد غصب عنها. فهد قام على طول لقي زينة عاليه.