رواية طفلة الفهد الفصل الثاني والستون 62 - بقلم دعاء حجاج

ركب الموتوسيكل ولبس جوانتي في إيده ومسك إزازة فيها مياه نار، ومتجه ناحية سمر. "أنا على الطريق، عشر دقايق وهكون عندك." قبل ما تتكلم، صرخت بأعلى صوت: "مالك! وقف العربية وقال بخضة: "سمر! مسك التليفون اللي وقع منه في العربية نتيجة الخضة، وقال: "الووو سمر... الووو... "في الطريق." "استعجل شوية يا عمو جاسر." "الصراحة يا زينة، إنتي غلطانة أوي. كان لازم تقولي إنك رايحة معايا." "ما قولتلك، ما ادتنيش فرصة." "ربنا يستر."

كانت بتصرخ بأعلى صوت والكل اتلم. وصل ونزل من العربية عالطول وقال بخوف: "سمر! سمر جرت وحضنت مالك وقالت بألم شديد: "رقبتي فيها نار يا مالك، مش طايقها." مالك بص على رقبتها اللي كانت محروقة جامد أوي نتيجة النار. "لازم آخدك المستشفى عالطول." ركبوا العربية فعلاً. وأميرة كانت واقفة وقالت بعصبية: "قولت للحمار على وشها، مش مهم. المهم إني شوفتها بتتألم." بعد مرور ربع ساعة تقريباً، وخصوصاً في المستشفى.

كانت بتصرخ من شدة الألم ومالك كان واقف برا وكان بيتوجع مكانها. بعد شوية الدكتورة طلعت وقالت بعصبية: "منين مياه النار دي يا أستاذ؟ أنا هرن على البوليس ييجي ياخدك." "نعم؟ "هو لسه في حد بيعذب مراته كده؟ مالك بعصبية: "إنتي مجنونة ولا إنتي اللي كده؟ "إيه الكلام اللي بتقولوه ده؟ مالك زق الدكتورة ودخل لسمر. "مش طايقة يا مالك." خدها في حضنه وقال: "أنا السبب." سمر هزت راسها وقالت: "إنت بتقول إيه؟ مالك بعد عنها وقال:

"لو ما كنتش اتأخرت عليكي، ما كانش حصل كده." ثم كمل بوعد: "هعرف مين الحيوان ده وهعمل فيه زي ما عمل فيكي كده." الممرضة دخلت ولفت شاش حوالين رقبة سمر وقالت: "بلاش تحركي رقبتك كتير." سمر هزت راسها ومالك مد إيده وقال: "يلا." سمر حطت إيدها في إيد مالك ومكنتش قادرة تقوم من شدة الألم والحرارة اللي طالعة من رقبتها. الدكتورة: "ده روشتة فيها مرهم لازم تجيبوه." مالك خد منها الروشتة وكان متعصب أوي وقال: "يلا يا سمر."

الدكتورة: "بلاش تعمل مجهود لو سمحت." مالك مسك إيد سمر ومردتش على الدكتورة. "في إيه؟ مالك بعصبية: "دكتورة بقرة بتقول أنا السبب، وقالت إيه بتعذبك." سمر ضحكت رغم الألم الشديد اللي بيحيط رقبتها. مالك بص ليها وقال: "بتضحكي وأنا قلبي كان هيقف عليكي." سمر مسكت دراع مالك وقالت: "متخافش، أنا بخير والحمد لله إنها جت على كده." مالك باسها على راسها وقال: "الحمد لله." في قصر الكيلاني. زينة نزلت من العربية ودخلت عالطول.

"إنتي رايحة فين يا سناء؟ "البيه طلب فنجان قهوة." "فهد جاي إمتى؟ "من ربع ساعة كده." "طب هاتيه، أنا طالعة." خدت من سناء فنجان القهوة وطلعت فعلاً. فتحت الباب براحة أوي وقالت بصوت خافت: "فهد؟ طلع من الحمام وبص ليها وقال: "أهلاً أهلاً." "والله كنت... فهد قاطعها وقال: "أنا سألت حضرتك كنتي فين." زينة بصت لتحت وقالت: "لأ." "يبقى تسكتي." زينة اتعصبت أوي ورمت فنجان القهوة على الأرض وقالت بزعيق:

"أنا شيطانة وحضرتك ملاك مبتغلطش." فهد بص على الأرض وقال: "إيه اللي عملتيه ده؟ زينة راحت عنده وقالت بكل جرأة: "طلقني، مش عايزة أكمل مع واحد زيك." فهد بضحكة تحمل السخرية: "مش مستغرب، عايزة تروحي له صح؟ وفجأة صفعة تنزل على خد فهد. "أنا لحد دلوقتي ساكتة مش عشان خايفة، لا عشان بحترمك." فهد حط إيده على خده وقال بعصبية: "إيه اللي عملتيه ده؟ الدموع نزلت من عين زينة وقالت: "كان لازم أعمل كده من زمان أوي." فهد مسك إيد زينة

جامد أوي وقال بصوت جهوري: "مين سمحلك تمدي إيدك عليا؟ "ده الصح عشان تفوق من اللي بتعمله." ضغط على إيدها جامد أوي وقال: "واللي إنتي عملتيه مش غلط؟ زينة بألم: "وأنا قولتلك معرفش جيت الفندق إزاي." "بجد؟ زينة مكنتش قادرة لأن فهد كان ضاغط على إيدها جامد أوي. فهد زقها وقال: "اطلعي برا ومش عايز أشوف وشك هنا تاني." زينة بصت لفهد بصدمة. طلع من الأوضة ورزع الباب وراه. قامت من على الأرض ومسحت دموعها وقالت:

"كفاية، مش معنى إني وحيدة تعمل اللي إنت عايزه فيا." فتحت الدولاب وطلعت كل هدومها وحطتهم في شنطة. في المساء. رجع وزق الباب برجله ولقي الدولاب مفتوح ومالقاش هدوم زينة فيه. وقال بخوف: "زينة؟ زينة؟ فتح باب الحمام وقال: "مش هنا؟ معقول؟ فهد طلع عالطول وقال بصوت عالي جداً: "زينة! زينة! زينب طلعت وقالت: "في إيه؟ "زينة فيين؟ "زينب طلعت وقالت: زينة في أوضتي." فهد خد نفس عميق وقال: "طب قولي لها ترجع الأوضة."

زينب مسكت إيد فهد وقالت: "زينة زي بتول وأكتر كمان. ومسمحش لحد يهين بنتي حتى لو الشخص ده ابني." "ماما أنا مش بهزر." "ولا أنا بهزر، وزينة مش طالعة من عندي." فهد بص لتحت ودخل أوضته وكان مضايق أوي. في غرفة مالك. "أععععع! "أنا آسف بس لازم تتدهنيني المرهم." "مش مهم يا مالك، والله ما قادر." مالك باس سمر من رقبتها وقال: "طب وكده؟ سمر زقت مالك وقالت: "والله برضه." مالك مسك إيد سمر وقال: "بعشقك وإنتي متنرفزة أوي."

"هههه، دمك ظريف." مالك حضن سمر وقال: "معاكي إنتي بس." سمر بتريقة: "تقصد مع البنات كلهن." مالك بعد عن سمر وقال بحزن: "دايماً بتظلميني." "صدق اللي قال الحقيقة بتجرح صاحبه." مالك مسكها من لياقته وقال: "اللي يسمعك يقول إني قتلت حد من عائلتك." سمر زقت مالك وقالت: "إنت عبيط؟ رقبتي بتوجعني وحضرتك زي المجنون ماسك لياقتي." مالك شال سمر وقال بحب: "أنا فعلاً مجنون وهوريك الجنون على أصوله." سمر بعصبية: "بس يا حمار يا متخلف!

حطها على السرير ونام على رجلها وقال: "أنا بحبك أوي يا منال." سمر بصت له بقرف ومالك ضم حواجبه وقال: "مالك يا بت؟ "مفيش." مالك انعدل وقال: "مفيش إزاي؟ "زهقانة شوية." مالك غمز ليها وقال: "طب ما تيجي نتروق." سمر مسكت الفازة وقالت: "امشي من قدامي وإلا... مالك مسك منها الفازة ورمها على الأرض وسمر بعصبية: "يخربيتك، ده أحلى فازة في الأوضة! "لا مش أحلى فازة." "والله أحلى فازة." مالك قرب من سمر وقال:

"إنتي أحلى فازة في أوضتنا." سمر برقت وقالت: "يعني أنا بالنسبة ليك فازة؟ مالك خدها في حضنه وقال بهزار: "وإنتي تطولي تبقي فازة؟ سمر زقت مالك وقالت: "لا مش عايزة أطول." "طب منال، أعتقد ده الاسم المفضل ليكي." سمر بصت لتحت والابتسامة اترسمت على وشها ومالك نام على رجلها للمرة التانية وقال: "ما الفازة بتضحك زينا أهو." سمر بغضب: "مالك، أنا مش بهزر." "خلاص يا قلب مالك، ولا تزعلي نفسك." سمر بغرور: "أيوه كده."

وفجأة تليفون مالك. "تليفوني يا منال." سمر مسكت التليفون وظهر اسم: My heart. سمر بصت لمالك وقالت: "مالك حبيبي، إنت متأكد إنك مش بتكلم بنات من ورايا؟ "ليه؟ سمر بعدت عن مالك وقالت بغضب: "خد رد على قلبي." مالك مسك منها التليفون والابتسامة اترسمت على وشه وسمر اتحولت إلى مجنونة وقالت: "ياااا المكالمة فرحتك أوي كده؟ "اقعدي تاني عشان أقعد، والنبي." "لأ." مالك قعد على رجلها غصب عنها وفتح التليفون وقال: "قلبي، أخبارك إيه؟

سمر بصدمة: "وكمان قدامي يا حيوان؟ "وأنا كمان بحبك." "نتقابل والنهارده كمان." مالك حط إيده على السماعة وقال: "إيه رأيك يا قلبي؟ سمر بغيرة: "رأيي في إيه؟ "أطلع مع قلبي النهارده." "ما تطلع وأنا مالي." مالك شال إيده من على السماعة وقال: "موافق يا قلبي." سمر صبرها نفذ. مسكت التليفون من مالك وقالت: "أنا مرات مالك يا حلوة، وبدل ما تجري ورا واحد متجوز، اجري ورا واحد أعزب أحسن." "نعم؟ سمر رمت التليفون وقالت: "إيه ده؟ ده شاب."

مالك مسك التليفون وقال: "هكلمك بعدين، سلام." قفل التليفون وقال: "أمال كنتي مفكرة إيه؟ "فكرتها بنت." "هو إنتي لسه عندك شك إني بكلم بنات؟ سمر هزت راسها وقالت: "يعني." مالك انعدل ورفع حاجب وقال: "يعني إيه؟ "يعني تعمل أي حاجة." "زي؟ "معرفش." "بس أنا عارف." مالك طفى النور وراحوا هو وسمر في عالمهم الخاص. في أوضة فهد. كان قاعد على السرير ومتنرفز أوي. ليس هو فقط، بل الطرف الآخر كان حزين جداً. زينب بصت لزينة وقالت:

"مش عايزة تقوليلي برضه إيه اللي حصل؟ وبلاش تقوليلي مفيش." "مفيش يا ماما." زينب قعدت جنب زينة وقالت: "مفيش إزاي؟ لما ألاقيكي ماسكة الشنطة وطالعة." "زهقانة شوية." زينب باستغراب: "وزعلانة تلمي هدومك وعايزة تمشي؟ الدموع نزلت من عين زينة وقالت: "العلاقة متوترة خالص يا ماما." "يعني إيه؟ "أنا وفهد متخانقين." "والسبب؟ زينة مردتش تقول لزينب وقالت: "متخانقين وخلاص." "أنا مش هسألك السبب إيه، بس عايزة أعرف مين اللي غلطان."

زينة بصت لتحت وقالت: "يمكن أنا غلطانة إني كدبت عليكي، وهو كمان غلطان عشان مش بيوثق فيا." "يعني قولتي كل ده ومش عايزة تقوليلي إيه اللي حصل؟ زينة نامت على السرير وقالت: "أنا عايزة أنام، تصبحي على خير." "وإنتي من أهل الخير." زينب طلعت وراحت عند فهد، لعل وعسى يقول حاجة. دخلت ولقت فهد قاعد على السرير وساكت. زينب قعدت جنب فهد وقالت: "في إيه؟ فهد بص لتحت وقال: "مفيش." زينب بصت لفهد وقالت: "مفيش إزاي؟

أنا أول مرة أشوفك متخانق مع زينة." فهد قام وقال: "مفيش يا ماما." زينب قامت وحطت إيدها على كتف فهد وقالت: "أنا مش عارفة بتعملوا معايا كده ليه؟ هو أنا مش أمكم؟ ليه محدش بيصاحبني؟ فهد مسك إيد زينب وقبلها وقال: "متقوليش كده يا ماما، وجودك خير علينا." "طب عايزة أعرف إيه اللي حصل بينك وبين زينة." "هتعرفي يا ماما، بس مش دلوقتي." هزت راسها وقالت: "ماشي يا فهد." زينب طلعت ودخلت لقت زينة نايمة. قعدت جنبها وحطت

إيدها على شعرها وقالت: "وحدي اللي عارف أنا بحبك قد إيه يا زينة. بسببك القصر ده شاف الفرح، غيرتي فهد اللي أنا عجزة عن تغييرها." بستها على راسها ونامت هي أيضاً. فتحت عينها وقالت في سرها: "وأنا بحبك أوي يا ماما، لولاكي كنت اتعذبت أوي في حياتي." قامت براحة وقفلت الباب ودخلت أوضة فهد اللي كان نايم. راحت قعدت على السرير وباست فهد من خده وقالت: "أنا آسفة، مكنش ينفع أضربك بالقلم." ثم كملت: "إنت السبب، أيوه إنت. عارف ليه؟

عشان عودتني على الحنية والحب." بعد شوية قامت ولكن مسك إيدها وقال: "بتعملي إيه هنا؟ زينة لفت وقالت بارتباك: "كنت... كنت... فهد قام وخد زينة في حضنه وقال: "متزعليش مني." زينة بصت في عيون فهد وقالت: "يعني مش زعلان؟ فهد ابتسم وهز راسه وقال: "لأ مش زعلان، وواثق إن طفلتي متعملش كده." زينة حضنت فهد وقالت: "كنت متأكدة." فهد باسها على راسها وزينة كانت فرحانة أوي. "بتعملي إيه هنا؟ زينة فاقت من خيالها وقالت بارتباك: "أنا...

أنا... فهد بعصبية: "براااا." "بس... "اطلعي برا." زينة بصت لتحت وقالت: "أنا آسفة." فهد قام ومسك إيد زينة وقال: "مش عايز أشوفك في أوضتي خالص." قفل الباب والدموع نزلت من عين زينة وقالت بعصبية: "ده مش أوضتك لوحدك، وأوضتي كمان، فاهم؟ فهد ابتسم على غضبها الزايد عن حده اللي حرفياً بيعشقه. دخلت الأوضة وكانت متعصبة أوي وقالت: "مفكر نفسه إيه؟ زينب صحت على صوت زينة وقالت: "زينة، إنتي لسه صاحية؟ زينة بارتباك: "أصلاً... أصلاً...

"أصلاً؟ "آه، رايحة أشرب، مش هتأخر." زينة نزلت عالطول وزينب باستغراب: "مالها؟ كانت نازلة وبتبص وراها وقالت: "أوف، كويس إنها مسألتنيش على حاجة." دخلت المطبخ وفتحت التلاجة عشان تاخد مياه، ولكن الجوع حضر مرة واحدة. زينة بصت في الساعة وقالت: "الساعة واحدة بس. يلااا، أنا نحيفة أصلاً." طلعت كل الأكل الموجود في التلاجة وقعدت على الرخام وبدأت تاكل. "الله، أنا بحب الأكلة دي أوي وحلويات كمان. والله كفاية، مش قادرة."

قام من النوم وكان عطشان جداً ومالقاش مياه في الإزازة. "زينة؟ فهد طلع وقال: "إيه الغباء ده؟ طردت البنت وفي الآخر بقول اسمها." فهد نزل وزينة سمعت صوت حد جاي ناحية المطبخ نزلت عالطول واستخبت. دخل وقال باستغراب: "مين اللي طلع الأكل ده؟ حطت إيدها على فمها ومكنتش قادرة من كتر الأكل اللي كلته. "أععععع! مش قادرة، عايزة أدخل الحمام." فهد شاف رجل زينة وقال في سره: "كنت عارف، محدش يعمل كده إلا إنتي." فهد خد مياه وطلع. وقتها

زينة طلعت عالطول وقالت: "الحمد لله، مخدش باله إني جوا." "احم." زينة انتفضت عالطول وقالت بارتباك: "هو... هو... "هستناكي برا." زينة ضمت حواجبها وقالت: "ليه؟ "شاي؟ كوباية شاي." "أنا عايزة أنام." "وأنا قولت إيه؟ زينة بخوف: "شاي." "شاطرة، اعملي بقى، أنا قاعد في الجنينة." زينة بعصبية: "مستفز أوي." طلع وقعد في الجنينة وطلع تليفونه. بعد شوية. "اتفضل." فهد مسك إيد زينة بدل ما يمسك كوباية الشاي. "سيب إيدي." فهد ببرود: "لأ."

"سيب إيدي وإلا... فهد رفع حاجب وقال: "وإلا إيه؟ زينة بغباء دلقت الشاي على إيد فهد. "أعععععع! زينة مسكت إيد فهد وقالت: "أنا آسفة، مش عارفة عملت كده إزاي." فهد حط إيده على خصر زينة وشدها ليا. زينة بصت في عيون فهد وقالت: "إيدك." فهد حط إيده على فم زينة وقال: "إيدي مش مهمة." زينة بصت لتحت وقالت: "أمال إيه المهم؟ فهد قرب من زينة وقال بهمس: "إنتي." الابتسامة اترسمت على وجه زينة وقالت: "يعني إيه؟ فهد شد زينة ليا

جامد لتلتصق في صدره وقال: "يعني بحبك." زينة بصت لفهد وقالت: "مش فاهمة برضه." "يعني عرفت الحقيقة." "إزاي؟ "من حبي ليكي." "إزاي برضه؟ فهد مسك إيد زينة وقال: "أنا بوثق فيكي أكتر من نفسي، وحاجة زي دي مدخلتش عليا، وخطه فاشلة من حمزة." "طب ليه عملت معايا كده؟ فهد بابتسامة: "حبيت أعصبك شوية." زينة زقت فهد وقالت: "وكنت فرحان بكده؟ فهد هز راسه وقال: "أوي." زينة بحزن: "أنا مكنتش بنام خالص يا فهد." "وإنتي مفكرة إني كنت بنام؟

زينة هزت راسها وقالت: "وإنت قولتلي كلام وحش وحسيت إني رخيصة في نظرك." فهد حط إيده على فمها وقال: "ممنوع أسمع منك كده تاني." "حاضر." "بس أنا مضايق أوي." "ليه؟ فهد شد زينة ليا وقال: "بقى عايز أقتل"ك لما حد يلمسك." زينة حضنت فهد وقالت: "والله ما أعرف إزاي جيت الفندق." فهد حط إيده على شعرها وقال: "بس كدبتي عليا يا زينة." "كنت عايزة أعملك مفاجأة." فهد بتريقة: "من ناحية مفاجأة، كانت مفاجأة فعلاً." "مش على ده يا متخلف."

فهد زق زينة وقال: "متخلف." زينة حضنت فهد تاني وقال: "متبعدش عني، بعدك عني جحيم." "بشرط." "شرط إيه؟ "ممنوع تطلعي من البيت إلا بموافقتي." "حاضر." "كنتي فين بقى؟ "كنت مع عمو جاسر." "في البيت؟ بصت لتحت وقالت: "آه." فهد رفع راسها لفوق وقال: "مش عايزك تحطي وشك في الأرض خالص." زينة ابتسمت وقالت: "حاضر." فهد ضرب زينة بالقلم بس براحة أوي وقال بمزح: "خدت حقي كده." زينة ابتسمت وقالت: "أنا بحبك أوي يا ابن المنص... زينة

سكتت وفهد ضم حواجبه وقال: "منص إيه؟ زينة بارتباك: "منصور." "منصور مين؟ زينة بهبل: "ابننا." فهد زق زينة وقال: "منصور إيه بس." زينة قعدت تضحك وقالت: "أقدر أنام في حضن زوجي النهاردة صح؟ ولا أنا غلطانة يا سيدي." "بعد شروط المحكمة طبعاً." "ويا ترى إيه شروط المحكمة؟ "هي شروط خاصة شوية ولا يجوز الإعلان عنها." زينة بكسوف: "ما أنا عندي ظروف خاصة برضه." فهد بص ليها بشك وقال: "بجد؟ زينة هزت راسها وقالت: "آه بجد." فهد شد زينة

ليا وبص على شفايفها وقال: "بس ده ميمنعش إني أبوسك." زينة خجلت أوي وزقت فهد وقالت بارتباك: "تصبح على خير." زينة طلعت تجري وفهد قعد على الكرسي وقال: "جمال شيري، أيامك بقت معدودة أوي." فلاش بااااك. بعد ما فهد اتخانق مع زينة راح الشركة للمرة التانية. "فهد بيه، في حد برا عايز حضرتك." "خليه يتفضل." حمزة دخل وفهد أول ما شافه اتحول إلى شيطان وقال: "إنت بتعمل إيه هنا يا حيوان؟ "ممكن تسمعني." فهد قام ونزل فيه ضرب وقال:

"ما إنت بجح بشكل." حمزة كان هيموت تحت إيد فهد، ولكن حسام تدخل عالطول وقال: "في إيه؟ فهد عدل الجاكيت وقال: "يا أمن! حمزة قام من على الأرض وحط إيده على فمه وقال: "حقك تعمل كده وأكتر، بس يا ريت تسمعني." فهد بغضب: "أسمع إيه؟ "جمال وشيري عايزين يفرقوك إنت وزينة عن بعض." فهد بصدمة: "إيه؟ حمزة بص لتحت وقال: "أعترف إني سيء أوي وواحد زبالة، بس والله الحب اللي شفته في عين زينة مشفتهوش قبل كده." "أفهم إيه من كلامك ده؟

"اللي حصل من تخطيط شيري وجماله." وقتها فهد كان في حالة صدمة، ليس مصدوم من أبوه، بل مصدوم من شيري. "وأنا وافقت على أساس إن زينة لسه بتحبني، وطلعت بتحبك إنت." حمزة راح عند فهد وقال: "أنا عارف لو قعدت أعتذر منك من هنا لبكرة مش هتسامحني، بس والله قرفان من نفسي أوي." فهد بتحذير: "بلاش تقرب من زينة تاني." حمزة هز راسه وقال: "من غير ما تقول، زينة زي أختي من النهارده." "عارف، أنا عايز أقت"لك دلوقتي. عارف ليه؟

حمزة بص لتحت وقال بخجل: "عشان قربت من زينة." "كويس إنك عارف." حمزة مسك إيد فهد وقال: "بلاش تزعل زينة." ثم كمل: "زينة ضحية لعبة و"سخة مننا." "وإنت بقى مش خايف من جمال؟ حمزة هز راسه وقال: "وربنا، فين لما أخاف من جمال ومخافش من اللي خلقني." فهد حضن حمزة وقال: "أنا كده اتأكدت إنك ندمان." "آسف أوي لو أزعجتك." فهد بعد عنه وقال: "مش زعلان، وهكون فرحان لو شفت ضحكتك." حمزة ابتسم وقال: "أنا لازم أمشي، عن إذنك." "إذنك معاك."

باااااك. "مالك كان عنده حق فعلاً، يتخاف منك يا شيري أكتر من جمال." بعد شوية طلع فوق ومالقاش زينة وقال: "زينة؟ زينة؟ خبط على باب الحمام ولكن محدش رد. "زينة." فتح الباب وقال: "راحت فين دي؟ راح أوضة زينب وفتح الباب ولقي زينة نايمة في حضن زينب وقال: "كده يا زينة؟ طيب." طلع وقفل الباب وراه وزينة فاقت وقعدت تضحك. دخل الأوضة وجاب مرهم حرو"ق وبدأ يدهن لنفسه. قعدت جنبه وقالت: "وجعاك صح؟ فهد بص لها وقال بغضب: "اطلعي برا." زينة

ضربت فهد على كتفه وقالت: "خليك بمود واحد، الله يخليك." "روحتي عند ماما ليه؟ "مزاج." فهد قام وقال: "وأنا مزاجي كده برضه." زينة قامت وقالت: "يعني إيه؟ "مش عايزك تنامي هنا." زينة مسكت إيد فهد ودهنت المرهم فعلاً وقالت: "تصبح على خير." "وإنتي من أهل الخير." زينة كانت ماشية براحة أوي على أمل فهد يوقفها. زينة في سرها: "يا ابن الـ... "زينة." زينة بفرحة: "نعم." فهد: " زينة بصدمة: "نعم؟