رواية طفلة النمر الفصل العشرون 20 - بقلم بشري شريف

نمر: أنا هخطب. الكل بص عليه بفرحة، ووصال كانت فاكرة إنه هيقول عليها هي. بس نمر صدمهم كلهم وقال: أنا هخطب صافي. الكل بص بصدمة، ووصال قامت تجري وهي بتعيط، وسيف قام وراها. الكل بص بحزن، هما عارفين قد إيه وصال بتحب نمر. نمر بص بحزن عليها لأنه عارف قد إيه هي بتحبه، واتأكد لما سمعها وهي بتتكلم مع سيف. فلاش باك. وصال: سيف. سيف: اممم. وصال: تفتكر ممكن نمر يكون بيحبني؟ سيف: اممم مش عارف، بس انتي متأكدة إنك بتحبيه؟

وصال: لا مش بحبه. نمر سمع كده وحزن، وكان هيمشي بس ابتسم لما وصال كملت. وصال بعشق: أنا بعشقه. سيف: وصال انتي متأكدة؟ انتي لسه صغيرة. وصال: تؤتؤ، أنا مش صغيرة، أنا عندي 21 سنة، كبيرة أهو. سيف: ماشي يا كبيرة، بقولك إيه. وصال: اممم. سيف: ما تكلمي ملك. وصال: تؤتؤ. سيف: ليه يا رخمة؟ وصال: كده، واخرج بره. سيف ضربها على قفاها وقال: يا بت أنا أخوكي الكبير، اتكلمي معايا عدل. وصال وهي ماسكة قفاها: ده ظلم بقى، أنا قفايا اتهرى.

سيف: يا بنتي ده الحب. وصال: مش عايزاه. سيف: إيه هو؟ وصال: الحب اللي من النوع ده. سيف بغيظ: أنا هخرج. وصال: يكون أحسن. نمر ابتسم بفرحة إن وصال بتحبه زي ما هو بيحبها. باك. نمر باستغراب مصطنع: هي وصال مالها؟ وبعدين مالكم كلكم ساكتين ليه؟ سلمى: ألف مبروك. وطلعت. جمال جوز سلمى: ألف مبروك. وطلع. فاطمة: ألف مبروك يا ابني. وطلعت. مريم: ألف مبروك يا نمر. وطلعت. عمر بص له وقال: ليه يا نمر؟ نمر: مش وقته يا عمر.

عمر: تمام يا صاحبي، ألف مبروك. وطلع. نمر طلع أوضته واتصل وقال: الوو، جهزي نفسك عشان هاجي أتقدم لكِ. صافي بفرحة: بجد؟ نمر ببرود: اه، ويلا سلام. صافي بفرحة: سلام. صافي قفلت وبصت جنبها وقالت: قال إنه ها ييجي يتقدم. هشام بخبث: تمام، أنا بقى ها أقوم ألبس عشان أمشي، وها أجي بكرة. صافي: أوك. عند وصال. سيف بيخبط على الباب وهو بيقول: يا وصال افتحي. وصال وهي بتعيط: لا. سيف: يا بنتي افتحي. وصال: لا.

سيف: هو انتي عندك حد غيري تتكلمي معاه؟ وصال: اه، ملك. سيف: لا لو فيها ملك افتحي بقى. وصال قامت وفتحت وهي بتضحك وبتعيط في نفس الوقت. سيف: طب افهم، انتي بتضحكي ولا بتعيطي؟ وصال: الاتنين. سيف شدها لحضنه وقال: اهدى بقى. وصال وهي بتعيط: مش قادرة، وكملت براءة: سيف، هو أنا وحشة؟ سيف بصدمة: مين دي اللي وحشة؟ قربت سلمى وقالت: يا نهار أبيض على الجمال، مين دي اللي وحشة؟ مريم: يا بنتي ده انتي ملكة جمال.

عمر: عارفة لولا إني حبيت مريم واتجوزتها كنت اتجوزتك. وصال ضحكت وقالت: طب بص جنبك كده. عمر بص لقى مريم بتبص له بغضب. عمر بضحكة غباء: إيه يا قلبي مالك؟ هو فيه في جمالك أصلاً؟ أنا بس بواسي البنت. وصال: لا أنا وحشة. سيف: والله أنا لو مش أخوكي كنت اتجوزتك. وصال ببراءة: بس أنا مش عايزة اتجوزك انت، أنا عايزة اتجوز نمر. سيف: أين الكرامة؟ وصال: أنا عندي فكرة. عمر: قولي يختي. وصال: أعمل زي صافي، ممكن يحبني. سيف: أين الكرامة؟

إني لا أراها. وصال: مش عندي. نمر بص بصدمة، آه نسيت أقول إن أوضة نمر جنب أوضة وصال، وهو واقف ورا الباب بيسمعهم. فاطمة عملت الحركة الشهيرة وضربت على قلبها وقالت: إيه؟ بتقولي إيه يا وصال؟ جمال: بصي يا وصال، مش انتي بتعتبريني زي بابك؟ وصال: آه طبعاً. جمال بعقل: أولاً صافي مش محترمة، وانتي ما ينفعش تقلديها. وصال: وليه نمر حبها طالما هي مش محترمة؟

جمال: سيبك من نمر، أنا بتكلم عليكي. ثانياً ما تغيريش من نفسك عشان حد، هو لو ها يحبك فا هيحبك عشان نفسك. وصال: أنا بحبك أوي والله. سلمى: نعم يختي. وصال بضحك: زي بابا يعني. خرج نمر وقال: إيه الدوشة اللي هنا دي؟ وصال بصت عليه بقلق، ليكون سمع حاجة. فاطمة: انت بتعمل إيه هنا؟ نمر: فيه إيه يا ماما؟ دي الأوضة بتاعتي. فاطمة: اخلص. نمر: أنا دخلت من شوية، غيرت ودخلت الحمام، وخرجت سمعت الدوشة دي، خرجت أشوف فيه إيه.

وصال اتنهدت براحة. فاطمة بصت بشك وقربت منه وقالت: أنا عارفة إنك بتكدب. نمر: ليه؟ فاطمة: شعرك مش مبلول. نمر: هو أنا قولت إني دخلت الحمام خدت شاور. فاطمة: ماشي يا نمر. سلمى: يلا كلنا ننام. سارة: أنا عايزة أنام مع وصال. حازم: وأنا كمان. وصال: معلش يا قلبي، بكرة إحنا التلاتة ننام مع بعض. سارة: أوكي. حازم: وعد. وصال: وعد. الكل مشي، ووصال كانت ها تدخل الأوضة بس نمر قال: مالك يا وصالي؟

وصال: ما فيش يا بابي، آه معلش، ألف ألف مبروك، تصبحي على جنة. وسبته ودخلت. نمر بص على الباب بشرود وقال: وإنتي من أهلي ومن أهل الجنة يا قلبي. ودخل الأوضة بتاعته. وفي نص الليل البيت كله صحي على صويت وصال، أول واحد دخل كان نمر اللي بص بصدمة.