رواية طفلة النمر الفصل الثامن عشر 18 - بقلم بشري شريف

نمر: عمر أنا قررت أتجوز. عمر: ومين سعيدة الحظ؟ نمر: مريم. عمر كان ها يتكلم بس دخلت سلمى وهي بتقول: نمر وصال وقعت من على السلم. نمر وعمر طلعوا فوق جري، ونمر دخل قرب من وصال وكانت مغمية عليها. نمر قعد جنبها بقلق وبص ليهم وقال: طلبتوا الدكتور؟ سعاد: آه يا بيه. بعد عشر دقايق دخلت الدكتورة وقالت: اتفضلوا كلكم برا. الكل خرج ماعدا نمر. الدكتورة كانت ها تكلم بس نمر قال: اكشفي وأنتي ساكتة. فعلاً

الدكتورة بدأت تكشف وقالت: هي كويسة بس لازم راحة لمدة أسبوع. نمر: يعني تفضل في السرير؟ الدكتورة: لا هي طفلة ممكن تنزل في الجنينة بس ممنوع الجري علشان راسها لأنها وقعت على راسها جامد. نمر: تمام اتفضلي. خرجت وقالت ليهم نفس الكلام. عمر دخل وقال: إيه يا نمر؟ نمر: بكرة يا عمر. عمر: تمام يا صاحبي. الكل دخل اطمن على وصال، وبعده الكل راح على الأوضة بتاعته. نمر حضن وصال ونام. تاني يوم في المكتب. مريم بتوتر: مستر عمر.

عمر: نعم يا مريم. مريم: هو مستر نمر مش ها يجي؟ عمر: آه. مريم بقلق: هو تعبان؟ عمر بص عليها وعلى القلق اللي ظهر في صوتها وقال: لا بس وصال اللي تعبانة. مريم بقلق: مالها؟ عمر: وقعت من على السلم. مريم: طب ممكن أجي النهارده أشوفها؟ عمر: آه بعد الشركة هاخودك معايا. مريم بفرحة: شكراً جداً. وخرجت تكمل شغل. وبعد الشركة مريم رجعت مع عمر. في القصر. نمر كان قاعد ومعاه وصال وسيف. وصال: أنا عايزة ألعب. نمر: لا بعد أسبوع.

وصال: كتير. نمر: مش كتير دول حبّة قليلة. سيف: معلش يا سوسو، وبعدين أنا هاكون قاعد معاكي. نمر: لا يا حبيبي أنت ها تروح المدرسة ووصال ها تيجي معايا الشركة. سيف: لا بقى. عمر: في إيه مالك يا سيف؟ وصال بفرح: مريم! وكانت هاتجري بس نمر مسكها وقال: لا. وصال كشرت زي الأطفال. مريم قربت منها وقالت: عاملة إيه يا قلبي دلوقتي؟ وصال: أنا كويسة أوي بس بابا مش راضي يخليني ألعب. مريم: معلش هو خايف عليكي. عمر: نمر تعالى عايزك في موضوع.

نمر: طب مريم خليكي معاكي وصال لحد ما أرجع ومش تخليها تنزل تلعب. مريم: حاضر. عمر ونمر دخلوا. مريم قعدت مع وصال وسيف. وصال: ممكن أنزل ألعب شوية؟ مريم: لا لما بابا أو عمو عمر ييجي، ولا إيه يا سيف؟ سيف: أيوه. وصال: عشان خاطري. مريم: أنتِ لو نزلتي ها تموتي وتبعدي عن بابا. وصال: طب أنا عايزة أنزل. مريم: بردوا؟ وصال: آه عشان أروح لماما. مريم بحزن: أنتِ لسه بردوا بتفكري في كده. وصال: آه. سيف: وتسبيني لوحدي؟

وصال: تعالى معايا. مريم بصت بحزن عليها. وبعد وقت خرج نمر وعمر. مريم: مستر نمر معلش عايزة حضرتك في حاجة. نمر: تمام تعالي المكتب. مريم ونمر دخلوا. برا. وصال: ابيه. عمر: نعم يا قلبي. وصال: ممكن ألعب؟ عمر: ليه؟ وصال: عشان أموت وأروح عند ماما. عمر انصدم من ردها، هو فاكر إنها هاتقول عشان زهقت. أما جوه. مريم: مستر نمر وصال محتاجة احتواء، وصال فقدان أمها لسه ما أثر عليها. نمر: زي إيه؟ مريم: زي أم مثلاً. نمر: ما في سلمى.

مريم: سلمى بتشتغل. نمر: طب إيه رأيك تكوني أنتي الأم دي؟ مريم بصت بصدمة. أما برا. عمر: وصال حبيبتي ما تقوليش كدا تاني، إحنا كنا هنا بنحبك وبنحب نقعد معاكي. سيف: وأنا بحب ألعب معاكي. وصال: حاضر. بعد وقت خرجت مريم ونمر، ومريم كانت مكشوفة جداً. عمر قرب من نمر وقال: إيه؟ نمر: وافقت. عمر فرح أوي. وعدى أسبوع. وفي غرفة في أوتيل دخل نمر عشان ياخد مريم وينزلوا القاعة. مريم: أنا مش عملت حاجة. نمر: إزاي؟

أنتي كنتي لسه شغالة معايا واتعرض عليكي إنك تبيعيني بس أنتي رفضتي وجيتي قولتي ليا. مريم: لأني دا كان واجبي، أنا كان ما ينفعش أبيع حضرتك، وبجد خطة حضرتك عجبتني. نمر: لا أنتي ممثلة شاطرة وعرفتي تضحكي عليهم وتوهميهم إنك ها تبيعيني، وبجد بسبب الموقف ده أنا استجدعتك وطلبت منك الجواز. مريم ابتسمت بكسوف.