رواية طفلة الرعد الفصل الثامن 8 - بقلم دنيا محمد

ملك بخوف: إيه الدم اللي في إيدك ده يا رعد؟ رعد بهدوء: اهدي يا ملك، ما فيش حاجة. ملك بإصرار: لأ، مش ههدي غير لما أعرف أنت كنت فين وإيه الدم ده. رعد ببرود: بعدين نتكلم، مش لازم دلوقتي. ملك مسكت إيده: لأ، لازم يا رعد، أنا لازم أعرف. رعد بزهق: يعني هترتاحي لما تعرفي؟ ملك بتأكيد: أيوه، أكيد. رعد بهدوء: بجيب لك حقك من حسين. ملك بخوف: جوز أمي؟ يا رعد، قلت لك مش عايزة مشاكل، عشان خاطري، عايزة أعيش من غير مشاكل.

رعد بهدوء: ما فيش مشاكل يا ملك، حقك وأنا بجيبهولك. هو بصفته إيه كان يلمسك يا هانم. ملك بدموع حضنت رعد: أنا بحبك أوي، أنا مليش غيرك، أنت سندي في الدنيا. رعد حضنها بحب ووشه مدفون في رقبتها. ملك بحب بعدت: أنا عملت لك حتة كيكة، هتأكل صوابعك وراها، بس نتغدى الأول. رعد ابتسم: ماشي، هطلع أغير وأنزل لك. طلع رعد يغير هدومه ونزل، والخادمة كانت جهزت الأكل. ملك قعدت على السفرة، وشوية ورعد نزل قعد على راس الطاولة وبدأوا في الأكل.

رعد بحب: شكراً يا ملك. ملك: على إيه؟ رعد: على الأكل، طعمه حلو، تسلم إيدك. ملك بحب: بالهنا والشفا. ملك بفضول: أنت عملت إيه بقى في حسين؟ رعد بضحك: سويت له بوشه الأسفلت. ملك بخوف: أنت موته؟ رعد: أنا مش قاتل، قاتلة برضه يا ملك، بس اللي يقرب منك أخليه يتمنى الموت. ملك بحب: ربنا يخليك ليا. رعد بحب: حبيبتي. ملك: إيه رأيك نخرج بكرة؟ رعد: عندي شغل ومش هينفع. ملك بهزة رأس: تمام. تاني يوم صحي رعد ولبس عشان يروح الشركة.

رعد ساب ملك نايمة وباسها على راسها ومشي. وصل رعد الشركة وكانت نيرة مستنياه في مكتبه. رعد بخبث: ما شاء الله، بقينا بنستنى في مكتبي أهو. نيرة بارتباك: عشان حضرتك مينفعش تديني الورق قدام الموظفين. رعد: امم، طيب. فتح الدرج وطلع منه ورق وأداه لنيرة. رعد بتحذير: اسمعي، الورق ده اللي هتديه لسليم وتجيبيلي الورق اللي عنده، وبعدين هقول لك هنعمل إيه، عشان لسه حكايتكم مخلصتش. نيرة بخوف: حاضر يارعد بيه. رعد ببرود: اخرجي.

نيرة خبت الورق وخرجت ورعد اتنهد بتعب. واستغرب إن رامي مجاش الشركة، فقرر يتصل عليه. رعد: إيه يا ابني، مجتش الشركة ليه النهاردة؟ رامي بتعب: معلش، تعبان شوية. رعد بخضة: تعبان؟ مالك؟ أنا هاجيلك وأجيب دكتور. رامي لسه هيتكلم، رعد قفل وراح عليه، وكان رامي بيتصل عليه يفهمه، لاكن رعد مبيردش. وصل رعد ومعاه دكتور عند بيت رامي. رامي بص للدكتور وقال: اتفضل يادكتور، أنا كويس، تعبناك.

الدكتور بابتسامة: ألف سلامة عليك، ولو احتاجتم حاجة قل لي. رعد بغضب: أنت مش قلت لي تعبان؟ رامي بقلة صبر: أنت مبتسمعش للآخر ليه؟ ما تسبني أفهمك. رعد دخل وقال: اتفضل يا أخويا، فهمني. رامي: أنا امبارح رحت أكلت في مطعم، لقيت بطني بتتقطع من الوجع واغمي عليا، ودوني المستشفى وعملوا لي غسيل معدة، لأن الأكل عمل لي تسمم. رعد بتساؤل: وهو أنت طفحت إيه؟ رامي بضحك: هي أول مرة آكله بصراحة. رعد بنفاذ صبر: اخلص.

رامي بابتسامة: أكلت فسيخ، وعشان أول مرة قلب لي بطني. رعد بضحكة: ياااه، ده أنا مقضيها أكل فيه ومش بيحصلي حاجة، بس أنت عشان أول مرة. المهم، ألف سلامة عليك، واقعد بقى أقول لك الأخبار. رامي قعد: سمعني، عملت إيه؟ رعد حكاله كل اللي حصل، اتفاقه مع نيرة. رامي: طب كده كويس، كده هتقدر تمسكوه بسهولة. رعد بتفكير: لازم أمسكه بمواجهة. رامي: هتعمل إيه؟ رعد: هواجهه بكل الورق ده في المكان اللي نيرة هتسلمه الورق فيه.

رامي بضحك: أشطا جداً. رعد: أنا اتفقت معاها تسلمه الورق ده بكرة، عشان بكرة بقى اليوم اللي هنخلص فيه منه. رامي بتعب: يارب بقى، لأني زهقت وتعبت من الحوار ده. رعد قام: طيب، هروح أنا بقى، بس متنساش اللي قلت لك عليه. وغمز له ومشي. رعد كان ماشي بالعربية ولقى فيه عربية وراه بتراقبه من ساعة ما مشي، فعرف إنهم تبع سليم، فقرر يهرب منهم، يمسكهم.

رعد كان بيمشي بسرعة والعربية بتطارده، لدرجة إنهم خبطوا عربية رعد، رعد بص لهم بسخرية وهما ماشيين جنبه بيطاردوه. وفجأة كانت فيه عربية كبيرة جاية من الجنب، رعد داس بنزين أقوى حاجة، ورعد قدر يمشي بسرعة قبل ما التريلا تيجي، وهما حاولوا يمشوا، لاكن التريلا خبطتهم والعربية اتشقلبت. رعد بص وراه وضحك بنصر. رعد بشر: عايز تقتلني؟ بس هنشوف مين اللي هيموت فينا. رعد روح البيت بس ملقاش ملك.

واتفاجأ إنها مش في الفيلا كلها، سأل الحرس. الحارس: ملك هانم راحت تجيب حاجة من الصيدلية. رعد بغضب: وإزاي تخليها تخرج يابني آدم أنت. مسك رعد تليفونه واتصل بملك. ملك كانت دخلت من البوابة. رعد قرب ومسكها من إيديها ودخل البيت. رعد بعصبية: أنتِ إزاي تخرجي من غير إذني؟ ملك باستغراب: آسفة، بس كنت بجيب حاجة من الصيدلية. رعد مسك الكيس اللي في إيدها ورماه في الأرض وقال: إيه الحاجة المهمة اللي تخليكي متقوليش لما تنزلي؟

ملك بصت على الكيس بكسوف. ورعد رجع بص على اللي في الكيس واتصدم. رعد بأسف: أنا آسف، مكنتش أعرف إنك نازلة عشان كده، بس يا ملك الحاجات دي مالية الحمام، أنا مخلي الحرس يجيب كل اللازم لكِ. ملك بكسوف: دورت وملقتش، فـ اضطريت أنزل. رعد اتنهد: ملك، أنا ببقى خايف عليكي، معلش، بس متنزليش من غير إذني يا ملك تاني، وأي حاجة عايزاها اتصلي بيا قولي لي. ملك بخجل: مش هقدر أقول لك.

رعد بضحك: ملك يا حبيبتي، أنتِ مراتي، يعني عادي، وملزوم مني إني أجيب لكِ اللي تحتاجيه. ملك هزت راسها بكسوف ورعد قرب باس خدها. وفجأة جرس الباب رن، جت الخادمة تفتح. ماجدة بخبث: ملك بنتي، كده تختفي ومتقوليش مكانك. نانسي دخلت بخبث. ملك بخوف: ماما. رعد بص بغموض.