رواية طفلة التميم الفصل العاشر 10 - بقلم مارينا عبود

احنا عرفنا مكان بنتك يا باشا. فارس بغضب: هي فين؟ الحارس بخوف: هي في بيت واحد اسمه مالك جلال، واللي عرفناه إنه الولد ده ابن رجل أعمال معروف في القاهرة. فارس بغضب: بنت الـ***. احنا لازم نتحرك بسرعة ونجيبها من بيته ونرجع بيها اسكندرية علشان نجوزها غسان، ووقتها هعرف أربيها كويس على إللي عملته. يلا. الحارس بإيماء: تمام يا باشا. فارس أخد رجّالته واتحرك على بيت مالك. *** وفاء بحزن: يا بنتي اهدّي، أكيد تميم مش قصده يعمل كده.

فرح بدموع: لا يا داده، أنا مش عاوزة أقعد هنا. أنا هروح بيت عمي جلال وأقعد هناك. أنا كلمت مالك وزمانه جاي في الطريق. وفاء بصدمة: يالهوي! مالك جاي على هنا؟ فرح بدموع: أيوه، أنا كلمته وكمان همشي معاه. أنا مش عاوزة أقعد هنا. تميم فتح الباب في اللحظة دي ودخل، لقى فرح بتلم هدومها. تميم بهدوء: داده، سِبينا لوحدنا شوية. ولو مالك جه هنا، ما تسمحلوش يطلع لحد ما أنا أنزل. وفاء بخوف: حاضر يابني.

وفاء طلعت وقفلت الباب، وتميم قعد على الكرسي قدام فرح وهو بيبصلها ببرود. تميم: الهانم رايحة على فين؟ فرح بدموع: أنا مش عاوزة أقعد هنا، أنا عاوزة أمشي. تميم بغضب: علشان تروحي لحبيب القلب مالك، مش كده؟ فرح بصدمة: أنتَ اتجننت؟ إيه إللي بتقوله ده؟ مالك أخويا. تميم بسخرية: لا والله. وياترى مالك باشا بيعتبركِ أخته برضوا؟ فرح بغضب: قصدك إيه يا تميم؟ تميم بضحكة سخرية: هو الباشا ما قالكيش إنه بيحبكِ ولا إيه؟

فرح بصدمة: أنتَ كداب. أنا ومالك مجرد إخوات وبس، ومافيش أي حاجة بينا. تميم بغضب: اسمعيني يا فرح، مالك مش بيعتبركِ أخته. مالك بيحبكِ، وأنتِ لازم تفهمي الكلام ده. فرح دموعها نزلت وقعدت على السرير. تميم قام وقعد جنبها: أنا آسف، حقك عليا. ماكنش لازم أتعصب عليكي بالشكل ده. فرح بصتله بعتاب وحزن ومردتش عليه. تميم بتحذير: فرح، أنتِ لازم تبعدي خالص عن مالك. فرح بصدمة: أنتَ بتقول إيه؟

تميم بغضب مكتوم وغيره: لأنه ده إللي لازم يحصل. أنا وأنتِ خلاص هنتجوز بعد يومين، يعني مينفعش علاقتكِ بمالك تفضل كده. أنا مش هقبل بكده. وافهمي كويس، مالك بيحبكِ وأنا مش هقبل إنه التاريخ يتكرر وأخسركِ أنتِ كمان بسبب مالك. ودي لأخر مرة بحذركِ يا فرح. لو عرفت إنكِ كلمتي مالك من ورايا، وقتها هتشوفي مني الوش التاني، وصدقيني إللي هيحصل مش هيعجبك. ده لو أنتِ خايفة على ابن عمكِ ومش حابة إنه يحصله حاجة.

فرح بصدمة: أنتَ بتهدد*ني يا تميم؟ وبعدين إيه التاريخ إللي يعيد نفسه؟ أنا مش فاهمة حاجة. تميم بهدوء: اعتبريه تهد*يد يا فرح. وبلاش تفكري كتير عشان مش هتفهمي حاجة. قال كده وسابها وطلع، وهي قعدت على الأرض وفضلت تعيط. بعد وقت، مالك وصل فيلا الأسيوطي وجرى على الدادة وفاء. مالك: دادة، فرح فين؟ وفاء بخوف: هي فوق يابني، بس أنتَ مش هينفع تشوفها. مالك بغضب: نعممم؟ إزاي يعني؟ وفاء بحزن: دي تعليمات تميم يابني، إنه ممنوع تشوف فرح.

مالك بغضب: تمام. أنا هطلع وهشوفها، ويبقه يوريني هيعمل إيه. وفاء بخوف: اهدأ يا مالك يابني، أنتَ عارف تميم لما بيتعصب مبيعرفش يقول إيه. مالك بغضب: أنا مش فارق معايا حاجة. مالك سابها وكان طالع فوق، لقى تميم واقف قدامه على السلم وبييبصله بغضب. تميم بعصبية وصوت عالي: شكلك نسيت نفسك يا ابن جلال باشا. مالك ببرود: فرح فين؟

تميم ببرود: ميخصكش. ولو فعلاً خايف على بنت عمك، يبقه متتورينيش وشك مرة تانية. وتأكد لو نفذت كلامي، فرح هتبقى في أمان. مالك بزعيق: أنتَ بتلوّي دراعي يا تميم و بتهد*دني. تميم بجمود: تو تو. أنا مش بهد*دك، أنا بس بحذرك. مجرد تحذير بسيط. ودلوقتي اتفضل من غير مطرود. مالك بغضب مكتوم: ماشي يا تميم. بس أقسم بالله لو فكرت مجرد تفكير إنك تعمل أي حاجة لفرح، وقتها مش هرحمك.

مالك بصّله بغضب وسابه ومشى، وتميم فضل واقف بيبص على طيفه بحزن. عمره ما كان يتخيل إنه ييجي يوم، وأقرب صديق ليه يبقى أكبر أعد*ائه. *** فارس ورجّالته وصلوا لبيت مالك وضر*بوا الحرس، ودخلوا البيت. سوزان بخوف: انتوا مين وازاي تدخلوا كده؟ فارس بغضب: روحوا واقلبوا البيت عليها، عاوزكم متسيبوش مكان ومتدوروش فيه. عاوز تولين تكون قدامي دلوقتي. سوزان وقفت قدامهم وحاولت تمنعهم، بس الرجالة مسكوها تحت صراخها.

تولين بدأت تفوق وسمعت صوت دوشة تحت، قامت وطلعت من أوضتها. وهي نازلة، حد من رجالة أبوها ضر*بها على دماغها وشالها ونزل بيها. سوزان بخوف ودموع: تولين بنتي! انتوا مين وعاوزين منها إيه؟ حرام عليكم، سيبوها. فارس شاور لرجّالته ياخدوا تولين على بره، وقرب من سوزان والدة مالك وزقها على الأرض. وقعت واتخبطت في الترابيزة. فارس أخد رجّالته ومعاهم تولين ومشيوا. وسوزان دماغها بقت تنز*ف واغمى عليها.