رواية طفلة التميم الفصل الثاني والعشرون 22 - بقلم مارينا عبود

صفيه بغضب وزعيق: "إزاي تتجرأي وتيجي بيتي؟ اطلعي بره! عاصم بحدة: "صفييه! الزمي حدودك." صفيه بغضب: "حدود إيه؟ الست دي وابنها لو ما طلعوش من البيت ده، أنا اللي هطردهم بره." مالك بغضب: "صفييييه! اتكلمي مع أمي بأدب." صفيه كانت هتتكلم، بس قاطعها صوت تميم وهو بيبصلها بغضب جحيمي:

"أقسم بالله كلمة كمان وهنسى إنك أمي وهطردك أنتِ والزبالة اللي معاكي بره البيت. ماما سوزان عندي أغلى من الكل، واللي يفكر يهينها مش هرحمه. أنتِ فاهمة يا صفيه هانم؟ والأفضل إنك تاخدي بنت اختك وتطلعي على فوووق." صفيه بصتلهم بغضب وتوعد وطلعت فوق. شيري بصت لمالك اللي واقف مش مديها اهتمام وطلعت وراء صفيه. تميم بحب: "اتفضلي يا أمي." كلهم قعدوا. تولين بصوت منخفض: "مالك." مالك بصلها ورفع حواجبه. تولين بابتسامة:

"هي القمر دي عندها كام سنة؟ مالك بص لفرح بحب: "18." تولين بصدمة: "نعمممم؟ وهي تتجوز ليه في السن ده؟ مالك بهمس: "اسكتي دلوقتي وبعدين هفهمك." فرح بمرح: "إيه يا مااااالك؟ مش ناوي تعرفني على ضيفتك ولا إيه؟ مالك ابتسم وكان هيرد، بس قاطعته سوزان. سوزان بحب: "صحيح، كنت هنسى أعرفكم. دي تولين خطيبة مالك." كلهم بصولها بصدمة اجتاحت وجوهم. عاصم بهدوء: "معقولة يا سوزان؟ مالك يخطب ومتقولناش؟ سوزان بابتسامة:

"لا باذن الله هتكون أول المدعوين يا عاصم. بس أنا مستنية جلال ييجي من لندن وهنعمل خطوبتهم على طول." فرح بفرحة: "مبروووك يا ماالك." مالك بحزن: "الله يبارك فيكِ يا فرح." وبص لولدته وتابع: "ماما يلاه بينا علشان عندي شغل." عاصم: "ما تقعدوا معانا شوية يابني." مالك بهدوء: "معلش يوم تاني إن شاء الله. يلاه يا تولين." تولين وقفت ومالك أخدها وأخد سوزان ومشوا. وطول القعدة دي تميم متكلمش خالص وكان مركز مع مالك وبيفكر في كلام فرح.

فرح بصتله لقيته شارد. قربت وبصوت عالي: "تمييييم! تميم فاق من شروده وبصلها: "إيه؟ فرح بهدوء: "مالك؟ تميم بابتسامة: "مفيش يا طفلتي. يلاه اطلعي أوضتكِ وأنا هروح الشركة علشان عندي شغل مهم." فرح هزت راسها بالموافقة وطلعت فوق. وتميم طلع فونه وكلم غسان. غسان بمرح: "إيه يا عريس؟ تميم بجدية: "ساعة بالظبط وعاوزك تكون في مكتبي. فاهم؟ قال كده وقفل في وشه. وغسان بص للتليفون بصدمة: "دن إيه العيلة المجنونة دي ياربى."

_مر وقت ومالك وصل والدته الفيلا واخد تولين ومشي. تولين بغبظ: "يابني مش هتقولي واخدني على فين؟ مالك بضحك: "متخفيش مش هخطفكِ." تولين بابتسامة: "أنا مش خايفة بس عايزة أعرف أنتَ رايح على فين." مالك بهدوء: "مفيش، فكرت إننا نخرج نغير جو." تولين: "طيب ليه مجبتش ماما سوزان معانا؟ مالك بابتسامة: "ماما تعبانة. طلبت منها تيجي بس رفضت وقالت عايزة ترتاح." تولين هزت راسها بتفهم وحطت راسها على الشباك.

دقايق والعربية وقفت قدام كافيه شكله جميل. مالك وتولين دخلوا الكافيه ومالك طلب أكل. مالك بتنهيدة: "توولين، عاوز آخد رأيك في موضوع." تولين باهتمام: "أكيد اتفضل." مالك أخد نفس عميق وبصلها: "بصي، أنا بفكر أنسى كل الماضي وأبدأ من جديد." تولين بفرحة: "قرار جميل أوووي و... مالك بمقاطعة: "معاكِ." تولين بصتله بصدمة وعدم فهم. مالك بتنهيدة: "أنا عايز أبدأ معاكِ الحياة الجديدة دي. عاوزكِ جنبي. ممكن؟ تولين بهدوء:

"مالك، لو عايزني معاك عشان بس أكون بديل لفرح، فأنا آسفة مش هقدر أعمل كده." فرح قامت وسابته وطلعت من الكافيه. ومالك فضل باصص قدامه بصدمة وبيحاول يستوعب كلامها. فاق من شروده وطِلع وراها. _شيري بخوف: "خالتو لو سمحتي اهدى." صفيه بغل: "بقاااا كلهم يقفوا ضدي بسببها؟ حتى ابني الوحيد خدته في صفها." شيري بسخرية: "احم... خالتو، الظاهر كده خطتك اللي عملتيها من أربع سنين عشان تفرقيهم كلها فشلت بسبب البنت اللي اسمها فرح."

صفيه بهدوء مرعب: "فرح دي حسابها بعدين. خلينا دلوقتي في سوزان. أنا عايزة أخلي سوزان كل يوم تموت بالبطيء." شيري بتوتر: "خالتي، أنتِ ناوية على إيه؟ صفيه بضحكة خبيثة: "هنتخلص من نقطة ضعف سوزان الوحيدة، واللي لو اختفت من حياتها قادرة تدمرها." شيري بخوف: "أنتِ قصدك مين؟ صفيه بخبث: "مالك جلال. أنا ناوية أحرق قلبها على ابنها زي ما حرقت قلبي زمان." شيري بصتلها بصدمة وو.....