رواية طفلة هزت كيان فرعون الفصل الرابع والعشرون 24 - بقلم مروة موسي

الطيارة بدأت تطلع ونور قلبها بيدق وعاوزة تصوت. نور بخوف: ف فرعون فرعووووون الحقني. فرعون وهو بياخدها في حضنه: هوووس هنتفضح. وطبطب عليها. نور بخوف وهي في حضنه: حاسة إن روحي بتنسحب. فرعون: متخافيش بس غمضي عيونك وامسكي فيا. فعلاً غمضت عيونها ومسكت فيه وشوية نامت بدون ما تحس. فرعون: نور انتي كويسة. نور: ... فرعون: مجنونة والله العظيم. وميل عليها نام هو كمان ومسك إيديها. صفاء: سافر تركيا هههه والسنيورة نور معاه.

البت دي مبنهاش فايدة وجودها ضرر ليا. الخدامة: اعملك أي ي ستي وأنا تحت أمرك. صفاء: اسكتي ي عقربة انتي محدش يعمل حاجة لنور. وكملت بخبث: أنا اللي هعمل وبعدين أنا بقيت زي الخدامة الحقيقة في القصر أنا هخرج منه ومعايا فلوس تعيشني ملكة. ورمت لبس الخدم من عليها وطلعت تحضر هدومها. عادل: دادة. سمية: نعم. عادل: نور عيد ميلادها كمان يومين. سمية: عارف فرعون بدأ. عادل: فرعون أكيد عارف بتاريخ ميلادها. سمية: تفتكر هيقدم ليها إيه.

عادل وهو بيقعد ويمضي على ورق: والله ي دادة مش عارف بس خايف لفرعون يعمل حاجة ونور تزعل من تصرفاته. سمية: متخافش أنت مشوفتش النظرة اللي كانت في عيونه يوم ما كانت جت البيت مستحيل تبعد عنه تاني خصوصاً إنه بقى بيعملها كويس. عادل بارتياح: يعني في أمل فرعون يرجع عز الحفناوي تاني. سمية: في أمل ونص كمان بس مش موضوعنا ده حالاً تقريباً صفاء هتسيب القصر وتخرج منه.

عادل: فرعون لما يشوف حل ليها لكن مش عاوز أشتت دماغه بحاجة وخليهم يفرحوا. نور صحيت لقت نفسها في حضنه وأيديها في إيده. شالت راسها ونظرت لفرعون تتأمل ملامحه عن قرب لأول مرة براحتها. نور: ملامحك متبينش إنك فرعون خالص ومتبينش إنك قاسي لكن طبعك قاسي أوي. فرعون وهو مغمض: محدش يقدر يحدد شخصية اللي قدامه من ملامحه ولا من طبعه لأنه بيبقى نتيجة للأفعال اللي حواليكي. نور بتوتر: أنت صاحي.

فرعون: مقدرش أنام وحاجة تخصني جنبي والناس رايحة وجاية عليها. نور بكسوف: طيب تقريباً الطيارة نزلت يلا ننزل. فرعون: حمد الله على سلامتك. تركيا نورت بيكي. نور: الله يسلمك هي الناس هنا بتتكلم عربي. فرعون وهو بياخد إيديها: لأ تركي بس هيبقى حوالينا ناس عربية وهننزل فندق عربي متقلقيش. ونزلوا من الطيارة وركبوا عربية للفندق. صفاء لبست ولمت هدومها وخلت الخدم يطلعوها في تاكسي برا البيت.

صفاء بتكبر: باي باااي القصر هيوحشني جدا أه ومتنساش ي عادل تسلملي على فرعون بيه. عادل: صدقيني لو كان هنا مكنتيش قدرتي تعملي ده. صفاء: هووووف أخيراً الواحد لقى الفرصة إنه يخرج من السجن. خالد: متبقيش تدوري على فرصة تدخلي بيها القصر تاني. صفاء: صدقني حسابك معايا بعدين. خالد: ولا يهمني. عادل: متفكريش تقربي منه عشان هتتنسفي من على وش الأرض. سمية: خلاص ي ولاد اتفضلي ي صفاء. صفاء: صفاء هانم. سمية بعند: مع السلامة ي صفاء.

فرعون ماسك إيد نور وداخل الفندق. نور بترتعش: فرعون أنا سقعانة الجو برد أوي هنا. فرعون: استني إحنا طالعين أهو والجو فوق هيبقى دفي. الاستقبال: أهلاً فرعون باشا. فرعون: أهلاً بيك ي حازم. حازم: الفندق نور بيكي والآنسة اللي معاك. فرعون بحدة: دي مراتي فين الغرفة. حازم: اتفضل دي الغرفة بتاعت حضرتك اتفضل من هنا. وطلع على الغرفة. نور دخلت جري لبست تقيل أوي أوي. نور: مش هتغير هدومك وتلبس حاجة تقيلة. فرعون واقف ورا

إزاز الغرفة بينظر للبحر: لأ الجو بالنسبة ليا عادي والتكييف مظبط الأوضة. نور: طيب. بس كان يقصد إيه بالآنسة اللي معاك. فرعون: مش لازم تعرفي ي نور. نور: ممكن أعرف. فرعون وهو مثبت عيونه على حاجة: عشان كل لما أجي أنزل الفندق هنا وأكون... وسكت. نور: ومعاك واحدة ست. فرعون: محتاج أرتاح شوية. نور: هتفضل كده. فرعون: كده إزاي يعني. نور: حياتك كلها بنات وسهر وشرب. فرعون وهو بينام: محدش بيختار طريق دماره. نور ببعض من العصبية

وهي بتشيل الغطا من عليه: يعني أنت عارف إنك ماشي في دمار. فرعون: نور لو سمحت بلاش كلام ممكن. نور: لأ مش ممكن عايزة أعرف كل حاجة عنك. فرعون: بكرة إن شاء الله. نور: حالا. فرعون بحدة: نوووور. نور بخوف: حاضر. ومشت من قدامه وقعدت في أحد أركان الغرفة ومسكت الموبايل بتاعها. صفاء وهي بتوقف التاكسي قدام فيلا ضخمة. معتصم: البيت نور. صفاء: بدلع منور بيك ي حبيبي. معتصم بخبث: وحشتيني.

صفاء: امممم وأنت كمان يلا امسك الشنط دي كدا مني. معتصم قرب منها: بقولك إيه تعالي أرحب بيكي على طريقتي. وصفاء بضحكة عالية مشيت معاه. ( هنعرف مين معتصم ده ) فرعون وقف قدام نور: نور. نور: نعم. فرعون: متزعليش. نور: مش زعلانة حتى شوف بضحك أهو. فرعون: حياتي صعبة أوي بلاش بيكي تصعب أكتر. نور: تقصد وجودي بيقفل الدنيا معاك أكتر حاضر ي فرعون أول لما أرجع مصر هبعد ووعد مش هتعرف طريقي. فرعون: أوعي تعملي كده دا أنا...

نور بتركيز: أنت إيه. فرعون: كنت مفكرك هتبقي معايا وبدل ما توعديني إنك تمشي هتفضلي معايا. نور: أنت بتعمل كده عشان الوعد اللي وعدته لأمي صح. فرعون: مش عارف بس المهم يلا عشان هنخرج بالليل. نور: هنخرج بس إحنا منعرفش حد هنا. فرعون: عاوز أقولك إن تركيا بلد جميلة جدا وبحرها أجمل وفيها سندوتش سمك رائع. نور بفضول: أنت شوقتني للنزول يلا بينا. فرعون: حالا لأ طبعاً. نور: أيوا. فرعون: نور ملحقتش أرتاح بجد. نور وهي بتشده

من إيده للحمام عشان يغير: يلا بقى. فرعون بتنهيدة: حاضر. معتصم: البيت نور بيكي. صفاء بضحكة: على أساس إني مش صاحبة بيت. معتصم: عندك حق الله يرحمك ي أخويا كانت مراتك بتيجي هنا وأنت على وش الدنيا مش هتيجي بعد مماته. صفاء: متسكت وتفتكر لينا حاجة عدلة أخوك إيه خلاص مات عقبال ابنه. ( معتصم ده أخو أبو فرعون ده عمه اللي ظلمه واتفق مع صفاء على إنهم ياخدوا كل حاجة منه ) فرعون: هتروحي فين بقى.

نور: نعم دا على أساس إني عارفة أنا حاجة هنا. فرعون: تعالي تمشي شوية على بحر تركيا. نور: امممم نجرب بس ممكن حاجة مجنونة شوية. فرعون: نعم. نور: عايزة في التلج ده آيس كريم. فرعون: مجنونة من يومك والله حاضر. نور: وكمان حاجة تعرفني كل حاجة عنك. فرعون: نور بلاش تدخلي في حياتي ممكن واعتبريه ترجي. نور: ليه. فرعون: حياتي ملهاش أول من آخر ومعقدة وأنا بتعب من كل لما أفتكرها. نور: ولو قولتلك عشان خاطر أبوك.

فرعون: حاضر بس بلاش تجيبي أبويا تاني في سكة. وكل اللي عاوزة تعرفيه بكرة آخر الليل هتعرفيه. نور باستفهام: اشمعنا. فرعون: لحد ما أذاكر حياتي تاني قدامي ي نور. وفضلوا طول اليوم برا وفرعون بدأ يفتح قلبه لنور ويتكلم كتير معاه ويبطل الحدة اللي كان بيتعامل بيها ونور لاحظت ده وبدأت هي كمان تعتبره صديق ليها. أحد رجال المافيا: ألماس لحد حالا فرعون متكلمش عنه. جوري: مبقتش أعرف حاجة عنه.

أحد رجال المافيا: هو حالاً في تركيا مع مراته. جوري: لو عرف إنكوا بترقبوا هيطربق الدنيا فوق دماغنا. رجال المافيا: في خلال ساعات لو مبعتش ألماس صدقيني هنعمل تصرف مش هيعجبه. خالد: النهاردة عيد ميلاد أختي لازم أتصل بيها. عادل وهو بياخد منه التليفون: ممكن متفكرهاش وخلي أول واحد يقولها كل سنة وانتي طيبة هو فرعون. خالد بتفهم الوضع: طيب. سمية: ربنا يباركلك يبني. خالد: مكنتش مطمن لخروج صفاء بعت حد وراها ولقيتها راحت لمعتصم.

سمية وهي بتخبط على صدرها: يندامة دي بجحة أوي. عادل بحزن: على أساس إنها مكنتش بتروح له حتى وفرعون هنا كانت بتتحجج بأي حاجة وتروح له. خالد: فرعون يعرف حاجة زي دي. سمية: لو عرف يموت فيها ويشك في نفسه فرعون كل حاجة جاية على دماغه أوي. عادل: الدنيا صغيرة على فرعون أوي. خالد: أنا واثق في نور. سمية: كلنا معلقين آمالنا فيها. تاني يوم فرعون وقت الغدا: نور افتحي معلش الباب الغدا. نور: حاضر. وفتحت واخدت الغداء منه.

نور: هو إيه العينات اللي بيجيبوها دي. فرعون: عندك بدل الطبق بتاعك وبتاعي كليه. نور: وأنت مش هتاكل. فرعون: بالهنا والشفا بس كلي أنتِ. نور: ممكن أطلب حاجة تانية من تحت. فرعون: أيوا افتحي السماعة واطلبي. نور: لو سمحت عايزة فرختين ومكرونة بشاميل ولسان عصفور وعايزة كنافة بالقشطة وعايزة شوكولاتة دارك و... فرعون بصدمة من اللي طلبته: دا كله لمين. نور بطفولية: ليا أنا وهأكلك معايا متخافش.

حازم على السماعة: فرعون بيه ممنوع دا كله. فرعون: اللي هي طلبته يجي. نور: وكمان بيتزا لو سمحت. حازم: حاجة تاني حضرتك. فرعون: نسيتي السلطة. نور: لأ أنا مش عاملة رجيم. وقفت. فرعون: الله يكون في عون معدتك. نور: اسكت دا أنا جعااااانه. فرعون وهو بيبتسم: أنا خايف أصحى الصبح ملقيش رجلي. نور قربت منه: أي دا. فرعون باستغراب: أي. نور: أنت عندك سنان زينا وبتتبسم. فرعون: أيوا. نور: أول مرة أشوفك بتبتسم شكلك حلو أوي. فرعون

وهو بيفتح الباب للأكل: عارف إني شكلي حلو يلا كلي. نور وهي قاعدة وبتفتح الأكل: تعالي كل يلا. فرعون: يلا. وفعلاً قطع قطعة مكرونة وكلها وكان بيقوم. نور وهي في فمها الأكل: أنت كده أكلت. فرعون: أيوا الحمد لله. نور شدته قعدته: افتح بقك ي كتكوت. فرعون: أي اللي بتعمليه ده أنا مش بحب البيتزا. نور بصدمة: أي مين قول تاني كده. فرعون: مبحبهاش. نور: هل أنت جربتها. فرعون: لأ. نور: هل أنت حسيت بيها وهي بتتغلغل بين أمعائك كده.

فرعون: لأ. نور: أمال مبتحبهاش إزاي يلا افتح فمك. فرعون: خلاص خلاص أنا هدوقها لوحدي. نور: هتكسف إيدي. فرعون مسك إيديها ووجهها تجاه فمه وداقها. فرعون: طعمها حلو. نور بتلقائية: مفيش أحسن من طبق الكشري المصري الله يرحم أيامه. فرعون: دا على أساس إنك بقالها هنا قرون دا مكنش لسه تاني يوم. نور بعد ما شطبت نص الأكل لوحدها: طب مش هكمل أكل. فرعون: كوليني ي نور. نور: لأ يعم مبوكولش ناس تنزل في بطني تتعارك معاها. فرعون: بقي كده.

نور: أيوا ووووو. ولم تكمل كلامها وحدث شيئاً.