رواية طفلة هزت كيان فرعون الفصل الثالث والعشرون 23 - بقلم مروة موسي

نور: مسكت الكأس ورمته. فرعون اتأكد أن نور مش مجرد خيال هو متخيله. وقف ونظر ليها بسكر. فرعون: انتي هنا. نور وهي حزينة على شكله: أيوا. فرعون: جيتي ليه وإزاي. نور وهي بتسنده: جيت ليه عشان دا بيتي ومينفعش اسيبه أكتر من كدا. دي الست الأصيلة. وجيت ازاي بقي؟ جيت مع خالد أخويا. فرعون وهو على السرير قاعد وهي بتفك الهدوم عشان تجيب له تيشرت تاني: جيتي عشاني صح. نور بتنهيدة: معرفش. ممكن تساعدني أغيرلك التيشيرت.

فرعون بسكر: نووووو نوووووو. أنا هنام كدا. ونام وهدومه مبلولة. نور وقفت قدامه واتكلمت بصوت واطي: حالك يصعب على الكافر بجد. مش قادرة أحدد شخصيتك. طيب ولا شرير. قاسي ولا حنين. وبيصعب عليك حالك. فلاش بااااك. خالد: أنا ماشي. سلام. نور: هتمشي بسرعة كدا؟ اقعد شوية. ولا أقولك خليك بقي. دا بيتك. خالد: اتعودت على قصر فرعون خلاص. نور: يعني مش هتيجي تقعد هنا. خالد: محبش يكون خدني من صغري ورباني وانكر جميله في دقيقة.

نور: عندك حق. خالد: سلام. وخالي بالك من نفسك. نور بتمعن: خالد استنى. أنا بفكر أرجع للقصر. خالد بخبث: ليه. نور: مش عارفة. بس حاسة أن فرعون محتاج ليا الوقت دا. عيونه بتقول كدا. رغم أني وجودي مش فارق معاه. خالد بلطف: مين قال كدا. تعرفي انتي لو رجعتي فعلا. أول حاجة هتلاقي فرعون اتبسط جدا. فرعون طيب. بس هو بحكم شغله وحياته يبان قاسي أوي وجبروت.

نور بتردد: معرفش ليه عاوزة أغير حياة فرعون. حتى لو على حساب حياتي. بس أكون عملت حاجة صح في القصر دا. خالد: دي الدماغ التمام. يلا بينا. ووصلوا للقصر. ونور دخلت من باب خلفي وطلعت على الجناح. وخالد من باب رئيسي. بااااك. دخلت استحمت وغيرت هدومها. ولبست شورت وفتلة كت. وعملت شعرها زي ميكي موس. ومسكت تليفونها تقرأ روايات الكاتبة مروة موسي.

استوقفها في رواية جنة الصقر. أن جنة كانت لآخر حاجة بتاخد بإيد صقر. وكانت هي اللي رجعت له حقه بسبب دماغها واخلاصها له. وقررت تعمل زيها. تعبت من القراءة. وقفت تليفونها. ولفت انتباهها صوت فرعون بيهلوس: أنا هفضل كدا كتير. من غيرك ي بابا. عز عاوز يشوفك. بقي وحشتني. نور بفضول: مين عز دا. سيبك من دا كله. حرارته هترتفع لو فضل كدا. طب أعمل إيه. مقدرش أغير له لوحدي. وفي نفس الوقت مش أي حد يدخل الجناح غير بأمره. أعمل إيه.

طلعت بطانية كبيرة من الدولاب وغطته عشان ميبردش. وفضلت تقرأ قرآن لحد ما الصبح طلع. بدأ النوم يغلبها. ميلت جنبه على الأرض. وراسها على السرير. وفضلوا كدا. صفاء لأحد الخدم: شوفي البت قدرت تضحك على رامي وتقنعه أنه أخوها إزاي. الخدامة: عندك حق ي ستي. بس يمكن يكونوا أخوات. صفاء: أقطع دراعي لو كان يعرفوا بعض. ياترى نيتكوا فيها إيه ي زفت الهباب ي رامي. وايام السواد ي نور.

الخدامة: يمكن عملت كدا عشان توقع فرعون ويحصل حاجة له. أصلها مش هتسكت عن اللي فرعون عمله فيها. صفاء: يختي يارب. وأشوفك ي فرعون ي ابن بطني. مش لاقي مكان تقع فيه. ولا مكان يلمك. عادل: فرعون منزلش ليه. سمية: مش عارفة. أنا قلقانة. خالد من وراهم: نور فوق معاه. سمية بفرحة: بجد نور معاه. خالد: أيوا ي دادة. عادل: غريبة. نور رجعت لوحدها. خالد: قالت لازم أكون جنبه. سمية: أصيلة ي بنتي. ربنا يقدرك على الخير كله.

الضهر أذن. وفرعون بدأ يقوم وجسمه تقيل ومتكسر. لقي بطانية عليه. ونور جمبه على الأرض. فرعون: نور جيتي إخيرًا. بس أكيد حاجة جابتك لهنا ي نور. انتي لو كنتي عاوزة تيجي كنتي جيتي من شهر. وقام من جنبها. ولاحظ أنها لابسة بيجامة براحتها. ودخل الحمام. لقاه لسه بهدومه. افتكر امبارح أنه آخر حاجة كان بيعملها أنه كان بيشرب. وبيلوم نفسه على أنه رجع كل حاجة زي الأول. كل لما يزعل من حاجة يشرب تاني أكتر. فاق على صوت نور.

نور: فرعووون. فرعون. فرعون بهدوء: نعم. نور: انت بقيت أحسن. فرعون: هستحمى وأطلع. معلش ناوليني فوطة وهدوم ليا. نور: حاضر. وفعلا ناولته هدوم له والفوطة. وبعد شوية طلع. نور: بقيت أحسن. فرعون وهو مش باصص ليها: أيوا. نور: الحمد الله. فرعون: جيتي امتى وازاي. نور: ما أنا قولتلك. جيت مع خالد امبارح. فرعون: تمام. أتمنى متبقيش تسيبي بيتك تاني. نور: بيتي؟ أنا مجرد وقت بقضيه هنا و بس. فرعون: ليه كدا يعني.

نور: ما انت عامل زي اللي كل يوم والتاني يغير هدومه. بكرة تيجي واحدة تانية وأطلق. فرعون: بطلي كلامك دا. نور: على العموم. شكرا إنك كنت كل يوم تبعت ليا فلوس. من كترهم كنت برسهم في الدولاب. فرعون: مفيش شكرا. دا من حقك. نور: مبقاش في حاجة من حقي أصلا. رجال المافيا: فرعون بقي محدش همه. وبقي قلبه حديد. جوري: على أساس قبل كدا كان قلبه ورق. طول عمره حديد وقلبه حديد ومبيهمهوش حد. رجال المافيا: بدأ يبعد عننا ويشوف جماعة تانية.

جوري: مليش دعوة. دا شغلكوا. رجال المافيا: إحنا لينا تصرف معاه قريب أوي. فرعون نزل. ونزلت نور وراه. سمية: وحشتينا. نور بضحكة: وانتِ كمان ي دادة. عادل: عاش من شافك. نور: متشوفش وحش يارب. فرعون: أنا هسافر لمدة أسبوع تركيا. عادل باستغراب: اشمعنا. فرعون: محتاج أبعد شوية عن العالم المحيط بيا. جهزيلي شنطتي ي دادة بعد إذنك. سمية: حاضر. طلعت. ونور طلعت وراها. نور: أنا هجهزها. سمية: طيب بالمرة اقعد معاكي وأقولك كلمتين ي بنتي.

نور وهي بتجيب الشنطة وتجهزها: اتفضلي.

سمية: جوري كان مجبور عليا. عشان كنت أقل منه مادياً والمستوي الاجتماعي كان كل حاجة له. بيعيرني بيها. سنة واتنين وتلاته. وكان أهلي رافضين الطلاق خالص. صبرت ورضيت بالواقع. وكمان خلفت أول عيل منه. وأنا مش متقبلاه كزوج ليا. وهو مش متقبلني كزوجة له. بس لقيت ابني بيكبر قدامي. صعب عليا يعيش في جو مش لطيف. هيبقي معقد. وسبحان الله ربك مبينساش حق حد لو بعد حين. جوزي خسر كل اللي قدامه واللي وراه. ومكنش بيلاقي الأمل في أي حاجة.

حتى فقد الأمل فيا. بس عشان أنا أصيلة ومحبتش أكسره زي ما كسرني. بقيت أحسن منه. وطلعت واشتغلت. وبقينا عايشين حياتنا. بعد ما حبني. وبقيت أغلي حاجة في حياته. لدرجة أنه كان بيخاف عليا من أي حاجة. يمكن ربنا عمل فيه كدا عشان يحس بقيمة. ربك كريم. بقيت أنا اللي بعد كدا مش شايلة هم حاجة. قد ما هو شايل همي. وتعرفي كان كل يوم قبل ما ينام. يعتذر ليا على اللي كان حصل منه قبل كدا. وقالي الفلوس بتعمي عن المظهر والأساس اللي جوه.

نور بتركيز في كلامها: بس كفاية أنه في الآخر حبك وحب قربك له. سمية بقصد: ما أنا السبب في دا. لو كنت بعدت وكنت سبت حياتي. مكنش هيحس بوجودي ولا قيمتي. نور بتنهيدة: عارفة أن فرعون اتدمر كتير من ناس كتير. بس هو لوحده كفيل أنه يدمرني. سمية: إنسي بقي ي نور. اللي في دماغك دا. كان يوجعك لو كان رماكي. لكن حالا هو جوزك. واتجوزك بعد اللي حصل. نور بدموع: مش قادرة أنسي. بس جوايا حاجة مسامحاه.

سمية في بالها: دا أول الطريق. أنك تكوني من جواكي مسامحاه ومتلخبطة. نور: دادة. دادة. سرحتي في إيه. سمية: ولا حاجة. خلصتي الشنطة. نور بغمز: مش واخدة بالك إني بحضر شنطة ليا أنا كمان. سمية بفرح: هي دي البنت الأصيلة. اللي تبقي على قلب جوزها وتقرب منه. ربنا يريح بالك. عادل: هتسافري تركيا. خالي بالك من نفسك. الجو هناك الأيام دي برد أوي أوي. فرعون: متقلقش. عادل: أجي معاك. مش متعود تسافر لوحدك. نور: منا هروح معاه.

عادل كاتم الضحكة: طبعًا. انتي أولى بيه. فرعون: مين سمح ليكي إنك تسافري. نور: أنا مرات فرعون. وقت لما أقول حاجة لأي حد تتنفذ. فرعون: بس مش عليا تتنفذ. على أي حد. عادل خبط فرعون أنه يسكت. وأنها فرصة حلوة ليهم. فرعون: طيب تعالي. بس جهزي كل حاجة. عشان هنخرج بعد شوية للمطار. نطلع في أول طيارة. نور: يدوب فاضل نلبس بس ونمشي. وفعلا خلصوا ومشوا. وخرجوا ووصلوا المطار. نور: ي سيدي أبو النواح. إيه المطار الكبير دا.

فرعون: أول مرة تروحي مطار. نور وهي بتتفرج على كل حاجة حواليها: بشوفه في التليفزيون بس. ولا الطيارة. طلعت كبيرة أوي أوي. فرعون: بس بس. يلا. آخر نداء للطيارة. في الطيارة. نور قاعدة وفرعون جمبها. نور: هطلع في السحاب والسما. وااااو. وبتصقف. فرعون بيبص عليها وبيستغرب. أد إيه هي جميلة وطفلة. ونظر ليها بخبث. لأنه عارف أنها هتخاف من طلعة الطيارة. فعلا الطيارة بدأت تطلع. ونور قلبها بيدق وعاوزة تصوت.

نور بخوف: ف فرعون. فرعووووووون. الحقني. فرعون وهو بياخدها في حضنه: هووووووس. هنتفضح. وطبطب عليها.