رواية طفلة هزت كيان فرعون الفصل الخامس والعشرون 25 - بقلم مروة موسي

نور بتلقائية: مفيش أحسن من طبق الكشري المصري، الله يرحم أيامه. فرعون: ده على أساس إنك بقالك هنا قرون، ما كانش لسه تاني يوم. نور بعد ما شطبت نص الأكل: طب مش هكمل أكل. فرعون: كُليني يا نور. نور: لأ يا عم، ما بأكلش ناس تنزل في بطني تتعارك معاها. فرعون: بقى كده؟ نور: أيوه، والنور بتاع الغرفة قطع. نور بخوف: يا نهار أبيض، أنت فين يا فرعون؟ والله بأخاف، عصام كان بيحبسني في الضلمة ويفضل يضربني، أرجوك رد عليا.

فرعون: بس أنا مش عصام عشان أحبسك وأضربك وعشان أخليكي في الضلمة. نور وهي جنبه: ما أنت كنت حبستني مرة وضربتني فاكر؟ فرعون وهو بيشدها من وسطها والنور فجأة جه بس نور لطيف ونزل بلالين: مش فاكر حاجة، واللي فات هننساه سوا ومش هنفتح فيه تاني. نور وهي متوترة من قربه ومستغربة نزول البلالين: فرعون، النور ما قطعش صح؟ أنت اللي عملت كده وكمان اتفقت مع صحاب الفندق عشان البلالين صح؟ ليه؟ فرعون وهو

بيسلم وشها وهي بين إيده: عشان النهاردة عيد ميلادك. كل سنة وأنتِ طيبة يا نور وعقبال سنينك الجاية وأنتِ فرحانة وكل سنة وأنتِ معايا. نور لسه مش متخيلة اللي حصل واللي قاله وإن النهاردة عيد ميلادها، واقفة مذهولة. فرعون: صدقيني بمناسبة اليوم ده ليكي طلب هيتحقق وليا طلب هتحققيه. نور وهي بتبعد: طلبي أحكيلي عنك وبكل صراحة. فرعون بتنهيدة: حاضر يا نور، تحبي تعرفي أي؟ نور بتركيز: كل حاجة وما تخبيش عليا حاجة.

فرعون: أنتِ عارفة إن أبويا مات وده بسبب تدبير من صفاء وعمي معتصم. وما زال بيحاول يعمل أي حاجة عشان ياخد كل اللي معايا وكل اللي ورايا. تعرفي صفاء للأسف أمي بتموت ابنها بإيديها وموتت مراتي وعيالي. تعرفي عادل وسمية. ده كل اللي أنتِ عارفاه. لكن اللي ما تعرفوش إن عادل عزيز عندي قوي قوي، شوفت كتير في القصر لولاه كان زماني ابن شارع لما حس بخطط صفاء وعمي معتصم، مضى أبويا في الوقت المناسب على كل أملاكه تكون ليا وطبعًا لما

عرفوا كانوا عاملين زي المجانين. عادل ما باخدش خطوة غير لما أشاوره مش حكاية قلة شخصية ورأي بس اتعودت من صغري على الشورة معاه وممكن مع سمية. سمية الوحيدة تقدر تدخل الجناح في أي وقت وأي مكان فيه. ممكن تكوني لاحظتي ما حدش بيدخل الجناح غيرها وعادل. لأن دادة سمية اللي ربتني، صفاء خلقتني من يوم ما وعيت على الدنيا كنت على رجليها، دي اللي بأحس معاها إني عندي أم حنينة وتعرفي جوزها كان بيكرهها الأول وكان بيتكبر عليها لكن حصلهم

ظروف بقت واقفة جنبه ولحد حالًا شايل جميلها على راسه وبقوا حياتهم طبيعية عادي. خالد أخوكي بقى صفاء ادعت إنه ابن أختها وإنها سايباه معاها وأنا ما اهتميتش للموضوع عشان عارف إنها كدابة بس اللي طمني إن خالد طيب وما شوفتش منه حاجة وحشة. كل واحد في القصر حكيتلك عنه دي حياتي.

نور: دي الحياة حواليك، أنا عاوزة حياة فرعون أنت يا فرعون وده بقيت طلبي.

فرعون: أنا واحد ما لوش دور في حياته. واحد حياته ضايعة وهو بيدمرها أكتر. واحد كل يوم والتاني مع واحدة شكل قدام مراته داخل طالع وكانت ما تقدرش تفتح بقها بكلمة. واحد نفسه كان يبقى طفل زي أي طفل يعيش حياته بلعبه لكن الظروف كانت أقوى وخلته من طفل لفرعون. واحد نشأ في بيت طمع وقرف وكل همهم الفلوس بقيت قاسي بس من جوايا لسه ضعيف طيب مش بيحب يجي على حد بس من كتر الضغط اللي كان حواليا كان لازم بنفس الشخصية اللي الكل بيخاف منها اسمي مسمع في العالم كله فرعون بيه.

نور: اسمك فرعون؟ فرعون: تقريبًا. نور: اتفقنا الصراحة. نور: اسمي عز الحفناوي. نور بطيبة: الله اسم عز ده جميل قوي بجد. فرعون: اسمي فرعون، عز مات وأنا كنت واقف في عزاه. نور: بتشتغل أي؟ فرعون: كفاية يا نور لحد كده. نور: أنت قولت أطلبي وأنا هنفذ وأنا هأعتبر كلامك هدية عيد ميلادي. فرعون: شغال في المافيا. نور بصدمة: أي؟

فرعون: شغال مع المافيا ومن الشغل ده اتعرفت على جوري أو بمعنى أصح الشغل ده اللي قواني من صغري وبقى قلبي حديد وبقيت في مكانتي دي. نور وهي بتقعد على السرير مش مستوعبة حياته وكلامه: أنت أنت فاهم ودارك اللي أنت فيه. فرعون: وما زلت فيه وهأفضل فيه. حياتي ما تستاهلش لحد عشان أفوق لنفسي. نور بدموع: حرام عليك ليه كده؟ عارفة إنك ادمرت بس مش للدرجة دي. فرعون: دي كل حاجة كنتِ عاوزة تعرفيها عني.

نور وهي سرحانة: حياتك صعبة، معادلة ما لهاش ناتج، حياتك لازم لازم تتغير. وكملت بإصرار وتحدي: دي مهمتي يا فرعون. فرعون: مراتي الأولى ما قدرتش وما عرفتش تعمل ده، عادل حاول وسمية كذلك. نور: دي حاجة ترجع ليا يا فرعون ومسكت إيده وعد أرجعك لأحسن من الأول كمان. طلبك أي؟ فرعون بتوتر: ممكن أنام على رجلك؟ نور باستغراب: بس؟ فرعون: أيوه بس. رجال المافيا لجوري: إحنا راقبنا فرعون وعارفين مكان الفندق.

جوري: اللي عاوز فرعون يرجع للشغل تاني يقصد مراته مش فرعون لأن مراته هي السبب. رجال المافيا: لما تتم صفقة ألماس الأول بينا وبعد كده نحاسبه على عدم متابعة شغله. جوري: هي الصفقة أمته؟ رجال المافيا: تقريبًا كده لما يرجع من تركيا. جوري: المهم تتم لأنها صفقة كبيرة. وكملت لما افتكرت إنه منعها من دخول مصر وقالت: اللي عاوزين تعملوا اعملوا. صفاء: هنعمل أي عشان نجيب منه هرم الفلوس اللي على قلبه. معتصم: ده لازم ترتيب له.

صفاء: أشوفه بيموت قدامي بس وساعتها غليلي يشفي منه. معتصم: اللي يشوفك ما يقولش إنك أمه. صفاء: دي غلطة بيني وبين أبوه إني جبته. معتصم: أكيد في حاجة توصلنا لتدميره. خالد بيتصل على نور: أختييييي، كل سنة وأنتِ طيبة يا حبيبتي. نور بضحكة وفرعون على رجليها: حبيباااااي، كل سنة وأنت معايا. خالد: أكيد مبسوطة. نور: أيوه تركيا تحفة يا خالد، كان نفسي تبقى معايا. فرعون: مش فارق معاكي وجودي؟ نور: طيب مع السلامة أنت يا خالد.

فرعون: تحبي أرجع وأجيبلك أخوكي؟ نور بمضايقة: يا ريت، على الأقل هيلف بيا ويشيلني على كتفه وأنزل البحر. فرعون: طب يلا قومي. نور: على فين؟ فرعون: في البسين. نور: الجو تلج وأنا ما بأعرفش أعوم والناس حالًا هتبقى كتير. فرعون: ما تقلقيش أنا هأكلم حازم يفضي البسين لينا وما حدش هيدخله. نور: فرعون لأ. فرعون شدها ونزل بيها للبسين: هتعرفي تعومي؟ نور: لأ و.... وكان فرعون زهقها في البسين. فرعون

نزل وراها وخدها على كتفه: ما تخافيش من الماية عشان ما تغرقكيش، خلي قلبك جامد، بأحب أنزل بسين البيت بتاعي. نور: حاضر بس الجو مش ساقعة حالًا ليه؟ فرعون وهو بيرفعها: يمكن أنتِ سخنة عشان أنا قريب منك وغمز. نور: كلها بكرة وهنرجع مصر. فرعون: عشان كده لازم نلف كتير في تركيا النهاردة. نور: أشطا يلا بينا.

وفعلًا طلعوا وغيروا ونزلوا لفوا طول الليل وبعدها طلعوا على المطار وفرعون كلم حازم يبعت شنطهم على المطار وبعت له فلوس الفندق وركبوا الطيارة. فرعون: هتخافي تاني؟ نور وهي مغمضة عيونها ومسكت فيه: لأ. بعد يومين. فرعون في التليفون: ألماس هيتم تسليمه في شقة على النيل. رجل المافيا: تمام يا فرعون. فرعون لنور: ورايا شغل لازم يتسلم. نور: بلاش، قلبي بيقول إن في حاجة هتحصل. فرعون: ما تقلقيش، كل مرة بتخلص بسلام.

نور: طيب المهم لما أتصل بيك تفتح عليا وتكلمني. فرعون وهو خارج: حاضر سلام. معتصم: أخيرًا فرعون نهايته النهاردة. صفاء: عملت أي؟ معتصم: سمعت من حد أعرفه إن فرعون هيسلم صفقة ألماس النهاردة وأنا بدلت ألماس بألماس مزيف. صفاء: حلو قوي، أخيرًا هنخلص منه. سمية لنور: فرعون فين؟ نور: راح لتسليم بضاعة. سمية: قلبي مش مطمن. نور: غريبة نفس إحساسي. سمية: ادعي إنها تتم على خير له. وقت التسليم في الشقة. فرعون: البضاعة أهي.

مايكل أحد رجال المافيا: نعاين الأول. فرعون بثقة: أشوف الفلوس. مايكل: غريبة أول مرة تطلب الفلوس الأول. فرعون: ده حقي. مايكل: الفلوس أهي وأنا هأعين البضاعة. بعد شوية. مايكل رفع سلاحه هو ورجالته على فرعون ووووووووووو.