رواية طفلة هزت كيان فرعون الفصل الثامن 8 - بقلم مروة موسي

فرعون بيفتح الباب وبيدخل واحدة في الأوضة وكانت جوري. جوري بدلع: هاي بيبي. فرعون: أهلاً بالأسد. جوري: أمال مراتك فين؟ فرعون: ماتت، الله يرحمها بقي. جوري: تؤتؤ تؤتؤ، يلا ييجي غيرها. فرعون: جه غيرها، وبيشاور على نور. جوري وهي بتقعد على كرسي: يا حرام، هي شكلها عامل كده ليه؟ فرعون: غلطت وأخدت عقابها. نور وهي خارجة من الأوضة. فرعون: على فين كده؟ نور: هسيب لك الأوضة عشان تاخد راحتك. فرعون: كلك نظر، في داهية يلا.

جوري: غريبة تكون مراتك ومتمنعكش. فرعون: متدخليش في تفاصيل، خليكي في حالك. نزلت تحت نور وكانت تعبانة جداً ومش عارفة تروح فين. لقت نفسها قاعدة على البيانو. رامي من وراها: بتعرفي تعزفي؟ نور: أنت مين؟ رامي: ابن خالة فرعون. نور: أنا جعانة. رامي: أحلى أكل يجيلك حالاً. نور: شكراً ليك. رامي طلب من الخدم يجيبوا ليها أكل. رامي: أنتِ كويسة؟ نور: لأ، عاوزة ماما. رامي: مامتك دي كويسة أوي، على وشها القبول.

نور بابتسامة: الله يخليك. رامي: اتفضلي الأكل. وقعد يعزف جنبها وهي بتاكل. نور: كان ليا أخ صغير بيعرف يعزف بس اتوفى. رامي: الله يرحمه. نور: أنت شكلك طيب عن اللي هنا. صفاء بمقاطعة كلامهم. صفاء: إزيك يابنتي عاملة إيه؟ نور: مين حضرتك؟ صفاء: أنا أم فرعون يابنتي. نور: أهلاً بيكي. صفاء بخبث: إيه اللي رماكي في طريقه يابنتي؟

نور بدأت تحكي بدموع: والله ما عملت حاجة، كل الحكاية إني كنت شغالة في كافيه عشان الشقة كانت محتاجة إيجار، وأول أيامي قابلت ابنك وبحسن نية بحط المشروب قدامه غلط فيا وقال إيه الخدمة اللي بقت زفت دي، وأنا رديت عليه ومن ساعتها اشترى الشقة من عمي حمدي، وبعدين جيت هنا، وبدأت تعيط. صفاء فهمت كل حاجة: معلش يابنتي، ده أنا قلبي متقطع عليكي، إنتِ بقالك يومين هنا، تعالي أجيبلك غيار تستحمي وتلبسي حاجة.

صفاء جابت لنور بيجامة من مرات فرعون اللي ماتت. فرعون بيكره البيجامة دي لأنها أول مرة تلبسها كانت حامل في بنت. لبستها وقعدت تحت بتتأمل منظر القصر المخيف ده. جوري بتفك زراير القميص لفرعون. فرعون مسك إيديها. جوري باستغراب: مش عادتك يعني. فرعون: تعبان شوية، بس المهم البيت بيتك. ونزل تحت. لاحظ شرود نور وأنها لابسة بيجامة من مراته الأولى. فرعون بغضب: أنتِ ياحيوانة. نور: في إيه؟ فرعون: مين اللي جابلك الهدوم دي؟

نور: طنط صفاء. فرعون: اقلعيها حالاً. نور: بس هدومي اتبهدلت وبتتغسل. فرعون شدها وطلعها في غرفة تانية وفتح دولاب طلع منه قميص أبيض بكم طويل ليها. فرعون: في أقل من دقيقة تكوني تحت ورايا. ورمي في وشها الهدوم. فعلاً غيرت ونزلت. فرعون: مبحبش اللي يتصرف من دماغه وأنا هنا الكل في الكل، متسمعيش أي كلام غير مني، فاهمة؟ نور: طيب، بس أبوس رجلك سبيني أمشي من هنا، كفاية كده. فرعون وهو بيقعد: لازم أذل أنفاسك أكتر من كده.

نور قربت له وقعدت قدامه. نور: لما كنت صغيرة كنت مبحبش حد يكسبني في أي لعبة، كنت شجاعة وكنت جريئة، بس عمري ما آذيت حد. لكن لما كبرت بقيت أتعلم إن اللي هتعمله مصيره في يوم هيتعمل فيا، سواء بالحلو أو الوحش. عشان كده هتلاقي يافرعون الأقوى منك، وساعتها هياخد حقي وحق كل اللي ظلمتهم. فرعون هاج من كلامها وجابها من شعرها. فرعون: أنتِ بتهدديني؟

معاش ولا كان اللي يكلم حتى فرعون نص كلمة، لكن انتي عشان بقي ظلم بظلم هتفضلي في المخزن لمدة ٢٤ ساعة في الضلمة ومن غير أكل وشرب. نور بغل: على الأقل أكون بعيد عن خلقتك ومتكونش قدامي. فرعون بغضب جرها من شعرها ونزلها المخزن وطلع. نور قعدت على الأرض بتفكر في حالها واللي وصلت له، ولقت باب شبه مفتوح آخر المخزن دخلت فيه ولقت نفسها في أوضة تانية مفيش مخرج منها، ندبت حظها وقعدت مكانها. *****

من استعان بحولي وقوتي ألنت له الحديد. طلع فوق وفضل قاعد يفكر في عناد نور، مهما يأذيها بتفضل ترد على كلامه ومش بتسيب حقها. جوري قطعت تفكيره: الإجازة دي مملة أوي ياحبيبي، حاساك مش معايا خالص. فرعون: معلش مشاغل شغل بس. جوري: مشاغل شغل إيه يافرعون، ما شغل المافيا كله تمام والشغل ماشي زي الواحد مظبوط. فرعون: تحبي نخرج نتعشى؟ جوري: أيوا، عاوزة أكل مشوي من بره، يلا نخرج. فرعون: طيب، هغير وألبس وأجي.

جوري: ما أنت بتلبس عادي قدامي، إيه الفرق المرة دي؟ فرعون: أنا مطول بالي على أسألتك الكتير. وخرج من الأوضة ودخل أوضة تانية لبس قميص أبيض وبنطلون رصاصي وحزام وجزمة جملي وفتح أول زرار وتاني زرار من قميصه ووضع عطره الفواح التي لم تستطيع النساء مقاومته. فرعون: يلا بينا. جوري بحب: طول عمرك شيك وأنيق في هدومك، ولا ريحة برفانك تجنن. نزلوا وخرجوا قدام صفاء كانت قاعدة.

فرعون: البت اللي تحت دي طلعها ومتخليهاش أكتر من كده، لحسن تفقد الوعي، هي في المخزن. رامي: حاضر يافرعون، هطلعها. خرجوا وذهبوا لمطعم ضخم يقع على النيل مباشرة. جوري: المكان تحفة، والأكل يجنن. فرعون وهو بيبص على النيل والمراكب: بالهنا والشفا. عند نور تحت لقت المخزن بيتفتح وشبه خيال داخل، مسكت حديدة من جنبها ووقفت. رامي: نور. نور: نعم. رامي: تعالي يلا اخرجي. نور: وفرعون ممكن يأذيك؟

رامي وهو بيخرجها: متقلقيش، هو أنا أي حد، ده أنا رامي باشا. نور بابتسامة: بجد، طيب خلي بالك لفرعون يسمعك ويخليك رامي فرخة مش رامي باشا. طلعت ودخلت ولقت صفاء. صفاء: معلش يابنتي، هو فرعون كده، نعمل إيه بقى، هو طلع من السنيورة بتاعته أكيد مش جاي حالا، اطلعي يلا لو هترتاحي. رامي: أنتِ بتاخدي علاجك؟ نور: لأ. رامي: طب حاسة بوجع أو بتعب؟ صفاء: سيبها ياحبيبي تطلع ترتاح ومتسألهاش كتير، خليها براحتها.

بعد شوية صفاء لرامي: مالك ياحنين، عمال تسألها وخايف عليها ليه؟ اتعدل كده. رامي: مش عارف، حاسس إني أعرفها من زمان. صفاء باستهزاء: وماله يحبيبي. طلعت فوق نور لقت هدوم جورية على السرير، دخلت الأوضة التانية وجابت حاجة تلبسها ودخلت استحمت وسرحت ونامت في الجناح بتاع فرعون. نور نايمة عيونها في السقف وعمالة تفكر في مامتها، ياترى عاملة إيه حالا وقلبها مقبوض عليها.

عفاف على الجانب الآخر حاسة بوجع في قلبها والوجع بيزيد، نزلت لجارتهم تحت عشان تساعدها وذهبت بيها للمستشفى. نور فضلت قلقانة لحد ما لقت تليفون على أحد حوائط الجناح، اتصلت على والدتها ولكن لا يوجد رد، اتصلت على جارتها وكلمتها وعرفت إن أمها في المستشفى. نور فضلت قلقانة وخايفة تخرج لفرعون يعمل حاجة أسوأ من اللي فاتت، فضلت مكانها لحد ما فرعون دخل ومعاه جوري. جوري: إيه القرف ده، أنتِ روحي أي أوضة تانية غير دي، أنا هنام فيها.

نور تجاهلت كلامها ووجودها ووجهت كلامها لفرعون. نور: ممكن أقولك على حاجة. فرعون استغرب من نبرة صوتها الهادي: أنجزى. نور كانت بتبص على جوري خايفة يرفض ليها كلامها قدامها: عاوزة أشوف ماما، والله تعبانة أوي وهي في المستشفى وعاوزة أشوفها بعد إذنك. فرعون فاجأ جوري بكلامه. فرعون: اخرجي يارجوري دقيقة. خرجت جوري وكانت زعلانة من رد فعل فرعون. فرعون: مين اللي عرفك إن أمك تعبانة؟

نور واقفه خايفة منه: أنا كنت قلقانة ولقيت التليفون ده اتصلت بيها وعرفت إنها تعبت وجارتنا خدتها المستشفى. فرعون: تعرفي طريق المستشفى؟ نور: أيوا. فرعون: تعالي. وخدها وطلع على المستشفى ونور طول الطريق قلقانة. دخلوا المستشفى وسألوا على الغرفة وطلعوا فوق. نور أول ما شافت عفاف جريت عليها وعفاف فرحت بيها أوي وقلبها ارتاح شوية. عفاف بتعب: أنتِ كويسة يابنتي. نور: أنا كويسة وهبقى كويسة أكتر لما تقومي بالسلامة ياست الكل. عفاف

لفرعون اللي واقف بعيد: يبني أنا مليش غيرها وتعبانة وكفاية اللي أنت عملته فيها. فرعون تجاهل كلامها: ألف سلامة عليكي. وخرج دقيقة يشوف الدكتور اللي ماسك حالتها. الدكتور: مكذبش عليك، حالتها خطر جداً وهتعمل عملية كبيرة مش متوفرة هنا، لازم تسافر لأن هي أهملت نفسها لأن علاجها غالي. فرعون: طب والعملية دي فين وتكلف كام؟

الدكتور: ألمانيا، في مركز على مستوى العالم لجراحة القلب، وتكلف كام دي، تكلف كتير، ممكن تدخل في أكتر من مليون. دخل فرعون ليهم تاني وجد نور بتبكي وعفاف نامت. فرعون: إن شاء الله هتبقى كويسة، يلا نمشي. نور بقلق: ممكن أفضل جنبها، مش هكون مرتاحة وأنا بعيد عنها. فرعون: أنا هبعت حد يكون جنبها. نور: بس... فرعون: خلاص، مش عاوز كلام كتير بقي. نور: لو سمحت، هفضل معاها. فرعون نظر ليها نظرة رعبتها خلتها تقف من مكانها.

وخرجوا من المستشفى وطول الطريق نور بتبكي بدون صوت. ووقف العربية وطلب منها تنزل ووقفوا على كورنيش النيل. فرعون وهو بينظر للنيل: مطلوب منك إنك تسافري أمك ألمانيا وتعملي عملية بمليون جنيه وأكتر. نور بصدمة: إيه، إزاي ده؟ فرعون: أمك من كتر ما هي أهملت في علاجها الغالي أثر عليها وخلاها تتعب أكتر. نور: ماما طول عمرها بتضحي عشانا أنا وأخويا، أنا طمر فيا، لكن أخويا مطمرش فيه وباعني بـ ٥٠ ألف.

فرعون واقف صامد، لكن عارف قد إيه هي موجوعة وقد إيه مفيش حاجة في إيديها لعلاج أمها. فرعون: علاج والدتك وسفرها على حسابي. نور باستغراب: ده مقابل إيه تاني؟ فرعون...