رواية طفلة هزت كيان فرعون الفصل السادس والعشرون 26 - بقلم مروة موسي

فرعون: البضاعة أهي. مايكل: نِعين الأول. فرعون بثقة: أشوف الفلوس. مايكل: غريبة، أول مرة تطلب الفلوس الأول. فرعون: دا حقي. مايكل: الفلوس أهي، وأنا هعين البضاعة. بعد شوية مايكل رفع سلاحه هو ورجالته على فرعون. مايكل بعصبية: من إمتى وفرعون يسلم حاجة مزيفة؟ فرعون بثبات: ما عنديش حاجة مزيفة يا مايكل، قول اللي أنت مش عاوز الصفقة من الأول. مايكل: ما كنتش استنيتك لحد ما رجعت من تركيا. فرعون وقف: دا أنا متراقب بقى!

مايكل: دا شغلنا، فين البضاعة؟ فرعون: انتبه وشوف بتكلم مين وسلاحك مرفوع على مين. مايكل: عين بضاعتك يا فرعون عشان تصدقني. فرعون وهو بيعين البضاعة لقاها فعلًا مزيفة. فرعون في سره: مين اللي عارف مكان البضاعة وقدر يغيرها؟ فرعون: مش هتاجر بسمعة اسمي في السوق عشان صفقة ما لهاش لازمة. مايكل: وأنت بقى عشان اسمك اللي في السوق دا تبيع ألماس مزيف؟ فرعون: لو كنت مفكر أن رفع السلاح عليا دا هيجيب فايدة تبقى غلطان.

مايكل وهو بينزل سلاحه: أول مرة تعمل كدا. فرعون: البضاعة اتبدلت ومعنديش مبرر أقولك اتبدلت من مين ولا إمتى، الصفقة انتهت. مايكل: صدقني المافيا مش هتسيبك. فرعون وهو خارج وسايب البضاعة المزورة: الجدع يوريني شطارته، وأنت عارف مين فرعون ويقدر يعمل إيه، وخرج وعادل وراه. عادل في العربية: مين اللي عمل كدا؟ فرعون: صفاء فين؟ مش في القصر صح؟ عادل: أيوة، هي خرجت من القصر. فرعون بعصبية وخبط إيده في محرك العربية: محدش عرفني ليه؟

وهي فين حالًا؟ عادل: ودا ماله بالبضاعة؟ فرعون: الكل*بة صفاء أكيد ليها يد في كدا، وإزاي تخرج من القصر من غير علمي وهي فين؟ عادل بهدوء: معرفش يا عز. فرعون: فييين يا عادل؟ عادل بحزن: عند عمك معتصم. هنا فرعون داس فرامل فجأة واتصدم. فرعون: عند عمي! هي كانت بتروح هناك قبل كدا صح؟ عادل بحزن باين على ملامحه: أيوة، كانت بتروح هناك كتير. فرعون: ومكنتش أعرف حاجة زي دي يا عادل ليه؟ عادل: خوفت عليك ترجع تفتكر ماضيك وتقسى أكتر.

فرعون: عمري ما كنت نسيت الماضي عشان أرجع أفتكره. صفاء اخطت كل الحدود، طول عمرها رخيصة، أكيد بينهم علاقة، دليل الكل*ب عمره ما يتعدل. حسابهم قرب أوي أوي، وساق العربية على القصر. نور: أنا هفضل اتصل على فرعون لحد ما يرد. سمية: استني يا بنتي شوية، حالًا هتلاقيه مشغول. ما كملتش كلامها وعادل وفرعون دخلوا. فرعون دخل وطلع على الجناح بتاعه. سمية: غريبة، راجعين بدري ليه؟

عادل: البضاعة طلعت مزورة وحد بدلها، وفرعون عرف أن صفاء عند معتصم. سمية: يا حبيبي يا ابني، ما بيلحقش يفوق من خبطة يلاقي التانية. عادل: اطلعي لفرعون يا نور. نور: خايفة يزهق عليا أو يتعصب. سمية: ما تقلقيش، فرعون عاوز حد يجمع قوته حالًا، الحقيه بدل ما يأذي نفسه. صفاء: مين اللي عرفك إنه شغال في ألماس؟ معتصم: أحب أعرفك إن فرعون شغال في المافيا، من أكبر جماعات العالم. صفاء: أنا قولت برضه، قلبه الحديد دا وراه مصيبة.

لكن مين اللي عرفك برضه؟ معتصم: جوري. صفاء: الكلام دا تقوله لفرعون، لحد أهبل. لكن جوري مستحيل تأذي فرعون، منا جربت دا، تعمل حساب الخطوة اللي تاخدها قبل ما تعمل كدا. معتصم: في واحد من جماعة المافيا اسمه مايكل اتعرفت عليه ومليت بطنه بفلوس، دفعت فيها دم قلبي عشان يعرفني شغال إيه وهيتم فين البضاعة. صفاء: يسلم دماغك، أيوة كدا، أنا عاوزة فرعون يقف ومحدش يسمي عليه، خليه نخلص منه. معتصم: لما يقع النصيب الأكبر هيبقي ليا.

صفاء بخبث: طبعًا يا حبيبي، ما فيش حاجة تغلى عليك. نور دخلت الجناح ولقت فرعون حوّل الجزء التاني منه لصالة ألعاب رياضية كلها حديد وعمال يلعب وينهج ويشيل حديد تقيل وعروقه تظهر وتبان. نور بهدوء: فرعون، أنا عرفت اللي حصل، مش مهم، أهم حاجة صحتك. وإنك رجعت بالسلامة، كنت أنا ودادة سمية قلقانين عليك. فرعون: .... نور لمست جسمه وحطت إيدها على دراعه: ممكن كفاية بقى؟ فرعون: ابعدي. نور: لاء واهدي بقى، في داهية الفلوس.

فرعون زقها: غوري من وشي. نور: دا اللي مش هخليكي تزعلي تاني يا فرعون. فرعون رمى الحديد على الأرض وافتكر كلامه لنور: نور ما بتكلمش على الفلوس، أنا معايا فلوس لو حطيتها على الأرض أوصل بيها السما. نور: أمال في إيه؟ فرعون: مين اللي باعني وبدل البضاعة واستقوى يعمل كدا، مين؟ نور: أكيد هتعرفه، بس مش كل حاجة تاخدها على حساب صحتك.

فرعون: لما أكون متعصب بلاش تقفي قدامي، المرة دي عدت سليمة، المرة الجاية الله أعلم، احفظي نفسك أحسن يا بنت الناس. نور: وأنا واثقة إنك مش هتضرني وقت عصبيتك، وأنا عند وعدي. فرعون: أنهي وعد؟ إنك تبقي طفلة وتهزي كياني؟ ولا إنك تنفذي وعدك التاني وتغيري وترجعي حياتي؟ نور بثقة وعدم خوف: الاتنين يا فرعون، صدقني هيتنفذوا. مايكل: تخطيطك اتنفذ وكمان الموضوع وصل للمافيا وحسابهم معاه تقيل أوي.

معتصم: يعني بكدا أقول على فرعون يلا السلامة؟ مايكل: شووور. أحد رجال المافيا: فرعون بقى بيهزر، ابعت حد يخلص عليه. جوري: بيت فرعون متحصن زي علبة، محدش يعرف يفتحها غيره، انسوا اللي في دماغكوا، ثم إنكوا تاخدوا حقكوا منه مش بقتله، كدا هتدخلوا نفسكوا في مواضيع كتير خصوصًا إنه واصل وله ناس كتير هتاخد حقه، وألف من يتمنى إنه بس يتحط في تاريخه اسم فرعون.

رجال المافيا: كلامك صح وكمان هو ساعات بيسندنا لما الجماعة اللي ضدنا بتتآمر علينا، قتله خسارة لينا إحنا. جوري: أيوة، ارجعوا لعقلكوا كدا. نور: هتتغدي؟ فرعون وهو بيولع سيجارة: لاء. نور وهي بتاخدها من فمه: كفاية النهاردة سجاير، شربت كتير. فرعون: ما اتعودتش حد يقولي أعمل أو لاء، أشرب أو لاء. نور بابتسامة خفيفة: وأنا مش حد يا عز. فرعون: اسمي فرعون. نور: وأنا اسم جوزي عز الحفناوي. فرعون: نهايتك عندك دي هتبقى مشكلة.

نور: تحب أجيب الأكل هنا ولا تنزل تحت مع عادل وسمية؟ فرعون: هاتيه هنا. مايكل: غريبة، أول مرة أشوف حد خالف معاده مع المافيا وما يتعاقبش. معتصم: يعني إيه؟ مايكل: يعني عدي يوم على ميعاد التسليم والموضوع كان مزيف وفرعون ما اتعملش فيه حاجة. معتصم بعصبية: يعني إيه، هيسيبوا من غير ما ياخد جزاءه؟ فرعون وهو في بيت معتصم واقف وراه: مهو أنا مش أي حد يا عمي. معتصم وقع منه التليفون: ف فرعون! فرعون وهو قاعد على كرسي: أيوة فرعون.

معتصم: أهلًا يا حبيبي، أخبارك إيه؟ فرعون بخبث: أهلًا يا قلب حبيبك، عامل إيه والله ما شوفتكش من موت أبويا. وصدق كمان صفاء هانم ما شوفتهاش من ساعة ما سابت القصر وجت هنا، أكيد مبسوطة هنا. معتصم: صفاء إيه اللي هيجيبها هنا؟ وما كملش كلامه ولقاها داخلة من برا، شافت فرعون اترعبت مكانها. فرعون: تؤ تؤ، مش حرام يكون راجل والقبر وتكدب؟ صفاء: إيه اللي جابك؟ فرعون: جاي أتناقش مع أهلي في حاجة تخصني، مش أنتوا أهلي برضه؟

معتصم: قول يا ابني قول. فرعون وهو ماسك قلم بيلعب بيه: أنا واحد طبيعي شغال، وشغلي حصل فيه مشاكل بسبب ناس اسمهم أهلي، بدل ما يسندوني جايين يضيعوني، بس أنا مش زعلان منهم لاء، أنا زعلان عليهم بس. صفاء بخوف: قصدك إيه؟ فرعون: قصدي يا صفاء إنك شوية الفلوس اللي كانوا مقويين قلبك بقوا بتوعي، وأنت كذلك يا عمي، ومش بص كدا، ألماس عليه بصماتك أنت وصفاء والبوليس عرف إنكوا بتاجروا فيهم. معتصم بعصبية: أنت بتقول إيه؟

وفجأة الشرطة دخلت عليهم وخدتهم. صفاء بغل: والله ما هسيبك يا ابن بطني. فرعون: احمدوا ربنا إنها جت على قد كدا مني. فرعون لمعتصم بتريقة: وأنت يا عمي ما تقلقش إن شاء الله هجيبلك أكبر محامي في البلد. والبوليس خدهم ومشي بيهم وفرعون رجع القصر مع عادل. سمية: عملت إيه؟ عادل: ولا حاجة، حبسهم. سمية: مش هتسيبك في حالك. نور: خلاص هما بقوا تحت إيد الشرطة. سمية: دول تعابين يا نور، هيطلعوا، بس عرفت إزاي يا فرعون؟

فرعون: اللي محدش يعرفه إن الإيد اليمين بتاع معتصم هو واحد من رجالتي، عرف إنه مايكل كلمه وسلم البضاعة وهو حاول يكلمني بس مكنش لاقي فرصة عشان كان دايمًا جمب معتصم ومكنش حابب يثير شكه في تصرفاته، بس اللي ما عرفنيش بيه إن صفاء هنا عرفت منكوا. سمية: اسم الله عليك يا ابني، بخاف من دماغك دي. عادل: دماغك دماغ ذرية. نور: الحمد لله عدت على خير وأنا فرحانة إن كل حاجة رجعت كويسة. سمية: أنا هعمل الغدا بإيدي النهاردة مخصوص.

نور: إحنا هنعمل بيتزا. سمية: فرعون ما بياكلهاش. نور: لاء هياكلها صح يا عز؟ فرعون: ماشي بس بلاش عز. سمية بضحكة: يلا يا مرات عز يا غالية، ودخلوا يعملوها. عادل: مالك؟ فرعون: المافيا حاسس إنها هتعمل حاجة قريب. عادل: أنت اللي خلفت معاهم. فرعون: ما يهمنيش. عادل: مش ناوي تسيب الشغل دا؟ فرعون: وآكل منين أنت واللي شغالين دول؟ عادل بكبرياء: ما تنساش إني مش موجود هنا عشان الفلوس. فرعون: ما أقصدش بس..

عادل: أنا طالع لما الغدا يجهز، محدش ينده عليا، مش جعان. نور: هاااتي يا دادة جبن كتير أوي. سمية واقفة قدام التلاجة: يا بنتي أنا جبتلكوا كل أنواع الجبن، بس إزاي فرعون بقى بيحبها؟ نور بضحكة: منا أكلتهاله بإيدي وحبها. سمية: طب خدي واطلعي كلي مع جوزك. نور: مش هتاكلي معانا؟ سمية: لاء يلا اطلعي أنتي بس وهي سخنة كدا. طلعت الجناح وفتحته لقت فرعون واقف ووووووووو.