رواية طفلة هزت كيان فرعون الفصل التاسع والعشرون 29 - بقلم مروة موسي

فرعون نظر لنور ووقف مكانه. نور: أنا خلصت يلا نمشي. فرعون: اطلعي اقلعي الفستان، مش هنروح. نور: ليه طيب؟ فرعون: الفستان ضيق عليكي. نور: أنت اللي جايبه مش أنا. فرعون: ما كنتش أعرف إنك تختختي شوية. نور: والله يعني هو ضيق؟ فرعون: إلى حد ما. سمية: الفستان قمر وواسع عليها أهو، فين اللي ضيق؟ فرعون: بصي دادة، أنا مش هروح الافتتاح دا. عادل وهو بيخبط فرعون: سيبك من اللي في دماغك وخد مراتك وروح الحفلة.

فرعون: أنت مفكر إني مش هروح عشان هي حلوة والعين هتبقى عليا؟ لا لا لا. سمية: أمال إيه بقى؟ فرعون: خلاص خلاص، اتجري قدامي. نور: طب براحة بس متزوقش. وصلوا الحفلة، وفرعون فتح الباب ونزل نور من العربية. نور بابتسامة: شكرًا. فرعون: يلا ندخل. مترفعيش عينك على حد. نور: وهو أنا أعرف حد عشان أرفع عيني فيه؟ وليد: اتشرفنا يا فرعون باشا بوجودك. فرعون: أهلًا بيك. وليد: أهلًا يا مزمزيل، وقبّل يديها وانحنى قدامها. نور

بتوتر وهي بتنظر لفرعون: أهلًا بحضرتك، وسحبت إيديها. فرعون خدها ودخلوا وقعدها وذهب لجماعة من صحابه. الأغاني بدأت تشتغل ووليد عينه كانت على نور. ذهب إليها ووقف قدامها: تسمحيلي بالرقصة دي؟ وشدها وطلع بيها على الاستيدج وفرعون عينه كانت عليها. وليد: ممكن تعرفيني بنفسك؟ نور: اسمي نور. وليد: تقربي لفرعون إيه؟ فرعون من وراهم: تبقى حرم فرعون. وليد سابها بخضة: آسف يا باشا، ما كنتش أعرف إنها تخصك. فرعون مسك نور من وسطها: ارقصي.

نور: بس أنا... فرعون بغضب: هوووس، مش عاوز كلام، ارقصي وأنتي ساكتة. نور نزلت عيونها في الأرض ورقصت معاه. وليد في نفسه: شفت فرعون معاه نور، وهي فعلًا نور، بس أنا متجرأش أبص حتى ليها لحسن أقول إنا لله وإنا إليه راجعون على نفسي. نور رفعت وشها وعيونها في عينه: آسفة بس أنا ما كنتش هوافق، هو اللي شدني بسرعة وكمان هو اللي باس إيدي. فرعون: مش مبرر. نور: عارفة إني غلط، ممكن تسامحني؟ فرعون مركز في ملامحها: أفكر.

نور بضحكة: طب وكدا؟ فرعون شدها له أكتر: مسامحك، ورقص معاها وكانوا في عالم موازي. اللهم صل وسلم وبارك على سيدنا ونبينا محمد. جوري: ألو. مايكل: مين؟ جوري: أنا جوري. مايكل: أنتي لسه عايشة؟ جوري: أيوا قدرت أهرب، وكمان فرعون سلم جماعتنا للجماعة الأعداء. مايكل بذكاء كأنه ما يعرفش حاجة: كله مات؟ جوري: أيوا ما بقاش حد مننا غيرنا. مايكل: طيب خليكي في ألمانيا. جوري: وأنت جاي تجيب ليا رأس فرعون هدية؟ مايكل: كان غيرنا أشطر.

جوري: أنا هجيبها بنفسي، وقفلت. نور: الحفلة كانت حلوة أوي وكانت أحلى بيك. فرعون وهو بيلبس التيشرت في الجناح: اليومين دول بقيتي جريئة شوية بكلامك وأفعالك. نور: ما ليش حد أتكلم معاه غيرك. فرعون: طيب. نور: ممكن طلب؟ فرعون: اتفضلي. نور: ينفع ألغي اسم فرعون وأقول عز؟ اسمه عز جميل أوي وأحسن من فرعون بكتير. فرعون: اللي أنتي عايزاه. نور: ممكن تسيب المافيا؟ فرعون: قولت مستحيل ومتفتحيش الموضوع تاني.

نور: أنت معاك فلوس كتير ونفوذك واصلة بس ما بقتش لوحدك. فرعون: وبعدين بقى؟ نور: ما فيش بعدين، حياتك يا عز بقت مش ملكك لوحدك. فرعون: تقصدي إيه؟ نور: أقصد إنك بقى في حياتك زوجة وممكن يكون في أولاد. فرعون بسخرية: أولاد دول هيجوا منين؟ نور بعدم فهم: مش فاهمة. فرعون: سؤال بس. نور: اتفضل. فرعون: مش هتطلبي تتطلقي بعد كدا صح؟ نور: مش عارفة بس حاسة إن ليا ناس وأهل وأنا هنا. فرعون: طب كويس.

نور: هتسيب الشغل أصلًا كدا كدا الجماعة اللي كنت شغال معاهم ماتوا. فرعون: وأنت مفكرة إني كدا خلاص؟ كلهم نفسهم فرعون بس كدا يتكتب اسمه في حياتهم، أنا واصل أوي. نور: مش حلو والله اللي أنت فيه دا. فرعون: ماشي، وسابها ورفع تليفونه. مايكل: جوري لسه على قيد الحياة. فرعون: أكيد حاطاني في بالها المرة دي. مايكل: هديتها إني أجيب رأسك. فرعون: جوري قالت كدا؟ طيب وماله، رأس فرعون ما تغلاش عليها.

نور الطبق بتاع الفاكهة وقع من إيديها لما سمعت كدا. فرعون: طيب خلي بالك أنت وسلام حالًا. فرعون: مالك؟ نور: رأس مين؟ أنت ولجوري ولسه عاوز تكمل في الشغل دا؟ ما كملتش كلامها وكان في رصاصة اخترقت شباك الجناح وكسرته. فرعون مسك إيد نور واتخبى ورا ترابيزة كبيرة وقعدها. فرعون: ما تتحركيش من هنا. نور بخوف ودموع: لأ ما تروحش في مكان. دخل اللحظة دي عادل. عادل لفرعون: ما حدش لقي حاجة وما عرفش مصدرها إيه.

فرعون: غريبة أول مرة تحصل. عادل: خير خير المهم إنكوا كويسين. جوري: جدع ضربتها من غير ما حد يشوفك والكاميرات تجيبك. تامر اليد اليمنى لمعتصم: أيوا بس دي كدا تهويش المرة دي. جوري: ما تعملش حاجة غير بعلمي أنا فاهم؟ تامر: حاضر سلام. وقت الغداء الكل قعد. نور: دادة بقترح على عز يسيب الشغل. عز بعصبية: يووو وأنا قولت إيه؟ ليه بتحبي الكلام كتير. سمية: مالك كدا اصبر.

عادل: كلامها صح على فكرة، حالًا خلصت من كل اللي حواليك، ليه عاوز تستمر؟ أنا عن نفسي بقيت أقلق على حياة مراتي وعيالي، ليه أخليهم عايشين طول الوقت متوترين؟ فرعون رمى المعلقة وقام من غير ما ياكل خالص. نور: وبعدين حياتنا اللي بقت كلها خطر دي؟ عادل: لازم فرعون يسيب الشغل فعلًا، فرصة حلوة إن الجماعة اللي كانوا معاه ماتوا. سمية: فرعون مش هيسيبه بالسهولة، فرعون مفكر إن لو ساب الشغل دا هيبقى كيانه اتهز. نور: يا رب قويني بقى.

سمية: معاملتك مع فرعون اتغيرت؟ عادل: وكمان معاملة فرعون اتغيرت معاها كتير وبقوا أقرب من الأول. نور: بحاول أعدل حاله. بعد إذنكوا وطلعت فوق. إحدى الزيارات في السجن. معتصم: أنت عملت كدا أنت وجوري؟ تامر: أيوا فرعون موت كل جماعة المافيا، الوحيدة اللي فلتت جوري، طلبت مني إني أهوش بالرصاص على فرعون. معتصم: وأنت مفكر إن فرعون مش هيوصل للي حصل دا؟ ما تنساش إن القصر محاصر بحماية عالية ودي جت معاك كدا من حظك.

تامر: بإيدينا بنحاول لما نشوف، المهم صفاء هتطلعها معاك؟ معتصم: أيوا عشان لو احتجناها في حاجة هنستفيد منها ومهما كان واقفة من أول الطريق معانا. تامر: دي الطريق بذات نفسه. في الجناح. دخلت نور وجت الدخان كتير وفرعون بيحرق سجاير بحرقة. نور شدت السجاير منه: كفاية بقى. فرعون بعصبية وصوت عالي: أنتي ما لكيش الحق إنك تدخلي في شغلي! ما لكيش الحق إنك تقولي أي كلمة تخصني تخرج من جناحي تتقال قدام الكل!

ما لكيش حق تتصرفي بمزاج أهلك فاهمة؟ نور: آسفة، واتفضل سجارتك، وخرجت من الجناح للأوضة المجاورة. نور: أنا فعلًا غلطانة ما كانش ينفع حاجة تحصل بينا وأقولها تحت حتى لو قدام دادة سمية وعادل. الصبح إن شاء الله هصالح فرعون، ونامت. فرعون فضل طول الليل صاحي وجه على باله يشرب كأس، فتح إزازة كان مخبيها وجه يشرب، افتكر كلام نور وإنها ممكن تأذي نفسها بسبب الشرب، رمى كل حاجة من الشباك وقرر فعلًا إنه مستحيل يشرب تاني.

فرعون: أنا غلطت لما اتعصبت عليها، ما هي بردوا أكيد عايزة مصلحتي، الصبح إن شاء الله هصالحها. الفجر أذن وفرعون لسه صاحي والجو برد شوية، اتجه لغرفة نور لقاها بردانة، فرد عليها غطا وباسها من خدها، وفرعون طالع لكن شعوره موجهه إنه يفضل، وفعلًا نام من الطرف التاني للسرير جنبها. في الصباح. نور صحيت لقت نفسها في حضن فرعون اتخضت. فرعون بنوم: اتخضيتي ليه؟ نور: أنت إيه اللي جابك هنا وإزاي بقيت كدا؟

فرعون: أنا ما ليش دعوة، أنتي لقيتي النور قطع وفضلتي تصرخي يا فرعون يا فرعون ما تسيبنيش وخذني في حضنك عشان أنام. نور: يا نهار أبيض أنا حصل دا مني؟ فرعون: الوضع اللي أنتي فيه يدل على كدا. نور وهي بتقوم: طيب صباح الخير، ودخلت الحمام. فرعون بصوت واطي: هبلة وصدقت، لازم أصالحها، وقام لكن وجد أمامه...