رواية طفله غيرت شيطان الفصل التاسع 9 - بقلم بسملة حسن و منة سيد

سجده من الصدمه مش قادره تتحرك والنمر بيقرب منها وهي واقفه. فجأه دخل بودي جارد وشد سجده لي بره والنمر كان هيخرج قفل عليه الباب بسرعه. البودي جارد: انتي كويسه يا مدام؟ سجده بصت عليه ورجعت تبص علي الباب وحست انها هيغم عليها من الخوف. بعدت عنه وحست بدوخه رجعت لورا وكانت هتقع. البودي جارد مسكها وقرب منها عشان متوقعش. في نفس الوقت جه زين وشاف الوضع كده جري علي سجده خدها منه وشالها ودخل بيها الفيلا.

زين حط سجده بكل رقه علي الكنبه وخلعها النقاب. سجده بصدمه: انا كنت هموت. زين بهدوء: شششش بس اهدي انتي كويسه. سجده حضنته وقعدت تعيط في حضنه: انا كنت هموت النهارده و ديني عند سليم ابوس ايدك. زين أول لما سجده لمسته حس بشعور غريب أول مره يحسه مع بنت. بدأ يبص عليها بشهوه وكان هيقرب منها. على آخر لحظه سجده زقته بعصبيه: اياك تلمسني تاني انت فاهم. زين بغضب: لا مش فاهم انتي مراتي وأنا لحد دلوقتي ماسك نفسي علشان انتي صغير عليا.

وبص علي جسمها بوقاحة. سجده بصتله بقهر وثابته وطلعت. زين اتضايق من نفسه وخرج برا البيت راح البار وفضل يشرب بشراسة. وسجده في الأوضة عماله تصلي وتدعي ربنا إنه يخرجها من البلاء اللي هي فيه. زين كان سكران خالص ومش حاسس بحاجه ونام مكانه. الجرسون بهدوء: زين باشا فوق. زين فضل نايم مش حاسس بحاجه. الجرسون اتصل بخالد. الجرسون: أيوه يا فندم استاذ زين سكران ونايم في البار مش راضي يقوم.

خالد قام من على السرير: خلي بالك منه وأنا عشر دقايق وهكون عندك. خالد فضل يلف حوالين نفسه وراح لبس ونزل جري ركب العربيه وراح عند زين في البار. خالد اتنهد بيأس وقرب منه وبدأ يهز فيه عشان يصحى لكن زين كان نايم نوم عميق جدا. خالد للجرسون: ممكن تشيلوه معايا لحد العربيه؟ الجرسون بهدوء: تحت أمرك يا باشا. وفعلا ساندوا زين لحد العربيه وركبوا ومشوا. خالد بص لزين بحزن بسبب اللي بيعمله. خالد: هتفضل لحد امتى كده يا زين؟

هتفضل تعمل ذنوب لحد امتى يا صحبي؟ أنا خايف عليك. وساق وراح لحد الفيلا وأمر الحراس إنهم يشيلوا زين لحد فوق. في نفس الوقت سجده حاسة إنه في حد بره. لبست النقاب بسرعة وخرجت من الأوضة شافت الحراس وهما شايلين زين وواخدينه على الأوضة. سجده بقلق: أنتم شايلينه كده ليه؟ هو كويس؟ خالد جه من وراها: متخافيش هو كويس بس تقل في الشرب شوية. سجده بدموع: يارب أنا مليش غيرك ساعدني أخرج من هنا. وكانت هترجع تاني الأوضة خالد وقفها.

خالد: لو سمحت يا مدام. سجده بهدوء: اسمي سجده ويا ريت متقولش مدام دي تاني. خالد: احمم أنا آسف لو ضيقتك بس ممكن أسألك سؤال لو مش هضايقك؟ سجده: اتفضل أنا سامعاك. خالد: انتي اتجوزتي زين ليه؟ سجده بسخرية: معلش أصل أنا كنت بموت في التراب اللي بيمشي عليه عشان كده اتجوزته. ما أكيد قدري وقعني في البلوة اللي أنا فيها دي. خالد: انتي اللي هترجعي زين بتاع زمان. سجده بذهول: أنا هرجعه وأنا أصلاً مش طايقاه.

خالد: عشان اللي حصل له محدش يستحمله. سجده بفضول: أيوه إيه اللي حصل بقى؟ خالد كان هيتكلم بس افتكر إن زين حاطط كاميرات. خالد: مش هنا يا سجده زين حاطط كاميرات في كل حتة. انتي مش بتخرجي؟ سجده بحزن: لا مش بخرج. خالد: طيب حاولي تخرجي بأي طريقة عشان أتكلم معاكي. وطلع الكارت بتاعه. خالد: ده الكارت بتاعي لو خرجتي في أي وقت اتصلي بيا وأنا هاجيلك على طول. سجده خدت منه الكارت: تمام ماشي بس أنا عايزة أهرب من هنا.

خالد: لما أقابلك هبقى أحكيلك وساعتها القرار قرارك إنك تساعديه أو تسيبيه وتمشي. قال كلامه وسابها ومشي. سجده دخلت أوضة زين ولقيته بيخرف في الكلام وهو نايم. زين بنوم: ليه عملتوا فيا كده؟ أنا كنت بحبكم ليه سبتوني؟ لي وهي أكتر واحدة عارفة إني محتاجها في كل وقت راحت سابتني ليه؟ أنا بكرهها وهو كمان. فضل يعرق جامد. سجده حطت إيدها على راسه لقيته حرارته مرتفعة جداً. سجده بخوف: يالهوي ده سخن أوي. أروح أصحى دادا كوثر؟

لا لا حرام أسيبها تنام. سجده نزلت المطبخ تدور على حاجة تعمل بيها الكمادات وفعلاً لقت وطلعت عند زين وبدأت تعمل الكمادات وزين بيخرف في الكلام وفضلوا على الحال ده لحد الصبح. زين بيحاول يفتح عينيه بس حاسس إنه في تقل على دراعه. بيبص لقى سجده نايمة على دراعه وجنبها كمادات. حاول يتعدل بس سجده صحيت. سجده أول لما قامت حطت إيدها على راسه شافت إنه الحرارة نزلت. سجده اتنهدت بصوت عالي: الحمد لله حرارة نزلت. زين: ليه؟

سجده باستغراب: هو إيه ليه مش فاهمه؟ زين: ليه فضلتِ جنبي طول الليل وعملتي كمادات؟ مش كنتِ بتقولي مش عايزاني المسك؟ كان سهل جداً تسيبيني كده. سجده: أكيد أنا معملتش كده عشان سواد عيونك. أول حاجة أنا عملت واجبي. تاني حاجة لو حد مكاني كان هيعمل كده عشان دي إنسانية. سجده كانت هتخرج زين وقفها. زين: .... سجده بصدمه: انت بتقول إيه؟