رواية طفلتي الخائفة الجزء الثاني "2" الفصل السادس عشر 16 - بقلم شهد عبدالسلام

وفجأة بيدخل. مالك بعصبية: انتوا بتعملوا إيه؟ لؤلؤ بخوف بتبعد عن تميم وبتمسح دموعها: بابا! تميم: ثانية يا عمي، أنت فاهم غلط صدقني. مالك بعصبية: أنت بتعمل إيه مع البت يا واد؟ وهوبا تميم بياخد بوكس من مالك. تميم بوجع: آهه. مالك: ليلتك معايا سودة بس بعد الفرح. وبيمشي ويسيب لؤلؤ في صدمتها وتميم واقف مش عارف يعمل إيه. ولؤلؤ بتبكي بشدة. تميم وبيقرب عليها: اهدي معلش. وهيمسك إيديها. لؤلؤ بعياط: ابعد عني يا تميم. وبتبعد.

تميم: وربنا هتجوزك. لؤلؤ: وأنا مش موافقة على واحد زيك. وطلعت وسابته وبتطلع على غرفتها. وبتدخل وراها تاليا. تاليا بخوف من شكل لؤلؤ: مالك يا حبيبتي؟ لؤلؤ وبتمسح دموعها: ما فيش يا ماما. تاليا وبتقرب منها: إيه اللي حصل؟ لؤلؤ: بعدين يا ماما هقولك. تاليا: طب تعالي يلا انزلي اقفي جنب ليلى. لؤلؤ: حاضر يا ماما. وبتنزل هي وتاليا. والمزيكا مالية المكان. والعائلة كلها متجمعة جنب ليلى وأهل يامن ويامن وليلى خايفة متوترة جدًا.

وبيطلع يامن من جيبه علبة حمرا وبيفتحها قدام ليلى وبيبص في عيونها. ولسه بيمسك إيد ليلى. دخل سليم. سليم: طب مش تستنوا بابا العروسة؟ العائلة كلها اتفاجئت من دخوله. مالك بهمس جنب أسد: ابنك ناوي يولعها. وبيدخل إياد. إياد لأسد ومالك: لازم الموضوع ده يتلغي. أسد ومالك فهموا إن ده ملعوب من سليم. يامن: هو في إيه؟ إياد وبيمسك الفون: ثانية وكله هيفهم. وكل الأنظار على إياد اللي ماسك الفون.

وفجأة سليم وبيشيل ليلى على ضهره وبيطلع بيها قدام الكل، ليلى بتصوت. سليم طلع بيها بسرعة. وعائلته حاولت تطلع وراه بالعربيات بس سليم كان موقف عربية قدام باب الفيلا. بعد كلام الكل. أسد بعصبية: اطلع حرك أم العربية دي. عمر: عمي كده كده مش هنعرف نجيبه. تميم وعمر كاتمين ضحكتهم بالعافية بسبب جنان سليم. أسد بعصبية وبيتكلم في الفون: عايز مكان سليم في أقرب وقتتت. كل ده ويامن واقف مش عارف يعمل إيه.

مالك بإحراج: آسفين جدًا يا دكتور يامن على اللي حصل. يامن بعصبية: لو هي مش موافقة كانت تقول. عمر بزعيق: ما بنقولك آسفين نعمل إيه تاني؟ أسد: عمر اسكت خالص معلش يا ابني إحنا ما نعرفش في إيه. يامن خرج من الفيلا من دون أي كلام. تميم: هنعمل إيه دلوقتي؟ مالك: على المكتب كده نتكلم بهدوء. في المكتب أسد ومالك وتميم وعمر. أسد: دلوقتي ابن المجانين ده خد البت. وبيكمل بنبرة ترعب: والبت لو جرى لها حاجة هموتكم أنتوا التلاتة

(تميم وعمر وسليم) تميم بخوف: وإحنا مالنا يا بابا؟ أسد: مالك في البنك يا أخويا مش أخوك اللي خطفها؟ تميم: آه تموتني أنا ليه بقى؟ عمر: طب أنت وأخوك أنا مالي يا عمي أموت ليه؟ مالك: مش وقت هزاركم. أسد: تقلبوا الدنيا إياد يبقى عندي. عمر: اشمعنا إياد؟ أسد: عشان هو اللي ساعد سليم. مالك: يعني إحنا خدنا كل الاحتياط من ابنك في كل حتة وهو يجي يخطف البت. تميم: الصراحة سليم جامد، نايمكم في العسل وخطفها يوم الفرح.

أسد: تصدق إن أنت تربية ناقصة. عمر: معلش يا عمي أفهم بس إحنا هنعمل إيه. أسد: أنا خايف على البنت الصراحة أوي. عمر: عمي ده بيحبها مش هيعملها حاجة وحشة. أسد: لا ممكن يعمل ويرجع يندم. مالك: كلام أسد صح. تميم: يا جدعان أخويا ده رجولة، وخطف البت وخلص. عمر ضحك: عندك حق. أسد بعصبية: كلمة زيادة وهتتعلق أنت وهو. مالك: لا مؤاخذة يا أسد. وبيمسك تميم يضرب فيه. تميم بوجع: آه يا عمي وربنا هتجوزها هتجوزها بحبها وربنا.

مالك: أنا ساكت بالعافية. في اللحظة دي أسد ضحك: أما أنت بتحبها بتخبي ليه؟ تميم ومالك ماسكه من قفاه: وربنا لسه عارف إني بحبها وربنا يا مالك. مالك بيسيبه وبيرجع يقعد مكانه. تميم: إيدك غبية يا عم. عمر لتميم: وقسما بالله هتشوف أيام سودة معايا. أسد: يلا بقى أنت وهو غوروا في داهية وترجعوا بإياد. عمر: مش عايز سليم. أسد: الرجالة هتقوم بالواجب. تميم: أنا هروح أنام هو أنا قادر. وبيتكلم وبيبص لمالك وبيكمل: ربنا على المفتري.

أسد: امشي يلا. عند البنات. لوليا: هل يا ترى أبلة بيعمل في ليلى إيه؟ لؤلؤ: أكيد بيبوسها. تاليا: بنت أنتي بتقولي إيه؟ حور بتعب: يا حبيبتي ده خاطفها هيبوسها وهي مخطوفة! تاليا: عادي على فكرة. لوليا ولؤلؤ: وأنتي عرفتي منين؟ حور ضحكت غصب عنها: اتصرفي أنتي بقى. تاليا بزعيق: بس يا قليلة الأدب منك ليها. ونروح للأخت المخطوفة. ليلى وبتبدأ تفوق بسبب المخدر. ليلى وماسكة راسها: آهه.