رواية طفلتي الخائفة الجزء الثاني "2" الفصل الثامن عشر 18 - بقلم شهد عبدالسلام

طال السكوت شوية. تميم بصوت مسموع: بغير عليها. حور ارتسمت على وجهها ابتسامة: لؤلؤ. تميم: أنتوا إزاي، إزاي كده؟ حور وهي بتحرك إيديها في شعره: إزاي كده إيه؟ تميم: إزاي عارفين كل حاجة أنتِ وأسد؟ حور وهي بتبوسه من جبينه: يمكن عشان ولادي. تميم بابتسامة: أنا بحبك. حور بضحك: يا بكاش، بتحبني أنا برضه؟ تميم بابتسامة وحنان: أعمل إيه يا ماما. حور: يا قلب ماما، عاملها كويس، كلنا ملاحظين معاملتك معاها الفترة اللي فاتت.

تميم: كان غصب عني. حور بعتاب: فوق قبل ما تروح من إيديك. ويقاطعهم في اللحظة دي دخول أسد. أسد استغرب إن حور قاعدة مع تميم، وفرح إن علاقتها بتميم كويسة، وفي نفس الوقت غيران من تميم عشان نايم على رجليها ومش مظهر ده. أسد: قوم مع عمر عشان هيجيب إياد. تميم وهو بيقوم: حاضر يا بابا. أسد بيخرج بعد رد تميم. تميم: نكمل كلامنا بعدين يا ست الكل. وبيدخل ياخد شاور. وحور بتطلع الجناح. وبتدخل. حور: بابا يا بابا. بتقف قدام أسد.

حور وبتقرب منه: مش بترد ليه يا حبيبي؟ أسد واقف ساكت. حور بتحضنه: مالك يا حبيبي؟ أسد ببرود: أوعي. حور بتبعد. حور بزعل: في إيه يا بابا؟ أسد سابها وهي هتخرج من الجناح. حور بتجري وراه ولسه هتمسكه من إيده. أسد قفل الباب وبحركة سريعة ثبتها في الحيطة، وأسد مثبت إيده على الحيطة ومقرب منها. أسد وأنفاسه في عنقها: بقي كده؟ حور بتوتر: كده إيه؟ أسد: كنتي قاعدة مع تميم ليه يا حوري؟ حور بتوتر: كنت بشوفه، كان زعلان.

أسد: اممممم زعلان. حور بتوتر: هو في إيه؟ أسد بابتسامة: في إن هموتك. حور بشاكسة: هو أنا عملت حاجة؟ أسد: آه، طول عمرك حرامية. حور بزعل: أنا؟ أسد: آه، خاطفة قلبي من زمان يا طفلتي. وشالها. ودخل غرفتهم. وقاعد وحور على رجله. أسد: عارف عقابك إيه النهاردة؟ حور: هو أنا عملتلك حاجة؟ أسد: آه. حور بين أحضانه. حور: امممم على فكرة، ممكن تنام على رجلي عادي. أسد ضحك: أحبك وأنتِ فهماني. حور بابتسامة وبتطبع قبلة رقيقة على خد أسد.

حور: بحبك أوي. أسد قبلها من رأسها: أنا آه غيران من الحيوان ده، بس فرحتني أوي. حور بعدم فهم: فرحان ليه يعني؟ أسد: عشان علاقتك حلوة معاهم، وبالذات مع تميم وسليم، عشان دول ولاد، وهبقى مطمن أوي لما أموت و... حور بمقاطعة وخوف: بعد الشر عليك. وبتحضن أسد أكتر وبتعيط. أسد بحنان وبيحرك إيده على ظهرها: هش، اهدي، في إيه؟ دي مجرد كلمة. حور وهي بترفع صُبعها في وش أسد: لو قولتها تاني هزعل منك أوي أوي. أسد مسك إيدها وقبلها.

ونسيبهم في بحر حبهم. في فيلا سليم أسد. في الريسبشن وليلى بتمشي بهدوء. سليم: رايحة فين؟ ليلى بتوتر: هاا؟ سليم بيقرب عليها: رايحة فين؟ ليلى بتوتر: أنا عايزة... سليم وبيحاول يتحكم في عصبية: عايزة إيه؟ ليلى بتوتر: ينفع متتعصبش؟ سليم بعصبية: اتكلمي. ليلى بتطلع تجري على فوق. وسليم بيطلع وراها. وبيدخل غرفته وبيسيبها. ليلى في غرفتها: هعمل إيه بقي؟ أنا خايفة ألعب معاه، ده مجنون ممكن يعمل فيا حاجة، يا رب بقي أعمل إيه بس؟

وربنا مش هستسلم لسليم بساهل. وبتروح في النوم. وبعد ساعة سليم بيدخل. سليم قبلها من جبينها وشالها. ليلى فاقت. وبتوتر وسليم شايلها وهي رأسها جنب قلبه. ليلى بتوتر وعيونها في عيون سليم: في إيه؟ سليم بينزلها: ادخلي غيري هدومك. ليلى: ليه؟ سليم بصوت عالي: سمعتي؟ ليلى بزعيق: أنت قولتلي مش هتتعصب عليا. سليم: طب ادخلي يلا. ليلى بتدخل غرفة الملابس. ليلى: لازم أحرق دمك.

وبتغير هدومها ببنطلون ضيق وتيشيرت صغير جداً وحجاب ظاهر جزء من شعرها وشوز. وبتطلع. ليلى وعيونها في الأرض وكاتمة ضحكتها عشان عارفة إن سليم هيتعصب. سليم بيقرب منها. سليم بعصبية: إيه ده؟ ليلى بثقة: إيه؟ سليم بعصبية: إيه القرف اللي أنتِ لابساه ده؟ ليلى: ماله يا أبيه؟ سليم جنب إذنها: طب وحياتك ما فيش أي بنطلون هيلمس جسمك تاني. ليلى بعصبية: ده ليه إن شاء الله؟ سليم بعصبية: هو كده، وكلمة زيادة...

ليلى بمقاطعة: هتعمل إيه يعني؟ هتضربني؟ سليم وبياخد نفس عميق عشان يكتم عصبيته: ادخلي غيري هدومك. ليلى بتدخل وبتغير ببنطلون أسود وتيشيرت أسود في أحمر وشوز أحمر وحجاب أحمر. وبتطلع. سليم بصلها: يلا وهينزل. ليلى: على فين دلوقتي؟ سليم: يلا يا ليلى. ليلى: مش هنزل ومش هروح مع حد. سليم بيسيبها وبينزل هو وهي بتفضل في غرفتها وشوية وبيطلع وماسك في إيده عصير. سليم: اشربي. ليلى بتوتر من تعبير وجه سليم: إيه ده؟ سليم ببرود: منوم.

ليلى برفع حاجب: نعم؟ سليم: هتشربي ولا هتنزلي معايا بهدوء؟ ليلى: هنزل، بس على فكرة لو سم هشربه برود من إيدك. سليم بحنان: وأنا عمري وما أوافق إنك تشربيه، يلا يا ليلو وتسمعي كلام بابا. ليلى: طب هنروح فين؟ سليم: هننزل القاهرة. ليلى بفرحة: بجد؟ وبتحضنه. سليم بابتسامة: كان من الأول، وشالها وبينزل. والسواق بيفتح الباب. وسليم بيسيبها بهدوء وبيركب جنبها. ليلى: طب أنا عايزة أنام... سليم بيقاطعها: هش. وبيحاوطها: نامي. ليلى: لا.

سليم: ينفع تسمعي الكلام؟ وبتنام ليلى في حضن سليم. وساعات وبيوصل سليم القاهرة في الفيلا بتاعته، وطبعاً بيبقى النهار طلع. وبيطلع ليلى الجناح وهي نايمة وبيقلعها الحجاب والشوز. وبينزل. الساعة بقت 10. سليم في المكتب. سليم: الهانم صحيت؟ ميرنا: لا يا سليم بيه. سليم: صحيها وقوليلها إن أنا مستنيها. وبتطلع ميرنا وبدق الباب. ليلى وعيونها مغمضة: مين بقي؟ بتدخل ميرنا. ميرنا: يا هانم. ليلى بنوم: نعم؟ وبتبدأ تفتح عيونها.

ليلى بغيرة: أنتِ مين؟ ميرنا: أنا ميرنا يا هانم بشتغل هنا، وسليم بيه في انتظارك. وبتنزل. ليلى بتقوم من على السرير وبتنزل بسرعة. ليلى للخدم بعصبية: فين أبيه سليم؟ دادة سامية: في المكتب. وبتشاور على المكتب. ليلى بتجري على المكتب وبتدخل على طول. ليلى: أبيه. سليم بغضب: في إيه؟ وفي حد يدخل كده؟ ليلى وبتقرب منه وبزعل: مين دي؟ سليم بيقوم من على الكرسي وبيمسك إيدها وبيقعدها. سليم: مين هي؟ ليلى بتسرع: اللي صحتني من النوم.

سليم: اهدي في إيه؟ ليلى بعصبية: رد عليا. سليم بتحذير: ليلى، مش مسموح ليكي تتعصبي وصوتك يبقى عالي، فاهمة؟ ليلى بدموع: طب اليومين خلصوا ولا لسه؟ سليم وبيمسح دموعها وبحنان: واحدة وبتصحيها هتكون إيه يا ليلى؟ ليلى: طب بتزعق ليه؟ سليم: أنتِ عصبتيني يا ليلى بطريقتك، متعصبة ليه؟ غيرانة منها؟ ليلى بإحراج: غيرانة؟ غيرانة ليه؟ ومن إيه؟ وعلى إيه؟ سليم ضحك: كل ده؟ ليلى: آه. سليم: يلا عشان نفطر. ليلى: لا مش جعانة. وهتطلع.

سليم: ليلى يلا عشان نفطر. وبيمسك إيديها. وبيقعد على السفرة. سليم: كلي. ليلى: حاضر. وبتاكل وبعد سكوت. ليلى: أبيه. سليم: إيه يا حبيبتي؟ ليلى بكسوف بتسكت. سليم وبيمسح على شعرها: في إيه يا ليلو؟ ليلى بعدت عن إيده. ليلى بكسوف ومن غير ما تبص على سليم: عايزة فُوني. سليم: حاضر هروح أجيبهالك. وفون سليم بيرن وهو بيرد. سليم: إيه؟ أنا جاي أهو. وبيقوم.