سليم: إيه؟ عمر: إياد اتجاب يا برنس، وهو حاليًا مع تميم، بس يا عالم كمان شوية هيبقي فين لما يقع تحت إيد أسد ومالك. سليم: أنا جاي أهو، سلام. ليلى: رايح فين؟ سليم: مشوار وراجع. ليلى: هروح معاك، أنا هخاف أقعد لوحدي. سليم بيقرب عليها: مش أنتي شاطرة وهتسمعي الكلام؟ اطلعي نامي، وبالليل نسهر سوا، عايز اليومين دول تفضلي قدام عينيا يمكن أشبع منك. ليلى: طب هتتأخر؟ سليم: بصراحة مش عارف. ليلى: طب هو أنت رايح فين؟ سليم: عند أسد.
ليلى بفرحة: بجد؟ طب هروح معاك. سليم: قولتلك لا. ليلى: عشان خاطري يا أبيه. سليم: هتروحي بس بشرط. ليلى: بشرط إيه؟ سليم: بوسة. ليلى بتوتر وبتبعد: إيه؟ سليم: هو ده شرطي. ليلى بتوتر: لا عيب. سليم ضحك وبيقرب منها: مين قالك إنه عيب؟ ليلى: حضرتك، وقولتلي حرام. سليم ضحك عشان فعلًا هي صح، وفرحان إنها فاكرة كل كلمة قالها ليها. سليم: بس مش حرام معايا ولا عيب، حرام وعيب مع أي حد غيري. ليلى بتوتر: ليه؟
سليم بيقرب وهي بتبعد وبتخبط في الحيطة، وسليم بيقرب عليها وإيده على وسطها والتانية مثبتها من شعرها. سليم بصوت هادي مليان حب: شطورة. وبيقبلها قبلة رقيقة بشغف وحب. وبيبعد عشان ليلى تاخد أنفاسها. ليلى عيونها في الأرض بكسوف وبتعيط: كده حرام. سليم مسك راسها رفعها من الأرض وبيقبلها قبلة سريعة: لما تكبري هعرفك إن معايا مش حرام. وبيمسح دموعها. سليم بخباثة: إيه رأيك نجيب المأذون ونكتب وتتأكدي إن مش حرام؟
ليلى بكسوف: أنا عايزة أروح عند بابا. سليم: بقولك نكتب الكتاب تقوليلي بابا؟ وعلى فكرة مفيش بابا غيري، سامعة؟ ليلى بابتسامة: حاضر. سليم: يلا اطلعي فوق بقى. ليلى: حاضر يا أبيه. وهتطلع. سليم مسكها من دراعها بخفة: بلاش أبيه دي. ليلى: حاضر. وبتطلع على فوق. وسليم للخدم: دادة سمية، أي حاجة تحتاجها الهانم تبقي عندها. سمية: حاضر يا سليم بيه. وبيتجه لفيلا أسد ومالك. في الفيلا. أسد لعمر: فين إياد؟ عمر: نايم فوق مع تميم.
أسد ضحك: ده مخطوف نايم فوق؟ وبيتطلع. وبيمسك إياد من قفاه: بقي تساعد سليم؟ إياد: وربنا يا عمي هو اللي طلب مني كده. أسد: ليلتك سودة، تساعده وتغفلنا صح؟ إياد: لا وربنا أبدًا يا عمي. وبيدخل سليم. سليم: يا بابا هو ملوش ذنب. أسد وبيسيب إياد: أهلًا بالبلطجي كبير العيلة. وبيقرب من سليم. وسليم بيبعد: اهدى بس وأنا هفهمك. أسد بص لمالك ومالك فهم معناها. أسد: قدامي على تحت. والكلام كان لإياد وسليم وعمر وتميم.
وكلهم بينزلوا وبيدخلهم أسد غرفة الرياضة. إياد بتوتر: هنضرب؟ سليم: بالظبط كده. تميم بابتسامة لعمر: هنضحك للصبح عليهم. مالك: لا أنت وعمر قبل إياد وسليم. أسد: اطلع. عشان يلعب مع أسد. عمر: أنا؟ أسد: اطلع. عمر بيطلع وأول ما بيقف أسد بيبدأ يضرب فيه. وعمر مش قادر يضرب أسد طبعًا ولا حتى قادر يدافع عن نفسه. عمر بوجع في كل جسمه: عيلة مفترية عليّ النعمة. مالك: اطلع بقى أنت يا عينيّ. تميم: أنا يا مالك؟ ده أنا حبيبك.
وهيطلع من الغرفة. أسد بيشاور لسليم. سليم بيمسك تميم وبياخد كام بوكس في وشه. مالك: اطلع بقى يا صديقي الصدوق أنت عشان تساعد سليم كويس. إياد: أنا يا عمي؟ س سليم مين؟ مالك وبيضرب فيه: ابقي ساعده كويس بقى المرة الجاية. وبينزل إياد. أسد بابتسامة كلها غضب: اطلع بقى يا وحش أنت يا اللي بتخطف وبتخطط. سليم: هقول... ولسه هيكمل بيقف بسبب ضربة جامدة من أسد. سليم بوجع: اهدى بس يا باشا. وبياخد ضرب من أسد.
بيطلع أسد ومالك من غرفة الرياضة. حور بخوف: هو في إيه؟ أسد: مفيش يا حبيبتي، يلا نطلع. وبياخد حور ويطلع. تميم بوجع: يا شيخ ربنا ياخدكوا كلكوا، أنا مالي بيكوا. إياد: ربنا على المفتري. عمر: بقي كده نضرب؟ سليم بضحك بوجع في جسمه: هموت، إحنا نستاهل، وكل واحد فيهم بيضرب بقلب. وبيحاول سليم وإياد بيطلعوا وكل واحد على بيته. وتميم وعمر كل واحد على غرفته. عمر طلع خد شاور. وتميم لسه بيطلع. لؤلؤ بصوت عالي: أغاااااا!
تميم كاتم فمها: هوششش، اسكتي خالص. لؤلؤ بتحرك رقبتها. وتميم بيبعد إيده عنها. لؤلؤ بخوف: إيه اللي عمل فيك كده؟ تميم: لا مفيش، عربية نص نقل خبطتني. لؤلؤ بخوف: إزاي؟ روحت الدكتور؟ تميم: لا. لؤلؤ: طب مفيش أي علاج تاخده؟ تميم بوجع: مش قادر أتكلم يا لؤلؤ دلوقتي. وبيدخل الغرفة. في الفيلا بيوصل سليم. ليلى: كل ده؟ ولسه هتقرب. ليلى بخوف وبتجري عليه: إيه ده؟ مالك؟ إيه اللي حصل؟ سليم: اهدى مفيش حاجة. ليلى: إيه اللي عمل فيك كده؟
سليم: اتخبط في الحيطة. ليلى باستغراب: حيطة إيه اللي تعمل فيك كده يا أبيه؟ سليم بوجع: ليلى مش وقت أسئلتك. وهيطلع. ليلى: أتصل بالدكتور؟ سليم: لا. ليلى وبتقف قدامه: لا هتصل. سليم بعصبية: قولتلك لا. ليلى بزعل: حاضر. سليم بيحضنها: متخافيش. وبيبوسها من راسها. سليم بهدوء بيبعدها: يلا على فوق وحسابك معايا بعدين. ليلى بعدم فهم: حساب إيه؟ سليم طلع وليلى طالعة معاه. وسليم هيدخل الغرفة. ليلى: طب...
سليم بحنية: قربي يا حبيبتي مالك؟ ليلى بعياط: لازم دكتور يشوفك. سليم وبيحرك إيده على ضهرها: بلاش عياط وأنا كويس وربنا دي مجرد جروح سطحية. ليلى: بس د... سليم: هش، قولت تسمعي الكلام وعلى أوضتك. وبيكمل بخباثة: ولا تحبي تنامي معايا؟ ليلى بتوتر بتبعد عنه وبتدخل غرفتها. سليم ضحك: مجنونة. ودخل خد شاور ونام. في الفيلا على الغدا. بيدخل عمر. تاليا بخضة: عمر! وبتقوم وبتقرب عليه بخوف. تاليا: مالك يا حبيبي؟ إيه اللي حصلك؟
عمر وعيونه على أسد: اتخانقت مع واحد مفتري. تاليا بخوف وبتقرب من وش عمر: طب عمل فيك كده إزاي وأنت ساكت؟ عمر بغيظ: المشكلة إني مقدرش أتكلم. في اللحظة دي مالك وأسد ضحكوا. حور: هو في إيه؟ وتميم بيدخل في اللحظة دي. تميم: ولا أي حاجة يا ست الكل. حور بخوف: يا لهوي إيه ده؟ وبتجري على تميم. حور: حصل إيه؟ إيه اللي حصلك؟ تميم وبيبعد شوية: مفيش عربية نص نقل خبطتني. تاليا باستغراب: هو إيه الكلام الغريب اللي بتقوله ده؟
ماتتكلم يا مالك شوف عيالك. عمر باستعباط: ماتقولهم يا مالك. حور: أنا مش فاهمة حاجة. أسد: تعالي يا حبيبتي اقعدي. حور بتسمع الكلام وبترجع تقعد. وتاليا مالك بيبصلها وبتفهم وبترجع تقعد مكانها. مالك: يارب نقعد. عمر وتميم قاعدين. حور بزعل: أسد اتكلم شوف إيه اللي حصل. أسد: مفيش حاجة يا حبيبتي دي حاجات بسيطة. حور بزعل: بسيطة إيه يا أسد؟ وبتحضن تميم وهو قاعد جنبها. أسد بيمسك إيدها وبيشدها من حضن تميم: خلاص بقى.
مالك: فين لؤلؤ ولوليا؟ تميم بتسرع: أنا مش هقوم. أسد: هو قالك حاجة أنت يلا؟ تميم: هما الاتنين يتخطفوا يولعوا مش هقوم، كفاية المرمطة اللي أنا فيها. عمر: عندك حق. وبتنزل لوليا. وبتقعد جنب عمر ومش مركزة في وشه. لوليا: عاملين إيه؟ لوليا بخوف: تميم إيه اللي حصل؟ تميم بصلها بقرف: اسألي عمك يا أختي. لوليا: عمر. وبيرفع عمر وشه: إيه؟ لوليا: أغاااااا إيه ده؟ وبخوف: مالك يا حبيبي؟ وبتمسك وشه. عمر برومانسية: قلب حبيبك...
أسد بغضب: بجد يا ابن مالك؟ لوليا بترجع لعقلها وبتسيب وش عمر. داليا: لؤلؤ هانم بتقول إنها مش جعانة وبصراحة شكلها تعبانة. تميم بخوف: مالها؟ وبيقوم. مالك بغضب: رايح فين يلا؟ تميم: في إيه؟ هشوفها ما ابنك بيشوف أختي. مالك: مخطوبين يا أخويا. تميم: مستعد أكتب الكتاب. وبيطلع ويسيبهم. أسد: شوية مجانين. مالك: وبقي دي تربية دي؟ (على أولادهم) أسد ضحك: كلمة أنت عايز تتربى إزاي العيال هتطلع متربية.
مالك بمشاكسة: كفاية أنت تربية قمر. عمر: أسد هو أنا هتجوز إمتى؟ من حقي كمواطن ومن بعد الضرب ده أتجوز. أسد: قريب. عمر بفرح وبيقوم: بجد؟ قول وحياة حور كده. أسد: كلمة زيادة وهنلغي خطوبتك خالص. عمر باحترام: لا على إيه؟ وبيرجع يقعد. تميم وبيدق الباب. لؤلؤ بهدوء والهدوء ده كان عكس شخصيتها تمامًا. لؤلؤ بهدوء: مش جعانة. تميم فتح الباب وبيدخل أول ما دخل. تميم بخوف:
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!