رواية طفلتي الخائفة الجزء الثاني "2" الفصل العشرون 20 - بقلم شهد عبدالسلام

في الفيلا عند سليم ليلة تدق الباب. سليم: ادخل. ليلة تدخل. ليلة: عامل إيه دلوقتي؟ سليم: الحمد لله يا حبيبتي، تعالي. ليلة: ألف سلامة عليك. سليم: تعالي، في إيه؟ ليلة تقترب وتقعد جنب سليم. ليلة: هو حضرتك يا أبيه... سليم: حضرتك وأبيه في جملة واحدة؟! ليلة: بكرة أول يوم في الجامعة. سليم: عارف يا حبيبة بابا. ليلة بفرحة: يعني هروح صح؟ سليم بهدوء: إيه رأيك تروحي في الامتحانات بس؟ ليلة بزعل: لا. سليم: هخاف عليكي. ليلة

ببراءة وتلعب في أصابعها: ليه يا أبيه؟ أنا كبيرة وطول عمري مش بروح المدرسة خالص. سليم: حاضر هتروحي. ليلة بفرحة: بجد؟ وتحضن سليم. سليم: بس بشرط. ليلة وتبتعد: شرط إيه؟ سليم: محاضراتك تخلص ترجعي بسرعة وهتبقي دايمًا مع السواق. ليلة: موافقة وميرسي أوي. سليم: مش أنا فرحتك؟ ليلة: أوي. سليم ويشاور على خده: طب هدية بقى. ليلة: موافقة عايز هدية إيه؟ سليم برفع حاجب: يعني أنتي مش فاهمة؟ ليلة: لا. سليم: يلا. ليلة وفهمته بتوتر: إيه؟

سليم: يلا. ليلة تقترب عليه بتوتر وتطبع قبلة رقيقة على خد سليم. ليلة وهي هتموت من الكسوف وهتطلع. سليم بابتسامة: استني. ليلة ومن غير ما تنظر لسليم: نعم. سليم: ينفع طلب؟ ليلة بغضب وتقترب عليه: لا لا لا، أنت كل طلباتك قليلة الأدب زيك. وتسيبه وتخرج. سليم قاعد مصدوم من ردة فعلها. سليم: وربنا مجنونة، اتعصبت في ثانية بس حلوة في كل حالاتها. ويقرر أن لازم يعصبها. ويدق على باب غرفتها. ليلة: ادخل. سليم ويمثل العصبية

وكاتم ضحكته بالعافية: مش أنا بكلمك؟ ليلة بزعيق: اسكتتت! بتتعصب عليااا ليه هااا؟! وتضرب في صدره. سليم بتمثيل الوجع: آههه. ليلة بخوف عليه: أنا أنا آسفة. وتقرب منه. سليم بمشاكسة جنب أذنها: يا أم قلب خفيف أنتي. ليلة: يا بارد. سليم: ليلة. ليلة: إيه؟ سليم: اسمها نعم. ليلة بزعل: نعم. سليم: بكرة هتلبسي إيه؟ ليلة بتفكير: اممممم مش عارفة. سليم بحب يقرب عليها وعيونه في عيونها وبابتسامة: إيه رأيك نختار سوا؟ ليلة بفرح: بجدد؟!

طب يلا. وتمسك إيد سليم وتدخل غرفة الملابس. ليلة وسليم وراها: اممم إيه بقى؟ سليم ضحك ومسكها من وسطها: إيه رأيك الدريس ده؟ (دريس أوف وايت) ليلة بطفولة: لا مش بحب ده. سليم في سره: أحسن بردو، هيبقي حلو عليكي. ليلة بعدم فهم: بتقول إيه؟ سليم: لا يا روحي ما فيش. ليلة: أبيه بص... سليم: أووف! مش قولتلك بلاش أبيه دي؟ ليلة بتوتر: غصب عني. سليم ويحرك إيده على شعرها بحب: معلش. ليلة: طب إيه رأيك في ده؟ (دريس لونه اللاڤندر)

سليم: طب أشوفه عليكي الأول. ليلة: حاضر. وتأخذ الدريس. ليلة: ينفع تطلع بقى؟ سليم: حاضر. وفي سره: يارب يطلع وحش عليها. وشوية وتطلع ليلة. ليلة بضحك: هاا إيه رأيكك؟ (كانت لابسة الدريس اللاڤندر وشوز أوف وايت وحجاب نفس اللون وميكاب هادي خالص) سليم أول ما شافها سرح فيها وفي جمالها وقد إيه هي رقيقة وجميلة وتشبه الملائكة. سليم بتوهان: معقول هسيبك تخرجي كده؟ ليلة: هااا؟ سليم يفوق: ها إيه؟ ليلة: إيه رأيك؟

سليم: حلو أوي بس في حاجة. ويقرب عليها. ليلة بتوتر: حاجة إيه؟ وتبتعد. سليم مسكها من إيديها: اهدي مش هعملك حاجة يا روحي. ويمسك منديل ولسه ماسكها وبعدها ثبتها ومسكها من راسها. وبدأ يمسح الروج. وهو بيمسح الروج. سليم بهدوء: مش قولتلك بلاش الحاجات دي ولو شوفتك تاني بروج، وكمل بخباثة: هيحصل حاجة هتزعلك أوي وحاجة أنا هموت أعملها فاهمة يا ليلة؟ كل ده وليلة بتحاول تبعد بس مش عارفة بسبب قوة سليم.

وليلة خلاص مش قادرة وفي نفس الوقت متوترة وخايفة من هدوء سليم. سليم مسح الروج وسابها. ولسه هيبعد. ليلة حضنته. ليلة ورأس ليلة عند قلب سليم بالضبط. وشهقت. سليم ويحرك إيده على ضهرها والإيد التانية مسك منديل وبيمسح بقية الميكاب. سليم بحب: طب اهدي في إيه؟ ليلة: بتزعق ليه؟ سليم ضحك غصب عنه: هو أنا زعقت يا روحي؟ أنا كلمتك بهدوء وربنا. ليلة: الهدوء ده رعبني. سليم: طب أعمل إيه أكلمك بهدوء ولا أزعق؟ ليلة: لا لا بهدوء.

سليم: حاضر يا حبيبتي، حاجة تاني؟ ليلة بهدوء وبراءة: تسيب وشي. سليم ضحك جامد على طريقتها. ليلة حضنته وسرحت في ضحكته ورافعة رأسها وماسكة في حضن سليم وضحكت على ضحكته. سليم بصلها كانت سرحانة خالص. حب يستغل الفرصة قرب منها وقبلها بحب. وانتهت عشان تاخد أنفاسها. ليلة بتحاول تاخد نفسها بهدوء. وسليم مبتسم ومركز في كل إنش فيها. سليم ضحك: بقيتي كويسة؟ ليلة متوترة وعيونها في الأرض. سليم بصوت هادي: ليلو. ليلة ساكتة.

سليم: طب اتكلمي، وبيكمل بحب وضحك على براءتها: لو متكلمتيش وبقيتي حامل أنا مش مسئول. ليلة بكسوف وتوتر وعيونها في الأرض: كداب أنا سألت وعرفت مش هبقي حامل ولا حاجة. سليم بعصبية: نعم؟! ومسكها من دراعها: اتكلمتي مع مين في الموضوع ده؟ ليلة بوجع: براحة. سليم بتفكير: لؤلؤ هي اللي قالتلك؟ ليلة بزعل: آه. سليم مسكها من كتفها بهدوء: طب ينفع متتكلميش في الحاجات دي نهائي مع أي حد ولا تسمحي لحد إنه يكلمك في حاجات زي دي؟

ليلة: أوعى لو سمحت. وهتمشي. سليم بهدوء وحب: ينفع تهدي؟ معلش غصب عني اتعصبت عليكي بس عشان خاطري. ليلة بعصبية وبترفع صباعها في وش سليم: عرفت بقى إن الحاجات دي عيبب هاا؟ سليم ضحك: أرجع أقولك عيب مع الكل إلا أنا. وقرب عليها وبخباثة: حاجات إيه دي بس يا ليلو؟ ليلة بتوتر: ابعد هتزعل ومش هتضحك عليا بضحكتك الحلوة دي أقصد بكلمتين. سليم ضحك عليها: يخربيت براءتك، حتى اللي في تفكيرك مش عارفة تخبي. ليلة: ينفع تطلع برا؟

سليم: بتطرد من بيتي بس ماشي. وطلع. سليم بمشاكسة قدام غرفة ليلة: ريمااااس تعالي أقولك. ليلة بغيرة بتطلع: أنا ممكن أجي أكسر دماغك ودماغها يا قليل الأدب. وقفلت الباب في وش سليم. سليم بصوت عالي: يا طفلههه يا مجنونة. صباح يوم جديد وأحداث جديدة. في الفيلا أسد ومالك. على السفرة والعيلة كلها متجمعة. أسد: مها جاية النهاردة عشان هتقعد مع أنس. تميم: صح أنس نزل مصر من يومين. أسد: ده لما أشوفه ينزل مصر وما يجيش عندنا.

تميم: كلمني وقالي إنه مشغول بموضوع الكلية ده أوي والنهاردة أول يوم له في الكلية. أسد: أشوفه بس. (مها تبقي أخت أسد وجوزها عمر كان ظاهر في الجزء الأول وابنهم أنس وبنتهم ليلى على اسم مامة أسد) عند سليم. سليم: هي لسه الهانم نايمة؟ ريماس: أيوة يا سليم بيه. سليم: صحيها وقوليلها سليم بيه تحت في انتظارك. ريماس: حاضر... سليم يقاطعها وافتكر إن ليلة مش بتحبها: خلاص أنا هطلع. وطلع. دخل من غير ما يدق الباب.

سليم ويقرب من سريرها بهدوء. سليم: ليلو يا لي لي. ليلة بنوم: بس بقى يا لوليا. سليم ضحك: يلا يا روح قلبي عشان هتتأخري على الجامعة. ليلة قامت بسرعة. سليم: لازم أقول هتتأخري عشان تقومي. ليلة بنوم: آسفة. سليم وبيرجع شعرها لورا: آسفة على إيه يا روحي. ليلة بكسل: عشان تعبتك عقبال ما صحيت. سليم: تعبك راحة يا حبيبة قلبي ويلا عشان نفطر. وطلع من الغرفة. أخذت شاور وجهزت نفسها للجامعة

(دريس أسود وشوز أوف وايت وحجاب كافيه في أوف وايت) وسليم أخذ شاور وجهز للشركة (بدلة سودا وقميص أبيض وفاتح أول القميص والساعة وبرفيوم) ليلة نزلت. سليم على السفرة. سليم: كل ده؟ ليلة: آسفة. سليم: ربنا يخليكي ليا، بلاش آسفة دي تمام؟ ليلة بابتسامة: تمام. سليم: هو أنتي كده جاهزة للجامعة؟ ليلة: آه، إيه رأيك حلو؟ سليم بكذب: زي الزفت. ليلة اتخضت من رده: ليه؟ سليم: متأكدة عايزة تنزلي كده؟ ليلة: آه.

سليم بابتسامة مزيفة: ما فيش نزول. ليلة بنفس الابتسامة: وأنا مش باخد رأيك أنا بقولك نازلة كده وبعدين ماله إيه اللي مش عاجبك في الدريس؟ سليم بتوتر: هااا... هاا... أنا قولتلك وحش؟ ليلة بتحدي: وأنا هروح بيه. سليم مش قادر يمنعها لأن فعلاً الدريس محترم بس المشكلة عنده إنها حلوة أوي في الدريس ده. وفون سليم تن تن تن. سليم: ألو يا حبيبي. أسد: عامل إيه وليلة عاملة إيه؟ سليم بابتسامة وعيونه على ليلة: أنا كويس،

وبتوهان: وليلة زي القمر. ويفوق: أقصد وليلة كويسة. أسد ضحك: الواضح إن أنت اللي مش طبيعي النهاردة، مها جاية هي وأنس وليلى ولازم تبقي موجود أنت وليلة. سليم: حاضر. أسد: وبعدين اليومين خلاص، ليلة لازم ترجع. سليم في اللحظة دي حس بخنقة وزعل أوي. سليم بزعل: حاضر يا بابا. أسد سمع صوته وقد إيه صوت سليم اتغير زعل: شوف حل يا حبيبي عشان تبقي معاك وليك. سليم بزعل: قريب يا بابا. ويقفل. ليلة لاحظت زعل سليم. ليلة: هو في إيه؟

سليم بصوت مليان حزن: ياريت تاكلي. ليلة سكتت. وبعد شوية. سليم: يلا. وبيطلع هو وليلة. في العربية وسليم مركز في الطريق. ليلة بحب: سليم. سليم بفرحة لأن أول مرة ليلة تقولها: إيه يا حبيبة قلبي؟ ليلة: مالك في إيه؟ سليم ضحك ومسك إيديها قبلها: ما فيش يا روح قلبي.