رواية طفلتي الخائفة الجزء الثاني "2" الفصل الحادي والعشرون 21 - بقلم شهد عبدالسلام

سليم ضحك ومسك إيديها قبلها: مافيش يا روح قلبي. ليله بزعل وسابت إيد سليم. سليم: حبيبت قلبي في إيه؟ ليله: إيه زعلك؟ سليم: مافيش صدقيني. ليله بطفولة: يا كداب، بتكدب عليا. سليم ومسك إيديها وقرب منها: أنا كداب يا ليلو؟ ليله بتوتر من قربه: لا. وشويه بيبقي قدام الجامعة. سليم: ينفع تخلي بالك من نفسك؟ ليله بزعل: لا. وهتنزل. سليم وبيمسكها من دراعها: رايحة فين؟ ليله: هنزل. سليم: اسمعي الكلام. ليله بطفولة بتحرك رقبتها: لا.

سليم بحب وبيكلمها كأنه بيكلم طفلة: طب ليه يا بنوتي؟ ليله: عشان بتكدب عليا. سليم قرب منها وليله اتوترت. سليم جنبها وبيقولها: هتسمعي الكلام؟ ليله بطفولة: آه. سليم ولسه مقرب منها: هتخلي بالك من نفسك؟ ليله: آه. سليم قبلها في جبينها: بنتي شطورة طول عمرها. ليله: هتأخر بقى. سليم: طب ثانية كنت هنساه. سليم: الفون ده يبقى معاكي. ليله: ده مش بتاعي. سليم: خلي ده معاكي والحاجات دي تمام يا روحي. ليله: حاضر. سليم:

المحاضرة تخلص هتطلعي تلاقي السواق هنا. ومسك وشها بحنية. سليم بحب: تخلي بالك من نفسك، لو أي حد عملك حاجة تكلميني أو تقوليلهم إنتي مين. ليله بضحك: خلاص بقى، هتأخر أوي. ونزلت. سليم فضل مركز فيها شوية. في شركة سليم. أياد: سيليا عايز أوراق الصفقة الأخيرة. سيليا: حاضر يا مستر أياد. وشهد بتدخل. شهد ومش ملاحظة أياد: سيليا عايزة... وبتسكت وبتلاحظ أياد. شهد بخوف: إيه اللي حصلك؟ وبتقرب منه. سيليا بتستغرب.

أياد بيمسك إيديها وبيدخل المكتب وبيقفله الباب. وشهد مركزة بس في وش أياد وكل تفكيرها إيه اللي حصل. شهد بخوف: مستر أياد إيه اللي حصل؟ أياد ومقرب منها: إيه يا قلب مستر أياد؟ شهد بتوتر: إنت مقرب كده ليه؟ وبتبعد. وأخيرا أياد ثبتها في الحيطة ومحاوطها. أياد بحنية: وحشتني بقالي كام يوم مش بشوفك. شهد بتوتر: إنت بتقول إيه يا مستر أياد؟ أياد وعيونه في عيونها: إنتي خليتي فيها مستر ولا أستاذ حتى. شهد بقوة مصطنعة:

ابعد يا أياد بدل ما أضربك وتزعل. أياد ضحك: وحشتني يا شرسة إنتي. وبيقرب أكتر. وفجأة باب المكتب بيدق. أياد بعد عنها وبيفتح الباب. وشهد متوترة. أياد فتح الباب. سليم: إيه يا حمار قافل ليه؟ وبيلاحظ شهد. شهد من كتر توترها خرجت. سليم بغمز: جيت في وقت غلط. أياد بضحك: طول عمرك. سليم: طب اخلص في يومك ده واتلم يا أياد، قلتلك البنت محترمة. أياد: إنت هتستهبل، مش قلتلك إن هتجوزها. سليم: طب اخلص عندنا ميتنج. وبيطلع. في الجامعة.

أنس: أهلاً بيكم، أنا دكتور أنس. وبدأ يشرح المحاضرة ومركز على ليله. وخلصت المحاضرات وهتطلع. ... "آنْسة ليله يا ليله." ليله بتقف: نعم. وبيقرب عليها أنس. أنس: عاملة إيه؟ وأول ما بيقرب من ليله ليله بتعرف هو مين. ليله بابتسامة: الحمد لله، حضرتك عامل إيه؟ أنس: بلاش حضرتك، أنا الحمد لله. ليله: إنت رجعت مصر إمتى؟ أنس ضحك: من يومين، ومها نازلة النهارده. ليله: تيجي بسلامة يارب، معلش عشان مستعجلة. أنس بحرج: طبعاً اتفضلي. وطلعت.

وبترن على سليم ومش بيرد. وبتركب مع السواق. ليله بزعل في سرها: يوووه، بقي كل رن ومش بترد. وشوية وسليم بيتصل. سليم: إيه يا روحي؟ ليله: كل ده عشان ترد، كنت فين؟ سليم: معلش، كنت في ميتنج. ليله: ماشي. سليم: إنتي فين دلوقتي؟ ليله: في العربية وراجعة. سليم: هترجعي تاكلي، فاهمة؟ ليله: هستناك وناكل سوا. سليم: سمعتي قلتلك إيه؟ ليله: لا باي. وبتقفل.

والوقت بيمر، ليله بترجع تاخد شاور وتنام وسليم بيروح المطار وبيرجع هو ومها وأنس وليلي. في الفيلا. أسد ومالك. سليم: كنتي نايمة؟ ليله: آه. سليم: أنا عند حور وتاليا. ليله بزعل: بتروح من غيري. سليم: أنا جيت عشان مها جت النهارده. ليله: آه، أنا عارفة، أنس قالي. سليم: نعم يا حلوة، قولتي إيه؟ ليله بتوتر: مقولتيش حاجة. سليم: غيري هدومك وتعالي. ليله: حاضر. وبتقفل. وبتروح. وبيتجمع سليم وتميم وعمر وأنس ولؤلؤ ولوليا وليلي.

تميم بمشاكسة: على كده البنات عجبتك في الجامعة. أنس ضحك: إنت لسه زي ما أنت، يلا متغيرتش. تميم بحب وعيونها على لؤلؤ: أموت في الجمال. عمر بجدية: بجد ممكن أقوم أكسر دماغك. وبتدخل عليهم ليله. ليله: واطين، بتضحكوا من غيري. لؤلؤ: أعاااا ليله. وبتجري عليها. لؤلؤ بحب: وحشتني أوي. لوليا حضنتها: وحشتني يا ليلو. ليله: وإنتوا وربنا. ليله: عاملة إيه؟ حمد الله على السلامة. ليلي: الله يسلمك يا روحي. ليله:

إيه ده، هو إبيه أسد مش معاكم؟ ليلي: لا، في شغل كتير في الشركة، معرفش ينزل. ليله: ربنا معاه. عمر: ليلو عامله إيه يا حبيبتي. ليله بضحك: الحمد لله يخويا، إنت عامل إيه بقى من غيري. عمر ضحك: مش لاقي حد يصالحني على لوليا. ليله بضحك: عشان تعرفي قيمتي. تميم: حازم حازم. ليله ضحكت: بسيوني بسيوني. تميم بغمز: عاملة إيه يا ست. ليله بكسوف: كويسة. زين: عاملة إيه؟ ليله: الحمد لله، وحضرتك. كل ده وسليم قاعد هيموت من غيرته عليها. ليله:

هروح أشوف مها، واحشتني أوي. وهتطلع من الغرفة. سليم: استني. وقرب منها وطلع على غرفتها. ودخل وقفل الباب. ليله بفرحة وبتضحك: شكراً أوي، أنا فرحانة جداً يا سليم. وبيقرب منه وبتحضنه. سليم حضنها وقبلها من شعرها. سليم: طب ينفع كده؟ كنت طالع أعاقبك. ليله بزعل: ليه؟ سليم بغضب: بتضحكي شوية وشوية تهزري، يا ليله إحنا هنستهبل. ليله بزعل: كنت فرحانة عشان شوفتهم. سليم وبيحاول يبقي هادي على قد ما يقدر:

كنتي لا يا روحي، إنتي تفضلي مبسوطة وفرحانة وكل حاجة براحتك يا حبيبت قلبي، بس بهدوء يا روحي. ليله: حاضر. سليم: يلا ننزل يا حبيبتي. وبتنزل. ليله بهزار: أهلاً يا ست هانم، كل ده غياب. مها: يا حبيبت قلبي. وبتحضنها: عاملة إيه يا روحي؟ ليله: الحمد لله يا روحي. وبتسلم على بقيت العائلة بحب. أسد: تعالي يا حبيبت قلبي، عايزك. ليله: حاضر يا عمو. وبتدخل معاه. في المكتب. أسد: إنتي كويسة؟ ليله بابتسامة: آه يا عمو، كويسة. أسد:

مش عايز كدب. ليله: مش بكدب وربنا يا عمو، وربنا كويسة. أسد: يعني سليم بيعاملك حلو؟ ليله بتوهان: أوي، إبيه سليم ده طيب أوييي. وبتكمل بخفوت: وقليل الأدب أوي. أسد: بتقولي إيه؟ ليله: لا مش بقول يا عمو، بس إبيه سليم كويس خالص وبيكلمني حلو وطريقته. مالك: طب خلاص يا يختي يا بتاعت إبيه سليم. ليله اتكسفت ووشها كله بقى أحمر. أسد ضحك: بس يا مالك، ما تكسفهاش. مالك ضحك: دي بنتي حبيبت قلبي. وبيحضنها. أسد:

طب هتقعدي معانا ولا مع سليم؟ ليله بكسوف وتوتر وهي في حضن مالك: بصراحة يا عمو، عايزة أقعد مع إبيه سليم. وبتكّمل ببراءة: عشان اتخبط في حيطة ومجروحة. مالك وبيطبطب عليها وهي في حضنه بمشاكسة: يا حنينا إنتي يا أم قلب كبير. ليله مكسوفة وبضحك: إيه يا مالك الله. مالك: مافيش حاجة يختي. وبيدخل سليم. سليم بستغراب: هو في إيه؟ ليله: إبيه. وبتسيب حضن مالك بتلقائية. مالك: يا واطية، بتسيبي حضني ورايحة للواطي ده. ليله ضحكت:

وحضنته تاني: يا روحي، أنا مقدرش. وبتحضن مالك تاني. سليم بغيره: ده بجد يعني، تعالي يا بت. ليله: تؤ تؤ. وبتدفن وشها في حضن مالك. أسد: اقعد يا سليم. مالك وبمشاكسة وعايز يعصب سليم: إيه يا حبيبتي، مش هترجعي لدكتور يامن؟ كل شوية بيكلمني. ليله خافت من رد سليم. وأسد ومالك كاتمين ضحكتهم بالعافية. سليم بعصبية: لا يخويا مش هترجع ل خراااا، ومش عايز أسمع اسم البني آدم ده في البيت تاني، وإنتي تعالي. وبيمسك إيد ليله. مالك بجدية:

سيب إيديها، يلا سيب. سليم بيسبها. أسد بضحك: اقعد يا سليم، وإنتي يا حبيبت قلبي اطلعي اقعدي معاهم. ليله بتطلع. أسد: هتعمل إيه يا سليم؟ سليم: في إيه؟ مالك: هتتجوز ليله؟ سليم: هتجوز مراتي. ليله بصدمة: إيه؟