رواية طفلتي الخائفة الجزء الثاني "2" الفصل الرابع 4 - بقلم شهد عبدالسلام

ليله: أنا مش غلطانة. سليم بعصبية: وحياة غلاوتك لأعرفك إزاي تردي عليا! وبيسب إيديها وبيكمل: على أوضتك. ليله: طب الفون؟ سليم: مافيش فون، امشي. ليله جريت على غرفتها. سليم بعصبية: ماشي يا ليله، جه اليوم اللي تردي عليا! صباح يوم جديد وأحداث جديدة. تاليا وهي بين أحضان مالك: حبيبي. مالك: إيه يا قلب حبيبك؟ تاليا: البنات هيسافروا عشان ليله متزعلش. مالك: أنا مستني قرارهم، هما هيروحوا فين يا روحي. تاليا: يعني أنت موافق؟

مالك: آه أنا وأسد موافقين. تاليا: بس عمر مش موافق إن لوليا تسافر. مالك: قوليله الحراس هتبقى حواليهم في كل حتة، وبلاش يزعل لوليا. تاليا: حاضر يا حبيبي هقوله. وبتقبله. مالك مسك فيها أكتر وحضنها. العائلة كلها بتتجمع على الفطار. مالك: صباح الخير. العيلة كلها: صباح النور. مالك: إيه يا بنات يا قمرات، عاملين إيه؟ البنات: الحمد لله. مالك: قررتوا هتسافروا فين؟ عمر: بابا، مش هيسافروا. مالك بعصبية: هو أنا بسألك أنت؟

وبيدخل في اللحظة دي سليم وبيسمع جملة مالك الأخيرة. سليم: في إيه يا عمي؟ مالك وبيوجه كلامه لعمر: عمر، لوليا خطيبتك وبتسمع كلامك ماشي، لكن تقعدها غصب عنها لأ. تميم: اهدى يا عمي مافيش حاجة. مالك: لوليا لو موافقة إنها تقعد ومتسافرش دي حاجة ترجعلها، لكن تغصبها لأ. سليم بغيظ: خلاص مافيش حاجة، هيسافروا يا عمي ويشوفوا هما هيروحوا فين. سليم: خلاص يا عمي مافيش حاجة. تميم: إحنا نروح سوا. مالك بعصبية: بنات بس من غير واحد فيكم.

وأفطروا. كل ده ليله ولؤلؤ ولوليا متابعين الموقف في سكات. ليله قاعدة متغاظة من سليم وبتبص له بقرف. سليم خلص الأكل وفي طريقه إنه يخرج من الغرفة. سليم: ليله تعالي. ليله سابت الأكل وطلعت وراه. سليم: ادخلي واقفلي الباب. ليله قفلت الباب. سليم: فونك أهو. ليله بتقرب أكتر من المكتب وبتسحب تليفونها. ليله: شكرًا يا أبيه. وهتطلع ولكن بتقف مرة واحدة. ليله: أبيه. سليم: إيه يا حبيبتي؟ ليله: ينفع أطلب من حضرتك طلب؟ سليم: اطلبي.

ليله بتوتر: كنت عايزة أدخل كلية في أمريكا. سليم وبيقفل اللاب وبنبرة ترعب: قولتي إيه؟ ليله: أكمل... سليم بيقاطعها: للأسف الأوبشن ده مش متوفر عندنا. ليله: يعني إيه؟ سليم وبيحاول يبقى هادي: زي ما سمعتي يا ليله. ليله: أنا عايزة... سليم بهدوء عكس شخصيته: سمعتي، مافيش سفر، كليتك هتبقى هنا وفي القاهرة أو الجيزة، غير كده لأ. ليله بحزن: بس أنا نفسي في كده. سليم وخاف عليها وقرب عليها: خلاص، هشوف الموضوع ده.

ليله بفرحة: بجد شكرًا أوي أوي. سليم بابتسامة: مافيش حاجة، وعلي فوق. ليله: أنا خارجة، باي. وهتطلع. سليم وبيقرب منها: استني. ليله بتوقف في مكانها: نعم. سليم: رايحة فين؟ ليله: هطلع. سليم: تمام يا حبيبتي اطلعي. لوليا ولؤلؤ وليله محجبات بس في البيت عادي بشعرهم. في دهب. حور بابتسامة: بتعمل إيه؟ أسد وقرب منها وقبلها على جبينها: بعمل قهوة. حور بتمثيل الزعل: طبعًا لو قولتلك هي حلوة أوي ونفسي في حبة نونو أوي مش هتوافق.

أسد وبيحضنها: كويس إنك عارفة الرد. حور: أنا عايزة أقعد على البحر يا أسد. أسد: يا عيون أسد أوامرك تتنفذ. وبيمسكها من وسطها وبيتجه في مكان البحر. حور: لأ لأ استني. أسد: إيه تاني؟ حور: أنت هتشرب قهوة وبتتكلم وهي رابطة إيديها عند صدرها زي الأطفال، وأنا بقى هشرب إيه؟ أسد: هتشربي أورنج. حور: لأ. أسد: نسمع الكلام بقى. حور بابتسامة: حاضر بس... أسد: بس إيه؟ حور: بشرط. أسد: شرط؟ أول مرة أسمعها منك.

حور: عايزة أكلم سليم وبقية العيلة. أسد بابتسامة: حاضر بس... حور بمقاطعة: بس إيه يا أسد؟ أسد: إيه رأيك النهاردة لأ بكرة هنرجع، بلاش تكلميهم. حور بزعل: هو إحنا هنرجع بكرة؟ أسد: زعلانة؟ حور: أنا بحب أقعد هنا أوي بس الولاد واحشوني، قولتك... أسد بيقاطعها: وأنا قولتلك الڤيلا دي مش هيدخلها حد غيرك. حور: على فكرة أنا بحبك. أسد ضحك: وأنا بعشقك. حور: مافيش أمل يتغير؟ أسد: توتو. حور: بس أنا ببقى عايزة أفضل مع ولادي.

أسد وبيشيلها: وأنا بحب أقعد مع بنتي لوحدنا. حور: عيب بقى. أسد وبيتفحص في كل إنش فيها: هو أنتِ مش بتكبري؟ حور: هقولك هقولك بس ده سر. أسد: سرك في قلبي أقصد في بير. حور بابتسامة: عشان أنت جنبي. وبتطبع قبلة رقيقة. أسد بابتسامة جذابة: لأ كده إحنا اتقدمنا أوي. في الشركة. شهد: وأنا أتشرف يا فندم بشغلي مع حضرتك. سليم: تقدري تستلمي شغلك من دلوقتي لو تحبي. شهد: طبعًا يا فندم أحب. سليم: تمام اتفضلي، وجوليا هتفهمك كل شغل.

شهد وبتقوم: شكرًا يا مستر سليم. وبتطلع على مكتبها. سليم في الفون: إيه يا إياد؟ إياد صاحب سليم من زمان جدًا شريكه في الشركة: كل حاجة تمام يا باشا والصفقة تمت. سليم: تمام، هديتك لما ترجع. إياد: أنا هديتي أفضل شهر إجازة. سليم: يعني سافر أسبوع عايز إجازة شهر؟ إياد بخباثة: عايز أرتاح يا سليم. سليم ضحك: آه ترتاح في كل يوم حتة شكل ومع واحدة شكل. إياد: أحبك وأنت فاهم. سليم: اقفل يا حيوان. وقفل. عند لوليا وهي في الشغل.

لوليا بعصبية: يعني يا فندم السفر اتلغى؟ المدير: أنتِ إزاي تتكلمي معايا كده؟ أنتِ مخصوم منك يومين. لوليا: يا مستر حازم أنا كنت رتبت الشغل على كده. حازم: وظروف القناة اتغيرت يا لوليا هانم. لوليا: ماشي يا فندم، عن إذنك. وبتطلع. وتليفونها بيرن. لوليا بعصبية: عايز إيه؟ عمر بزعيق: بت إيه الطريقة دي؟ لوليا بهدوء: آسفة كنت بس متعصبة شوية. عمر: إيه اللي معصبك؟ لوليا: مافيش. عمر: إيه اللي معصبك يا لوليا؟ لوليا: السفرية اتلغت.

عمر: دي حاجة تعصبك أوي كده؟ لوليا: أنا كان نفسي أسافر أوي. عمر: تتعوض إن شاء الله. لوليا: يارب. عمر: تروحي دلوقتي وأول ما تبقي في البيت اتصلي عرفيني يا حبيبتي. لوليا: حاضر يا حبيبي. في الڤيلا. بليل بتتجمع العائلة في حديقة الڤيلا. مالك: أنتوا كويسين؟ في حد فيكم زعلان أو متضايق؟ كلهم: الحمد لله مافيش حاجة. مالك: يارب دائمًا أشوفكم كويسين. ليله كانت تجلس وتميم يجلس على إيد الكرسي بجانب ليله وبيلعب في شعرها.

ليله بضحك بصوت عالي: بس بقى هنام كده. تميم: غيبوبة. وفي اللحظة دي سليم شاف إيد تميم على شعرها. سليم بعصبية: أنت يا واد اقعد زي الناس هنا. عمر: بابا أنا عايز أتجوز. لوليا اتكسفت جدًا من كلام عمر وعيونها في الأرض. مالك: أسد يرجع ونتكلم في الموضوع ده. عمر: طيب يا بابا. تاليا: إن شاء الله هتتجوزوا على خير. عمر: يارب يا ست الكل. سليم: أنت مستعجل على إيه يا عم؟

لؤلؤ بضحك: لأ والنبي استعجل يا أبيه سليم، كل ما يحصل بينهم خناقة لازم ينكد عليا أنا. سليم حضنها وضحك: لأ صعبتي عليا يا حبيبتي، خلاص هتتجوزوا. تميم: لأ خليه ينكد عليها شوية كمان. سليم: لأ حرام علينا البت غلبانة بردو. لؤلؤ لتميم: بلاش أنت هفضحك وأقول على الـ... تميم: لأ أنا هتصل على بابا يجي عشان عمر يتجوز. لؤلؤ: أيوه، اتعدل كده وخاف على نفسك. مالك: يخربيتك شكلها ماسكة عليك بلاوي. تميم: حسابك معايا بعدين.

ليله بزعل: أنا طالعة، تصبحوا على خير. مالك: مالك يا حبيبتي؟ ليله: مافيش بس عايزة أنام. ودخلت الڤيلا. سليم: ثانية بس افتكرت مكالمة شغل. وبدون أي رد من العيلة بيدخل بسرعة ورا ليله. ليله ولسه هتطلع على السلم اتلقت حد بيمسكها من دراعها وبيتجه بيها للمكتب. سليم مسكها. ليله بخضة: في إيه؟ سليم من غير ولا كلمة سحبها من دراعها للمكتب وقفل الباب وسابها. ليله: هو في إيه؟ سليم: في إنك كبرتي.