رواية طفلتي الخائفة الجزء الثاني "2" الفصل الخامس 5 - بقلم شهد عبدالسلام

ليله: يعني إيه؟ سليم وهو يمسكها من ذراعها بخفة: يعني ما حدش يلمسك، فاهمة؟ ليله: هو أنا بطلع من البيت يا أبيه؟ سليم: لأ يا حلوة، حتى جوه البيت. ليله بعدم فهم: أنا مش فاهمة حاجة. سليم وهو يضغط على ذراعها أكثر: يعني ليه تميم يلعب في شعرك؟ أنتِ مش صغيرة دلوقتي. ليله: إيدي. سليم: أنا مش هعاقب غيرك أنتِ لو حصل حاجة ما عجبتنيش. ويترك يدها. ليله وهي تمسك مكان يد سليم: ليه بتعمل معايا كده؟ سليم: مش هكرر كلامي.

ليله بزعيق: ليه كل شوية تزعق لي وتتعصب عليا؟ سليم: اسكتي، وبتعصب عليكي عشان بتبقي غلطانة. ليله: أنا مش بعمل حاجة. سليم: طب بصي، ويقترب منها. وليله تبتعد. سليم شدها من يدها: ما تخافيش. سليم: حد يحضنك لأ، حد يلمسك لأ، تمام فاهمة كده؟ اعملي دول وأنا مش هعمل لك حاجة. ليله وهي تمسح دموعها زي الأطفال: ليه؟ سليم: مافيش ليه.

ليله بعصبية: لأ، أنت كل شوية تزعق لي وبتهزر معاهم وبتحضنهم، ولا بتهزر معايا ولا بتحضني ولا حتى بتعاملني كويس. سليم بتفكير ومش عارف يرد عليها ويتكلم بكذب: عشان بيسمعوا الكلام وأنتِ لأ. ليله: بس أنا مش بعمل حاجة والله، وأنا حتى باسمع الكلام وأنت مش بتهزر معايا خالص وأنا ما بكلمش حد. سليم بحنية وهو يرجع شعرها لورا: حاضر يا ليلو، ههزر معاك وأضحك معاكي بس أنتِ بس اسمعي الكلام. ليله بفرحة: بجد؟

سليم: بجد يا حبيبتي، ويلا بقى على أوضتك عشان تنامي. وتطلع. سليم: معلش غيرتي عليكي بتبقى غصب عني. تاني يوم الصبح، وكان أسد وحور في البيت. أسد: كل حاجة تمام بينهم؟ مالك: آه كله تمام. أسد: كويس، ربنا يهديهم. وتنزل بقية العيلة. سليم: حبيبي، ويحضن أسد. سليم: مش تقول لي عشان أقابلك في المطار. أسد: تسلم يا حبيب أبوك. حور: حبيبي، وتفتح يدها عشان تحضن سليم. أسد وهو يمسك يدها بمشاكسة: اسكتي يا حبيبتي. حور: يا أسد ده ابني.

أسد ضحك: حضن صغنن. حور: آه. وتحضن سليم. حور: عامل إيه يا حبيبي؟ سليم بضحك على مشاكسة أسد لحور: الحمد لله يا ست الكل. ويقبل يدها. أسد: تعالى. ويدخل المكتب هو ومالك وسليم. أسد: فين عمر وتميم؟ سليم: نازلين يا بابا. أسد: تمام. مالك: في إيه؟ أسد: البنات هتسافر. مالك: آه. أسد: تمام، سليم السفر عليك أنت، كل حاجة تبقى جاهزة وقت سفرهم والحراس اللي هتبقى معاهم. سليم: حاضر يا بابا. مالك: عمر عايز يكتب الكتاب.

أسد ضحك: مستعجل أوي ابنك ده، على العموم أنا موافق بس لازم أوجع بطنه شوية. مالك: هتعمل إيه مع سليم؟ أسد وهو ينظر لسليم ويرجع بنظره لمالك: لأ سليم ده لسه عايز درس. سليم: في إيه بس يا بابا؟ أسد: أنت بعدين نخلص بس من الحاجات دي وبعد كده نشوف موضوعك. مالك: الشركات تمام كلها؟ أسد: تمام، من بكرة هنزل أنا وأنت عشان كل مدير فرع يبقى عارف إن إحنا ممكن نروح في أي وقت، وأنت يا سليم عايزك تراجع على كل الصفقات.

سليم: رحت يا بابا الشركة وقعدت مع مدير الفرع وراجعت كل الشغل وكل الكاميرات على اللاب بتاعك أنت وعمي مالك. مالك: تميم بينزل الشركة كل يوم. سليم: وأنا بأحاول على قد ما أقدر أروح الشركة وأشوف الشغل. أسد: هتقدر تسافر الأسبوع الجاي لندن عشان الشركة؟ سليم: حاضر يا بابا. أسد: تمام، يلا على الفطار. في غرفة الطعام. أسد: عاملين إيه؟ لؤلؤ: إحنا الحمد لله كويسين بس كان ناقصنا ضحكتك القمر دي يا عمو أنتِ وحور طبعًا.

حور: أنتِ بتتغزلي في جوزي قدامي؟ تاليا: لو حور ضربتك أنا مش هدافع عنك. لؤلؤ: دي حور دي قمر، خذي بوسة. حور تقبلها. لوليا: طب وأنا بقى يا ست ماما؟ حور: ده أنتِ حبيبتي. ليله: إيه ده بقى وأنا؟ حور: ده أنتم حبايب قلبي وبناتي. أسد: كفاية بقى كلام. بعد الفطار. سليم: عن إذنكم عشان عندي شغل، وأنت يا باشا (تميم) على الشركة. تميم: معلش النهاردة أنا عندي سباق وهاخد لؤلؤ وليله معايا. سليم خرج من غير أي رد.

عمر: والنبي أنا خطيبتي قمر أوي. أسد: أنت يا واد هتعاكس بنتي قدامي؟ عمر وهو ينظر لها: لأ يا عمي بس بأشكر فيها بس. أسد: مالك شوف ابنك بدل ما أروقه أنا. الساعة 1 في الفيلا. ليله: ألو. سليم: إيه يا ليلو؟ ليله: نعم يا أبيه. سليم: أوعي تروحي السباق يا حبيبتي. ليله: ليه؟ سليم: أنا قلت لك إيه؟ ليله: بس أنا نفسي أخرج أوي يا أبيه. سليم: هتسافري يا ليله. ليله: بس كان نفسي أوي... سليم يقاطعها: لأ يا ليله.

ليله: طب لو عمو سألني مش هتروحي ليه؟ سليم بعصبية: ليله، قلت لك مش هتروحي وقولي لعمو سليم مش موافق. ليله: حاضر. وتقفل الفون. وتدخل لؤلؤ. لؤلؤ: إيه هتروحي؟ ليله: لأ. لؤلؤ: تعالي نروح أي مكان كده أنا زهقانة. ليله: فكرة حلوة أوي بس أبيه مش هيوافق. لؤلؤ: مش هنعرفهم. ليله: لأ يا ست. لؤلؤ: ما تخافيش ما حدش هيحس بينا. ليله: هنروح أنا وأنتِ ولوليا؟ لؤلؤ: لأ لوليا مش هتوافق عشان عمر، تعالي إحنا. ليله: وهنخرج إزاي يا أختي؟

لؤلؤ: من الباب الخلفي وهاطلب أوبر. ليله بتوتر: طب لو حد سأل علينا؟ لؤلؤ: بصي أنتِ نايمة زي العادة وأنا أصلًا دائمًا في الأوضة. ليله: طب تميم هيسأل علينا؟ لؤلؤ: يا ست هاكلمه بس بسرعة عشان تاليا وحور فوق وعمو وبابا في المكتب. ليله: ماشي. لؤلؤ: بسرعة وأنا جاهزة. بعد شوية. لؤلؤ: اخلصي بقى، وتمسك يد ليله وينزلان. لؤلؤ: يلا بسرعة يا ليله انزلي. في الأوبر. ليله بتوتر: أنا نسيت فوني. لؤلؤ: مش مشكلة يا ليله.

ليله: لأ لأ أنا خايفة. لؤلؤ: ما تخافيش بس أنتِ. في الشركة. شهد: إيه يا حمار أنت مش تفتح؟ إياد: أنتِ مجنونة يا بت، أنتِ اللي... شهد بعصبية: هششششش اسكت، أنا متأخرة من غير حاجة، وطلعت على فوق. إياد: عليا النعمة متخلفة بس مش هاسيبك. في مكتب سليم. سليم: اتفضل. شهد: الملفات اللي حضرتك طلبتها من الأرشيف. سليم: تمام، اتفضلي. وتطلع. إياد: هاي يا بيبي. سليم: هافتح دماغك بسبب الكلمة دي. ويمسك ملفات ويضعها على المكتب.

إياد: دي كل حاجة تبع الشغل وراجعت كل حاجة بنفسي وإن شاء الله آخر الشهر لازم أسافر تاني. سليم: إن شاء الله. إياد: عايز أشرب قهوة. سليم ضحك: هو أنا سألتك؟ إياد: هو أنا غريب يا سليم؟ سليم مسك التليفون: شهد، اثنين قهوة سادة. شهد: حاضر يا مستر سليم. بعد شوية شهد تدق الباب. سليم: ادخل. شهد وعيونها في الأرض: اتفضل يا مستر سليم. سليم: شكرًا، ومسك الفنجان. إياد وعرفها وغمز لها، أول ما إياد غمز لها شهد توترت.

وتركت الفنجان على الترابيزة قدام إياد وطلعت. سليم: ركز يا إياد، والبنت محترمة مش شبهك. إياد: هو أنا عملت حاجة؟ معاد العشاء. العائلة كلها متجمعة. أسد: فين ليله ولؤلؤ؟ لوليا: أكيد ليله نايمة ولؤلؤ قاعدة في أوضتها. سليم بتساؤل: كسبت السباق؟ تميم: آه. لوليا: وش ليله ولؤلؤ حلوين عليك. سليم أول ما سمع الجملة دي اتعصب جدًا. تميم: لأ أنا رحت لوحدي. داليا: ليله ولؤلؤ هانم مش بيردوا والباب مقفول. سليم: إزاي يعني؟

ويطلع هو وعمر. سليم وهو يدق على الباب: ليله يا ليله. ومافيش أي رد. سليم: هاتي النسخة التانية. وعمر نفس الأمر، مافيش أي رد. سليم فتح الباب واتصدم إن ليله مش جوه. سليم بعصبية: هي فين؟ ويمسك تليفونه ويتصل عليها وفجأة يسمع صوت تليفونها. عمر: تليفون لؤلؤ مقفول. أسد: إزاي ده يحصل؟ ساعة وعايزهم هنا، أنتم سامعين؟ عمر نزل يشوفهم في القسم. سليم اتصل على ناس عشان تحدد موقعهم. بعد ساعة من التوتر والخوف والعصبية. سليم: ألو.

الشخص: هما في كافيه الـ****** يا سليم باشا. سليم: طب شكرًا، ويطلع بالعربية. سليم في التليفون: عمر، هما في كافيه*** وأنا رايح أهو. عمر: خليك أنت أنا هاجيبهم وهاجي. سليم: لأ أنا رايح. طبعًا عمر وصل عندهم الأول بسبب قرب القسم من المكان. عمر بعصبية مكتومة: قدامي على العربية من غير كلام كتير. ليله ولؤلؤ ارتعبا من شكل عمر وركبا معاه من غير ولا كلمة. في العربية عمر في التليفون. عمر: سليم هما معايا وأنا طالع على الفيلا.

سليم: ماشي. وسليم كمل في الطريق عشان يقابل عمر وعمر اتجه من طريق تاني. سليم بعصبية: أنت فين يا عمر؟ عمر: يا ابني أنا خلاص عند الفيلا. سليم: تمام اقفل وأنا راجع. كل ده ولؤلؤ وليله خائفين. عمر: الهوانم أهم. مالك بعصبية: أنتم مجانين إزاي تخرجوا كده؟ لؤلؤ: أنا آسفة أنا السبب. ليله: أنا آسفة. أسد بعصبية: كل واحدة على أوضتها، وعقاب لكم مافيش سفر. عمر وقرب منهم: ده آخر تحذير لكم. تميم: أكيد دي أفكار لؤلؤ. أسد: خلاص اسكتوا.

مالك: على أوضتك منك ليها. لؤلؤ وليله طلعتا. سليم أول ما رجع كانت العيلة كل واحد في غرفته. سليم طلع على غرفة ليله. وفتح ودخل مرة واحدة وكانت ليله بتعيط. سليم دخل الغرفة وقفل الباب بعصبية. ليله بعياط وتبتعد لورا وسليم يقترب. ليله بعياط: مش هتتكرر تاني. سليم يمسكها من شعرها: تعالي كده. سليم بعصبية: إزاي تنزلي من غير ما حد يعرف؟ ليله بعياط ويدها على يد سليم: آسفة آسفة شعري. سليم مسكها من وشها وضامم وشها بجمود.

سليم: المرة الجاية هاموتك. وتركها وليله وقعت على السرير. وخرج وكان عمر وتميم على الباب يطرقان عشان يفتح. عمر: أنت مجنون يا سليم؟ وسيدخل. سليم وهو يمسك عمر من يده ويخرجه من الغرفة ويقفل الباب. ليله طول الليل تبكي هي ولؤلؤ، وليله أكثر بسبب سليم. تاني يوم الصبح. سليم: بابا أنا هأسافر هأشوف الشركة. أسد: تمام. لوليا بتوتر: هو لؤلؤ وليله مش هينزلوا؟ مالك: لأ الفطار هيطلع لهم فوق. داليا: ليله هانم ولؤلؤ هانم رافضين الفطار.

سليم: تعالي يا دادة، وطلع قدامها ودخل عند لؤلؤ. سليم: افطري يا لؤلؤ عشان وربنا أنا ساكت بالعافية. لؤلؤ بخوف: حاضر. واتجه لليله. ودخل. ليله من غير ما تشوف سليم وتتكلم بعصبية: مش عايزة حاجة قلت لك. سليم: قدامك ربع ساعة الأكل ده يبقى خالص. ليله: مش هاكل. سليم اقترب منها ويحاول يكتم عصبيته: الأكل أهو، لو عرفت إنك ما أكلتيش هاعمل فيكي إيه؟ ليله بتعب: مش قادرة آكل. سليم: غصب عنك يا ليله، وعشان تخرجي كويس من غير ما أعرف.