رواية طفلتي الخائفة الجزء الثاني "2" الفصل الثامن 8 - بقلم شهد عبدالسلام

في الشركة تاني يوم. إياد بفرحة: مبروك يا حبيب قلبي. سليم: مبروك علينا يا عم. إياد: الخبطة كانت جامدة أوي المرة دي في سيف. سليم ضحك: أنا بشوف شغلي. إياد: المشكلة إن هو عارف إنه مش قدك. في الشركة المنافسة. سيف بعصبية يكسر المكتب: يا ابن الـ***. حسام: اهدى يا عم. سيف: أهدى إزاي، كل دي خسارة. وفي اللحظة دي فون سيف بيرن. سيف بخباثة: التنفيذ يبقى في أقرب وقت، لازم أحرق قلبه. المجهول: حاضر يا بوص. سيف: في أقرب حد ليه.

المجهول: أوامرك تتنفذ يا سيف باشا. وبيقفل. سيف بضحكة خبيثة: طب نشوف بقى قلبك هيتحرق إزاي يا سليم. حسام: أي غلطة هنروح في داهية يا سيف. سيف بضحكة خبيثة: ما فيش أي حاجة غير حرقة قلبه قريب جدًا. حسام: الانتقام هيبقى مع مين؟ سيف بخباثة: أخته. في الفيلا. في غرفة لؤلؤ، وبتتجمع البنات. لوليا: حضرتوا الحاجة؟ ليلة: آه أنا خلاص، كله تمام. لوليا: وأنا. لؤلؤ: أنا لسه. لوليا وبتضربها: أنتِ بتكلمي مين؟ لؤلؤ بتوتر: هاا، لا ولا حد.

وبتقفل الفون. لؤلؤ: أنا لسه هشوف هاخد إيه معايا. ليلة: لازم نولعها. لؤلؤ بضحك: ده أساسي. في المكتب أسد ومالك وعمر وتميم. تميم: كل حاجة جاهزة. مالك: تمام. تاني يوم الصبح. حور بحنية: حبيبي يا بابا. أسد بنوم: إيه يا حبيبة بابا. حور: أنا جعانة. أسد وبيرجع يغمض عيونه: نامي يا حبيبتي. حور ضحكت ضحكة كلها أنوثة: قوم بقى يا أسد، كل ده نوم. أسد وبيقوم: عايزة إيه؟ حور: أكل. أسد ضحك: طب هو أنا ماسكك؟ حور: في إيه يا أسد، الله.

أسد: ما فيش يا روحي. حور: طب يلا عشان أنا عايزة أسافر. أسد: لسه بدري على الطيارة يا حبيبتي. حور: بص. أسد: بصيت. وبيبص عليها. حور: من رأيك يعني أسافر بالدريس الأبيض و... أسد بيقاطعها وصوابعه على فمها: هووووش، نامي. وبيحضنها وبيرجع ينام. في جناح مالك وتاليا. مالك بعصبية: قلت لك لا يا تاليا. تاليا: هو في إيه يا مالك؟ مالك: لا يا حبيبتي، خروج هناك بده لا. تاليا: وفيها إيه، شكله حلو أهو. مالك: طب البسي كده.

تاليا بتوتر: هاا، لا ما فيش وقت، بس هو هيبقى حلو أوي صدقني. مالك وبيقرب منها وثبتها في الحيطة وبصوت هادي مليان بغضب: لا في وقت. تاليا وبترفع صُبعها في وجه مالك وبصرامة: قلت لك لا لا. مالك: يبقى مش هتاخديه يا تيتي. تاليا: هاخده. مالك وعيونه في عيونها: مقابل إيه؟ تاليا: مش فاهمة. مالك ضحك: لا أنتِ فاهمة كويس. تاليا: بص، أنا هاخده ماشي، قول ماشي عشان خاطري يا حبيبي. مالك: لا، هيبقى ضيق أوي فيكِ. وبيخرج.

بعد ساعات العائلة كلها بتصحى وبتتجمع على الفطار وكل واحد بيرجع على غرفته. في جناح أسد. حور: أنا عايزة أشوف ابني قبل ما أسافر. أسد: حاضر من عيني يا حور هاكلمه. وفعلًا بيكلم سليم. سليم بضحك: حبيبي واحشتك صح. أسد: أوي ياض. سليم: حب الناس يا برنس. أسد: أنت شايفني بتاع كبدة قدامك ياض. حور لأسد: بس بقى يا أسد. وبتاخد الفون تكلم سليم. حور: إيه يا قلبي عامل إيه يا حبيبي. سليم بضحك: أسد سامع الكلام ده. حور ضحكت.

أسد: بيقول عليا إيه الواد ده. وبياخد منها الفون. أسد: بتقول إيه يلا أنت. سليم: لا لا ما فيش يا باشا، باقول لك أسد باشا سامعك وأنتِ بتقولي لي يا قلبي وباقول لها عيب تقولي لي كده. أسد ضحك: لما تجيء لي. حور وبتكلم سليم: ميعاد الطيارة بعد ساعتين يا سليم، لازم تجيء، عايزة أشوفك. سليم: حاضر يا حبيبتي. وبيقفل. بعد شوية العيلة كلها بتتجمع في المطار. حور وبتحضن سليم: ما كنتش هامشي من غير ما أشوفك.

سليم وبيبوس إيديها: تروحي وترجعي بالسلامة يا ست الكل. حور: خلي بالك من نفسك. سليم لعمر وتميم: عيونكم على البنات. وبعد شوية من الهزار والضحك. ليلة واقفة مش بتتكلم. سليم بيمسكها من كتفها وبيبعد شوية عن العائلة. سليم بحنية: خلي بالك من نفسك وأي حاجة تحصل كلميني يا حبيبتي. ليلة بابتسامة: حاضر يا أبيه. سليم وبيقربها وبيقَبّل جبينها. والعائلة بتسافر باريس. في الأوتيل. أسد: تمام، كل واحد على جناحه.

وكان البنات في جناح وعمر وتميم في جناح وأسد وحور جناح ومالك وتاليا في جناح. وبيطلع كل واحدة على غرفتها. في جناح البنات. ليلة بزعيق: في إيههه براحة. وبتفتح الباب. ليلة بخوف من شكل تميم: في إيه وبتخبط كده ليه. تميم من غير أي رد بيدخل الغرفة على لؤلؤ وبيخبط الباب. لؤلؤ بتوتر: هو في حد يدخل كده. تميم ولسه ليلة ولوليا هيدخلوا الغرفة بيقفل الباب. تميم بعصبية: أنتِ ليلتك سودة معايا. وبيقرب منها وبيمسكها من شعرها.

لؤلؤ بعصبية: في إيههه. تميم: في إن أنتِ مش محترمة. لؤلؤ بعصبية: أنا محترمة غصب عنك. تميم بيضربها على وشها وبيرميها بتقع على السرير وبيمسك الفون وبيطلع صورة. تميم بغضب: مين دي؟ مش أنتِ؟ لؤلؤ بتوتر: آه في إيه. تميم: تقدري تقولي لي مين بيبعت لي صورك والصور دي مش سوشيال. لؤلؤ بتوتر: مش عارفة. تميم بعصبية: إحنا هانستهبل. لؤلؤ وماسكة خدها من ضربة تميم: مش عارفة. وبيقرب منها. تميم بعصبية: وعلي بيجيب صورك منين؟

لؤلؤ بتوتر: علي؟ تميم بزعيق: أيواا علي يا محترمة. وبيمسكها من شعرها. لؤلؤ بخوف: اهدى وربنا هاقول كل حاجة. تميم وبيسيبها: اتكلمي. لؤلؤ بشهقات: عا... علـ... تميم: اخلصي. لؤلؤ بشهقات: علي ده معايا في جروب الدفعة ودخل كلمني. تميم بغيرة: آه وبعدين؟ لؤلؤ: وأنا سجلته بس بس وربنا كل الكلام محترم في حدود الكلية. تميم: والصور دي معاه إزاي؟ لؤلؤ: كانت في ستوري الواتساب.

تميم بهدوء عكس اللي جواه: طيب يا محترمة، الأستاذ بتاعك بتاع الكلية أخد صورك عشان يكسر بيها عيني وأنا غلطان عشان اعتبرتك أختي وصاحبتي وأنتِ بتخبي عليا. وبياخد فون لؤلؤ وبيخرج وطول الوقت ده ليلة ولوليا واقفين خايفين على لؤلؤ. وأول ما بيخرج بتدخل لوليا وليلة. لوليا: أنتِ كويسة؟ وبتحضنها. لؤلؤ بعياط وشهقات: وربنا ما كنتش باعمل حاجة. لوليا: اهدي. ليلة وبتحضنها: اهدي يا حبيبتي. وفي اللحظة دي الباب بيدق. وليلة بتخرج تفتح.

لوليا: اهدي يا حبيبتي. بعد شوية من الوقت لؤلؤ بتسكت. لوليا: اهدي وأنا هاقوم أشوف اللي طلعت تفتح الباب ومش دخلت دي. وبتقوم تشوف ليلة. لوليا: ليلة يا ليلة. وبتلف عليها في الجناح. لوليا: لؤلؤ. لؤلؤ: في إيه؟ لوليا بخوف: أنا مش لاقياها. لؤلؤ: إزاي يعني؟ لوليا بتخرج تشوفها في جناح تميم وعمر. لوليا وبتدق الباب. عمر وعاري الصدر: في إيه يا لوليا؟ لوليا بتوتر: مش لاقية ليلة. تميم: إزاي يعني مش لاقيها؟

لوليا: مش عارفة، شفتها في الجناح كله مش موجودة. عمر: يمكن نزلت البول. لوليا: لا أكيد مش هتنزل لوحدها. عمر بخوف: أنا هأنزل أشوفها. وبينزل هو وتميم. ولوليا ولؤلؤ بيعرفوا أسد ومالك. عمر بزعيق: أنا مش عايز نمل يطلع من الأوتيل. وبيطلع أسد ومالك غرفة المراقبة. في الكاميرات. ليلة بتفتح الباب. ليلة باستغراب: مين، في حاجة؟ وثانية بيكون المجهول كاتم فمها. وليلة غابت عن الوعي وبيشيلها وبينزل. أسد بعصبية: الساعة كانت كام؟

الموظف: من ساعة تقريبًا. أسد: خليه يفتح مداخل الأوتيل، خرجت. وبيطلع عمر. مالك: حد يتصل على سليم. عمر رجع تاني وواقف عند مخرج الأوتيل بيشوف كل اللي خارج. في الفون. سليم بتسرع: ألو يا تميم في إيه، اخلص عندي اجتماع. تميم بتوتر: ليلة. سليم بخوف: مالها ليلة؟