رواية طفلتي الخائفة الفصل الثامن والعشرون 28 - بقلم شهد عبدالسلام

مالك: عليا تاليا: إعدامي مالك في سره: للدرجادي عندك الموت أهون من إنك تعيشي معايا؟ مالك: هبقى رحيم عليكي أكتر من نفسك وهسيبك عايشة. وسابها وطلع. اسد: حور حور: عايز إيه يا اسد؟ ها؟ اسد: في إيه؟! حور: في إنك بتضحك عليا بحركاتك. اسد فهمها وضحك: هضحك عليكي إزاي يعني؟ حور: مش عارفة، بتضحك عليا. اسد: هضحك عليكي ليه يا حور، هو انتي هبلة؟ حور: انت بتشتمني كمان! اسد: هو أنا قلت حاجة يا بنتي.

حور: أنا بعد كده أنسى إنك تضحك عليا بحركاتك دي، ومش عارفة بسكتلك ليه. اسد وحصرها وبقى فوقيها، وحور نايمة على ضهرها. اسد: يمكن عشان بتحبيني. حور: أوي. اسد: إيه؟ حور: ها؟ قلت إيه؟ هو أنا اتكلمت؟ اسد: ماشي يا حور. اسد: ساعة بالظبط وعايزك تنزلي. حور بنوم: أنزل فين؟ اسد: مشوار مهم. حور: مشوار إيه؟ قولي. اسد: ده أكبر معرض مجوهرات في باريس للمصمم... حور: آه، بسمع عنه كتير أوي، ده أحسن مصمم مجوهرات. اسد: يلا بقا بسرعة.

حور: طب إيه علاقتك بالمجوهرات؟ اسد: في واحدة صحبتي عايزاني أروح، قلت بلاش أكسفها، وهي غالية عندي أوي. حور بغيرة وقفت على السرير: إيه يا أخويا؟ اسد: مش عايزة تروحي، براحتك، أنا هروح أنا. حور: انت مش هتروح؟ اسد شدها، وقعت عليه وهي فوقه بيتكلم: مقلتي إيه؟ حور بتوتر: مش هتروح. اسد: مش أنا، أنا هروح، عايزة تيجي تعالي معايا، مش عايزة براحتك. حور: أنا هاجي بس بشرط. اسد بتناكة: مش موافق. حور: هنروح نقعد شوية ونمشي علطول.

اسد: موافق. حور: ماشي. اسد عدلها: بسرعة بقا يا حوري. اسد غير هدومه ببدلة سودة وفاتح أول القميص، والبرفيوم الخاص بيه، وطلع. اسد: بت! حور: عايز إيه؟ اسد: انتي لسه نايمة؟ اخلصي! حور: نازلة. وشوية وحور لبست فستان أحمر بكم ومفتوح من ورا شوية، وشوز أحمر. اسد أول ما شافها سرح فيها وفي جمالها وقد إيه هي كل حاجة فيها رقيقة. حور بتشاور قدام عيونه: إيييه؟ اسد: ها؟ حور: في إيه؟ اسد مسكها من وسطها، وقبلها في خدها، وخدها، وطلع.

السواق مركز في الطريق. اسد حضنها: تعرفي بحبك قد إيه؟ حور ضحكت: لأ. اسد: أنا حبيتك بكل المعاني، وأولهم، حبيتك كبنتي لو كنتي بتخافي وكنتي بتتحامي في حضني. حور ضحكت: وأنا فعلاً دايماً حساك بابا. اسد قبلها. وبعد شوية كانت وصلت الحفلة. حور بتوتر: أنا مستغربة المكان أوي، تعالى نروح. اسد: عيب تتوتري وأنا معاكي. ومسكها من وسطها. بعد شوية كان كل ضيف في مكانه. ليليان: اسد عامل إيه؟ اسد قام ومد إيده: الحمد لله يا ليليان، وانتي؟

ليليان: الحمد لله، واحشني أوي. كل ده وحور بتتابع المواقف بكل برود. حور: ويُوحشك ليه بقا إن شاء الله؟ اسد مسك حور من وسطها وبيغير الحوار: حور مراتي. ليليان: طبعاً عارفها، عاملة إيه؟ حور من بين سنانها: الحمد لله. ومشت. اسد بضحك: ينفع اللي قولتيه ده؟ حور: قلت إيه يا اسد؟ ما أنا ساكتة أهو. اسد: واضح. وشوية والعرض بدأ للمجوهرات. بعد العرض... : يتفضل الأستاذ اسد الباشا، وبتُقدم قطعة خاصة للمدام حور الباشا.

حور بعدم تصديق: هو قال إيه؟ اسد ضحك لها: بيقول إن اسد الباشا قدملك قطعة خاصة. حور: إيه؟ أنا؟ انت بتقدملي قطعة خاصة؟ اسد وبيحضنها: صدقيني مافيش حاجة هتبقى غالية عليكي، ولو أطول أجيبلك الدنيا كلها هجبهالك. حور بفرحة: أنا مش عارفة أقولك إيه. اسد: أنا عارف كل اللي جواكي من غير ما تقولي كلمة. وطلعت استلمت طقم المجوهرات. عند تاليا ومالك. مالك: تاليا. تاليا: نعم. مالك: دي شوية حاجات ليكي. تاليا: مش عايزة حاجة منك.

مالك: أنا غلطان إني جايبلك هدوم، وجبتلك كذا حاجة. تاليا بتردد: ها؟ بجد؟ هاتهم. مالك: ما كنتيش عايزها؟ تاليا: آسفة. ومدت إيديها تاخد الشنط. مالك شدها من إيديها، وجنب ودنها: أنا لحد دلوقتي كويس معاكي. تاليا في سرها: أوي. مالك: إيه؟ تاليا: لا، مافيش، شكراً. حور: حلو. اسد: تحفة عليكي. حور: بجد؟ اسد: وربنا، انتي أي حاجة فيكي حلوة، وانتي بتحلّي أي حاجة يا حوري. حور: شكراً. اسد: يخربيت شكراً بتاعتك دي!

وبعدين قولتلك كذا مرة، شكراً بتاعتي مش بتبقى كده. وشدها وقبلها.