رواية طفلتي المشاغبة الفصل الثاني 2 - بقلم ندى ناصر حسن

كنان بغضب جحيمي وبشكله المخيف: اخرسي خالص، انتي فاهمة؟ انتي نهايتك انتي وأخوكي على إيدي. ريم بخوف: يا عم انت مجنون، وجاي تطلع جنانك عليا ولا إيه؟ كنان بزعيق وصوت عالي: بت أنا على آخري، وممكن دلوقتي أرتكب جناية، فاتكتمي خالص. ريم بابتسامة بلهاء: بص، انت هتنزلني على جنب كده، وأنا هعمل نفسي لا كان حصل حاجة ولا شفت حاجة، وأنا مش هقول لحد إنك خبطتني، وأنا أصلاً معرفش اسمك، فاطمن، نزلني بقا هنا، الهي تنستر.

كنان بغضب: انتي عبيطة يا بت ولا هبلة ولا إيه حكايتك؟ ثم أنزلك وأسيبك؟ ده أنا هخليكي تتمني الموت، ومطلهوش انتي وأخوكي الـ... ريم بغضب: لا بقولك إيه، كله إلا أخويا ده، سفره برقبتك. كنان بغضب جحيمي وأوقف السيارة وأمسك شعر ريم: أخوكي ده أزبل وأوسخ واحد في الدنيا، وأنا هعمل فيه زي ما عمل فيا، هحرق قلبه عليكي زي ما حرق قلبي على أختي... و... و... ريم بدموع: سيب شعري، وانت كداب، أخويا مفيش زيه، ولا في أخلاقه ولا في أدبه.

ترك شعرها بغضب وأكمل طريقه، وريم عمالة تعيط وتصرخ وتدبدب برجلها السليمة وبتعيط. كنان وأخرج من جيبه مسدس، حطه على رأسها: اخرسي، مش عايز أسمع صوتك، خلي دموعك دي لبعدين هتحتاجيها. ريم خافت وسكتت. عند بيت ريم. إسلام بيلبس هدومه ونازل: بص، أنا هنزل أسأل عليها في السنتر، يمكن رجعت تاني أو نسيت حاجة وراحت تجيبها، ولو جات رني عليا، وقوليلي، وخلي بالك من ماما وطمنيها، لحسن يحصلها حاجة.

نرمين بقلق: إن شاء الله تلقيها أو هي ترجع بإذن الله، وماما دي في عيني، خلي بالك من نفسك. إسلام بحزن: حاضر، يلا سلام. نرمين: يلا سلام. ونزل إسلام، ونرمين دخلت أوضتها، وكانت مامت ريم قاعدة منهارة من العياط. نرمين بشفقة وحزن: خلاص يا ماما، إسلام راح يشوفها، وإن شاء الله هيرجع بيها. وأكملت بمرح: ثم ماكنتش كام ساعة إلا اتأخرت، تلقيها قاعدة بتشرب عصير مانجا ومقضيها، بس انتي بس ادعيلها.

مريم والدموع على خدها: يابنتي دي عمرها متأخرت كده، واللهي لو حصلها حاجة أنا مش هتحمل، وهروح وراها على طول. نرمين بحزن: بعد الشر عنك وعنها، متتفوليش عليها، إن شاء الله خير. مريم: إن شاء الله يا حبيبتي. عند ريم. أوقف كنان السيارة أمام قصر غاية في الروعة والرقي والفخامة، لا تستطيع الكلمات أن توصفه. ونزل وفتح باب العربية وبيشد ريم من إيدها السليمة. ريم

بتبعد وخايفة وبتعيط جامد: لا ونبي، أنا أنا عايزة أروح، ونبي سبني، أنا مش عملت حاجة. كنان وبكل برود كانه مسمعش حاجة، شدها وأخدها من العربية، وأمر الحرس إنهم يركنوها، وشايل ريم وريم بتعيط وخايفة جداً. طلع بيها الجناح بتاعه، ورمها على الكنبة، وقال وهو بيقرب منها: ...