رواية طفلتي الفصل العاشر 10 - بقلم ولاء ابراهيمحميع الفصول)

رعد للدرجة دي مش عايز بنتك وبيبيعها كده؟ سمير: أنا لو عليا مش عايز أبعدها عن حضني، بس ده غصب عني وأنا خايف عليها، فأنتم هتخلوا بالكم منها. رعد: ليه يعني، في إيه مالك يا أونكل؟ سمير: هقولك. في المطبخ. سحر: رودي. رودي: نعم. سحر: ظبطي نفسك وافردي شعرك وخرجي القهوة دي. رودي: ليه يعني؟ سحر: في واحد بره مز كده، طلعيله القهوة. رودي: وليه يعني؟ سحر: باين عليه غني يا بت. رودي: طيب. سحر: اعملي زي ما بتسهري مع صحابك.

رودي: حاضر. عند رعد وسمير. رعد: خلاص يا أونكل، متخافش عليها، إحنا هنحافظ عليها، متخافش، وقت ما تبقى عايز تشوفها كلمني وقولي، وأنا أجبهالك. سمير: ماشي يا ابني، وأنا هكلمها وأقولها على اللي قولته. رودي: اتفضل القهوة. رعد: متشكر. رودي: حاسة إني شوفتك قبل كده. سمير: ده رعد الهواري، أكبر رجل أعمال، أكيد شوفتيه في الجرنان. رودي: بس أنا مش بقرا جرنان. رعد: عرفتك، ممكن تكوني شوفتيني في المكان اللي بتسهري فيه كل يوم مع صحابك.

رودي: آه، بس أنت بطلت تيجي. رعد: تبت، عقبالك. رودي: عن إذنكم. سمير: اتفضل. رعد: استأذن أنا بقى. سمير: اشرب القهوة. رعد: المرة الجاية نشربها شربات. سمير: إن شاء الله يا ابني. رعد: مع السلامة. سمير: مع السلامة يا ابني. رعد مشي. سحر: هو الشاب ده كان عايز إيه؟ سمير: ابن خالة تاج. سحر: وهو مجابهاش معاه ليه؟ سمير: أصل جدتها عايزها تقعد معاها، ولما تاج تزهق تبقى تيجي بيت أبوها، مفتوح لها. سحر: يعني تاج مش هتيجي دلوقتي؟

سمير: لا، هتيجي تزورني وتمشي، لإن جدتها محتاجاها، وكمان هتتجوز. سحر: هت، إيه؟ هتتجوز؟ تاج تتجوز؟ سمير: آه، هتتجوز. سحر: هتتجوز مين؟ ومين اللي بص لها ده؟ سمير: رعد الهواري، أكبر رجل أعمال. سحر: تاج تتجوز ده؟ سمير: آه. سحر بصوت واطي: مش هنيجي أبداً. ثانية واحدة يا تاج، الواد ده يبصلك، أنتِ. سمير: بتقولي إيه؟ سحر: بقول مبروك، وعقبال ما تفرح برودي. سمير: إن شاء الله. في فيلا. رعد وصل البيت ودخل سلم على نادية.

رعد: إيه نانا، عاملة إيه؟ نادية: الحمد لله، خلصت شغل بدر. رعد: آه خلصت، ورحت لي أونكل سمير. نادية: قالك إيه؟ رعد: مقليش حاجة، هو وافق عشان بس عرف إن مراته مستنيها، تاج ترجع هتبهدله. نادية: هيا الولية دي مش مريحة خالص. رعد: فكك منها، فين تاج؟ نادية: تاج من بعد ما أنت مشيت وهي طلعت وكانت مصدعة. رعد: ده من بدري، طب هي نايمة ولا صاحية؟ نادية: مش عارفة. رعد: طب يا نانا، سايبها كده؟

صحيها، ده أنا كلمتها ولما ادتني رقم ولدها كانت بتقول تعبانة. نادية: حاضر، هخلي أم ياسين تطلع تصحيها. رعد: وأنا هطلع أغير هدومي. نادية: أم ياسين، اطلعي صحي تاج. أم ياسين: حاضر. أم ياسين خبطت على الباب ودخلت. أم ياسين: تاج، يلا عشان تأكلي. تاج بتعب: أنا تعبانة معلش ومش هقدر أنزل. أم ياسين: إيه اللي تعبك؟ تاج: مش عارفة، جسمي وجعني أووي. أم ياسين حطت إيديها على وش تاج لقيتها سخنة.

أم ياسين: يالهوي، أنت سخنة أووي، استني أنادي نادية هانم. تاج بتعب: أنا هبقى كويسة، متقلقيش، تيته عليا. أم ياسين: لا، أنتِ تعبانة أووي. نزلت أم ياسين في المطبخ. أم ياسين: نادية هانم. نادية: نعم. أم ياسين: تاج سخنة أووي وجسمها بيتنفض. نادية بقلق: بجد؟ نادية طلعت تجري، رعد قبلها. رعد: في إيه؟ بتجري كده ليه؟ نادية: أم ياسين بتقول تاج سخنة أووي. رعد جري على أوضة تاج هو ونادية. رعد: مالك يا تاج؟ نادية قعدت

جنبها وخدتها في حضنها: مالك يا ماما؟ تاج بتعب: تعبانة أووي يا تيته، بردانه أووي. نادية: بردانه إيه؟ ده أنتِ جسمك مولع وجسمك بيتنفض. رعد: قومي تعالي أوديكي المستشفى. تاج: أنا هبقى كويسة، متخافش، هنام. رعد: أنتِ نايمة من بدري، نانا قومي غيريلها، وأنا هغير وأجي آخده. نادية: طيب. رعد دخل غير هدومه وبعدها نادية وتاج نزلوا، ركبوا العربية ورعد ساق بسرعة راحوا على المستشفى. رعد: عايز دكتورة بسرعة.

الاستقبال: طيب، ادخل الأوضة دي وهتجيلك دكتورة. دخلوا الأوضة وقعدوا. تاج: أنا بردانه يا تيته. رعد قلع الجاكت ولبسه لتاج وخدها في حضنه. رعد: أهدي، متتخافيش، أهدي، هتبقي كويسة. الدكتورة جات: في إيه؟ رعد: من الصبح وهي تعبانة ونايمة مش راضية تقوم، بتترعش زي ما حضرتك شايفه. الدكتورة: تقربلها إيه؟ رعد: ابن خالتها. الدكتورة: طب ممكن بره أكشف عليها؟ رعد بص على تاج وبعدها بص على الدكتورة: حاضر. نادية: طمنيني عليها يا دكتورة.

الدكتورة: متقلقيش، هي أكلت من امتى؟ نادية: من الساعة 9، من ساعة الفطار. الدكتورة: هركبلها محلول. الدكتورة خرجت: متقلقش يا فندم، هتبقى كويسة. رعد: هي كانت قاعدة الصبح كويس ومفيش حاجة. الدكتورة: متقلقش، هي يمكن أخدت شاور وبعدها نزلت قعدت قدام التكيف، عشان كده سخنت، بس هتبقى كويسة، أنا ركبتلها محلول، وبعد ما تخلص هنشوف درجة الحرارة. رعد: هي هتبات؟ الدكتورة: آه، المحاليل كتير، فاللازم تبات. رعد: ماشي.

الدكتورة: ألف سلامة. رعد: الله يسلمك. رعد دخل الأوضة لقى تاج نايمة ونادية قاعدة جنبها. رعد: طمنيني، السخنية نزلت؟ نادية: لسه، بس الرعشة هديت. رعد: طيب، إن شاء الله خير، مش هتاكلي؟ نادية: مليش نفس. رعد: هتبقي بخير يا نانا، متخافيش. نادية: خايفة عليها يا رعد. رعد: هتبقى كويسة. نادية: يارب. اقعدي هنا على الكنبة، وأنا هفضل هنا جنبها عشان السخنية دي. رعد: لا، تعالي أنتِ اقعدي هنا عشان جسمك، هتتعبي، أنا هقعد على الكرسي.

نادية: طيب يا حبيبي. رعد فضل قاعد طول الليل ومش عارف ينام، وكل شوية يحط إيده على دماغ تاج يشوف السخنية نزلت ولا لسه. ونادية نامت. تاني يوم الصبح في المستشفى. رعد صاحي، دخل الحمام غسل وشه وطلع، بص على تاج لقى السخنية نزلت شوية. رعد: الحمد لله، ربنا يشفيكي يا حبيبتي ومشوفش أي حاجة وحشة فيكي. نادية صحيت. نادية: إيه يا رعد، تاج عاملة إيه دلوقتي؟ رعد: السخنية نزلت شوية. نادية: طب الحمد لله، إيه مش هتروح الشغل يا حبيبي؟

رعد: شغل إيه؟ لما أطمن على تاج هبقى أشوف الشغل. نادية: متقلقيش، هتبقى كويسة، بس روح شغلك. رعد: لا، مش هسيبها غير لما أروحها البيت. نادية: دماغك ناشفة، أنا هدخل أغسل وشي وأتوضى وأصلي. رعد: ماشي، براحة وأنتِ داخلة. رعد حط الكرسي جنب السرير وفضل ماسك إيد تاج ويبصلها. رعد في سره: جميلة جداً وأنتِ نايمة، ملامحك زي الأطفال أووي، بريئة وأنتِ نايمة، ربنا يشفيكي يا حبيبتي. تاج حركة إيديها وفتحت عينيها بتعب. تاج: تيته.

رعد: أنا جنبك يا تاج. تاج: هو في إيه؟ وإيه الحاجات دي كلها؟ رعد: مفيش، ده محلول، شوية وهيخلصه، والدكتورة هتيجي. تاج: هي فين تيته؟ رعد: في الحمام. تاج: أنا عطشانة أووي. رعد: طب قومي اتعدلي. تاج اتعدلت وشربت، ونادية خرجت. نادية: تاج، أنتِ كويسة؟ تاج: آه، شوية. نادية: قلقتيني عليكي. تاج: أنا آسفة، بس عادي، أنا كنت هبقى كويسة، يعني مش لازم المستشفى. رعد: لا، لازم، أنتِ كنتِ تعبانة جداً امبارح، كنتِ سخنة مولعة.

تاج: الحمد لله، دلوقتي أحسن. نادية: الحمد لله، هروح أصلي وأجيلكم تاني. رعد: ماشي يا حبيبتي.