رواية طفلتي الفصل التاسع 9 - بقلم ولاء ابراهيمحميع الفصول)

سمير اتعصب جداً من اللي سمعُه. سمير: عز اوعى تقول الكلام ده تاني. عز: ماشي حاضر بس أنت اوعى تقول لماما. سمير: لا متخافش مش هقول لحد خالص. عز باس سمير من خده: ماشي يا بابا تصبح على خير. سمير: وأنت من أهله.

سمير قاعد ومش عارف يعمل إيه وهو عارف إن تاج هتيجي بكرة بس أنا مقدرش أكلم جدتها أقولها خلي تاج عندك هتقول مصدق ولا إيه أنا غلطان إني اتجوزتك يا سحر المعاملة كانت في الأول حلوة ومكنتيش كده فعلاً بقيتي زفت ربنا يهديكي ويبعدك عن بنتي يا رب. سحر: إيه قاعد يعني مش هتنام. سمير: هدخل هنام أهو. سحر: هي بنتك هتيجي إمتى مش كفاية كده. سمير: لما هي تكلمني وتقولي تعالي يا بابا خدني هقولها ماشي. سحر: وأنا تعبت من شغل البيت.

سمير: شيلي عنها شوية بقى. سحر: وأنا إيه اللي يغصبني أعمل كده. سمير: أه شكلك كده عايزة ترجعي أهلك وحشوكي صح. سحر: قصدك إيه يعني. سمير: اللي أنتي فاهماه هو ده قصدي لو لقيتك بقى زي الزفت كده وقرفاني هرجعك أنتي وبنتك تاني بيت أهلك. سحر: دلوقتي بنتي مش دي اللي كانت حبيبتك وبنتي. سمير: إحنا الاتنين كنا كده مثلنا على بعض وأنتي كنت ممثلة جامد إني بنتي هي بنتك. سحر: ماشي يا سمير أنا مش هتكلم دلوقتي.

سحر دخلت أوضتها وسمير هو كمان. تاني يوم في فيلا رعد. عند تاج صحيت أخدت شور وغيرت هدومها ولبست ترنج تيجر وكان حلو فيها وعملت كحكة لفوق ونزلت قُصّة وفضلت قاعدة. تاج: أنا قولت هو مش بيحبني أنا أخته مش أكتر هو أكيد لما يبص أكيد هيبص على واحدة متعلمة واحدة حلوة وبتهتم بنفسها مش زي متمرمطة كده شيلي رعد من دماغك يا تاج. في أوضة رعد غيّر ولبس بدلة كحلي وحط برفانه ولبس ساعته ونزل. نادية: إيه العسل ده.

رعد باس راس نادية: أنتي اللي عسل. نادية: هتفطر. رعد وعينه بدور على تاج: هاا أه. نادية: لسه منزلتش. رعد: ليه. نادية: تلاقيها لسه نايمة. رعد: يعني مش هشوفها. نادية: هخلي أم ياسين تنادي عليها. رعد: ماشي. أم ياسين بتخبط على الباب. تاج: اتفضلي. أم ياسين: نادية هانم بتقولك يلا عشان تفطري. تاج: هما لسه مفطروش. أم ياسين: لسه يا هانم. تاج: بلاش هانم أنا زي بنتك. أم ياسين: ماشي. تاج: هو رعد تحت. أم ياسين: أيوه.

تاج: قوليلهم مش عايزة تفطر ولا أقولك قوليلهم نايمة. أم ياسين: ماشي. تاج: ولا أقولك قوليلهم مش عايزة تفطر دلوقتي. أم ياسين: حاضر يا بنتي. نزلت أم ياسين: بتقول مش عايزة تفطر دلوقتي. نادية: ده ليه هي لسه صاحية. أم ياسين: لا هي كانت قاعدة وصاحية من بدري باين. رعد: هي عرفت إني هنا. أم ياسين: أه سالتني عليك. رعد ضحك: خلاص روحي أنتي حضري الفطار. نادية: طب إيه. رعد: هطلع أنا أجيبها. نادية: رعد مضايقاش. رعد: مقدرش.

رعد طلع وخبط على الباب. تاج أكيد تيته: ادخل. رعد دخل لقاها قاعدة على السرير. رعد: مش عايزة تنزلي تفطري ليه. تاج: عادي لسه صاحية ومليش نفس أفطر دلوقتي. رعد: يلا يا تاج ننزل نفطر مش عايز أتأخر ورايا شغل. تاج: مقولتلكش أتأخر انزل أفطر وروح شغلك. رعد: والله تاج يالا. تاج: مش عايزة أفطر هو غصب. رعد: أه غصب يالا. تاج بصوت عالي: أنا قولت مش عايزة أكل. رعد مسك إيد تاج ومحسش بنفسه وضغط عليها.

تاج خافت ودموعها نزلت: رعد أنت بتوجعني. رعد: يالا عشان ننزل. تاج بدموع كتير: إيدي وجعتني. رعد خد باله إنه ماسك إيديها جامد وشالها. رعد بلهفة: آسف والله ما قصدش مكنتش واخد بالي إني ضغط على إيدك. تاج بدموع: أنت وجعتني إيدي وأنا كنت محروقة فيها. رعد: آسف والله ما قصدش. تاج مش بترد عليه. رعد قعد قصدها وخدها في حضنه. رعد: خلاص آسف أنا مش بحب أشوفك بتعيطي قلبي بوجعني لما بتعيطي. تاج: خلاص يا رعد مفيش حاجة أنا هنام شوية.

رعد: لو فعلاً مش زعلانة مني انزلي أفطري معايا. تاج: مش جعانة. رعد: يالا بقى أنا كده هلغي خروجة بكرة. تاج: عادي مش عايزة أخرج هخلي تيته تيجي تخرجني. رعد: بطلي تقل بقى يالا مش هفطر ولا هاكل خالص لو مش هتكلي معايا. رعد مسك إيديها بس براحة وشدها: يالا هننزل نفطر عندي مقابلة مهمة. تاج: أه باين مقابلة بنت عشان متشيك. رعد: هي فعلاً بنت بس ليه بتغيري. تاج: هـ. هاا لـ. لا طبعاً.

رعد قرب على تاج وكان أنفسهم قريبة من بعض بس تاج مكنتش عارفة تاخد نفسها وكان دقات قلبها سريعة. رعد: باين عليكي بس هي مش بنت ده راجل وصح كان باين عليكي الغيرة أمبارح وأنا بكلم يارا. تاج بتوهان: وهي مين يارا دي. رعد: واحدة زميلتي بس متخافيش مش بحبها خلي قلبك يطمن مفيش حد هنا. وشاور على قلبه غير تاج. تاج: بجد أنت بتحبني. رعد: كلمة بحبك قليلة على اللي في قلبي من ناحيتك. رعد ساب تاج ونزل.

تاج غمضت عينيها وخدت نفسها وكانت مبسوطة. تاج نزلت لقيتهم قاعدين على السفرة. تاج: صباح الخير. الكل: صباح النور. نادية: إيه يا حبيبتي مش عايزة تنزلي ليه. تاج: أـ. أصل مش جعانة. نادية: ليه زهقتي مننا. تاج: لا يا تيته. نادية: رعد كلم سمير عرفه إن تاج هتقعد معانا. رعد: أنا ريحله بس هخلص الشغل. تاج: أشمعنا. رعد: لازم لما أطلب من حد حاجة بروحله لحد عنده. نادية: ماشي يا حبيبي. رعد: أنا همشي عن إذنكم. نادية: أنت كده كلت.

رعد بص على تاج: أنا أصلاً شبعت من بدري وغمز لتاج. تاج اتكسفت وبصت بعيد. رعد: يلا باي. نادية: مع السلامة يا حبيبي. نادية: كلي يا تاج. تاج: ها حاضر. نادية: مالك. تاج: تعبانة شوية صاحية مصدعة. نادية: طب كلي وهجبلك حاجة تخديها للصداع. تاج: ماشي. رعد راح الشركة. رعد: عايزك يا سهام في مكتبي. سهام خبطت على الباب. سهام: تحت أمرك يا فندم. رعد: متزعليش إني زعقت فيكي أمبارح وفعلاً الملف كان معايا.

سهام: لا يا فندم أنا مش زعلانة والله بس أنا اضايقت إني مكنتش لاقياه الملف. رعد: خلاص لقيته. سهام: طب الحمدلله. رعد: أه ابعتيلي أحمد وقهوتي. سهام: حاضر عن إذنك. سهام: أستاذ أحمد كلم رعد بيه. أحمد: ماشي جاي. أحمد خبط على الباب. رعد: اتفضل. أحمد: صباح الخير يا فندم. رعد: صباح النور رجعت الملفات. أحمد: أه حضرتك عملت إيه في الملف الأخير دول هيجو بعد نص ساعة.

رعد: لا لقيته ومترجعش كمان حضرهم بقى لحد ميجوا ونشوف البرمجة دي لما هما يجوا. أحمد: ماشي تؤمر بحاجة تانية. رعد: لا شكراً. أحمد: عن إذنك. في الفيلا. تاج: تيته أنا تعبانة هطلع أريح شوية. نادية: أنتي لسه تعبانة يا تاج. تاج: شوية يمكن أمبارح لما طلعت فضلت قاعدة وبعدها نمت يمكن قلت نوم. نادية: طب روحي ريحي شوية ولو تعبتي التلفون الأرضي جنبك رني عليا هاجيلك. تاج بتعب: حاضر عن إذنك. تاج طلعت وريحت على السرير.

في الشركة رعد خلص الاجتماع. ودخل مكتبه. رعد ماسك تلفون وفتح الصور وجاب الصور اللي اتصوروها في النادي وهو تاج وجدته وفضل يبص على تاج. وقال: وحشتيني أوي لسه سايبك بس وحشاني. رعد رن على حد. رعد: الوو إيه يا تاج. تاج: مين. رعد: أنا رعد أنتي قاعدة فوق يعني. تاج: مفيش تعبانة شوية وطلعت قولت أنام. رعد بقلق: مالك يا تاج إيه اللي تعبك. تاج: صداع بس وهبقى كويسة متخافش. رعد: طب أنا عايز رقم ولدك والعنوان.

تاج: تيته اللي تعرف العنوان أنا ممكن أديكي رقمه. رعد: طب هاتي الرقم واكلمه أشوفوا في البيت ولا لا. تاج: ماشي اكتب الرقم *********** رعد. رعد: نعم. تاج: متشدش مع بابا ومتبقاش عصبي. رعد: حاضر متخافيش. تاج: باي. رعد: باي. رعد رن على سمير. سمير: الوو سلام عليكم. رعد: عليكم السلام يا أونكل. سمير: مين معايا. رعد: أنا رعد الهواري تعرفني. سمير: اسم الهواري مش غريب عليا يا ابني. رعد: أنا ابن أخت خالتو حنان.

سمير: أنت ابن سماح. رعد: أيوه أنا إزيك حضرتك. سمير: بخير يا ابني أنت عامل إيه. رعد: الحمدلله بخير ممكن أقبلك أو تقولي العنوان وأجيلك. سمير: عادي أجيلك أنا يا ابني. رعد: لا ميصحش أنا اللي عايزك وهجيلك. سمير: هي تاج فيها حاجة. رعد: لا هي بخير أنا عايزك بس. سمير: طيب يا ابني. سمير قاله على العنوان وقفل مع رعد. رعد نزل ركب عربيته وراح عند بيت سمير. رعد: سلام عليكم. سمير: عليكم السلام اتفضل يا ابني. سمير: سحر يا سحر.

سحر: نعم. سمير: هاتي حاجة لرعد يشربها. سحر: عنية حاضر تشرب إيه. رعد بقرف: لا شكراً هو أنتي سحر. سحر: أه في حاجة. رعد: لا عايز أتكلم مع أونكل سمير شوية. سمير: أنت كده هتزعلني طيب اشرب حاجة. رعد: ممكن قهوة مظبوطة بتعرفي تعمليها يا مدام أصل اللي عرفته إن تاج كانت بتعمل كل حاجة هنا. سحر: وأنت تعرفها منين. رعد: حاجة متخصكيش. سمير: روحي يا سحر اعملي القهوة. سحر: طيب. سمير: إيه يا ابني في إيه. رعد: أنا ممكن أطلب منك طلب.

سمير: اطلب يا ابني. رعد: تاج هتقعد عندنا وأنا مش قاعد لوحدي أنا قاعد مع جدتي وبصراحة تاج حكتلنا اللي بيحصل هنا واللي المدام كانت بتعملُه فيها والضرب وهي تعبت. وتيته مش موافقة ترجعها تاني فا طلبت مني أكلمك بس أنا قولت أجيلك وكمان تاج مش عايزاها ترجع هي بتحبك وكانت بتقول خايفة بابا يزعل فا لازم أرجع بس أنا قو... سمير قاطع كلام رعد: بص يا ابني أنا مش عايز تاج ترجع هنا أساساً. رعد: الدرجة دي مش عايز بنتك بيعها كده....