رواية طفلي الصغير الفصل العاشر 10 - بقلم هدير عبد العليم

يمنى بابتسامة: موافقة على الجواز. أيمن بدهشة واستفهام: جواز؟ يمنى بابتسامة: خلاص طالما نسيت أنا مش موافقة. أيمن بهدوء: نسيت أي دا أنتِ طلعتي عيني علشان توافقي. يمنى بقوة: بس فيه شرط. أيمن: اتفضلي يا ستي. يمنى: ولادي هيكونوا معايا. أيمن بابتسامة: أكيد طبعاً، مش أنا الشخص اللي هيبعد ولادك عنك، هما ولادي أنا كمان. يمنى بسعادة: ربنا يعزك. شيماء جاية بسرعة: يمنى يمنى زين بقا كويس.

يمنى جريت بسرعة على غرفة العمليات بس زين مكنش فيها. شيماء: عمالة أقولك مش في العمليات وأنتِ مش مركزة معايا. يمنى بلهفة: هو فين؟ شيماء: في غرفة 15. يمنى بسرعة كانت في غرفة 15 قدام زين: يا زين أنا مش همشي تاني هكون جنبك عالطول. زين بسعادة: بجد؟ يمنى بفرحة وحنان: آه هنكون ديما مع بعض. حسام بعصبية: حرام عليكي، أنا عمال ألف عليكي المستشفى كلها، كنتِ فين يا يمنى؟ يمنى بابتسامة: أنا الحمد لله كويسة، طالما زين كويس.

حسام: طب يلا بقا، اطمنتي على زين أهو. زين بحزن: هتمشي تاني؟ يمنى: معلش يا حسام لازم أفضل موجودة النهاردة جنب زين. حسام بدون فهم: ليه؟ يمنى: حكاية طويلة أوي، لما أرجع البيت هقولك كل حاجة بالتفاصيل، ممكن تأخد شيماء وتمشوا أنتوا. شيماء بغيظ ورفع حاجب ليمنى: أنا هقعد عندي شغلي. يمنى: آه نسيت إنك مش عايزة تمشي مع حسام. شيماء بعصبية: يمنى ركزي في كلامك. يمنى: عكيت الدنيا صح؟ شيماء بزعل: تقريباً.

يمنى: معلش مبسوطة برجوع زين، ومش مركزة. شيماء: حصل خير. يمنى: بالله عليكي مش عايزكِ تزعلي، حسام امشي أنت عشان تريح جاي من السفر تعبان وأنا هركب أوبر وأنا جاية إن شاء الله. حسام: خلاص تمام، هستناكي في البيت. يمنى: تمام متحرمش منك ياربي. حسام: حبيبتي، سلام. شيماء بعيظ: أنا هنزل أركب وأمشي لأني ساعتين وهرجع تاني على المستشفى للأسف. يمنى: بالله عليكي بلاش زعل، أكيد حسام فاهم إني أقصد أنه يوصلك مش أكتر.

شيماء: خلاص والله حصل خير. يمنى: نسيت أقولك فيه خبر حلو، أنا هتجوز أيمن. شيماء بسعادة: بجد؟ يمنى بتردد: يعني لسه بفكر، بس قولته إن أهم شرط ولادي يكونوا معايا. شيماء: وهو أكيد وافق، لأنه قالي كده من الأول. يمنى بضحك: حصل. أيمن بيخبط على الباب: أدخل؟ شيماء: آه اتفضل. أيمن: أنا جبت أكل، عارف أكيد تعبناكم النهاردة.

شيماء بضحك: يمنى بالنسبة ليها عادي مفيش تعب لأنها لسه مش واخدة شغل جامد في المستشفى، أنا المفروض الساعتين دول البريك بتاعي، أعيط يعني بس يلا كله يهون في سبيل زين حبيبي. أيمن: والله مش عارف من غيركم كنت عملت أي. يمنى بضحك: أنا جعانة يلا نأكل. شيماء بضحك وصوت واطي: والله أنتِ مش بتتكسفي. يمنى: أنا مش هرد. بعد خروج زين من المستشفى شيماء: يمنى كنت عايزة أكلمك في حاجة كده لو فاضية.

يمنى بقلق: لو مش فاضية أفضي نفسي عشانك، هو أنا عندي أغلى منك. شيماء بابتسامة: لا بلاش قلق دا خبر حلو. يمنى: أي قولى بسرعة. شيماء: مامتك كلمتني النهاردة. يمنى بابتسامة: مامااا؟ طب ما هي طول عمرها بتكلمك، أي الجديد؟ شيماء بسعادة: بتكلمني عشان أقولك إن البشمهندس عايز يفرح ويعمل الفرح، وبصراحة مفيش أجمل من كده، عايزين نفرح بقا. يمنى بضحك: طب هي بتكلمك أنتِ ليه؟ شيماء بضحك: عشان أنا صحبتك يعني، وهعرف أقنعك المفروض.

يمنى بدهشة: بتتكلم بجد؟ شيماء بصدق: آه والله. يمنى بعصبية: لا هيكون بعد فترة أكون عدلت كذا حاجة في حياتي، هو أي يوم وخلاص. شيماء: ماشي يا ستي ألف مبروووك. يمنى: الله يبارك فيكِ. بعد فترة أيمن بسعادة: الأسبوع الجاي الفرح، الواحد مش مصدق بجد. يمنى بابتسامة وكسوف: أخيراً، بس كنت عايزة أقولك إني مش هعمل فرح. أيمن بحزن: أي، مش فاهم تقصدى أي. يمنى: يعني حابة حياتنا تبدأ بهدوء، ممكن نسافر كلنا أنا وأنت وولادنا.

أيمن بنظرة كلها حب: دا أحسن قرار. يمنى بابتسامة: يعني أنت موافق؟ أيمن بسعادة: أكيد موافق، أزيك يا ليلى عاملة إيه، شوفي جبتلك أي. ليلى: الله يسلمك يا عمو ودخلت على جوا. أيمن: هي ليلى ماله؟ يمنى: