رواية طفلي الصغير الفصل التاسع 9 - بقلم هدير عبد العليم

شيماء بحزن وعصبية: يمنى فين؟ تيتة بدهشة وقلق: لان الوقت متأخر، الغريب إن شيماء جاية بتعيط. شيماء: جوا في أي؟ تيتة: ممكن حضرتك تقوليها إني هنا؟ شيماء: حصل حاجة بينك وبين يمنى في المستشفى؟ يمنى باستغراب وهي جاية بسرعة من جوا: لا مفيش حاجة، إحنا حتى جايين مع بعض من المستشفى. إنتِ كويسة؟ في أي؟ شيماء بدموع وتنهيدة: زين تعب يا يمنى. يمنى بخوف: إيه؟ قصدي تعب ليه ماله؟

شيماء بقلق: أنا مش عارفة بالظبط هو ماله، لكن أبوه اتصل بيكي كتير مش بتردي. كلمني عشان أكلمك وبرضه مش بتردي، قولت أعدي عليكي ونروح نشوف فيه إيه. يمنى بسرعة كانت جهزت نفسها عشان أنزل أطمن على زين. حسام باستغراب: في إيه طيب؟ ومين زين؟ يمنى بتوتر: دا طفل كان عندي في المستشفى وأنا اللي كنت متابعة حالته وكده، ف لازم أروح أشوفه. حسام: تمام، يلا هننزل معاكم، الوقت اتأخر. شيماء: مش لازم حضرتك تتعب نفسك يعني.

حسام: ولا تعب ولا حاجة. يمنى: تمام، يلا بسرعة بس. في المستشفى. يمنى بتوجه الكلام لأيمن بحزن: هو فين؟ أيمن بخوف ودموع: تفتكري هتعدي المرة دي كمان. يمنى باستغراب: هو إيه اللي هيعدي؟ زين فين؟ أيمن بقلق: زين تعبان أوي يا يمنى، عموماً هو في العمليات. يمنى بدموع وخوف: عمليااات؟ بسرعة كنت في غرفة العمليات. يمنى: هو فيه إيه؟! عنده إيه؟! إيه اللي حصل؟ دكتور إبراهيم رد عليا! إبراهيم: إنتِ عارفه؟

يمنى: آه، دا زين، تعب هنا قبل كده وأنا اللي كنت متابعة الحالة. إبراهيم: تقريباً عنده التهابات في المعدة، بس هو دلوقتي التنفس مش منتظم، ف لازم يكون تحت جهاز التنفس، بس متقلقيش، إن شاء الله هيكون كويس. يمنى بدموع: يارب يكون كويس. إبراهيم: هو حضرتك بتعيطي؟ مكنش لازم تنزلي غير لما ترتاحي شوية من التعب. يمنى: لا عادي، أنا كويسة، بس أنا بحب زين أوي. إبراهيم: إن شاء الله خير، هو كويس. يمنى: هخرج أطمن أبوه. إبراهيم: تمام.

أيمن باستسلام: أكيد لا، التعب قدر. يمنى: زين تعب لما عرف إني مش هعيش معاه صح؟ أصعب عقاب ممكن تعمله لحد إنك تبعده عن شخص بيحبه، وأنا بعدت. أيمن بتكشيرة: مش عارف، هو عامل إيه دلوقتي؟ يمنى: كويس الحمد لله، مع دكتور إبراهيم. شيماء: يمنى ممكن تيجي ترتاحي وأنا هتعقم وأدخل لدكتور إبراهيم. يمنى: آه ياريت، وابقى تعالي طمنيني. في الاستراحة. يمنى: معلش يا حسام ممكن تخليك هنا دقيقة. حسام: رايحة فين؟

يمنى: دقيقة، جاية دلوقتي، بسرعة مشيت عند أيمن. يا أيمن. أيمن بدهشة لأني أول مرة أقوله باسمه: بتكلميني؟ يمنى: آه، أنا موافقة على الجواز بشرط..