رواية طفلي الصغير الفصل الحادي عشر 11 - بقلم هدير عبد العليم

أيمن باستفهام وقلق: حسن، يكون عمل حاجة زعلت ليلى؟ هي ليلى ماله؟ يمنى بهدوء: متشغلش بالك، ليلى ساعة بتهزر وساعة مكشرة. أيمن: هي زعلانة مني في حاجة؟ يمنى بهدوء: صدقني لأ، هي ليلى ممكن تقفل مرة واحدة كده، بابتسامة هرمونات بنات. أيمن بسرعة: لا طبعاً إزاي مشغلش بالي؟ فيه حد جوا معاها؟ يمنى: لأ، هي لوحدها. أيمن يستأذن: ممكن أدخلها؟ يمنى: أكيد طبعاً، اتفضل، عقبال ما أخلص الأكل مع ماما في المطبخ.

أيمن يخبط على باب الأوضة: ممكن أدخل؟ ليلى بتكشيرة: عايز إيه؟ أيمن باستغراب: عايز إيه؟ بابتسامة: عايز أقعد معاكي ممكن؟ ليلى بنفس عميق فيه حزن: آه. أيمن: إيه بقا مالك؟ ليلى بابتسامة ساذجة: بتسأل؟ أيمن بخوف: أنا زعلتك؟ ليلى بحزن: حضرتك هتاخد ماما مننا صح؟ وهتكون ليك أنت ومش هنشوفها صح؟ أيمن بقلق: مين قال كده؟ إنتوا هتعيشوا معانا في نفس البيت. ليلى: وبعد فترة هنرجع تاني عند تيته صح؟

زي ما كل الناس بتقول، ما هو أنت مش هتستحمل تلات عيال غير عيالك، ده طبيعي يعني. أيمن بابتسامة: إنتوا ولادي زي ما إنتوا ولاد يمنى، وأنا بحب يمنى يبقى لازم أخاف على ولادها وأحافظ عليهم، ولا إيه؟ لما واحد بيحب واحدة بيحب كل حاجة هي بتحبها وبيخاف من إن أي حاجة تزعلها. ليلى برفع حاجب: إيه؟ بتحب إيه؟ أيمن بضحك: أقصد إني هتجوز يمنى اللي هي مامتك صح؟

يبقى أكيد مش هينفع أخليها تبعد عنكم، لأنها سبب كبير إنها تحافظ على زين وكمان يارا بتحبها أوي. ليلى: يعني بجد إحنا هنفضل موجودين مع ماما؟ أيمن: أكيد طبعاً. ليلى: ربنا يخليك يا عمو يارب. أيمن: وبحبكم كلكم زي ما بحب ولادي، ويعلم ربنا إني هحافظ عليكم. المهم شوفي جبتلك إيه. ليلى: إيه؟ أيمن: شوكولاتة كتير وهدية صغيرة علشان عيونك الجميلة. ليلى بسعادة: ربنا يخليك يا عمو.

يمنى: كل ده كلام، كفاية، تعالوا نقعد بره مع ماما لحد ما حسام ييجي علشان نأكل. أيمن: فين سليم ومريم؟ يمنى: في الأوضة التانية. أيمن: خليهم ييجوا ياخدوا الهدايا بتاعتهم. يمنى برفع حاجب وضحك: أنا مليش هدية؟ أيمن بضحك: أحلى هدية ليكي طبعاً، أنا أقدر، يارب ذوقي يعجبك. يمنى: دا خاتم فضة كنت نفسي فيه أوي. أيمن: هشوف سليم ومريم في الأوضة التانية. يمنى: تمام.

أيمن: فرح ولادي وده فرحني أوي إنه بيفكر فيهم قبل ما يفكر فيا، دي أجمل حاجة. يمنى: العيال فرحوا بالهدايا أوي، ربنا يخليك لينا. أيمن: دي أقل حاجة. يمنى معلش كنت عايز أقولك على حاجة بس... يمنى فهمت إنه مش عايز يتكلم قدام حد: أيمن تعالى نكتب الورق ده مع بعض. أيمن: فرحت إنك فهمتي قصدي من غير ما أتكلم، وحسيتي إني عايز أكلمك لوحدنا. يمنى بابتسامة: اتفضل يا عم، عايز تقول إيه؟ أيمن: ...